齊柏林熱狗店 (良景廣場) (已結業)

通常老公去開良㬌買晚餐，我先有機會食到“齊柏林熱狗店”，市中心開左分店我都無食過，因為會有其他選擇。老公影左個餐牌比我問我食邊個包，一睇餐牌價錢上貴左好多，仲要依家無得揀套餐定單叫，依家套餐係跟細薯條同汽水。澳式風情熱狗（套餐）$55： 千島醬配上菠蘿酸酸地好開胃（芝士燒耐小小會好食啲），薯條依家用紙袋裝分量少左（跟蕃茄醬），無以前咁抵食。齊脆雞塊$15（套餐價）：雞塊炸粉吾會好厚，仲配左個燒烤醬。

因為我住田景，間唔中都會去買嚟食一直都鍾意叫熱狗加兩份小食但自從佢轉咗新餐牌，只可以一份小食一罐飲品之後，就少咗食了今次都係照舊叫澳式+細薯以前會叫兩份細薯，因為我唔鍾意飲野但而家改咗就無辦法拎到返屋企，個包嘅面都唔脆其實呢樣野就次次都係咁我只係食過1-2次個包嘅面真係烘到足會有脆口嘅感覺，但幾乎大部份都無其實良景呢間唔算好旺，我每次去佢啲職員都係坐係度玩手機/傾計但出嚟嘅品質就完全唔算合格講真單叫都$40嘅一個熱狗我想你整到熱+脆口少少都唔過份吧？但次次都只係比到「熱」嘅我有時連熱都唔熱，係啲餡熱囉到而家咁多間分店，感覺對員工嘅培訓係十分不足，其實你哋係咪只係特許經營？如果唔係嘅可唔可以系統管理下員工嘅出餐品質？

芝士控必點介紹：1.芝士辣肉醬薯條2.芝味熱狗😋😋😋即使外賣都保持到鬆軟同熱笠笠！😙😙😙😙～滿足到芝士控的要求～話時話良景店堂食未試過，次次都外賣🤔

永遠冇人聽電話，落到去鋪頭，佢3個人坐晒喺度，都冇野做。有好多次落去買(因為佢唔聽電話)，見佢地唔忙，電話響緊，佢地都扮聽唔到。同埋佢地都冇心機整d野食嘅，出面分店唔係咁，係良景依間先咁垃圾

好耐冇食熱狗，諗起附近有間齊柏林，於是等到12點落街買外賣。去到先望到鋪頭支援lingduck，可以落定單先，再慢慢落樓……薯條粉冇晒想食果兩隻，索性唔加錢買。澳式風情熱狗熱狗餡料好足，煙肉、菠蘿、火灸芝士，口感冇得輸。細薯條唔知係咪剛剛開鋪，感覺有d薯條炸得唔夠脆，又唔夠熱，配千島醬茄汁食勉強及格。

外勤到良景， 於是問定一班同事， 諗住十二點買齊柏林熱狗外賣俾大家食早在11:55已在門外等， 直至12:03 拍佢門， 明明入面有兩個職員， 但唔回答於是打open rice 上的電話， 又唔通直至12:10 再問佢， 佢話今日有新人， 要遲d 先開門其實如果你一早話我知， 我唔會白等囉， 因為lunchtime 有限P.S. 上次幫襯， 個女仔reception 態度已經極差， 今次更差打多句， 其實食物唔差， 但職員太年輕， 完全唔識做， 又無禮貌， 真係幫襯第二d 分店好過

明明order 左野食，佢竟然同我cancel 左佢問佢態度仲要超差，完全唔可以接受齊柏林買過幾間，每間職員既態度又差，手腳又慢。呢樣野真係每間都要改進下，有次再去買，見到有4個客系度，我最尾等左半係鐘先有得拎餐

回家攰到死，諗住買個熱狗食，點知一肚氣，之前在男朋友家食過2次元朗店，味道美味，服務良好，但今日良景這家分店，味道不夠元朗店好，入面製包服務員態度很差，高聲取笑客人，希望熱狗店能改善員工質素，不需要有多禮貌對客人，但也請懂得基本禮貌

小編其實試左喱間鋪頭好耐好耐，亦都覺得佢好味既，只係我拖字缺既性格，搞到喱篇食評宜加先面世，希望大家比面睇曬佢，比個LIKE，多多支持👍🏻😝.#澳式風情熱狗 (芝士🧀、煙肉🥓、菠蘿🍍、千島醬🫕、紐綸堡腸🌭)
其實小編之後都食過好幾次喱間鋪頭，我相信好多朋友仔都係，不過唔知吸引你地既第一款熱狗係邊款呢?🙈 小編就係比喱款非傳統熱狗一定要配蕃茄醬既澳式風情所吸引!主要係因為佢冇小編唔鐘意既食材，好似洋蔥、酸瓜、酸菜…等等，佢餡料既配合仲會係想像到既美味~~🤤
當小編外賣返屋企既時候，見到佢個麵包漲卜卜，面頭D醬同芝士又咁豐富，真係食指大動呀🙌🏻 其實佢真係好足料，大大個熱狗，好難一啖咬到曬所有野😆 而佢個麵包好鬆軟，而餡料入面既芝士同煙肉就令到整體既香氣提昇，菠蘿又可以増加當中既口感，而千島醬甜甜酸酸既味道就令人好開胃，又可以減低油膩感~最後就係佢條紐綸堡腸，因為脆皮既關係，加上香料同豬肉既香氣，食落好令人滿足!!大家絕對可以一試😋
.
#芝士大薯條 🍟
小編喺買外賣去朋友屋企玩個陣，朋友搭單叫左份芝士薯條~我想講，D芝士會唔會太多太澎湃?!真係超級邪惡!!🙊 不過因為外賣同埋小編幫「煙肉

同朋友第一次試，本人好鐘意食芝士，所以叫咗芝味熱狗一試，一試就愛上🤤超多芝士，好正。朋友叫咗火炙芝士辣肉醬熱狗同士林原味熱狗，仲叫埋芝士煙肉薯條，炸魚薯條。雖然好邪惡，但超級滿足🥰但等待製作需時🙂

齊柏林呢個星期有個鮮為人知的自取七折優惠，計落其實同某大型連鎖店差唔多價錢，梗係食間好食啲既鋪頭啦。好吸引既海報，但1點落樓已經售罄。澳式風情+薯條+可樂包裝盒好獨特原來而家薯條係咁，當年我食個陣仲會分開千島醬茄汁既兜，不過好在提供咗叉俾食客，唔係真係成手油。唔記得澳式風情都係千島醬，搞到好似同薯條撞味咁，btw有菠蘿既熱狗都幾特別、幾Fresh。熱狗包底被火燒到焦焦地，香脆好食。

間中晚餐會同同事用外賣平台叫依間既熱狗，味道真係唔錯。但係次次都送漏野，好心你地用手筆單就數清楚先啦，打親過去就叫我自己同外賣平台講自己處理，感覺上就係收左錢送左比你就理得你。味道雖好但服務奇差。

今日在公司晚餐經外賣平台叫外賣，收貨後發現缺少了一罐飲品跟冰菠蘿，致電該分店詢問後，是該店職員疏忽沒有把物品準備好給外送人員，但該店店員說要客人自行利用外賣平台退款系統退款，這次事件基本上是店舖漏單問題，為什麼要客人自己去跟外送公司退款，浪費客人的時間，對於該店/店員說話的不負責任行為，本人非常不滿！食物方面其實不錯，味道可以算中上，唯有可惜就是店員服務態度問題，對於處理問題方法只會推卸責任，希望正視問題，有待改進！

依間熱狗店開到港九新界都有，宵夜最佳選擇😍，熱狗即叫即整，有8款吾同既熱狗🌭️，通常等15分鐘左右就拎得。💛 澳式風情熱狗 $38一打開個盒香味撲鼻，麵包軟熟，表面烘到脆脆地，入面有芝士、煙肉、菠蘿、紐倫堡腸、千島醬，配料同醬都足料，依個配搭好似Pizza🤤，整體口感好滿足。+$12套餐任選兩款小食💛 細薯條份量岩岩好，薯條新鮮炸起，熱辣辣加埋啲茄汁同千島醬，好味道。外賣建議盡快食，耐左會變淋。

🥢 火灸芝士辣肉醬熱狗 $42面頭嘅芝士同辣肉醬好多，所以每一啖都可以食到～黃芥末味好出，有少少辣，好過癮，而肉醬嘅蕃茄味都幾濃，食到唔少洋蔥同蕃茄粒🍅🌟推薦度： 8/10•🥢 田園風味熱狗 $30想食熱狗但又唔想咁重味，呢款就係輕量啲嘅推介！配料有番茄、青瓜、洋蔥，青瓜同醬都好足，包烘到燶燶地，即食仲正！🌟推薦度： 8/10•🥢 細薯條（+$12有兩款小食）薯條算粗，幾鍾意茄汁同千島醬嘅配搭，但拎到返屋企係個陣都淋左😔 建議如果唔係即食，而係外賣返屋企食/用外賣app叫，落單個陣同佢講醬要分開裝，咁啲薯條就冇咁易淋啦～🌟推薦度： 7/10•🥢 粟米（+$12有兩款小食）普普通通無咩特別😂🌟推薦度： 5/10