龍城冰室

营业中

休息中

以茶餐廳而言，龍城真的算是頗有誠意的。首先，它的地方很大，所以坐下來算舒服。而且餐牌非常豐富，包含各式各樣的菜式，任君選擇，總有合心水的菜式，所有我經常都會到龍城吃飯。這晚接近八時半到龍城仍然人頭湧湧，還有少許人龍在排隊。🚩晚餐F 鮑魚花菇蒸肉餅飯肉餅大大碟，一個女子是沒有可能可以吃得完，再加上鮑魚及花菇，整個晚餐有誠意。味道方面，肉餅的材料厚實，淡淡肉。有時候到茶餐廳吃肉餅飯，味道會太鹹，但這個肉餅沒有這個問題。餐湯亦不會只有湯，有一些紅青蘿蔔，很足料。而晚餐除了餐湯，還另配一杯飲品，在這個酷熱的天氣下，一定要配杯凍檸茶。之前亦嘗試過他們的常餐、米線餐、酸菜魚餐、冰火菠蘿包及下午茶，都沒有令人失望。

難得男友約了屋企人食飯，一個人收工去左附近一間長期人氣既龍城冰室試下，真是名不虛傳喎！入面裝修同一般冰室有啲分別，都幾華麗光鮮，最重要係啲食物幾有鑊氣。佢地有個是日精選晚餐，包熱飲，餐湯都幾抵食。個人中意食海鮮，所以點左鮮帶子蝦球炒西蘭花配白飯$98，例湯選左羅宋湯，餐飲就選左熱檸茶。鮮帶子蝦球炒西蘭花配白飯真係幾配合想要健康又有肉既大家，帶子每一口都帶著鮮味，十分鮮美。而且蝦亦非常大隻，有成4大隻，鮮帶子量亦好多。加上用蒜蓉炒過既西蘭花真係好岩配白飯，越食越開胃。羅宋湯好好飲，由新鮮蔬菜和肉慢炖而成，口感豐富。整個湯呈現出橙紅色，開胃可口。總括黎講，呢間龍城冰室真是地點方便得黎，食物質素都有驚喜，餐廳既員工服務都不錯，我下次去龍城一定會再黎試下佢既酸菜魚，不論係住附近或者旅客都值得推介去試試香港人既風味！見到佢晚市鑊氣小菜都好正，下次叫埋屋企人一齊試下先。呢個係下次一人必試既酸菜魚，望到隔離枱好大碟。如果少食扒餐都可以試下，大大份仲可以分享食。

餐廳裏太吵了！如果能安裝隔音版會好些。另外，希望餐廳裏可以安裝一個乾乾淨淨又闊落的洗手間。還有，希望餐廳裏可以加多一點餸菜，使客人可以多一點選擇。我希望我下一次來這間餐廳時，這間餐廳能有改善。

旺角茶餐廳 通常都係水準一般。呢一間龍城茶餐廳大排長龍 我就入去試下。見到咁啱有卡位 咁我就食過晚餐。叫咗西蘭花炒龍躉。 我最鍾意食 龍躉。龍躉 總共有六塊 每一個 塊 都大塊， 好好肉地。 一啖咬落去 魚味豐富。 充滿深海魚味道， 咬落去 肉質結實 口感豐富。西蘭花 新鮮即叫即炒， 咬落 香口 醒胃。仲有 一個客 飯， 餐湯 同埋野飲。個餐湯都好足料 西洋菜豬骨湯。 飲落去 沒有味精 的老火湯。 有一嚿豬骨 大大嚿 肉汁鮮味。服務員服務態度好好 坐到舒適 我好滿意呢一餐

旺角每次經過呢間都勁多人食‼️今日平日難得得閒，就試試佢嘅下午茶‼️有新鮮麵包嘅冰室先至最吸引有唔少特色麵包，全部都好想試‼️焙茶朱古力QQ包/芋頭QQ包超想試，不過太飽 所以下次先下午茶餐都有勁多個選擇… 30幾個…粉麵飯包，樣樣都有1. 焗豬扒飯焗豬扒飯超好味地道的經典野，豬扒煎到金黃色，芝士、牛油放入焗爐烤到表面金黃酥脆‼️裡面滋味豐富‼️口感一流豬扒肉質鮮嫩多汁，與芝士和牛油的結合好邪惡‼️加上炒飯底，粒粒分明‼️蕃茄汁同飯既份量配合得好好，唔會話好多茄汁令到個飯好水👍🏻凍奶茶茶香夠，奶味唔會太重👍🏻👍🏻榴槤菠蘿包好少見到有呢一款麵包 $15 即管試吓！好驚喜☺️☺️包入面既榴槤蓉好足‼️榴槤味好香好耐‼️喜愛榴槤嘅人必食不過如果可以整到出面包熱，入面榴槤蓉系凍，冰火交融就更好👍🏻👍🏻🤭白松露雞批$13口感酥脆，白松露味道香濃‼️新鮮熱辣，夠晒邪惡凌晨嚟講夠晒多選擇，食材都好新鮮！夠熱！唔錯👍🏻👍🏻

喺旺角轉車返工嘅時候見到有一冰室嘅物體，我見門面光光猛猛企理乾淨。係就係幾趕時間，諗住冰室可以好快就食完，再上地鐵返工。可能人多嘅關係，又或者我比較心急，上餐係比較慢，同行嗰個個餐碗通粉食晒，佢嗰多士炒蛋同埋腸都未到，我嗰份就正正常常一次過嚟晒。知道點解佢要薄牛扒？因為原來係炸，厚嘅牛扒炸既話應該搞唔掂。牛角包炒蛋都幾好食。呢個價錢中規中矩，算對得住佢價錢，冇失望，亦都冇特別驚喜。因為喺香港好多時候俾咗貴錢，但係食伏野。相信大家都有好多經驗。再睇睇佢餐牌，價錢合理，花款有多。我會推介俾一啲比較實際嘅人。感覺到喺附近住同返工嘅人嘅幸福。突然間想食吓平嘢，質素又OK嘅，呢間係間唔錯嘅選擇。好過去食咩薯條嗰啲快餐好多倍。

趁老婆返學夜，得番一支公，出嚟旺角睇睇波鞋，順便食埋晚飯先返歸， 因為得一個，所以食得好隨意，咁快靚正梗係茶餐廳啦，晌鐵站口見到「龍城冰室」，選擇多，最主要喺門口見到有啲招牌海鮮湯泡飯系列。而家好多茶記、冰室都比較小型，然而呢間「龍城」屬於大鋪，地方大，但格局都喺一貫茶記樣，以卡位為主，裝修就無話玩咩懷舊，勝在夠光猛，最好喺就算處於旺角呢種旺區，都唔會擠到啲枱櫈好逼。食物選擇方面唔講喇，因為作為香港人都知，茶記差唔多要乜有乜，乜餐物餐，碟頭粉麵飯……等等一應俱全，自行慢慢睇個餐牌有咩啱食。老套啲都要補充兩句，基本調味、餐具放晒晌枱側嘅抽櫃中。海鮮湯龍躉泡飯 $69餐牌都特別標明，記得飲湯，真喺無誇張，個湯底真喺好鮮甜，絕無欺場，唔飲真喺走寶，所以，小弟真喺一滴都無嘥，全碗飲晒；再試試啲龍躉，睇相你都見到大大件，而且，煎過嚟，絕對唔喺「求其」，食落魚肉非常嫩滑，好有魚鮮味，貨真價實，加埋其他配菜，勝瓜呀、木耳呀……等等，兼飯粒又分明，故此，整體嚟講真喺可以俾10分佢，不愧為店家推介。懷舊紅豆冰 +$9落單先留意到泡飯系列喺唔跟餐飲，不過要加飲品都好平，熱飲加$3，凍飲加$6，特飲先加$9

今日陪屋企人去旺角睇醫生，諗住食番個下午茶先，所以近近地去咗龍城冰室，餐廳地方大，地理位置優越，在地鐵站隔離，入到去已經坐滿九成座位了，好彩仲有位。休閒下午茶餐都有33款，有三文治、熱狗、西多士、炒粉麵飯……應有盡有，最後叫咗特厚花生醬西多士、港式熱狗皇配沙律，兩杯凍檸茶加多件酥皮蛋撻。其實除咗下午茶，仲有好多選擇，總會揀到合心水的。🌟🌟特厚花生醬西多士真係比其他餐廳的厚，內裏有滿滿的花生醬，加埋一大片牛油，yummy 😋🌟🌟港式熱狗皇，肉腸充滿肉汁，配剛烘熱的熱狗飽🌭，仲有惹味的醬👍🏻👍🏻🌟🌟酥皮蛋撻熱辣辣，外皮鬆脆，內裏嫩滑。🌟🌟檸檬茶用料十足，檸檬片起碼有六、七片，茶味香濃。

一年都唔一次去旺角…求其入一間冰室…點知👅哂嘢…..一入去男服務員招呼帶位同落單都已經令我感覺好差…..中伏🫣🫣🫣落單前問有冇雪碧（7up）..答完有..我地話Ok要雪碧（7up）點知到咗熱奶茶…算了….照飲明明要辣雞髀配沙律…點知嚟到喺咸到PK又生嘅雞髀…追個奄列…服務員態度差…（做緊喇）無耐…啪一聲放落嚟！一肚氣…未食完我地就埋單走😤😤😤奶茶👎🏼…食物質素👎🏼…招呼👎🏼…衛生環境差…👎🏼沒有下一次！….真喺唔好彩入咗間咁嘅冰室

第一次早餐係得半條腸。好笑。係個波羅包夠大個。食物質數可以接受。牛肉麵好咸，咖啡不過不失。牛角包🥐一般般。整體可以接受，侍應的服務態度只逹可接受，未算得講好好。

星期一，陪媽媽覆診骨科，打骨針要先驗血，血液鈣質濃度達標，才可以打針，報告要等１小時，空檔在醫務所附近吃早餐。試試亞皆老街龍城冰室，點了３份早餐，組合如下：#五香肉丁公仔麵+吞拿魚包+熱咖啡吞拿魚包新鮮出爐，好吃！熱咖啡夠濃，好喝！公仔麵煮太軟，不喜歡！#榨菜肉絲米粉+腸仔炒蛋+丹麥酥+熱奶茶榨菜巨鹹，不好吃！腸仔只有半條。丹麥酥夠酥脆，不錯。熱奶茶味道挺好的！#叉燒米粉+腸仔煎蛋+脆豬仔包+熱奶茶叉燒很硬，難吃！脆豬仔包味道不錯。性價比低，試１次就夠的店。

明明屋企樓下就有間龍城冰室，點解仲要喺旺角食呢😂？仲要呢間又多人又要排隊。無他，因為夠快夠平靚正囉。呢個常餐食過好多次，次次都食沙嗲牛，就係未試過招牌香辣魷魚公仔麵。叫得招牌，果然唔錯，辣汁香而不太辣，有啲似街邊辣魚蛋個汁，幾啱我口味。魷魚亦食得出少少鮮味，冇咩雪藏味。另一次下午茶時間嚟到，叫咗個流心芝士西多士，入面嘅芝士夠澎湃，不過出面塊麵包就有朕雞味，我估可能鑊油之前炸過雞翼雞肶，影響味道😆。

咁岩行開旺角，晏啲要去比賽又唔想食咁飽，就打算快食個Dinner，呢間食店座落新之城轉角位大地舖，無論邊條街行過黎，過馬路時一眼就見，望下外裝內裝，見佢裝修都幾企理，等左一陣，人潮無停過咁出出入入，連門外面賣麵包既都有人幫襯，有啲信心，於是就入內幫襯一下，初時坐門口位較為大風，於是轉後一個位就已經唔同，卡位坐得都舒服，店內光猛，餐牌林羅滿目，好多選擇，無論茶餐、泡飯、石頭飯、焗飯、咖喱、小菜好多野揀。焗咖喱薯仔魚柳飯$71落order之後本來焗飯以為要等好耐，點知大概8mins就送上枱，係熱辣辣既，飯粒挺身兼顆粒分明，味道不錯，咖喱唔辣，就算唔食辣既人都可以享用，不過就比較濃味，適合返濃味既朋友，魚柳腍身舖滿盆面，份量唔多，女仔都會食得哂特厚花生醬西多士$28話明特厚，咁佢上枱既時候都真係厚切既，類似四塊白麵包既厚度，面頭擺左舊牛油，熱度令佢開始溶化，糖漿係一包包，唔夠可以問職員再添，花生醬係用粗粒花生醬搽入面，感覺上可以再多啲，落單時要講定

本身 買左個外賣 炒米粉 一鳴驚人 跟住推介朋友一齊食通常都係夜晚12點左右食 老實講 可能個外賣太出色 黎到堂食真係差好遠味道都冇當初咁正不過頭幾次 已經比佢既服務態度都一嗚驚人左🙂戴翻頭盔 食茶餐廳唔係要求oma服務 但基本禮貌都唔係冇呀嘛叫左野食半個鐘 冇反應 點知成張單漏左👍🏻叫左個飯明明係焗飯 比左個碟頭飯 叫我食 ok我食 個侍應行翻過黎judge 問我點解錯？ 情緒何其激動🤡6個人食飯 個場爆左 叫我地3個3個分開食朋友問如果有枱係咪轉翻比我第一個女侍應情緒何其高昂)3個3個坐咪得囉點解唔得:last order 1點半 (當時1點) 你地叫唔切🔥左 :我等都得掛 我會睇時間叫女侍應發晦氣)咁你等啦30秒後，第二個侍應: 你地要叫野食架啦窩，我地1點半截單朋友:我知 我等都得掛侍應:得，不過今日咁樣都冇位比你10秒後，同一個女侍應。。。後方傳來，:衣家要埋單架啦，要比錢先🤡Ok係我地錯 知你地燥底 唔阻你地收工 走先byeUmmm 淨係想問一下如果1家3口出街食飯，得張2人枱，請問 係咪呀爸應該同個女坐，定同佢老婆坐？再請教 係咪等枱一齊坐都係唔允許？🙂

今日申請早放工原因係要去旺角大球場睇阿仔足球比賽！趁有些空閒就入左位於亞皆老街嘅龍城冰室~一人之境嘆番個豐富下午茶先！☕️☕️☕️☕️☕️☕️☕️☕️☕️☕️☕️☕️☕️☕️入到冰室環境地方很大！亦有好多卡位供應 ，實行自己一個慢慢享受！冰室職員個個馬不停蹄落單、餸菜及清潔，睇得出佢哋係一班勤力的職員🧔🏻🧑🏽🧑🏽‍🦱👩🏻‍🦱👱🏼‍♀️餐牌方面：亦有很多選擇~包括：早餐、午餐、常餐茶餐及晚餐！總有一個餐啱大家食！😋🤤😋🤤😋🤤😋🤤😋🤤😋🤤😋🤤因為自己太肚餓關係所以我叫咗一個茶餐加一份特厚花生西多士🧇🥔🧄🥦🥤🐔🧇🧇 🥜🥜單叫：特厚花生醬西多士 $28西多士一定要趁新鮮熱辣辣食先好食！一嚿一嚿慢慢切來品嚐就至啱！好享受呢個感覺！ 外脆內軟中間夾住花生醬特別好味！中間牛油趁熱滲入多士面層額外超正！獨立包裝嘅蜜糖任你喜好加多少！ 好味道及滿足 😋😋😋😋😋😋😋😋🧄🐔🥔🥬 蒜蓉雞扒椰菜配德國腸及焗薯加凍檸茶🥤🧊 $68呢碟下午茶令我好滿意尤其是焗薯🥔因為好欣賞廚師洗到個薯仔外皮好乾淨，焗薯口感非常‘’粉‘’再加少少胡麻醬・都係第一次嘗試食！蒜香汁好多蒜蓉令到沾上雞扒都好惹味！雞扒肉汁嫩滑，外皮炸得香脆！呢個餐冇得輸！🤗🤗🤗🤗🤗🤗🤗