龍記燒味茶餐廳

营业中

休息中

今天中午剛經過，看見門口款式幾多，打算叫外賣試一次。叫左外賣後等了左好耐，前後買嗰d都到左，我只問了一次我既到左未，員工倒罵了了一口，態度勁差。雖然食物可以。不會再回頭幫襯了。

環境乾淨簡潔，空間寬鬆。設4人-6人卡位。人均$70,一餸一飯有餐湯及餐飲。全部即叫即做，炒菜有鍋氣，份量足。湯和菜式食得出無落味精及過多調味料，擺盆亦有心思，無hea做，值得一讚。十分推介。蟲草花蒸滑雞即叫即蒸，需耗時20分鐘先上得台。份量大擺盆靚，蟲草花爽口易咬斷，不是劣質貨，雞肉蒸的時間剛好，無血水又滑口，雞皮無多餘肥膏，以茶記黎講，算是十分用心選食材。橄欖菜炒豆角肉片豆角走油再炒，剛好斷生，口感一流。（沒有我最討厭的那種“嗦嗦聲”）肉片口感一般，不過不失，最近豬肉好貴，可以原諒。整體上夠鍋氣，火候掌握得好，調味剛好。

After attending a pizza party where we somehow got NO food, we were pretty hungry.  Not sure where to eat, we somehow ended up here at Lung Kee Restaurant.A typical cha chan teng, it also served roast meat items as well.  Menu is in English and Chinese. There is no 10% service charge. At night, they served dinner sets that are around $60 that include a daily soup, drink and main. That menu is in Chinese only and located on a blackboard on the wall.We decided on the dinner sets. For the daily sou

吃完才想到要拍照..哈哈...補拍了幾張餐牌跟門面的照片...太隨性...到底要吃什麼呢？打工仔的煩惱，煩過解決公司上的事，這次悠悠晃晃來到「龍記」，就隨便吃吧！！點了下午茶餐，揚州炒飯，同事點了焗豬扒飯炒飯不錯，飯粒粒分明調味也可以，不會太油，邊玩手機不知不覺就吃完了，同事的焗豬扒飯看起來好抵食，大大塊豬扒，不過忘了跟他拿一塊試吃，同事說，懂吃的當然要點焗豬扒飯啦，下次要來點！！送熱飲，凍飲加3塊，奶茶不錯，茶味濃，冷冷的天就省了3塊錢了，這間還可以，不知道吃什麼的可以考慮看看

#常餐 #hkstyle #alldaybreakfast #茶餐廳今日遲左出門，本身諗住食點心但無位，就行前d食茶餐廳呢間茶餐廳我地同行5個人竟然得一個有食過😮常餐-沙嗲牛肉麵 $49🙂奄列係誠意之作-有洋蔥(唔大味), 腸仔, 蘑菇, 火腿沙嗲牛肉麵 係熟悉果隻味道, 沙嗲醬足夠, 牛肉都算多同事叫左個 麻辣肥牛撈麵 $51🙈個樣唔吸引午餐有燒鵝雙拼飯, 好搞笑原來無得㨂拼咩, ‘廚師發辦’ , 我地搞笑話會唔會燒鵝拼紅腸🤣🤣 好在最後係拼🐤白切雞 🔹唔知係咪因爲過左最忙時段, 👍🏻食完都無趕我地走, 繼續吹水💦======================#foodreview_junjunjunko#hkworklunch_central#junjunscore8/10IG: junko.junjuntasty

星期三午飯時間，一個人周圍行嚟行去想搵一間未食過嘅餐廳食午餐。最後，嚟到呢一間茶餐廳食午餐。叫咗一個鹹魚肉餅飯、熱檸茶再送多一個湯，價錢只係$55。 可能佢係位置上比較近上環，價錢來講都比中環嘅茶餐廳平D. 鹹魚肉餅飯來講正常，沒有太大既驚喜，唔算太特別，唔算特別好食。個湯都OK，唔會太咸亦都唔會感覺有太多味精。上菜速度都非常之快，所以好適合只有一個鐘頭時間食飯嘅打工仔。而且唔需要等位，呢一間亦都好多一個人嚟食午餐，但都需要搭枱。

響中璟返工，以前經常去中環街市旁邊間龍記燒味食lunch，果間係米芝蓮上榜的，主打燒味飯。最近得知原來它在上環開了間燒味茶餐廳，終於除了燒味飯也提供其他種類的飯了。我去到的時候，發覺可能因為會有外國人去食，所以它有提供中英對照的餐牌，呢個無乜特別，而特別之處就係，它每日提供6個不同的午餐set，而且也有提供英文對照，剛好有幾個外國同事一起去食，咁我就可以慳返少少口水去做翻譯機器人。而呢間分店，對比總店大好多，座也座得舒服好多。而且它仍然有總店那些燒味提供。正！當然無理由行遠左但又叫返燒味飯啦，今次我就嚮6種午餐裡面，選了粉絲肉碎蒸蛋，算幾大份，d蛋都好滑。它對比其他茶記，有少少唔同，就係用大碟蒸，咁我就可以成碗飯倒落去個蒸蛋上面，變返碟頭飯，哈哈。

有位聲大大..肥肥地好無禮貌既員工..成日都扮忙..自己打錯單..仲要鬧人叫人唔好吹..都唔知依家咩態度..個個食晏都係一個鐘..本身已經等得耐..仲要打錯單再等..仲要鬧人..

龍記茶餐廳 龍記除招牌燒味外左，呢個蕃茄湯豬扒通粉 、煎相蛋配多士+凍奶茶(+$3）常餐都唔錯，蕃茄湯濃郁好入味，豬扒同蛋都好香口，份量又好夠。值得推薦～$49 (+$3）

位於上環地鐵站附近，其實其附近有一間年年提名米芝蓮街頭小食的燒味舖，但都沒有呢一間好食。這麼大一份，只要59文即可，覺得太大份，可以選擇便宜些的兩鎹飯。筆者最鍾意鴨卑三寶飯，飯就跟中湯，如果好似今日轉瀨粉，就沒有湯。次次鴨卑質量都幾好，完全唔肥，雞肉都很鮮嫩。有朋友就好鍾意生腸，次次都會order，但試過乳豬就唔係特別好，燒肉都麻麻～燒排骨就見仁見智了，如果要酸梅醬，記得自己問店員拿～呢間就完全沒見任何宣傳，但每日都人流極多。但比較多是take away，至於堂食都唔需要等好長時間～

天陰陰，唔多肚餓，想食燒味又唔想捱大家樂。行咗去開咗一段時間嘅龍記燒味。唔知係咪我唔好彩啦，幫我落單嗰男侍應，好似未訓醒咁，幾乎連對眼都見唔到。眞係連我僅有嘅食慾都趕走埋🤦🏻‍♀️碟油菜眞係好好好好貴～ 同區基本上都係$1x蚊，當然要視乎你係生菜定菜心啦，但都未至於要$25，貴都算啦，仲要老到起曬眼鏡，有兩條菜葉部份黃曬都照上。絕對冇下次。玫瑰油雞，整體都不錯，價錢都講得上公價。散叫，梗係少數啦。可能大家嗌set lunch會好d掛... 但我就唔會再幫襯囉～ 而且開咗舖幾個月都冇八達通😣😣

還是單刀直入吧，相片先走在前面誠然，本人看到實物前也不曾奢望從$36的早餐中能吃得到高質素的叉燒，只是，作為一間以燒味茶餐廳為名的食店，能端出如此「乾硬化」的叉燒，確實令我驚訝，還有就是能夠做到100%的叉燒都屬同等質素，肥肉佔近乎0%，肉質堅硬，味道過鹹，口感滿分，市場上未有以燒味作招徠的茶餐廳所提供的叉燒都鮮有能與這裡「匹敵」的質量，實屬遺憾。早餐的其他食物皆屬正常合理水平。下次幫襯是有可能的，只是我不會再選叉燒了。

在 4年前，受市區重建影響，中環嘉咸街及結志街一帶的商舖被迫結業或搬遷，心感無奈！當時，在中環結志街屹立多年的老字號 <龍記飯店> 亦無一倖免！後來，搬往中環域多利皇后街！在今年3月頭，經過上環德輔道中，<龍記燒味茶餐廳> 即將進駐！剛剛過去的 3/28 正式開業，前身地址為新釗記茶餐廳，新店橫跨上環德輔道中及永樂街兩條街，舖位長而深，簡潔光猛，大部份為卡位，坐得舒適。由於，爸爸媽咪當晚約了朋友飯聚，我放工走來食下午茶！下午茶 由$28 至 $42不等 (2:30∼6:00供應) 包括: 三文治、飽及燒味粉麵...等！有位超過六呎高的男店員為我落單！叉燒河 $36叉燒一開七件，就算只有一點脂肪，依然入口肉質鬆化，幼身的河粉雪白而滑溜，湯底略為惹味，令人一試回味呀！熱柚子蜜 酸甜清新略為甜一點！這裡的下午茶都幾抵食呀！