齊柏林熱狗店 (良景廣場) (已結業)

即叫即做 超「芝」味黃店推薦美食: 芝味熱狗味道：4星環境：2星（因為係外賣店，買完番屋企食）Cp值：4星服務： 4星好耐冇番黎屯門老家，十點半左右，食完飯又餓餓地，諗番起細個既屯門宵夜集中地-「良景宵夜」。而家已經變左係街市入面既「良景市集」。入到去，見到有新店，重要係之前冇既美式快餐風味，便立刻試試佢先要左個爆多芝士既芝味熱狗，d芝士係熱溶左既個熱狗包上，每一淡都係軟棉棉又熱辣辣既芝士，再加上熱狗條有d脆皮口感，成個熱狗係軟脆兩個口感不斷交替，好食到呢！ 成個熱狗都係即叫即做，成個過程都只係等左5分鐘左右重有得加$12可以簡兩個小食既套餐，我就要左冰菠蘿同埋zero,始終宵夜唔想食太飽，下次先再試薯條成個餐只係50蚊，cp值超高會再番食夜晚個店員服務都好親切，我問佢d腸係咩肉都好細心解答，重推薦左我食個咁好食既熱狗，超感謝佢

夜晚晚抵受唔住芝士的誘惑就落咗街食宵夜🤤 終於試到良景市集黄店💛💛💛💛💛 由於即叫即整，當晚人流又多，但員工都好快手，等咗20分鐘左右都已經有得食。因為堂食得企位，所以決定外賣拎番屋企慢慢食😋見到第一眼已經忍唔住偷食咗條薯條，因為新鮮炸起所以脆卜卜，加埋芝士辣肉醬真係好邪惡呀😫😫😫澳洲風情熱狗🌭內有芝士 煙肉 菠蘿 千島醬 扭繪堡腸 又足料 芝士醬又夠 重點係拎到番屋企個包皮都仲係外脆內軟😍 啖啖咬落去都係餡料，唔係空氣！正😋😋😋😋芝士辣肉醬薯條🍟好彩新鮮整出黎時食咗幾條😢 番到屋企就已經淋了 傷心💔 肉醬味道偏甜少辣 好開胃 芝士醬略嫌少咗d 食到底開始冇芝士 但相比起其他食肆 呢間落嘅芝士已經算好多了☺ 呢間小店近來在粉嶺開了分店，香港人記得一齊去支持啦🔊

話說，之前家姐同我講良景開左熱狗店，佢話聽聞好好味，天水圍大排長龍，所以5月1日我就去幫襯黃店，當日超多人😊餐牌都算簡單明瞭，我要了LZ120火灸芝士辣肉醬熱狗$42，LZ129澳式風情熱狗。 然後套餐+$12蚊選2款小食: 細薯條/粟米/菠蘿冰/汽水，咁我就無跟餐，唔想飲汽水，另外要了一份大薯條。中途去了入面買菜，結果出黎仲未有得拎，最後等了20分鐘，不過都知道多人買，而且見所有員工都好勤快咁整，所以都無辦法😆外賣返屋企後既樣，不過薯條依然香脆。上面有蕃茄醬同沙律醬，十分惹味👍我跟媽咪一人一半，先試了火灸芝士辣肉醬熱狗，超多醬料，食落啖啖味👍另一款係澳式風情熱狗，呢個一打開比剛才那款更香，面頭既火灸香味反而比頭先個更重更香，然後有好多煙肉粒菠蘿，再配千島醬，呢個係勁好味👍個肉腸我都比較喜歡呢款扭繪堡腸，食落更惹味，而且我媽也比較喜歡這個。起初媽咪問我幾錢一個，我話大概40元。佢感覺得貴，話都唔平。結果食完之後，媽咪話原來都好飽，而且好味道，仲話食呢個好過M記👍

今日LUNCH想食JUNK FOOD 知道良景新開咗間齊柏林熱狗 之前喺龍門居食過薯條同MOZZARELLA STICKS 覺得幾唔錯， 決定ENCORE， 順便試埋熱狗嚟到先發覺原來呢度係冇MOZZARELLA STICKS 轉食薯格好了由於返到屋企已經係半個鐘之後嘅事 薯條都仲暖暖哋， 但熱狗就真係凍咗建議大家真係要即買即食會比較好 好彩有焗爐，150度焗返幾分鐘，熱狗又重生了火炙芝士辣肉腸熱狗 $42 招牌之一，亦都係bestseller嘅其中一款 半溶嘅芝士食落有拉絲效果雖然係生洋蔥，但冇好辣好攻鼻食落清脆反而幾有口感黃芥末加埋辣肉醬，酸酸地辣辣地個醬濃味得嚟幾開胃，係幾好味嫁呢～澳式風情熱狗 $38 配料其實就係平時PIZZA嘅配料食落成個味都好PIZZA因為有菠蘿嘅關係，成個味道偏甜，好啱小朋友食但部長幾鍾意條紐倫堡腸，有陣好FRESH既香草味打算下次食的話將芝士辣肉腸熱狗既荷蘭腸換做紐倫堡腸咁就咁就perfect池喇～炸魚薯條 $28 炸魚和咗半個鐘之後都仍然鬆脆，冇腍外脆內軟，相當好食薯條係粗薯條，一份兩人SHARE都好足夠由於個醬係面，基本上已經腍曬就算焗爐翻熱都回魂