點心皇 (已結業)

主打經典港式小吃，即叫即蒸的方式保證了小吃的新鮮度，深受食客的喜愛。出品優質，粒粒飽滿的燒賣，蓬松軟綿的迷你馬拉糕，每樣點心都能看得出是用了心思的，是清新健康的不二選擇。最推薦叉燒粉腸，粉皮晶瑩如雪、滑嫩細膩的賣相便已十分誘人，入口更是鮮香四溢，綿柔中不失韌勁，令人一吃難忘。

香港人工作壓力大生活繁忙，通常都冇乜時間可以一盅兩件，最主要都係食快餐，所以可以歎到一盅兩件，真係心情都好啲，而我從小到大，都有放假去飲茶嘅習慣，所以食點心心對我嚟講，係一件開心嘅事，飲住一壺茶葉沖嘅茶，慢慢享受一盅兩件嘅感覺，真係好有閑舒適，而且對很多香港人都有難以忘懷的情意結，雖然入邊裝修就普普通通，不過勝在地方闊落，坐得舒舒服服，而裝修方面，比較貼近快餐店嘅形式，畀完錢自己走去排隊攞點心，還有凍飲可以選擇

今日去天后食下午茶，心癮起想食點心，我知這間食店服務劣評如潮，我本著大開眼界的精神，果然不負厚望。首先，我點了凍奶茶，結果來了凍檸茶。我點心紙選了下午茶孖寶和外加燒賣，結果係燒賣無黎。食店環境係非常嘈吵，嘈的不是食客，反而是店員。佢哋返工係好開心，大大聲傾計，玩 Whatsapp 又要用錄音功能，播 messages 又開到好大聲。佢哋真係當食客係一家人甘，一齊分享生活點滴。鮮竹卷好唔得，乾爭爭，腐皮太乾，所以好難嚼。牛肉球內裡唔知溝左啲咩皮定根，咬唔開，好很怪。我最重視的凍奶茶當然唔掂，太甜，而且黎錯左凍檸茶，攪到我以為係搭枱位食客點的。總評：大開眼界個 friend, no eye see

腸粉一夾起就爛開，碎碎開咁，味道好一般。流心包一咬其中一邊，成個爛開跣到周圍都係。點心平均＄20一籠，大大份，不過唔好味。如果純粹為咗塞飽個肚，呢個啱你。如果肯整到啲點心唔怕霉霉爛爛的話，都係一個可以去嘅地方。如果有其他選擇都唔好去，呢幾日都落大雨，所以求其搵間附近嘅嘢食下就算，見到呢間唔使排隊就入咗去。不過開野好似24小時營業，如果夜晚肚餓無得簡就去當塞飽個肚吧價錢一般，比街邊燒賣檔貴少少我寧願去街邊吉魚蛋食

基本食物質數同環境仍算倘好，下午茶餐吾算貴，但有時會等好耐先有得食，唯獨有個別服務員態度超差，面無笑容，語氣多怨，例如落單，改單，比錢等，好似乞佢咁，如有佢一日，我會永遠bad list 天后-點心皇！

心血來潮突然想食點心,甘岩經過見到有間點心皇就入去,餐牌款式算多,又有特價下午茶優惠, 但點知見到餐具上竟然有菜餘,已經印象大打折扣,感到不快,侍應態度一般,叫左個鳳爪 丶山竹牛肉同菜苗餃 ,鳳爪一望比平常既少肉,又太過瘦,肉部分又干, 食入口 完全無嫩口咬感,無平時酒樓食開風味。山竹牛肉 賣相唔錯,聞落幾香,可惜一咬,實太過焾,完全係無咬口感,可能本人中意有d口咬感。而最後菜苗餃,望落精瀅透緻,食落都唔錯既,入面包既料好足,多過茶樓果d到離場埋單,店員無同客人道謝,總結今次都係失望,就算服務唔夠好,連基本衛生都無,仲點可以享受個食物。

見係老店，由全盛時期到現時只剩一間咁近都未試過食，又見有我想食嘅野埋盡管試試。入到去發覺又唔係專門店點解粥嘅價錢仲貴過粥店不如返對面粥店食？選擇唔啱又覺得粥唔抵食所以選擇咗穩陣派食蒸飯，就係咁點咗個排骨飯，都等咗一段時間相信係即蒸謂有耐心等。終於有飯食，飯面好乾第一啖入口覺得有酸縮味，有懷疑再試又唔似壞但無蒸飯嘅香味，忍唔住不停索個飯，點知比老板娘見到我嘅舉動佢話係豆豉加梅子味。咁我帶住試吓相信老闆娘嘅心態食咗大部份幸好無事，希望佢地可以選過隻米同改善調味啦。我都會再去嘅，都一路見有客入去食，或許其他野食係有水準。。。。

朋友介紹說這家餐廳味道非常好，於是便慕名跑來試一下味。果然！朋友推薦的椒鹽豬排超超超好味的！份量不少，價格也非常合理。外賣總計只是$53。 雖然地方看起來挺小的，但環境還挺舒適。外賣也送老火湯，嘻嘻。以後一定多多幫襯。力推！！Great spot for all sorts of local dishes. Heard about this place from friends, who recommended the salt and chili pork. Had it recently and must say it is a great dish. Would come again for sure.

星期日晚周圍行，想平平地食餐飯於是去左食點心皇，環境一般，不過都坐得還可既，兩個人吃，我拍板叫了枝竹炆班腩、ＸＯ醬西芹炒豬頸肉，餐飲要了熱菜蜜。飯前會有中湯一小碗，飲得出是老火湯，是有南北杏同冬瓜，味道唔錯，幾開胃，之後大約十幾分鐘就會有菜上，枝竹炆班腩、ＸＯ醬西芹炒豬頸肉，會跟白飯，當中枝竹炆班腩都好夠味，好入味，不過ＸＯ醬西芹炒豬頸肉既豬頸肉比較偏咸，而且西芹好少，其實可以多Ｄ，同埋ＸＯ醬既味好少好少，個白飯都有改進的空間，最後有熱菜蜜，都係平時一般茶餐廳１樽樽開個Ｄ，都夠熱，幾好飲。以餐廳的各項服務同衛生都是一般般吧，但以價錢黎計，兩個人都是１０６蚊，又有餐湯、餐飲、主菜２個，加兩碗白飯，其實都真是好平民好抵食，而且我地坐整整４５分鐘都冇被人趕，可以慢慢吃，茶餐廳來計算係咁架啦。。。。。。。。

1、按店員要求調枱，為了方便其他客人，我受。2、調咗枱之後又唔跟進，單又俾錯，食物又俾錯。3、明明寫清楚轉炒蛋，兜口兜面講多次，店員哦咗之後一樣幫我落單落咗煎蛋，以為佢會同師傅講，點知嚟咗之後真係煎蛋，仲要全熟！4、食物到咗之後餐具又唔俾我要我自己攞！總結：76蚊嘅招呼真係冇得頂。唔夠字唔容許我評分！咁我在這𥚃俾「超劣」評，因為對我嚟講已經唔係第一次！

Came here at 2am for a meal after arriving home late from the airport. It is a great place for a good meal at any time of the day or night. Lots of tasty dim sum options!