龍泉冰室 (已結業)

今日去九龍城買香料，順便食埋飯。見到龍泉冰室幾多食客，便入內試下。冰室食物選擇多，價錢大眾化。媽媽無飯不歡，便選兩個小菜套餐。套餐包例湯，小菜，白飯和飲品，抵食。我們選了兩個招牌菜，士多啤梨骨($68)和霸王雞($78)。例湯粉葛粟米紅蘿蔔不欺場，正。士多啤梨骨酸甜淋身好食，忍不住吃完一塊又一塊，份量又多。霸王雞也可口，雞滑有雞味，配菜的葱段和紅椒也美味。飯有飯味。飲品我們加$轉了特飲。咸檸碧有特色(+$12)和層次感，送小菜一流。媽媽話佢杯涼粉紅豆冰(+$8)好味香甜。雖然已很飽，忍不住叫了個出名的軟殻蟹菠蘿包($45)。個包上到枱禁不住wow一聲，個飽令你口水流。隻軟殻蟹好大隻伸哂出來，用刀切來吃，新鮮美味有口感，又有創意，滿足。吃得開心滿意，帶了吃剩的雞和士多啤梨骨回家，不用加一，衹需$211元，超值。

港式茶餐廳又會有台式選擇！係九龍城lunch既選擇之一！美國雞扒煎雙蛋葱油撈公仔麵 $58港式味道，雞扒厚肉入味，唔會好乾都有肉汁，皮煎得幾香口。葱油再加上蛋漿，撈埋公仔麵，唔會過份油膩但感覺非常邪惡！炸雞塊肉燥飯 $58都幾足料，肉燥入味唔會太咸，撈飯唔錯！雞塊炸得好夠火候，炸粉唔會太厚，入面都仲有肉汁。份量足而且好夠飽！涼粉紅豆冰紅豆甜，再加上滑既涼粉，有口感又解渴！阿華田唔會淨係沖粉既感覺，都濃既。

朋友們常常誤以為我晚晚大魚大肉，出入高級餐廳，但其實我都會幫襯茶餐廳晚市小菜㗎，今晚就和友人在九龍城龍泉冰室食dinner, 頗不錯呀！晚市小菜套餐共有二十多款，價錢由$68至$78元跟老火例湯，白飯及熱飲（凍飲加$3），好抵食。例湯~除了有蕃茄薯仔紅蘿蔔外，還有雞肉，清甜而沒有味精，好正！忍唔住叫店員再裝多一碗湯俾我。招牌咖哩牛腩~牛腩軟中帶咬勁，入口散發濃郁的咖哩香味，少辣，還有紅蘿蔔，青椒和洋蔥作配菜，十分惹味。士多啤梨骨~酸甜度啱啱好，肉味香甜有口感，酸酸甜甜好醒胃，好美味！冬菜蒸黃花魚~蒸魚餐有4款魚可供選擇，除了有黄花外，還有黄腳立，䱽魚和鲩魚，可以用豉汁，清蒸和冬菜蒸，我就揀左冬菜蒸黄花魚。黄花魚肉質嫩滑，非常新鮮，以大量的葱和冬菜一起蒸，更能提昇魚的鮮味，連魚汁也特別鲜甜美味，送飯一流。熱奶茶~茶味香濃又夠滑，不錯。

踢完波跟波友到附近吃飯，兩支公當然想吃點「佬味」較重的家常小菜。豉汁蒸倉魚，配上豉椒、蔥、薑絲及紅椒絲清蒸，造成雖簡單，但蒸魚時間及揀選魚都有學問，L 自己在家做不到。魚肉鮮嫩，入口配上豉汁，伴飯一流。霸王雞以蔥花及紅椒絲點綴雞不算厚肉但都算滑，亦不會太油。即使不是馬明都來一碗青紅蘿蔔粟米足料老火靚湯心靈安慰一下吧。波友在場上嗌到聲沙，來一杯柚子蜜潤喉。L 則來杯透心涼的涼粉紅豆冰，紅豆腍又不會太甜。尚有多款小菜選擇，

週末假期去左九龍城廣場玩加行街，之後到左附近既茶餐廳食下午茶😋餐飲叫左熱杏霜，凍檸茶。蜜味叉燒煎蛋飯蜜汁叉燒肥瘦適中，再加埋太陽蛋煎得真係好靚，加埋甜豉油蔥油自己鍾意落幾多就落幾多撈飯一流😋😋大澳蝦醬生炒牛肉飯雖然依家炒飯係用蝦醬炒但味道唔會好鹹味道適中再配埋牛肉一齊食幾好👍友人叫左兩個下午茶餐要了可口可樂及咖啡☕️咖啡幾好味😋奶既比例幾好咖啡好香好奶滑。蔥花叉燒粒炒蛋菠蘿包第一次食菠蘿包中間夾住叉燒炒蛋，炒蛋炒得好幼滑配埋美味多汁嘅叉燒，叉燒鹹鹹地再加埋菠蘿包甜甜地幾好味👍😋粒粒黑白西多士每一件都沾滿朱古力及煉奶醬，中間仲有搽左朱古力醬，西多士雖然係炸過但唔會很油。

餐廳招牌設計一目了然，一睇就知係港式冰室，店內裝修簡約，冰室黎講座位算闊落。員工服務態度友善，接近黃昏時間，客人不多，上菜速度很快，食物味道中上。蔥花叉燒粒炒蛋菠蘿包配熱檸水 $34 8/10餐牌上一睇到個名就覺得個配搭好新穎，於是毫不猶豫就叫左先試咗少少叉燒炒蛋，雞蛋嫩滑，叉燒蜜汁味香濃，肉質算軟稔，跟住夾埋舊菠蘿飽食，包皮無變濕變淋，依然爽脆，連埋一齊食，味道出奇地夾，食到尾仲有甜絲絲嘅味道，可以一試👍椰香葡汁焗雞肉飯 $58 7.5/10椰香味就唔太覺得有，雞肉嘅質感亦不太鮮嫩，不過勝在葡汁食落甜甜地，成個飯帶有陣陣嘅煙燻味，香氣撲鼻，整體味道可接受

差不多每天上班都會路過這間冰室，不過從未幫襯，因為之前在OpenRice看到太多劣評，所以不敢光顧。不過這間冰室能夠在九龍城生存了這麼多年，質素應該不會太差，因此今天下午有空，便來試過究竟。芫荽鮮豬潤湯公仔麵$40。湯底有芫荽和姜的香氣，味道清甜。豬潤爽口，味道濃郁，加上公仔麵軟硬適中，很快便被消滅了。凍鴛鴦加 $3。奶茶和咖啡的比例均衡，味道不會過甜。吉列豬扒拼雜果沙律$43。吉列豬扒外表香脆，內裏肉汁豐富，如果配上自家製的沙律醬，味道更佳。沙律有紅蘿蔔、青瓜、蒟蒻、菠蘿和馬鈴薯🥔，由於不是罐裝的，味道比較甜美。紅豆冰跟餐另加$5。紅豆烹煮得很軟綿綿，加上份量十足，配合花奶，味道確是不錯。黑白西多士$35。西多士內裏有花生醬，帶點鹹味，外脆內軟，配上朱古力和煉奶的味道，層次感更多。藥膳蟲草花鴨腿湯飯$68，湯底味道鮮甜，鴨腿份量有一隻，不過和傳統的鸭腿湯飯，做法有些分別，所以和期望有點落差。

九龍城食肆林立，如果要每間都食一次，不知要食到何年何月。今晚來到福佬村道一間不太起眼的餐廳「龍泉冰室」食個簡單的晚飯，雖然打開openrice睇到食評不多，但飯後感覺仍是值得給予好評的。餐廳面積不大，感覺企理，餐牌有好幾張，小菜、粉麵、焗飯都有，選擇頗多，我和朋友各叫了一款小菜一齊食。《合掌瓜紅蘿蔔豬骨湯》清甜好飲，無加味精《鮮茄炒牛肉》$78《金菇肉碎扒豆腐》$68兩款餸的味道偏淡，卻正合我胃口，撈白飯食一流，鮮茄牛肉內加了很多洋蔥，酸酸甜甜的，不知不覺就食晒整碗飯。金菇豆腐也很多，大大舊豆腐食落夠口感。《菜心》加$25 油菜份量都Ok特飲加$8，叫了凍熱柚子蜜各一杯吃飯期間，見到不斷有外賣單，等外賣的客人絡繹不斷，服務員的態度良好，相信之後會有更多好評。

香港餐廳林立，各國美食包羅萬有，本地餐飲業競爭一向十分激烈；加上疫情的衝擊，為菜餚創新便成了餐廳的恒常課題。位於九龍城的龍泉冰室便成功把懷舊冰室美食糅合創意，殺出一條血路。環境：餐廳乾淨整潔，感覺相對摩登，卻又刻意加入舊年代裝潢，如天花板上的吊扇、黑白相間的格紋地板、木卡位雅座等，很有港式冰室風格。服務：筆者當天用餐時間正值下午茶時段，客人較多，但店員態度友善，上菜速度亦頗快。食物：筆者誠意推薦👇🏻🍍 蔥花叉燒粒炒蛋菠蘿包 ($34，包咖啡或茶) ✨把嫩滑的蔥花叉燒粒炒蛋跟菠蘿包合體，創新亦夠「呃Like」！✨菠蘿包飽滿鬆化，烘得香甜酥脆，跟充滿蔥油香的嫩滑叉燒炒蛋十分搭配。🍞 粒粒黑白西多士 ($35，包咖啡或茶)✨並不是傳統的「厚多士」，而是以六大「金磚」上菜。外表炸至金黃，吃起身來外脆内軟，再澆上甜甜的朱古力漿及練奶，好吃！☕️ 奶茶✨筆者不是奶茶迷，不是品奶茶高手，但這杯奶茶茶味濃，入口順滑。🍧 紅豆冰 (另加$8)✨紅豆冰絕對是童年回憶！紅豆有咬感，花奶香重，口感順滑，不會太甜。總結（5分滿分）餐廳環境🖼🖼🖼🖼餐廳服務🤵🏻🤵🏻🤵🏻🤵🏻🤵🏻食物賣相🌸🌸🌸🌸味道質素👅👅👅👅👅整體價

今晚又係九龍城搵食，今次唔食泰國菜，搵返港色茶記，入左間叫龍泉冰室，裝潢都有點舊式茶餐廳。叫左三樣小菜有飯有湯仲有飲品。1. 醬爆雞煲$78：雞肉炸過來，再炆煮，味道濃郁，配有爽脆西芹。2. 茄子🍆肥牛煲$68：魚香茄子食得多，今次新口味，茄子炆肥牛，新鮮茄子炆得超淋又好入味，一片片肥牛，好好配飯的一味小菜。3. 椒鹽排骨$68：一字骨炸到乾身香噴噴,再配上椒鹽蒜蓉更添香氣。餐廳還有好多選擇，早餐、常餐、下午茶和其他粉麵、大家可以試吓其他時間光顧。

✨中女獨食難肥日誌 ✨龍泉冰室 中女食九龍城又到lunch hour，九龍城有好多特色茶餐廳，與友人這天試了龍泉冰室！一般茶餐廳格局，食物種類好多，花多眼亂！秘製蔥油撈公仔麵 $58我忽然好想食蔥油撈公仔麵，店員推介了配美國雞扒煎雙蛋！兩隻太陽蛋煎得好靚，雞排亦好大塊！另外配上蔥油撈在公仔麵上，好香口！炸雞塊肉燥飯 $53朋友選了肉操飯，這個炸雞塊比我塊雞扒更好味！肉燥份量好多，鋪滿整個飯面！涼粉紅豆冰天氣開始熱，叫了涼粉紅豆冰，紅豆煮得起沙，加上粒粒涼粉，好消暑！食到好飽😆📮地址: 龍泉冰室 (九龍城)九龍城福佬村道20-22號學林軒地下A號舖☎電話: 28821933

返工放工咁攰都唔想喺屋企煮餸，經過呢間新開嘅餐廳，晚餐主打都係食小菜，望過Menu都幾吸引，咪試下囉！茶餐廳來講 環境都舒適。1. XO 翠玉瓜豬頸肉份量絕對係夠多，翠玉瓜夠爽口，豬頸肉入味 ✅ok2. 士多啤梨骨聽個名都覺得幾有趣食。落酸酸甜甜，肉質夠”lam”汁醬仲可以撈飯食，好開胃整體覺得都唔錯ga，起碼價錢夠經濟實惠，份量又足夠一定食得飽，款式又夠多，又有例湯。簡簡單單兩個人嘅晚餐，期待下次試吓佢唔同嘅餸。

今日初三，為左打波，就近求其揾間冰室食野。等左半個鐘，問左侍應好多次，幾時有得食，答覆係炒緊，態度好差，再等左十分鐘，先至上咗炒飯。跟住上來張單，先睇到今日加20％service charge. 大佬，你估係五星級酒店咩？冰室假期加一可以理解，但加二真係搶錢嘍。啲嘢係求其野，食唔到鮑汁味。第日真係唔會再幫襯！

本身我都食過呢間外賣晚市 質素都叫好食嘅點知我今日打去叫外賣 轉頭去拎呢到啲高質素侍應話 因為我講嘢1999 所以冇幫我落單真係嬲到我 愈諗愈嬲 聽唔清楚就問多次啦擺到明係漏單自己唔認衰永不幫襯

星期六朝早去九龍城，見到呢間餐廳嘅餐牌設計比較特別，同埋見到啲價錢都唔係太貴，就試吓呢度嘅早餐set。我就叫咗個五香肉丁公仔麵，阿女就叫咗個羅宋湯牛腩粒通粉。兩個set都係包厚多士同埋火腿炒蛋或者火腿奄列，再加杯嘢飲。入到去地方都寬敞，同埋要量體溫。個多士都好香牛油味同烘得夠時間，個炒蛋同火腿就中規中矩，味道比較淡，所以侍應都問我哋需唔需要加鹽或者胡椒粉。當兩個粉同麵嚟到嘅時候，就覺得份量超級大。我個女係食咗半個通粉已經飽咗。我有試佢個羅宋湯，味道都好濃而且唔辣，牛腩粒都唔會好un。食完都唔會口渴。而個五香肉丁都唔算少餸，但整體就冇咩特別。