龍薈 (良景廣場) (已結業)

话说今日爸爸有空，佢话想去良景个间酒楼饮茶，因为佢不嬲都饮开。酒楼装修都好光亮豪华，我地排队都唔需要等好耐就有位喇早上茶点的款式基本都有齐晒，总有一款岩晒啲酒客有好多上左年纪的茶客普遍都会较早到来，而且茶楼都会有一张早市特价点心纸吸引年纪大啲茶客，好多点心比平时的叫价比较便宜，而某啲常叫的点心仲有一个价钱拣两款的优惠。呢道家乡煎薄罉味道香口，而且系岩岩煎好所以仲好脆，里面有啲火腿粒及萝卜干粒配埋啲葱花粒都唔错，饼皮都几烟烟韧韧几好嚼头。虾蛟味道都唔错，里面啲虾粒都大件烧卖同虾蛟一样都系12元一笼，味道尚可鳯爪煮得较冧，比较合适牙口唔太好的老人家，汤汁偏咸，所以不能够一次食太多，需要饮茶止渴。炸云吞都系岩岩炸好，外皮都卜卜脆，肉馅都比较多，点埋酱汁食都有啲惊喜。蚝皇鲜竹卷馅料都几多，不过菜品比较偏油腻，老人家不能食太多。牛肉球里面都几多芫茜粒同水芹粒，所以牛肉球味道比较清爽，而且肉质弹牙，加埋喼汁几好食。呢一个玉环酿鲍鱼仔个人不太建议叫，因为价钱系咁多点心中偏贵，而且肉里面啲雪藏味真系好大阵味，都盖唔住肉类个阵肉腥味。上面啲鲍鱼仔都没有完整一只，每粒鲍仔都系使用比较便宜的罐头鲍鱼剪开一半