點心籠 (已結業)

哩排啲酒樓都好高危又想食下點心, 一於試下哩間, 叫左鳳爪排骨飯, 黃金流心包, 黑白芝麻蝦多士, 香茜叉燒腸, 而且依家OpenRice外賣自取滿$100仲可以減$30都幾抵先講下黃金流心包, 我返到屋企雖然個包都已經凍凍地, 心知應該都唔會有流心效果, 但佢裡面都仲Cream Cream地, 而且味道都算濃郁, 我相信如果係現場食真係會好好多另外黑白芝麻蝦多士真係要讚一讚佢佢竟然仲好脆, 而且好多芝麻, 蝦肉亦算多, 有機會會再食多次, 而另外香茜叉燒腸裡面都幾多芫茜, 因本人唔食芫茜嘅關係, 所以一路食一路夾走啲芫茜, 覺得叉燒同芫茜都落足料, 叉燒又唔會過熟同好鞋, 比起出面哩個真心覺得幾好食最後鳳爪排骨飯其實係驚兩個人唔夠飽而叫嘅, 哩個就不過不失無咩特別, 排骨唔係好多, 整體覺得食物質素算唔錯, 而且我仲係外賣, 等疫情好返啲都想堂食再試下

This place is so good. Don’t be fooled by the unassuming local exterior — they take both their food and customers very seriously, and it has become my number one dim sum place in HK.Service: friendly, attentive, conscientious - all customers are provided with hand sanitizer upon arrival, and also given a paper bag to store their masks in. Eating utensils are packed individually, it really provides comfort and relief that the staff take hygiene precautions during the coronavirus pandemic. Food: W

同同事一齊外賣，十分好味！絕對有驚喜！依家因為經營困難，星期日都有開！午餐有55蚊或者50蚊優惠套餐，1個飯加1個點心，有嘢飲！好抵食！我就食咗花膠冬菇飯，超級大隻花膠，足足有近乎3隻咁多嘅花膠再加隻冬菇！另外我好鍾意距嘅馬拉糕，暫時係我食過最好味嘅頭三位，唔太甜之餘又唔會好削咁！夠挺身！另外最鍾意係超級有鍋氣嘅老乾媽炒粉！一食就知，好好味！鍋氣唔係講笑！誠意推薦！外賣仲可以入去嘆住冷氣等，堂食坐得舒服！

呢日個fd想飲個早茶，我即刻諗到點心籠~ yeah!!! 第二次嚟食，同多幾個人嚟食，真係可以食多好多唔同嘢~ 我地叫咗香濃芝士蝦春卷， 麻辣燒賣皇，老干媽醬炒腸粉，黃金流沙飽，蓮藕煎魚餅，鮑汁花膠花菇飯，黑白芝麻蝦多士。麻辣燒賣皇同老干媽醬炒腸粉都係辣既， 都幾辣， 但係佢係又香又辣， 唔係一味得個辣字~ 燒賣d肉好結實但係又唔韌， 好味. 全部都好好味~ 尤其是個黑白芝麻蝦多士。。。。 痴咗線， d蝦膠多到癲咗， 真係好大舊蝦膠， 我地異口同聲咁講---從來未食過咁多蝦嘅蝦多士 真係冇得頂我地一路食， 個姐姐隔一陣就過嚟斟茶，完全自動自覺， 唔駛request~ 佢地又好好禮貌喎， 真係開心！ 唔駛去d中式酒樓， d阿叔阿嬸成日黑口黑面，呼呼喝喝， 未食已經成肚氣 呢間新派點心真係幾好

又係午餐時間過黎買外賣點心，打定電話過黎落單，預定時間過黎就唔洗等。尤其是午餐時間，撞正中午最熱既時間，真係非常推介大家先打電話落定單。今次試下牛肉球和叉燒腸︰牛肉球好大粒，而且好足料，馬蹄份量岩岩好，同牛肉既口感好夾，好值得一試。叉燒腸份量好夠，名副其實既皮薄餡靚，入面既叉燒直情透左出黎，皮既厚度岩岩好，可能係即叫即蒸既關係，食落好爽口，完全無黐牙。如果想食得飽D，我見佢仲有好多款蒸飯可以揀，等我下次都試一試。

經過上環見到有間食點心既小店，所以幫襯下，估唔到都有驚喜😱唔太肚餓，叫左3碟點心食，一碟燒賣，一碟鳳爪，仲有一碟就係蝦多士。燒賣黎到，見到得3粒，有少少失望，因為平時去酒樓食都有4粒，價錢都係差唔多，感覺上好似蝕左，但口感，味道都唔錯，唔太咸，蝦肉新鮮，同埋即叫即煮，都可以救得返👍🏻鳳爪就不過不失，好入味，同大酒樓既質素差唔多，但我最想講係蝦多士，佢即叫即整，係要等耐少少，但好好食😋，好脆，又多蝦肉，俾我驚喜。如果大家去食，而又鍾意食蝦多士，不妨一試👍🏻👍🏻👍🏻

上環真係好少價錢合理既點心舖，點心籠都算係合理而且唔貴，都幾近港鐵站，就腳既！而且…炸雪糕！好好味！！！！🤤🤤原諒我無影相，嗌左一碟菜，小籠包，燒賣，鳳爪排骨飯，叉燒腸，蘿蔔糕同炸雪糕，原本覺得無乜特別，不過值得讚既係每一樣拎出黎都熱，唔似有好多求其！而排骨飯都幾香，叉燒腸都夠薄夠滑。但重點係叫先起既炸雪糕！！！好貼心咁會等你食完熱既，ready好清枱，換埋餐具先上😆已經覺得不錯，拎上枱更加覺得正🤤少少油，但熱，鬆脆，岩岩炸起，入面個香芋雪糕(另外有得揀綠茶或者芝麻)都夠香味，同出面一熱一凍，一脆一霖，食完我都溶左🤣🤣🤣唔係誇張，真係一定要試！

香港人有愛，之前呢間點心小店曾經告急，而家平日午市都要排三四張枱，希望大家繼續撐落去，佢地都有派飯畀長者同手足，回饋返社會。原本想試鹹蛋流沙西多士，但原來menu每2個月轉一次，不過咁樣隔一排黎又可以試到新野。.和風脆皮海鮮腸：創意菜式，有層脆皮包住鮮蝦，出面再包一層蒸腸粉，係fusion版嘅春風得意腸，面頭加左加左木魚絲紫菜絲更香口。老乾媽醬炒腸粉：無錯，比menu張相吸引到所以又係腸粉，本身麻麻地老乾媽陣味，但用黎炒腸粉竟然不比XO醬遜色，個兜係春卷皮做嘅，以為得個樣，點知食完腸粉試下又幾脆喎！麻辣燒賣王：鮮蝦食落彈牙，燒賣皮厚薄適中，我唔食得辣所以只係淺嘗，朋友話夠麻。鮮蝦菜苗餃：塊皮太厚，蝦同菜嘅比例接近8:2，啱哂食肉獸黎，但我就覺得多啲菜苗無咁溜，始終太多點心有蝦。.炸雪糕：揀左雲尼拿味，炸衣好似炸鮮奶嘅外層，同雪糕之間夾左曾薄薄嘅蛋糕，一冷一熱，外脆内軟，係個有驚喜嘅飯後甜品！ 

今日響tst坐船過中環， 行咗陣之後諗住搭車返屋企， 點知無喇喇封路。 咁橫掂都冇車， 咪沿路行住先。 行到上環有d肚餓， 見到呢間食點心， 心絲絲想食，因為都好耐冇飲過茶喇~ 一於食埋先返去入到去， 真係冇揀錯， 好多嘢都好想食。 但係我得一個人，食唔到咁多，選擇困難症又出嚟喇.最後我揀咗花膠飯同燒賣。。。。。 籠燒賣嚟到， 我心諗。。。。 駛唔駛咁大粒呀。。。 好似d bb拳頭咁大粒。。。。 好彩我叫咗兩樣嘢啫， 叫多樣都食唔晒. 粒燒賣好實淨，又彈牙， 真係真材實料。 唔似有d燒賣咬落去好散， 好多肥豬肉咁， 呢粒真係好好食~~ 抵佢係招牌點心之後個花膠飯嚟到，都好足料， 有兩大塊花膠， 下面d飯粒粒分明， 超熱， 有花膠味， 正 佢粒花菇一咬落去， 好爽口，好厚肉， 好香， 又係超好食！！！ d花膠大塊到我要用筷子食， 大塊到匙羹食唔到食完成口骨膠原， 唔係打邊爐任叫嗰d cheap cheap花膠仔， 真心好食呢間嘢真心值得encore, 下次要試其他嘢， 都會大力推介俾d fd嚟食

呢排好少煮飯成日都去振興黃色經濟圈今晚又嚟咗點心籠啦《蓮藕煎魚餅》$28香脆可口 非常邪惡 食到粒粒蓮藕《香煎金菇上素蘿蔔糕》$30冇煎到好香好脆 食唔到有金菇 唔係好粉嗰啲蘿蔔糕 健康之選《和風脆皮海鮮腸》$44依然好食 腸粉滑生 好香口 但比上次嚟食size細咗一半（希望下次可以keep返水準）《花膠滑雞扎》$44質素不變 一大嚿花膠 個雞都醃到好入味《松子仁上素餃》$34質素不變 同上次一樣 大大粒 味道比較淡 都係健康之選

這裡經常在中午時間大排長龍，今天因為好奇的關係，特意來試一下如此受歡迎的原因。在午飯時間，這裡很快就滿座，所以今天特意早點過來。他的款式很多，除了點心之外，他還有不同的飯可以選擇，適合上班一族。因為偏好點心，今天選了一款點心和一款腸粉配搭，而且是全蝦餐J鮮蝦腸蝦很多，而且很大隻，每一口腸粉都爽口彈牙，配上份量剛好的韭黃，又滑又香。鮮蝦菜苗餃好大粒，餡料十足，蝦還是很爽口彈牙，餃子皮就很滑和厚薄適中，一級棒。

第一次無奈到要寫食評，原本見佢係黃店諗住入去幫襯下，唔知老板娘係咪心情唔好，一入去就粗聲粗氣皺晒眉喝人，咁都唔緊要，如果食物好食就算啦。入到去睇下張點心紙。。。＄40三粒蝦餃，＄40三粒燒賣，＄48一碗粉，其實價錢我都唔太在意，畢竟目的係為咗懲罰黃店，但唔該。。set得咁既價錢就應該要有翻d質素。服務質素差不在話下，d蝦餃層皮厚過幅牆，蝦入面仲有蝦(屎)未清乾淨，排骨飯都有d過鹹，整體比較好既只有小籠包希望佢唔好持住自己係黃店會有人幫襯就唔理食物質素。唔會有下次

This is always my go to with my die-heart dimsum goers. They always do their basics so well, without MSG and steamed fresh! Never disappointed. If you have room, leave room for two baskets of Siu Mai because they are just wonderful! Keep up the spirit of small great restaurants in hk!

紅日可以去遠D揾嘢食，本來諗住早起飲茶，最後都係瞓到黃朝百晏，下午一點先開飯。飲茶吃點心不必去酒樓，現在有不少專門的點心小館。鄰近地鐵站的「點心籠」就是其中一間。小店雖然沒有很多懷舊元素，但也有用上一些公雞圖案的擺設。飲茶通常叫一盅兩件，見餐牌有梅菜扣肉飯，立刻叫來試試。扣肉炆得又淋又入味，梅菜應該是甜梅菜也有清洗過所以不會太鹹，送飯一流。店家有賣花膠魚肚點心，例如魚肚雞扎、上湯花膠魚肚、花膠米線等。由於同行的朋友不好吃雞，又先吃了扣肉飯，所以叫了上湯花膠魚肚。件數十足，沒有腥味，值得一試。蝦餃標明足三両，每隻都大大球，全是蝦，沒有摻入豬肉呃秤。皮薄餡爽彈，非常美味。牛肉腸的腸粉有米香，牛肉正常，沒鬆肉粉的怪味。最後吃了黑白芝麻蝦多士，外層鬆脆不會過硬，蝦膠很多，懷疑店主是否蝕住做。此乃店家招牌菜，必定推介。此店不是精緻點心路線，但也不是舊派潦倒茶寮。點心做得綦理整齊，真材實料，沒有茶介加一，值得推薦。

✔和風脆皮海鮮腸：外面係滑而薄既腸粉皮，裡面脆口， 豉油另上，讚，因為我食豉油個嘴會腫🤦‍♀️。✔黑白芝麻蝦多士：外面有黑白芝麻既脆香， 特別係一件多士左右隻角係好脆，脆到有聲。裡面係新鮮蝦肉，無胡椒粉。✔鹹蛋流沙心心：用刀叉切開，流心就衝出黎。✔鵪鶉蛋燒賣： 蝦膠及豬肉包裹住鵪鶉蛋。香煎菜肉包：一般正常野。點心，一致地唔重口味，不咸，無味精。信我，呢方面我身體很誠實。服務，收碟快，又有禮貌。👍🏻星期日休息，勿摸門釘。**鹹蛋流沙心心，早餐都有得食**早啲食，可以用全日去消化。今晚又減肥失敗……殘念😔