龍薈 (良景廣場) (已結業)

最近，媽咪講開屯門飲茶，先知道屯門良景廣場的酒樓 <龍薈> 已結業！ 之前，細佬提議一間在智能身份證中心附近，從未幫襯過的酒樓 <龍薈>！當時，見到食評有4個笑臉、4個 Ok、5個哭臉；好壞參半！食完晚飯9:00 走，<龍薈> 剩番十枱八枱客；<嘉年華> 仍有8成客！高下立見！餐牌四餸一湯 晚餐 $588包括：小菜2款、海鮮1款、燒味1款、湯1款原隻鮑魚雞粒豆腐煲鮑魚好細隻， 放在匙羹中，可略知一二，豆腐份量不少，而且嫩滑惹味！金薯牛仔粒這裡把薯仔煮至表面被焦糖包圍，雖然整碟幾入味，我們一家略嫌牛仔粒較乾，<老惹煮樓> 的牛肉反而更嫩滑！老壇酸菜魚片比預期大碟！份量十足！酸香醒胃，我們覺得重口味又辣一點！魚片不夠新鮮， 大豆芽菜都算多、加入薄切清爽的蓮藕片，吸收湯汁精華，令人食不停口！還有晶瑩的薯粉，入口帶煙韌又掛湯！蜜汁叉燒半肥瘦叉燒的肉質軟嫩，味道甜美！紫菜牛肉羹紫菜是一粒粒， 要浸一會兒才較為鬆散，牛肉軟腍，加入蛋白、冬菇絲、芫茜...質感濃稠！甜品：椰汁西米露竟然甜品可以中伏！味道有點怪，西米被浸到

平日中午，入座率應該有一半既，我地有個bb係到，想坐張近電視大d既枱，點知比個佢地所謂既冇著制服職員呀姐阻止，明白既，人唔夠唔應該坐大枱....但五分鐘後，4個呀姨又比佢地坐果張....交單時，呢個無著制服既呀姐自己走過黎收單，禮貌同佢講左聲唔該哂，換來黑面......等左廿分鐘，點解冇野食黎...原來冇落單....ok,放低茶錢，落去新開張果間試下先呢間，，冇下次，，幾平都冇用.....服務差........

與家人美好的聚餐點 環境乾淨 舒適今次晚餐揀了良景新開張的 龍薈酒家位置十分便利，在麥當勞樓上還有免費泊車優惠一同12人的聚餐，被安排在獨立空間嘅間房進食環境都十分舒適，闊落。房間還有獨立電視及麻雀耍樂 房間嘅空間亦都非常之大多得蓉蓉經理的安排 我們一家人連同長者都進食得十分舒適愉快。 用餐過程中，職員亦十分友善，關顧食物的口味及溫度是否適合我們美食推薦：椒鹽焗鮑魚 波士頓龍蝦 開運乳豬 蒜蓉焗生蠔總括而言，好食 抵食 多人聚餐非常適合

雖然我家住屯門，但很少到此飲茶，今晚得閒試下晚飯，店子用幾道平價菜招來，叫了兩道平價菜三人吃，分别是片皮鴨($128)及大良脆奶蒜香骨($78)，片皮鴨算大隻，片得皮多肉少幾香和脆口，但就放涼了溫度不夠，沾醬有兩大碟又有十塊麼麼皮、京葱及青瓜伴吃，質素達標，而大良脆奶是圓筒形，香脆內滑做得到位，蒜香骨是一字骨算惹味但略嫌骨大，整餐最後送芝麻糊唔叫飯也足夠三人吃，埋單連每人茶位$15及加一總價$275可謂逆市抗通漲。

午巿都唔多人，唔使搭枱之餘，仲有好多位剩。午巿點心紙價錢由$18-$27，食物味道都唔錯，可惜冇盅飯🥲不過侍應服務就麻麻，全場得2個侍應，仲要唔多想做野咁，黑口黑面咁，連收銀都一樣🙈芋香鴨腳扎 $24 -本人推介👍鴨腳好入味，連舊雞都好好味，完全冇雪味，好入味瑤柱珍珠雞 $27味道普通，有d蝦乾、肉碎蟹籽燒賣皇 $13 -抵食一籠兩粒，唔怕食唔晒，好香冬菇味家鄉煎薄罉 $18 -抵食唔係好多酒樓有得食，味道普通，但煎得好香，夠煙韌，入面有蝦米、火腿同蔥花馬拉糕 $20整體雖然冇乜服務可言，但勝在坐得舒服，價錢相對平，味道亦算唔錯。

平時堂食都ok ,服務員有禮貌，但今日爸爸想食燒鵝飯買左兩盒燒鵝飯，包好之後發現無比酸梅醬，我就問切燒鵝師傅比啦，佢比兩包，但係好細包，因為爸爸喜歡多醬，我問佢拎多包，佢話要收五蚊，仲要好冇禮貌教訓我個個咁拎仲得了，感覺係覺得好吾舒服，我極想投訴佢，你收錢5蚊一包咁細包已經吾合理，仲要咁既態度，平時晚飯生意已經差，而家仲要咁既態度，仲要本身你都冇諗住跟酸梅醬比我，要我問先比，咁既態度簡直趕客走，下次吾會幫襯！

第一次黎，原本食開樓下間酒樓，咁啱裝修，諗住食第二間，點知遇到呢個阿姐態度極差，唔明邊度得罪左佢，有呢d人喺度，怪唔得連樓下間酒樓裝修都冇人黎呢度，星期六下午茶時間都仲有勁多空位。

話說今日爸爸有空，佢話想去良景個間酒樓飲茶，因為佢不嬲都飲開。酒樓裝修都好光亮豪華，我地排隊都唔需要等好耐就有位喇早上茶點的款式基本都有齊曬，總有一款岩曬啲酒客有好多上左年紀的茶客普遍都會較早到來，而且茶樓都會有一張早市特價點心紙吸引年紀大啲茶客，好多點心比平時的叫價比較便宜，而某啲常叫的點心仲有一個價錢揀兩款的優惠。呢道家鄉煎薄罉味道香口，而且係岩岩煎好所以仲好脆，裡面有啲火腿粒及蘿蔔乾粒配埋啲蔥花粒都唔錯，餅皮都幾煙煙韌韌幾好嚼頭。蝦蛟味道都唔錯，裡面啲蝦粒都大件燒賣同蝦蛟一樣都係12元一籠，味道尚可鳯爪煮得較冧，比較合適牙口唔太好的老人家，湯汁偏鹹，所以不能夠一次食太多，需要飲茶止渴。炸雲吞都係岩岩炸好，外皮都卜卜脆，肉餡都比較多，點埋醬汁食都有啲驚喜。蠔皇鮮竹卷餡料都幾多，不過菜品比較偏油膩，老人家不能食太多。牛肉球裡面都幾多芫茜粒同水芹粒，所以牛肉球味道比較清爽，而且肉質彈牙，加埋喼汁幾好食。呢一個玉環釀鮑魚仔個人不太建議叫，因為價錢係咁多點心中偏貴，而且肉裡面啲雪藏味真係好大陣味，都蓋唔住肉類個陣肉腥味。上面啲鮑魚仔都沒有完整一隻，每粒鮑仔都係使用比較便宜的罐頭鮑魚剪開一半

龍薈酒樓位於📍良景廣場4/F💟係一間做街坊生意既平民酒樓🥢不過今次我就唔係落去陪父母飲茶啦～係用外賣平台會員自取優惠買返屋企食🤭雖然外賣平台app標價比實際堂食貴d，但因為有滿$120，有45% OFF🤩🤩用埋滿$120 Payme付錢優惠code減$20，9樣野埋單先$13x 😁😁 十分抵食🤭水晶鮮蝦餃（2粒）$15.4蟹籽燒賣皇（2粒）$14.3潮州粉果（2粒）$12.6豉蒜蒸排骨 $19.2，豉汁蒸鳳爪 $15.4北菇棉花雞 $22，陳皮牛肉球 $15.4韭黃鮮蝦腸 $22 ，蜜汁叉燒腸 $13.8⭐️整體黎講，全部點心都正常發揮，只係蝦餃皮厚左啲，其他都幾好👍🏻 燒賣比蝦餃好食😋 另外腸粉唔係薄但係好滑🥰 呢個價錢好值，三個人食飽到上心口🤣🤣

今天星期日，睡夠才出門。同家人想去飲茶食點心。坐輕鐵到良景既龍薈。普洱茶，茶葉少有的冇雜味，飲得舒暢。點心叫蝦餃，蝦腸，陳皮牛肉球，鹹水角，蒸排骨，油菜，馬蹄糕。樣樣都好食。蝦餃，可以一籠两粒，只是$14. 正常水準。陳皮牛肉球，多多喼汁，好香好味，好滿足。蒸排骨，夠份量，恰當味道。waitress都十分友善，客人多，工作人員好忙。今午食得好開心。下次會再來。

週末總會陪屋企人飲下茶，食下飯，今次嚟探親戚，順便一食去附近商場飲茶啦！我最中意食炸嘢，所以叫左好多😛之前睇食評話好差，我又覺得冇喎。款式都好多，味道正正常常😆

第一次黎呢度飲茶乾炒牛河無味又多油蒸排骨上黎成碟生勾勾特點蝦餃 比2粒藥膳雞腳無味雞扎上黎全部散開一句總結 差到爆 冇回頭搵個經理投訴個經理問返我想點？真係搞笑！仲要發脾氣掉嘢真係未見過咁差d服務奉勸貴店 早日換個經理做飲食邊有呢d服務態度？收五星級價錢大排檔服務都好過呢度食物質素差到爆奉勸唔好黎走遠小小去市中心都好過黎呢度食食完一肚氣！！！！真係絕對冇回頭！！！！！！！！！！！！！！！！！！！！！！！！

一入門口都冇問我地幾多位🤔，好啦終於坐低咗，叫人幫手執枱啦，有三個見到我舉手都冇人應嘅。附近冇櫈叫我地自己搵。🥴跟住啲餐具放低，又全部都係封乾咗嘅油黎嫁‼️🤢係好似打蠟咁封住咗個杯！🙄😵‍💫好啦，我飲早茶，問佢有冇早茶紙，又話跟住就行咗去，冇理我地！🫥之後開茶等咗三個字，跟住個點心卡又冇比我地，啲野食到，啲姐姐都冇得吸😅所以唔想勞氣嘅就千其唔好黎依間，但只係為填飽肚嘅就冇咩所謂🫡

我平時都唔寫食評， 但今次太差唔寫唔得。長輩去開龍薈， 先同朋友去， 估唔到咁差。 冇人帶位， 要自己搵，舉手n 耐部長唔理都算啦， 問下野， 侍應唔耐煩， 仲口出惡言， 岩岩先比左單想改， 3分鐘都冇就話， 話：入左電腦唔比改， 唔係d人話冇錢比就要改哂佢啦？ 野你都未上，我點解唔改得， 你漏單唔上， 等你成餐茶又比取消？ 我有改單既權利， 最大問題係態度差， 一早開心去飲茶要受氣， 咁唔休做， 可以唔洗做我一家生意啦， 呢個位換左咁多手茶樓， 唔差在換多次。

如標題。好彩今日放假，如果得一個鐘放飯時間就真係…呢間酒樓好了得，做到50%以上時間都落漏單。係咪要用咁嘅技倆來坐營造客似雲來的感覺？究竟係落單嗰個人隻眼有問題？定係寫得唔夠清晰？下次要帶highlighter來落單先得！中過幾次伏，由第二次開始我就會影低落單record. 11:34 落單12:22 吹單