點滾鮮點心火鍋

营业中

休息中

聽到有台式火鍋+點心放題， 立刻食指大動，與家人晚飯來試試。一進門便見到自助區，丸類和蔬菜類都很豐富。選了C餐， 澳洲和牛火鍋餐每位$348，加一服務費。有一家食肉獸在，這個C餐比較多牛肉選擇就最適合，而且是澳洲冇激素牛肉。海鮮類有海蝦、魷魚、鱸魚片、扇貝、青口、蝦滑、墨魚滑。點心火鍋料也有鮮蝦餃、韭菜餃、鳳城鮮蝦水餃、淮山杞子燒賣，真的第一次吃火鍋用中式燒賣配料。坐下見到每桌都有螢幕，可以自己投屏喜歡的影片，邊吃邊看很不錯！湯底充滿台灣風味，我們的鴛鴦湯底，選了阿里山野菌湯和鳳梨濃鮮蕃茄湯。我喜歡蕃茄湯，用鮮蕃茄煮味道甜而不酸，而野菌湯可以連什菌都吃光光，清淡但有菌香。先吃肉類，澳洲純血和牛肩肉，牛肉味比較好，薄切，稍微灼熟一下就可以吃；安格斯精選牛肉肉質結實爽口；澳洲Q彈牛五花趾，的確口感最爽，但牛肉味較淡。其他肉還有牛舌心、精選豬梅花、荷蘭豬五花，各種口味任君選擇。海鮮類都最喜歡海蝦，大大隻，超新鮮爽口，味道非常鮮甜。鱸魚片又滑又新鮮，一再翻點；墨魚滑是我的至愛，吸收湯味，再吃煙韌的墨魚滑和墨魚粒粒，口感非常好！魷魚、青口、扇貝都非常新鮮好吃！餃類都很出色，鮮蝦餃又爽又甜；韮菜餃

屯門時代廣場稻香隔離易咗手做火鍋🍲一段時間 一直想試，今晚咁啱冇飯開一於過嚟同老公撐枱腳😬優惠折扣有力度🫢🫢120分鐘台式火鍋 成十款湯底任揀，仲有茶樓點心 台式小食 fusion 😎2人同行，八五折優惠3人同行，一人半價4人同行，一人免費親子同行，兩個大人，1位小童免費敬老同行，兩個大人，1位長者免費主要分三個餐，主要分別糸牛品種，我哋都係牛魔王當然食返澳洲和牛餐最抵啦😍😍一飲品火鍋配料自助形式仲有炆牛腩夠火候、豬手入味夠腍台式火鍋又點少得鴨血😌自家隻鴨血夠麻夠辣夠風味台灣腸熱辣辣一口下去脆卜卜真係要小心焫親呀🤣揀左台式麻辣拼養生雞湯湯底湯底足料，有台式風味澳洲純血和牛～～牛脂均勻、牛味濃郁，未去到入口即溶，頗有咬口，稍稍5、6秒就食得 不斷encore嗜牛之選😍😍澳洲Q彈牛五花趾～~放題好少會吃到高質牛花趾 非常有肉味口感豐富 牛舌蕊 ～～有驚喜嘅項目，放題食到高價貴嘢，爽口有牛味，五碟不過份吧😝😝澳洲精選牛板腱，另外一種口感，老公表示非常喜歡🥰🥰私房麻辣鴨血 ~~直接食就可以，嫲嫲辣辣口感海鮮方面，鱸魚片鮮甜，厚切！經過少少醃製非常嫩滑 有魚味蝦滑、墨魚滑亦都高質海蝦大大隻，爽口

去旅行之前緊係要食返個大餐先😂 留意左屯門市中心呢間新開既「點滾鮮點心火鍋」一排架啦！原來依家仲做緊兩人同行八五折優惠，CP值極高，梗係即衝啦😎.呢間火鍋放題主打台式風味，吾單止可以任食多款火鍋材料，仲可以無限供應點心，每款點心都係即叫即做，夠新鮮！另外，每張枱仲有自己專屬既電視，方便投屏自己中意既影片，一邊睇一邊食，好似係屋企打邊爐咁，夠 chill！.今次揀咗套餐C，可以任食兩個鐘架～呢個套餐主打至尊澳洲和牛，仲加送自家製手打和牛丸同墨魚豚肉丸各一份，送完即止架～.今次揀既湯底係鴛鴦鍋，一邊係正宗台灣麻辣鍋，麻得黎吾會太辣，湯底夠濃郁；另一邊係冬瓜豬肉白鍋，淡淡地既清甜味，岩晒吾中意太重口味既朋友。湯料仲特別多，味道滲入哂食材中，好滿足。.講到肉類，呢度真係俾足料！澳洲純血和牛，澳洲牛板腱同安格斯特級牛肉，全部肉質都好嫩滑，尤其係和牛，肥瘦分佈均勻，煮完夾上黎油香四溢，入口即溶，真係忍唔住一片接一片。仲有其他肉類，例如澳洲Q彈牛五花趾、牛舌芯、豬梅花、荷蘭豬五花、花雕雞腿肉，選擇超多，有一款你中意。.除左肉類，海鮮亦唔少得！海蝦夠大隻，肉質結實彈牙，扇貝都好似五蚊銀咁大隻，鮮甜嫩滑

上星期六同老公去屯門拍拖見到呢間點滾先 食足兩個鐘和牛火鍋 仲有點心咁特別嘅配搭梗係即刻試吓啦自助配料 飲品 肉類 點心 炸物 甜品全部都可以任食款式都幾多 最後仲會有Häagen-Dazs雪糕添.我哋揀呢個澳洲和牛火鍋餐 有勁多牛肉可以選擇包括牛舌 牛板腱 全血和牛 雪花肥牛等等牛舌爽口彈牙 全血和牛牛味香濃 湯底我哋揀咗壽喜燒同埋冬陰功湯本身已經好夠味 我覺得唔使點醬油都可以😍.最令我印象深刻嘅一定係佢哋嘅點心尤其是流心流沙包 好耐冇食過咁好食嘅流沙包🫶🏻大家都知食放題 如果食包嘅話一定會蝕本😂但我都心甘情願食咗兩個因為真係太驚喜啦蝦餃都好好味 雖然皮唔算話太薄 但係個餡好多蝦肉又要encore.最後一定要留肚食埋佢哋嘅甜品焦糖燉蛋布甸都好出色食完真係勁滿足

呢間餐廳係自助火鍋同時仲有點心食，佢有A到C餐選擇，我地叫左C餐可以食到澳洲和牛任食120分鐘，仲有多款肉類，飲品等等俾客人揀，環境好舒適，我地叫左鴛鴦湯底一邊係牛肉湯香濃牛肉味，另一邊係菠蘿蕃茄酸甜開胃，點心有蝦餃燒賣，估唔到連水晶包都有得食呢個比較難整既點心入面有好大粒豆沙涵料好吸引，流沙包軟綿綿，鳳爪即叫即蒸，純血和牛入口嫩滑肉質鮮味，伊比利亞豬都好軟滑，qr code落單職員上菜速度快，仲有雪糕食。

今日喺屯門睇完戲之後想去打邊爐。上網見到呢間舖頭，主要係提供台式火鍋食材，仲有澳洲無激素牛肉、點心任食同台式小食嘅。我哋見佢環境光猛，又好乾淨，咁去試吓啦。侍應喺門口叫我哋可以揀套餐先，可以食120分鐘，佢有三個套餐，主要分別係叫嘅肉類同埋點心放題嘅種類唔同。因為我哋好肚餓，所以我哋要咗最貴嗰個C餐至尊澳洲和牛套餐，同埋揀咗蕃茄湯同麻辣湯底。一坐低見到隔籬有個電視機，侍應話可以自己投屏上去睇自己想睇嘅嘢。個自助吧有超多款食物揀，仲有任飲嘅飲品，仲有湯同飯可以自取。我哋叫咗好多款牛，仲有試過即蒸點心同埋唔同嘅台式小食，選擇好多，質素好好。而個湯底好足料，好香口。海鮮我哋都食咗唔同款，仲encore咗唔少嘢。最後仲有一人一杯雪糕作結，好滿足。有機會一定會返嚟再食！

📍點滾鮮點心火鍋（屯門）點止火鍋咁簡單？ 即叫即蒸手工”點”心 “滾”燙燙的正宗台式火鍋 材料新”鮮”淨係睇餐廳嘅介紹已經覺得好啱三心兩意嘅我，可以打邊爐仲可以食點心，仲有好多台式小食：炸花枝丸、台灣腸、炸鮮奶、地瓜條、甜不辣、四季豆、豬血糕、鴨血......一定要點炸花枝丸、台灣腸，炸得香脆滋味一流。自選鍋底：養生雞湯、阿里山野菌、日式壽喜燒、台灣紅燒牛肉湯、老壇酸菜、南洋椰香冬陰功、鳳梨濃鮮番茄湯、台灣麻辣，真的是仼君選擇！還有點心可以揀。紅燒牛肉湯和所有的肉類都很撘。C 餐至尊澳洲和牛包括澳洲純血和牛、澳洲精選牛板腱、安格斯特級牛肉、澳洲Q彈牛五花趾、澳洲上腹牛五花、精選牛舌芯......澳洲純血和牛，牛味濃郁，肉質嫩滑，帶嚼勁。最最最推介大家點鱸魚片，放在麻辣湯底猶如吃水煮魚般，滑嫩魚肉沒有半條刺，愈吃愈滋味。另外最後有 Häagen-Dazs 雪糕，多種口味選擇。

今日係屯市行完街睇到間新開火鍋店，於是就入咗去試試佢🐂至尊和牛火鍋 $348-🥩牛肉方面「澳洲純血和牛、澳洲精選牛板腱、安格斯特級牛肉、澳洲Q彈牛五花趾澳洲上腹牛五花、精選牛舌芯」-🌊海鮮方面「海蝦、鱸魚片、扇貝、魷魚、蝦滑、墨魚滑、青口」-台式小食方面「萬巒豬手、私房麻辣鴨血、台式炆牛肉、士林豬血糕、台灣滷肉、酥炸花枝丸、酥炸杏鮑菰、台灣香腸、椒鹽四季豆、梅香地瓜條、午餐肉、香酥甜不辣」🍦仲有點心任食 種類多不聲數 最尾仲有甜品及雪糕整體味道唔錯，用料以台式風味為主，仲可以投射影像落個螢幕慢慢欣賞總括嚟講，值得一試，選擇非常之多

天氣開始涼涼地，係時候打邊爐暖暖身，朋友介紹屯門有間打邊爐幾抵食，性價比高，主打澳洲無激素牛肉，最特別嘅係餐廳仲有台式小食同粵式點心😆 啱晒一大班朋友食乜都得，原來鋪頭有啲卡位仲設有可以自己投屏嘅螢幕，播咩都可以自己選擇😆至尊澳洲和牛火鍋餐 C餐先揀湯底，種款多達8款，同朋友揀左【鳳梨濃鮮蕃茄湯】，味道清甜牛肉方面都好高質，和牛、牛板腱同安格斯牛味濃郁，尤其推薦牛五花趾，口感爽脆，彈性十足海鮮部分叫左海蝦、扇貝、青口同蝦滑，海蝦都幾大隻同彈牙台式小食即叫即製，熱辣辣好新鮮，地瓜條、甜不辣同台灣腸都重現夜市風味，其中地瓜條灑上梅粉好惹味開胃最有趣可以叫埋點心，蝦餃燒賣其實可以揀蒸好或者自己淥🤣 見湯底都幾清甜就試下用蝦餃同燒賣打邊爐，都幾得意另下仲叫左大良炸鮮奶同流沙包，水準拍得住酒樓，唔錯唔錯

位於屯門的「點滾鮮點心火鍋」，以其獨特的點心火鍋放題模式，成功吸引了不少食客。餐廳裝潢簡約時尚，座位寬敞舒適，用餐環境頗佳。特別值得一提的是他們的醬料區，提供了十多種不同的醬料，可以根據自己的喜好調配，滿足不同口味的需求。醬料比較齊全，當中特色有台灣沙茶醬，味道比起普通沙茶醬淡一點但香一點。這次我們選擇了晚市放題。放題套餐包含三款肉類：精選肥牛、美國肥牛和澳洲和牛。我們這次食的是澳洲和牛套餐放題90分鍾。澳洲和牛肉質鮮嫩，涮煮後15秒左右可以食用，肉味濃郁。純血和牛是最不肥的肉，肉質比較硬身一點點， 但肉味濃而不腻。五花趾比較彈牙，筋和肌肉比較多，也沒有太多脂肪，喜歡少脂偏肉的話這款應該最好的一款選擇。除了肉類，自助區的選擇也令人眼花繚亂。各式各樣的蔬菜、菇類、丸子、豆製品等應有盡有，新鮮度也相當不錯。此外，自助區還提供了一些炸物和小吃，例如炸春卷，可以解解饞。點心方面，我們點了金錢肚試一試，醬料味道很入味，非常好吃。口感比較軟，易咬口。每人還可以要一杯哈根大師的雪糕。總體來說，「點滾鮮點心火鍋」性價比高，食物質素也不錯。無論是肉類的品質，還是自助區的選擇，都令人滿意。加上舒適的用餐環

點滾鮮點心火鍋位於屯門時代廣場南翼二樓主打特色港式點心以及正宗台灣火鍋同時座位設有獨立投屏電視八款湯底首選養生雞湯濃郁鮮甜配搭鳳梨濃鮮蕃茄湯酸甜醒胃至尊澳洲和牛火鍋餐選用澳洲無激素牛肉齊集澳洲純血和牛、澳洲精選牛板腱、安格斯特級牛肉、澳洲穀飼牛五花趾、澳洲上腹牛五花以及精選牛舌芯肉質粉嫩柔軟同時脂肪豐腴油花細密同時提供特選豬梅花以及荷蘭豬五花同埋花雕雞腿肉選擇自家製手打和牛丸以及墨魚豚肉丸口感緊緻扎實七款海鮮放題可以瘋狂攝入墨魚滑以及蝦滑手工鳳城鮮蝦水餃以及韮菜餃麵皮透薄同時餡料飽滿十幾款即製台灣小食必試酥炸花枝丸以及杏鮑菰現場製作港式點心私心推薦菜苗餃以及燒賣自助區域超過四十款火鍋配料以及甜品同埋飲品無限量供應

今晚係屯門想打邊爐，見到呢間點滾鮮除左台式火鍋之外，仲有港式點心任食，提供獨特的雙重放題體驗。台式火鍋放題有3個套餐選擇，分別係精選牛肉火鍋餐、海鮮牛板腱火鍋餐同埋至尊澳洲和牛火鍋餐，今次就揀左至尊澳洲和牛火鍋餐，套餐包左澳洲純血和牛、澳洲精選無激素牛板腱、安格斯特級牛肉、澳洲Q彈牛五花趾同埋澳洲上腹牛五花等等。各款牛肉新鮮，肉質鮮嫩，火鍋湯底香濃，搭配不同牛肉部位，口感層次多樣，滿足肉食愛好者的需求。除左火鍋，仲有台灣小食，港式點心任點，飲品任飲。越多人黎越多優惠。每人最後仲送一杯Haagen-Dazs雪糕。呢度仲有樣貼心服務，大家可以將自己來睇既野投屏去餐廳座位個電視到，咁想咩可以自己決定啦。

[✨屯門點滾鮮·台式火鍋x 港式點心🥘]#屯門 #點滾鮮🥘C餐 - 至尊澳洲和牛火鍋餐$348 / 1位 ( 17:30-20:30 )$268 / 1位( 20:30 後入座 )✨點心任食、台式小食、性價比高!!試左排骨、鳳爪、金錢肚，水準極高👍🏻🔸肉類主打嘅澳洲純血和牛好軟嫩，牛味濃郁！牛板腱肉質入味，都切得唔會太厚或者太薄，用嚟打邊爐真係岩岩好！🔸海鮮類有海蝦、鱸魚片、扇貝、魷魚等。仲有蝦滑、墨魚滑。真心推介鱸魚片，鮮嫩滑口。🔸餃類鮮蝦餃、韭菜餃、水餃食得出都係新鮮配料。🔸自助區自助汽水飲品種類繁多，仲有自家制甜品。每人更有一份嘅Häagen-Dazs雪糕供應🍨————————♡♡♡♡♡♡————————✨總結300蚊左右就可以享用到呢個質素嘅和牛火鍋放題，仲要任食點心，真係唔係咁多地方都搵到，再加上食物選擇真係好多，絕對係一間擁有極高CP值嘅火鍋放題首選🤩📍點滾鮮點心火鍋 (屯門)🏠屯門屯合街2號屯門時代廣場南翼L2樓26-27號舖樓#jmhkfoodie #hkfoodie #hkeat #hkeats #hkfood #hkig #hkgirl #food #hkfoodd

天氣開始轉涼，最近都很喜歡吃火鍋！今次來到位於屯門時代廣場的點滾鮮，這家主打台式火鍋，另外有港式點心、台式小食任食，非常吸引！點了C餐至尊澳洲和牛火鍋餐，用手機qr code下單，上菜速度很快，湯底選了台灣麻辣湯和鳳梨濃鮮蕃茄湯，蕃茄湯清甜鮮味👍🏻店家選用澳洲認證無激素牛肉，精選牛板腱肉味濃，每片都是很大片，一口吃下去很滿足！另外很推薦安格斯特級牛肉、牛五花趾和上腹牛五花，肉質很新鮮完全沒有雪味，而且份量都是無限量供應，喜歡吃牛肉的一定會很滿意😆除了各款肉類，更有各款新鮮海鮮供應，如青口、扇貝、蝦滑、魷魚等等，非常多款選擇套餐包括了各款台式小食和點心任食，麻辣鴨血、炸花枝丸、梅香地瓜條、烤台式香腸、肉燥飯、豬血糕等等，味道還原台式滋味，很滿足！ 而平日在酒樓吃到的點心例如蝦餃、燒賣、鳳爪、金錢肚全部都是即叫即蒸，來的時候一定要帶幾個胃才能夠吃到滿滿的美食🤣🤣🤣冷櫃更有不同的甜點和飲品自己選擇餐廳檯附有一部電視機，可以自己投屏睇節目，二人同行有八五折優惠，另外有和長者、小孩來的優惠，這家店性價比十分高，很適合和朋友家人來聚餐

今日到屯門試一間叫做點滾先的火鍋點心任食餐廳。入座店只員介紹可以隨意使用旁邊的投射螢幕，可以播放自己想觀看影片真得很貼心加分。火鍋湯底選了養生雞鍋及麻辣鍋。湯底會越耐越濃味的。下單只需Qr Code點選即可，方便又快捷。出面可自取醬料，飲品，蔬菜類。飲品有很多韓式果汁，蔬菜很多台式風味。這個火鍋是類近台式火鍋，所以小食會有台灣腸，鴨血，酥炸花枝丸等等，選擇很多。另外重點是這裡有點心任食啊，我們點了燒賣，蝦餃，排骨，鮮竹卷等等，全部水準都不錯的。Qr Code都有多款選擇，最驚喜有大蝦，蝦肉爽脆鮮甜，帶子已走殼，方便食用，鱸魚片很滑又沒有骨。牛肉不同部位也點了，以任食來說都是很可以的。另外要讚的是粟米超甜，准山很好吃。最後每人還可以有一杯Haagen dazs, 簡直大滿足。