龍皇酒家 (活@KCC) (已結業)

呢間水準一般，服務一般，價錢唔平。黑炭流沙包同埋生煎包幾好食，熱辣辣，好食。其他就好普通。一家人飲早茶，叫左6，7樣野 都要$500。茶位唔平，又加一，服務可以改善下

龍皇是一間高格調的酒樓，如果想享用較高層次的食物，和感受豪華氣氛，不妨試一試，但當然，同時也要付出昂貴的價錢。龍皇在我公司附近，光顧的次數不少，不過，近來可能年近歲晚，午市都要等上一段時間，我們只有一小時午膳時間的快餐族就不可能有等候的時間，一見人多，多會轉去別間食肆。今天居然即時有位，便進入去大塊朵頤，一飽口福。我們三人點選了六個點心，後來每人加了一個甜品。首要的，我們想再次品嚐「原隻鮑魚燒賣」和「黑松露水晶餃」。當點心到來之後，大家都目膯口呆，以往的鮑魚，變成豆豉般的大小，頓然大失所望，同時，也佩服酒樓的買手，可以物識到如此小的鮑魚，真難為了他。當然我們明白物價上漲，但如此將貨就價，不是我們客人所見，我們寧願付多一點點，可以享用可口的美食。至於黑松露水晶餃，都能保持以往的水平，點心一來，黑松露的香氣四溢，一時間都可以滿足口腹之慾。今天的鮑魚燒賣，每一隻鮑魚像是縮了水，變成鮑魚BB以前的鮑魚燒賣，每一隻鮑魚都大過粒燒賣其他點心，都陸逐到來。南翔小籠包，皮薄餡靚，而且熱騰騰的；雪嶺叉燒包，外皮鬆脆，包內豐盛的肉汁和醬汁，昇華了叉燒的質感；蘿蔔千絲酥，外皮有如一柳柳的絲線，入口脆卜卜，餡

農曆新年想食中菜晚飯不想等位就真的有點難，難得的是這分店平日中午人很多，到假日反而沒有人。試過中午想來飲茶，人多到排了半小時人龍都無進展，只見到不斷有客人揮手叫侍應，但樓面完全唔夠人，更有負責接待的服務員做到發哂脾氣。食前已看過不同的負評，試過就知為什麼！叫菜時侍應話自己老花看不到菜單🤦🏻‍♀️，叫我們說菜的no.，我們也再三核對菜名和no.，確保無叫錯。原茄野菌田園蔬不知為什麼來到變了番茄生菜，價錢也不同了🤷🏻‍♀️，不過算吧，這碟菜應覺挺健康，像在家煮的般。雙蔥軟殼蟹油下得挺多，不過夠鑊氣，軟殼蟹都大隻有肉。窩燒龍躉頭腩不知為什麼出到來變了古法蒸龍躉🤦🏻‍♀️，不過價錢一樣，家人又不介意就照食，味道方面是可以的，不過價錢較貴。紫薯壽桃包見是紫薯所以嚐嚐，沒什麼特別，像是已整好然後翻熱出來的。結構：1.員工雖然有點論盡，但是應該無落錯單，可能是電腦的menu未update😅2.菜的價錢偏貴，服務費也不便宜，所以不值

食團年飯，叫左個套餐頭盤燒肉無，話要轉其他小食，但個小食個價平一半有多，問係咪可以變2個小食，佢超串咀咁話應該唔得，即係等於老屈你「俾魚翅價錢買粉絲」主菜雞又無乳鴿又無，仲要落左單唔話你知，隻雞要等你自己check單發現漏左同佢講。乳鴿仲衰，要你等到所有野食哂，等等等等左10分鐘，以為漏左單主動問佢佢先同你講：「乳鴿賣哂」成餐食到火都黎。全程啲服務員態度極差，明明自己錯，講到好正常自己好正義咁。啲食物味道都還可以，但成肚氣食龍肉都無味。

飲茶想拒絕平庸，就要黎「熾哥」主理的龍皇酒家！呢度點心可以用「精緻」黎形容。冰燒三重肉（$118）火腩仔可以切到四四方方粒粒一樣，好嘢！黑金流沙包（$36）奶黃包做到流心暖笠笠，簡單中的不平凡！七味尤魚（$63）油爆鮮尤，皮薄又脆，yummy!鮑汁鳳爪（$53）雞腳炆到淋漓盡致，煲曬膠質出黎！龍皇西施泡飯（$188）加入炸過的飯焦層次，蕃茄濃湯好飲。滷水金錢肚（$58）金錢肚排列整齊，滷水十分入味！

原來上星期一家人晚飯理應開開心心，但卻換來一肚氣！真是好難相信用「熾哥」做牌頭的洒樓員工質素竟然這麼惡劣！首先女部長對客人說話時面容扭曲，十分悔氣；男部長就十問九唔應+黑口黑面，還以爲他是「啞巴」！原來跟朋友說起，這間洒樓服務差是出晒名。 補充：食物水準是好的！

朋友吾帶尼…都吾多知葵興有個KCC…是舊區內一個亮點…結合寫字樓、商場同食肆…然而都係來來去去…經常性見到o既品牌…到步時剛好遇著放工o既人流…始終都未算係大多數人會選擇周五熱蒲o既地點...基本商場已好清靜...入到龍皇…..全場空冇食客…服務生都趕來招呼我地啊~~.....3人被安排坐近窗o既一角位置...點左個晚市孖寶餐 $348…當中包括:-古法扣羊腩煲…大大鍋!!...材料十足!...味道香濃…美中不足就係羊腩肉未炆夠”林”..我地外加份唐生菜 …感覺就較為”掠水”……洗洗破開兩節就$80!! …我地又真食吾晒…剩低o既打包都兩小盒…實行返屋再繼續炆炆佢!!清蒸虎杉斑…中等size…什麽跟什麽斑…自己又真吾識分得咁清楚…哩條蒸o既火喉剛好…肉質同味道都ook呀!餐外點多味…….蔥油焗加拿大龍蝦伊麵 $268 …賣相吸引!!...味道同樣佳!!...白飯 $13茶 @$13餐並不包甜品…但部長附送…一客甜品 桂花椰汁糕比我地...吾係特別喜歡哩類彈彈吓o既糕點...哩個味道還好…椰汁味重…桂花就吾算出…但好過落杞子果隻….

本人一家8大1小食做冬晚飯，入到去發現得3枱人客，因看見套餐覺得太多，客人未到齊就有3待應問飲唔飲紅洒如飲收洒杯，因家人渣車我地就無飲洒，之後散叫小菜海鮮，叫了9餸，男待應黑口黑面態度超差，仲有每上一餸都講小菜名，可能我無食鮑參海味，又無開紅洒，本人上過龍壐飲茶，相比葵涌分店，令到我覺得一肚氣，我唔會再去。

參加完迪士尼「米奇與好友兒童跑」大人細路都肚餓到咕咕聲，就去KCC龍皇飲茶，部長安排入坐光猛又開揚的窗邊位。呢度點心有特式，「黑金奶皇包」黑色的包皮上面掃左三劃金色，一咬開熱騰騰奶皇如泉湧出，輕鬆重溫「流金歲月」。叉燒腸定牛肉腸永遠令人左右為難的dilemma，响龍皇就冇呢個煩惱，佢嘅「蜜汁叉燒腸」入面係唔咪一般叉燒碎，而係一舊舊半肥瘦叉燒，非常有𡁻頭，試過真係返唔到轉頭！仲有80後的集體回億「灌湯餃」，當然唔咪用飲管飲湯果種正宗灌湯餃，但同樣精彩，個湯非常濃郁，加少少浙醋吊一吊味，蟹肉鮮味出曬黎，灌湯餃能與時併進，由舊時抵食夾大件進化為精緻美味的點心，當然價錢都黎個「大躍進」！如果未溝過「四大美人」唔緊要，龍皇的西施泡飯能一嘗「泡西施」的心願，泡飯原來內有乾坤，蝦膏湯入面有炸到金黃脆脆米，記住要快d食，否則脆脆米就會「泡湯」囉！當然唔少得小朋友最愛「出爐蛋撻仔」同埋「擂沙湯丸」兩味甜品。蛋撻酥皮牛油香，擂沙湯丸糯米皮煙韌，食埋甜品就飽飽囉。

難得一次黎葵浦，聽都未聽過「Life@KCC」呢個地方，不過親戚book左枱，就黎試下。食滿$200都免費泊到兩個鐘，抵泊！叉燒半肥瘦，唔會醃得太咸，食落鬆化，冇諗過咁好食！龍蝦伊麵算幾夠份量，夠芝士味。龍蝦啖啖肉，食得幾滿足！粉絲煲都好食嘅，有好多大蝦乾喺面，食落惹味👌🏻最後個翠肉瓜就一般啦，炒得太濕唔夠香，可能我喺屋企煮會好食啲😂呢度野食冇問題，泊車又方便，但問題係啲服務真係較參差。有一兩個就服務ok，其餘都木口木面，或者係咁行過都當睇唔到你舉手嗰啲，咁嘅服務真係唔多留到客。

本為與十位同事開心午餐，變左超級激氣既一餐。我地一行11人坐房既食左接近$2000，由頭到尾加左1次單都無叫過苦瓜炒蛋$138。講真一班同事食飯如果食左我地唔怕認啦。點知食到尾聲我地見鮑準鳳爪無黎追左幾次，突然有個女侍應衝入黎堅持話我地無落單，ok無落唔洗加返喇但佢屈我地食左碟苦瓜炒蛋。莫名其妙！根本無叫又無食，佢態度極差話我地唔認當送俾我地。個下大家好嬲因爲無叫又無食，佢話見到隻碟係我地台送出去但我地11個人都好肯定無食過囉。作為一間酒樓，咁既態度既員工屈客人，好想分享俾大家知。

星期天，飲茶天💁🏻‍♀️第一次黎葵涌飲茶，原來呢度有咁多新型商業大廈，從來都唔知😯😂叫左一大堆點心同小菜。最中意係個蘿蔔絲酥，皮好鬆脆，蘿蔔絲餡好多好多，每啖都咬到一條條蘿蔔絲，鮮鮮甜甜，好食！！！蝦餃同燒賣都做得唔錯，全部點心一出爐就上枱，熱辣辣咁好味道。仲有個黑金流沙包，個樣就好靚！皮面隻金色真係金到反光！隻黑色都好特別🖤 可惜個包係冇流沙效果，奶黃味又唔係十分濃，味道一般般，得個樣👋🏻

朝早一家大細去龍皇飲茶, 無 book 枱, 等左10分鐘就有位, 都好快, 但係點心紙無咩選擇, D野食味道普通, 無驚喜, 最唔掂就係D服務態度, 一坐低, 個 waiter 用接近呼喝嘅聲線問我地人數, 等左好耐D點心都無到, 所以我地先 cancel 幾個點心, 埋單時, 張單D數又亂晒, 無黎D點心又計埋入張單到, 埋單之後, 連一句最基本嘅多謝都無講就走左, 一舨茶記服務態度好過依間龍皇N陪啦! 幟哥, 你真係要注意下啦!

食物質素差很多，服務態度不佳，不會想再去。食物不夠熱，地方小，安排差。D枱擺到去門口reception, 係咁迫人食小菜先可以安排坐在房內。我們一行六人，俾張四/五人枱。因為估計我哋會叫幾多野食，本來要求要換枱。同完個經理講，佢竟然話有辦法，叫我們食快d咪得囉⋯⋯呢d咁嘅態度，真是送都唔想食😫😤😖

襯中秋竪日，同屋企人黎飲左餐茶。我地一行四人揸車去到，要泊喺一天橋之隔嘅carpark。好彩上到去唔洗等就有得入坐👍🏻食左幾款點心都覺得質素唔錯，但價錢就中上啦，唔係特別抵。專登叫呢個「黑金流沙包」黎影相，係就係幾靚，不過冇流心效果。奶皇餡份量好少，味道就ok的。呢碟$108嘅燒腩仔好食！皮係非常脆，肉就好腍，不過呀媽嫌佢肥左啲。蘿蔔糕食落會咬到一條條蘿蔔絲，口感幾正，點辣椒醬食更惹味！排骨整得唔入味，反而底下啲芋頭就「索」哂啲味🧐鮮蝦腐皮卷個味唔錯，餡都幾靚，不過面頭真係太太太油⋯下次唔會再叫😂