龍城冰室

营业中

休息中

呢間冰室一到晚市或者假日就會好多人排隊 最近因為疫情關係 冇得堂食 就決定試下外賣佢食啦！順帶一提 佢有提供外賣服務到附近屋苑*外賣時間係2:30pm-11pm*我總共叫左3樣野 紅酒雜扒飯,焗咖啡薯仔雞扒飯 同埋酥皮蛋撻 首先講講佢服務，我見到既員工都態度好聲好氣，就算面對宜家疫市都唔會好似其他餐廳咁西口西面，而我個陣因爲叫左焗飯要等一陣 佢都俾我涼住冷氣等外賣 以茶記/冰室黎講係好好態度而佢野食方面都十分唔錯！紅酒燒汁雜扒飯 ❤️❤️❤️❤️ $59 雜扒顧名思義包括豬扒牛扒雞扒，首先係佢既份量 好要逼爆個外賣盒咁，3塊扒都絕對唔細塊。驚喜既係，佢既牛扒係有水準既牛扒，通常係茶記/冰室食既雜扒飯，啲牛扒都係整得好un，但佢係好淋而且唔會乾！而其他扒都係一樣唔係油 但唔乾身。焗咖哩薯仔雞扒飯 ❤️❤️❤️❤️❤️$56我見到佢咖哩係寫住馳名咖哩 而且仲有焗飯 就試下。首先係我拎到返屋企佢都仲熱辣辣，另外又係份量超多 一打開蓋已經好香既馬來咖哩香料味 食完仲覺得佢有淡淡既椰奶加花生味 真係會想再食！果然係馳名咖哩！ 酥皮蛋撻 ❤️❤️❤️ $5/個 對於酥皮蛋撻我認為比較遜色既係酥皮既部份 層酥皮酥得來比較鬆

龍城算係連鎖中唔質一直都維持不錯嘅質素！今晚繼續幫襯龍城！佢地嘅下午茶都好抵叫，今日揀咗肉醬意粉，拎到返屋企都好熱辣辣。而且麵量麵唔少。另外不得不試佢地個瑞士雞髀！大大隻😍唔肥膩，仲配埋個司華力腸,完全full哂！屋企人仲要咗個熱狗，大大份。佢地嘅食物全部都好抵食，見分店都幾多，大家都可以試下，最近成日煮，煮耐咗都想食下外賣，加上外賣都好抵食宜家！一定要試下佢地嘅茶餐，十分抵食呀！😋😋😋😋

一間茶餐廳好唔好，要睇佢啲茶同啡，仲有卡座舒適度，更加要睇埋同你講野落單果個啦。 點都好，佢價位都算貴，但附近食得落同坐得耐既茶記真係無咩。通常去都係食早餐，35蚊個，凍飲加3蚊，接受到啦。 炒蛋就一般，但佢啲包同蛋撻真係好食，可能真係新鮮仲保持到溫度，所以每次去都會叫其中一樣。 沙爹牛肉公仔麵就一定係港旗必食啦，望落去叫做似樣，湯底一向都可以，絕對係食得落，口感一流，證明廚房功多藝熟，好過好多附近既茶記啦。

今日同呀媽去左九龍灣行街，諗住去淘大商場，點知一過條馬路，就見到大大間龍城冰室係我面見，冰室店外仲有甘香既菠蘿油包.. 酥皮蛋撻賣，更加吸引到我入去嘆下下午茶......😊下午茶餐牌，呢張只係店內其中一張...仲有好多款式選擇......我媽媽想食下d 湯粉，叫左牛腩湯河粉...我試左佢既牛腩，肉質彈牙鬆軟，容易入口，腩汁又好好味，份量十足...仲有香蔥作配搭...正！而我就叫左瑞士雞中翼併公仔麵，瑞士汁不太鹹，味道適中，雞肉嫩滑，多肉！😄茶餐配有滑蛋同牛油豬仔包....去冰室食當然要食下牛油豬仔包啦，包既外層好鬆脆，再有牛油配搭....如果下次有埋煉奶係上面，更加冇得頂！😆黎到冰室，我叫左必飲既凍零茶，茶餐廳冲既茶味較濃，十分地道，正！空間比較闊躺，坐佷十大舒適，空調適中！埋單只係$93， 抵食！😋l防疫措施做得唔錯......

今日出左觀塘搵friend，搵完無野做餓餓地求其想搵啲野食下，過馬路時咁岩見到呢間dragon city，咁就入左去試下。入面既menu都好大本，好多選擇，揀唔落手，最後叫左好多野食。冰室緊係唔少得紅豆冰，呢到紅豆冰好出色，紅豆煲到淋晒先拎出黎做紅豆冰，試過有啲canteen啲紅豆硬過石頭，真係飲唔落口，而呢到就似紅豆沙啲紅豆，夠晒軟身，咁先飲到嫁嘛！之後叫左個咖哩牛脷飯，加多個豬仔包。豬仔包新鮮出爐夠晒脆卜卜，加埋啲牛油，正呀！咖哩係經典港式起沙椰汁咖哩，椰汁味好重，香港地而家好難搵到嫁啦。加上份量勁多，牛脷下面竟然唔係用薯仔抬頭，而係一舊又一舊既牛脷！最後仲叫左個炸雞，好香，不過食落有少少過硬，味道不錯！整體黎講都叫可以接受。埋單$111，食到正野，good!

今日去咗九龍灣探朋友，探完之後又到下午茶時間，見到龍城冰室高朋滿座，食物質素應該唔錯，所以就入去試試！裝修新穎光猛！有自選下午茶，可以自由配搭，都幾抵食！亦有焗飯，炒飯，湯麵之類，種類繁多！XO 醬楊州炒飯$44好大碟，好抵食，飯炒到粒粒分明，配菜多，有蝦仁，生菜絲，叉燒粒，蛋絲，每啖飯都充滿濃烈嘅XO醬味道！呢度嘅奶茶都值得一題，茶味甚濃，奶又滑！焗鮮茄豬扒飯$44豬扒肉質唔會太硬，茄味濃郁又多蕃茄，再加埋香濃嘅芝士一齊食簡直邪惡呀！紅豆西多士$32西多士就食得多，加埋紅豆一齊食就未試過，食落口感豐富，有香甜紅豆嘅味道！唔錯喎！由於今日太肚餓嘅關係，兩個人叫咗三個茶餐，埋單只需$120，真係好抵食！而且味道亦唔錯，真係價廉物美！👍🏻👍🏻

本來港式茶餐廳「龍城冰室」，位於「牛頭角道」裡面的分店店舖裡面，牆壁上掛着很多部會播放電視節目的電視機，隨時都有可以播放，令我用餐期間心情大受影響電視新聞報導。幸好到了當日黃昏，我正式光顧牛頭角分店「龍城冰室」和享用晚餐的時候，牛頭角分店「龍城冰室」裡面的所有掛牆電視機，忽然全部沒有打開，我當堂立刻鬆了一口氣。不過有一點即使牛頭角「龍城冰室」沒有開啟電視機，也無法改變「龍城冰室」餐牌裡面，沒有提供能夠同時兼備牛肉，跟雞肉的飯類食品，迫使我要增加賬單費用，多點一款食品。結果我選擇了，牛頭角分店「龍城冰室」廚房製作，「咖喱牛腩」跟白飯分開各自被送上，售價在「龍城冰室」餐牌裡面，屬於中價水平，賣港幣五十五元的「咖喱牛腩飯」，作為我的晚餐主菜食品。至於我在平日晚餐裡面，除了「牛腩」之外，同樣在我晚餐裡面，屬於非食不可的雞肉食品「韓式炸雞」，「韓式炸雞」跟實際製成品比較，兩者幾乎都是一模一樣，表面沒有塗抹任何醬料。「龍城冰室」直接從廚房炸鍋裡面炸起，沒有在炸雞雞肉表面上任何甜味韓式醬料，只附上一碟甜辣味醬料的做法，跟我在一年半之前，在「韓國」「首爾」酒店樓下的韓國炸雞店裡面食到的炸雞幾乎一模一樣

今晚會喺淘大睇戲，於是去龍城食個快靚正餐😋第一次黎呢間龍城，環境好光猛，都幾多位。一如既往咩都有得食！中西餐、焗飯、麵包etc 今晚我揀左板燒和風嫩牛柳配照燒汁、跟薯菜、配羅宋湯(=$88)、加特飲紅豆冰（+$8），另外叫多個蒜蓉牛油煙肉焗青口5隻($38)，埋單$134我幾鐘意個嫩牛柳，因為肉質真係幾鮮嫩、好易咬，唔會起肉渣，而且好夠味，唔洗點汁都好好味！另外個焗薯只係外面加左醬，入面無加任何野，我覺得幾好，因為可以中和返嫩牛肉既油，令到呢個餐感覺上幾健康😃紅豆冰係我既至愛，因為紅豆夠甜夠粉，飲完心情都愉快左😆焗青口好抵食！$38就有5個👍🏻味道都ok。因為上菜好快，所以我地趕得切喺半個鐘內食完，然後趕去睇戲😂龍城係高質快餐不二之選👍🏻😋

近排睇戲好平，就走左去睇金都。睇完已經係好夜了，好多餐廳都已經收咗，又見餓餓地，行過見到呢間未收，咁就走咗入去食宵夜lu.XO醬楊州炒飯，大大碟，XO醬味唔算重，唔會話好辣食唔到，蝦仁冇雪味，肉質亦冇霉，個飯炒得幾好，材料都炒得好均勻，食嘅每一啖都會有味。飯入邊有少少蔥花，好香，我喜歡。佢個宵夜餐單都幾多選擇，下次可以試埋其他。

今日同同事們一齊食下午茶，我哋一共叫左20多個下午茶餐，首先佢哋嘅下午茶款式都多，可以選擇嘅嘢都多，今次我哋叫得最多嘅就係炸雞髀（唔知做咩事個雞髀有啲咖喱嘅味道）。雞髀都幾大隻仔都有個手板咁大😏仲有個薯皇都唔錯。‼️唯一嘅缺點沒有外賣服務，叫我哋自己行去拎😖好重呀😅仲要咁多樣嘢食放埋同一個袋入面，拎嗰個都好辛苦。你哋可以睇吓個餐牌

來牛頭角辦點公事，見到這家龍城冰室位置方便，就地鐵站下來只需五分鐘，就簡簡單單吃吧。自選下午茶韭菜餃生菜湯拼瑞士雞髀（加$4）下午茶難得吃少許菜，韭菜餃味濃，有三隻，讓我可留下胃口吃瑞士雞脾！呵呵！瑞士汁超濃，吃下來是甜甜、很入味，真是啖啖肉。咖喱牛肉飯老公吃的咖喱牛肉飯，我也點了一些咖喱汁來吃，椰香味重，不同的香料混合在一起，使這簡單的牛肉更出色。椰汁紅豆冰椰汁紅豆冰有很多豆，是女士們的最愛，滿足！紅豆軟稔，椰汁香，下次必點！

有一間百貨公司每個星期三都做優惠， 所以呢日我哋嚟到九龍灣掃貨， 掃完貨之後喺地鐵站附近搵嘢食， 我哋選擇咗間冰室。因肺炎横行嘅關係餐廳都有幫每位客人量體溫， 座位與座位之間都有塊板阻隔飛沫， 呢間餐廳仲有多一塊板阻隔路口位。黑松露蝦仁炒蛋& 中式牛柳我哋叫咗個小菜孖寶套餐， 包湯，飲品，白飯。黑松露蝦仁炒蛋嘅份量都幾多， 我諗下虾差不多有二十隻， 炒蛋有好濃嘅黑松露味道， 蛋嘅質地都炒得幾滑。中式牛柳的味道都係甜甜酸酸， 夠開胃，牛柳嘅質地夠淋， 夠牛味。印尼炒飯炒飯嘅味道夠惹味唔辣， 飯粒夠爽， 唔會有一舊舊， 炒飯嘅配料有雞粒，蝦仔等， 仲有一寸燒雞肉和煎蛋。避風塘茄子茄子嘅製造方法係用炸漿來炸， 再鋪上炸蒜和辣椒等， 炸漿炸得幾脆， 茄子都保持到濕潤，唔會炸到太乾， 唔算太辣， 個人建議可以再辣少少。

之前因為疫情關係，好少出去行街食飯見最近疫情開始緩和，就同屋企人出咗去九龍灣行下街食下飯今次揀咗港式餐廳，支持下本土食物呢間冰室外面有新鮮麵包賣，裏面嘅座位都幾闊落餐牌選擇比想像中多，除咗一般焗粉麵飯、港式茶餐同小菜等，仲有啲比較特色嘅東南亞菜式、鐵板餐等等，有少少花多眼亂見晚市嘅小菜孖寶幾抵食，就揀咗兩個餸試下小菜孖寶有湯贈送，可以揀中湯或者羅宋湯黑松露蝦仁炒滑蛋蝦仁同滑蛋嘅份量都幾多，滑蛋唔會炒得過老， 加上黑松露，令味道比較清淡嘅蝦仁同滑蛋變得惹味可口中式牛柳因為唔想吐骨，就揀咗牛柳試下牛柳同樣大大份，配搭甜甜酸酸嘅中式醬汁，呢款菜式送飯一流避風塘茄子茄子大大件炸得好香脆，避風塘口味香辣惹味，作為小食非常出色印尼炒飯揀咗中式小菜，就揀個其他口味嘅炒飯炒飯夠乾身，味道偏濃，裏面加咗蝦、蔬菜等等嘅配料，無論味道定口感都夠曬豐富呢度啲位夠闊落，而且環境空間夠大，成餐飯食得好舒服食物嘅質素都唔錯，下次嚟行街都可以再考慮喺度開飯

🐾 龍城冰室 (牛頭角) 🐾-柱候牛腩米$35✔️芝士流心西多士$22✔️-柱候牛腩米:啲牛腩淋到好林，湯底就係普通嘅魚湯，不過食呢啲都係一定要落辣椒油同埋醋先正😻😻😻😻-芝士流心西多士:入面得一片芝士同埋其實佢唔流心嘅😂😂我會鍾意返普通個隻西多士多啲🤣——————————————(非專業,完全跟據個人口味☺)食物:6/10環境:8/10服務:7/10人均消費:$50———————————————▪店舖名稱: 龍城冰室 (牛頭角) ▪店舖地址:🔸 牛頭角牛頭角道55號利基大廈地下C舖 -----------------------

在10月10日當晚，跟睇戲朋友走到九龍灣淘大 UA cinema 睇 <雙子任務：叠影危機>，並慶祝他生日！由於，他當日放假可早到，讓他先找出心水餐廳吧！他認為淘大商場無咩啱食！因為我不熟路，他約我在淘大商場附近路口等我，他帶我去一間近住馬路的 <龍城冰室>！我們兩人被安排到大方枱跟另外一對夫婦搭枱，反而，無安排到較後位置的大卡位！打開餐牌，大致上，晚餐幾十$ 已有交易，他真的錫住我銀包呢！ 況且，應該上得快，可配合我們飯後睇戲的 schedule 呀！兩樣美食同時間送上！招牌石鍋鮑魚蝦球炒飯 $72熱辣辣香噴噴的石鍋鮑魚蝦球炒飯，有多粒鮑魚仔及好幾隻蝦球，炒飯色澤均勻，還不會炒得太乾，鮑魚仔有彈性，蝦球食落爽口有鹹味！ 食到尾仍出煙，保溫度高！招牌海龍皇鐵板炒麵 $71他選擇的招牌海龍皇鐵板炒麵，賣相色彩繽紛，惹人垂涎欲滴呢！海鮮包括：蝦、蟹柳、青口、魷魚，還有花膠、冬菇...等，鮮味滿載，炒麵質感好似肉絲炒麵那種雙重口感，好正！