點·子·巷

营业中

休息中

⭐️大兜嘢流口水脆炸餃子王配擔仔剁椒肉燥撈米線拼糖心蛋套餐 - $66午市每個餐都會送嘢飲，可以揀菊花茶、羅漢果茶等等。呢個餐一聽個名咁長已經覺得好多嘢食🤣米線上面嘅肉碎好多，食落微微肉汁同時滲入辣椒嘅香辣味，去埋彈牙嘅米線食超惹味！加入糖心蛋就可以中和辣味，同時令成個面更加香滑。而另外附上嘅三隻餃子炸到金黃色超香脆，入面包咗滿滿嘅餃子肉餡，食落好juicy，一啖擺唔晒落口🤣🤣

當歸味好濃，藥材料都夠足，個湯好甜，雞件大大件有成5、6件。我覺得好正。嘢飲有羅漢果茶提供。喺附近食到最好食嘅藥膳雞湯米線。自助落單。如果食厭咗呢個藥膳雞湯米線會試吓佢其他嘢。

Another hole in the wall down an alley near office serving Taiwanese cuisine. I picked the least adventurous dishes on my initial visits, ordering their 藥膳雞配湯米線. The broth was decent but the chicken was bland and overcooked. The server asked me how did I find it, I suggested to her that they may consider simply dipping the chicken (which was cooked anyway) in the broth right before service for reheat purposes only to keep its tenderness. She seemed to have taken my advice but apparently she did

久違地返到寫字樓，同同事一齊嗌外賣，一樣都係透過OpenRice搵吓附近有咩餐廳未試過啦！撳吓撳吓，撳到呢間點子巷，再發現😮居然有$28份午餐，仲要係有意粉食兼包飲品架😍咁當然唔輸蝕，嗌一份試吓啦！今期$28指定套餐係《台腸片奶油意大利麵送是日飲品》，飲品係羅漢果茶，台腸片好大件，醬汁都很好食😋小妹額外加咗的細份藥膳雞湯，原以為味道係正常雞湯鹹鹹地啦，點知個味係甜到暈低😨飲咗兩啖就冇再飲落去，都唔知係呢間舖頭嘅特色啊？還是佢落錯咗糖🤔同事1號叫咗甜不辣，甜不辣口感煙煙韌韌，好似食咗韓國年糕咁😆；同事2號叫咗鹹香雞髀肉燥飯，小食原本配椒鹽腸片，但拎到返嚟變咗魷魚餅，反而可以試唔同小食，小妹覺得魷魚餅好好食🩷期待下一次$28指定套餐會係啲咩呢🤭🤭🤭今次外賣經驗九成係好嘅，其中一成係俾個雞湯衝擊了味蕾🤣🤣點解會咁甜㗎！

係鰂魚涌個邊有好多好味既食店隱身係橫街窄巷，其中一間就係呢間台式餐廳，雖然店舖細細但係餐點選擇超豐富，咁我就試左：🥢是日精選 - 點子炸雞肉燥新竹米粉配椒鹽台腸片個餐一嚟到已經比佢個份量震懾到🤣炸雞同台灣腸既份量多到我以為自己叫左單點！每件炸雞都大大粒，雞肉仲保持到嫰滑，無論係雞同台灣腸既調味都唔會過重口味，淨係食呢兜小食已經飽左2/3😳肉燥米粉個湯底好濃，米粉爽口條條分明好好味，雖然以為肉燥係一般食開肉燥飯好多汁個隻，點知唔係，但又幾好食同埋味道好夠，所以就算成個餐份量咁大，因為好食所以都可以輕鬆食曬💗跟餐仲奉送飲品，店員介紹係預設無冰走糖，味道會淡左啲但都可接受，食完油膩濃味野後反而覺得飲落好清新可以清下個口腔👅呢度可以用超親民價錢食到呢個份量呢個質素，仲要包飲品唔使加一既午餐，真係清泉嚟😍點可以唔支持

本身諗住食另一間嘅 但佢新年休息 見到附近呢間望落都幾吸引 仲要咁岩有最後一張枱就入咗去😂見佢長期都幾full 要食到都需要啲運氣😂明太子義大利麵 拼甜不辣 ($68)見到呢到有意粉好似幾特別就嗌咗 甜不辣都唔錯幾有咬口 鹽酥雞都炸得香脆 但意粉味道就普普通通😂另外呢到嘅意粉附送伯爵珍珠奶茶 但味道就真係偏淡都幾普通 珍珠就尚算煙韌~❣️整體嚟講意粉味道比較普通 但見佢咁高人氣 可能嗌返普通台式食品會好啲😂😂推薦指數：🌟🌟🌟【𝐏𝐫𝐢𝐜𝐞: 3/5 𝐅𝐨𝐨𝐝: 3/5 𝐄𝐧𝐯𝐢𝐫𝐨𝐧𝐦𝐞𝐧𝐭: 3/5】

今次去鰂魚涌搵食，去左點·子·巷 食午飯古早葱油咸香雞髀肉燥丼配糖心蛋 $68呢個飯都好大份，好夠餸餸飯食，正呀！飯上面會有隻糖心蛋，個蛋黃煮得岩岩好，仲係好流心，唔會熟晒😝 側邊仲有啲咸酸菜伴碟，令到成件事好清新，唔會食到好漏😍意想不到係佢個雞髀🍗係起左骨，食落好方便，唔洗啃骨，當趕時間食中午飯果陣會好好👍 雞髀好夠味，真係咸咸香香咁，仲有啲油脂同肉汁，食落一啲都唔鞋口，值得支持呀！跟餐仲會有飲品的，叫左羅漢果水，佢地應該冇額外加糖，飲落一啲都唔人工，飲多啲都唔怕啦😋點·子·巷 (鰂魚涌)鰂魚涌海堤街6-16號龍景大廈地下8號舖

今日路過，試咗呢碗雞湯米線 。一打開盒就有驚喜，有桂花粒粒，同埋湯入面有藥材红枣肉同鮮甜既龍眼肉，雞件都夠份量，足料！湯飲落香味濃郁又味道鮮甜，感覺又暖又舒服，有飲好既老火靚湯既感覺。食材既處理感覺都恰到好處, 米線食落有彈性。有靚湯飲又有雞件食，老婆食得滿足，心情靚靚。食到就完先諗起幫佢影張相而家生意難做，晚上開店都無幾間剩。希望好既小店可以做得住。一定會再黎幫襯！食到食完先記得影既相。

點·子·巷 地址: 鰂魚涌海堤街6-16號龍景大廈地下8號舖呢間點子巷名副真係身處係一條巷仔入面，兜咗幾次先搵到。雖然小店位置比較隱蔽，但裝潢一啲都唔馬虎，仲少少小清新感覺添☺️。點止炸醬腩肉配船家湯麵＋椒鹽花枝丸🍜 $68，船家湯粉質感似越南的檬粉，但腩肉比較乾硬咗少少。通常套餐都會附一款小食，但唔好睇花枝丸佢平平無奇，食起上來加再上兩種沙律醬溝成嘅醬汁😁，令其提升到另一層次。#nicefoodie鰂魚涌

週末黎到鰂魚涌，見呢間鋪仲係度，好耐未食過，行過決定同個FD入去飲杯奶茶，發覺menu改左，多左好多其他菜式，仲有意粉可以食😂見隔離臺食緊意粉，見個樣好似都唔錯，我都係例牌叫藥膳雞湯米線，不過而家冇在送小食，改送嘢飲，對比上一次，湯底雞油明顯少左，唔會太油，呢點滿意，朋友叫左個椰子雞湯米線，好似在清啲，下次在試下其他，總結可以在來多一次😂

叫咗豬骨湯紅燒牛肉面，成碗野淡而無味🤮少少豬骨湯味都食唔到 ，份量少，難食得過份蕃茄肉燥整到成個肉醬意粉咁😅本身未轉餐單之前都好地地😅😅😅而家完全唔知食緊咩 有空檯冇人執，吹住風等😅

同事今日放lunch帶左我黎呢間台灣小店 原本以為係巷仔無咩人識 但原來條巷有好多餐廳都大排長龍!! 我同同事就好好彩等左5-10分鐘就有枱我就嗌左A3餐 肉燥咸香雞脾噹+炸腐皮魚角 另外加$16要杯伯爵珍珠奶茶呢個飯份量真係好大!! 非常足料 有好多肉燥同一隻大雞脾! 一個女仔係食唔晒~ 首先肉燥唔似普遍嘅肉燥飯有汁 所以係比較乾身 食落無咁肥膩 同埋肉燥偏甜 味道幾特別~ 另外雞脾肉質好軟嫩 不過略嫌偏鹹 扣左少少分🥺至於炸腐皮魚角炸得好脆好香!! 不過真係油左少少🤭 最後珍珠奶茶我嗌左半糖但係都係偏甜 珍珠係細粒珍珠但係都係煙韌👍🏼 $16嚟講唔錯

Takeaway lunch in the office. Ordered the蔥油雞絲撈蕎麥麵. She ordered the pork belly soup noodles. I expected a healthy bowl of noodles; but no. Noodles were way toooo sweet. Meat of chicken not tender. Couldn’t eat the sweet corn at all cos they were all at the bottom soaked in the strong soy sauce. Saving grace was the few pieces of deep fried tofu. She also thought the best bit abt her meal was the deep fried tofu, as her pork was way too oily n fatty. Bubble tea was all pre-made in the fridge. Tast

🤔呢間台灣小店幾隱世，係小巷之中。遲左放lunch,發現附近食店都排滿人，唯獨呢間有空位，見裝修幾新淨就入去試下。😅食完其實都明點解當時呢間未有人排隊，🙌🏿味道的確麻麻Lunch set ，仲有配唔同既小食藥膳雞煲配湯米線 配椒鹽台腸片 $68以為幾清淡，😵但朋友表示食落覺得好油，米線太淋台腸份量就幾少下😂剁椒擔仔撈米線 配椒鹽花枝丸 $62😥撈米線幾失望，好快就上菜，但唔熱的...而且味道好一般，好似果啲好平既街邊小食咁，味道無層次花枝丸炸得ok 既.🥴總括黎講，味道最穩陣係小食，但依啲其實都係現成野

第二次到訪依然好味😋今次都係叫番同一個午餐肉燥辣椒撈米線配酥炸花枝胚芽珍珠奶茶 +$16 🥤米線同肉燥份量多，汁調教得好好👍花枝丸外脆內軟，唔係一般食開既🌝我怕飲台式奶茶，但呢到既唔錯😲唔太甜，珍珠軟熟唔太硬🥤-朋友食是日精選，每日限量十份㊙️今日係鹵水拼盤配肉燥白珍珠米鹵水拼盤唔會太咸，🥚糖心蛋有水準，雞翼就一般般，咬開有少少斷骨。肉燥份量可以多一點點，畢竟碗飯都頗大🤪 個娃娃菜唔錯👍