龍門大酒樓 (已結業)

得知灣仔龍門大酒樓將於 11 月結業, 身邊朋友紛紛說要去趁熱鬧, 近來事忙, 晚飯沒空去吃, 結果我就扮下孝順女, 帶了兩老來飲午茶。其實是老爸一早先行去了拿檯, 也要坐到上三樓, 因為不訂檯的話, 到了午市高峰便沒好位坐了。未行到門口已見一眾跟我一樣, 在門前留下「集體回憶」的人, 連馬路上電車上的乘客在不禁探出外看看這奇景。酒樓內一事一物, 都成為大家拍照的對象, 不可錯過的是二樓樓梯的木雕畫和第一代懷舊收銀機。據說部分物品店方會在結業後捐給博物館, 不過有原裝的當然要把握機會欣賞啦。十二時許來到, 已有不少人出了來拿點心, 後來更已是擠得水洩不通。安頓好兩老, 買了一壺香片之後, 我也加入戰團。眼前先出現一盤大包, 自是機不可失, 拿了一個, 因為遲些來都已賣光了。大包現在不是很多地方有得賣了, 皆因利錢不高也; 不過它可也不算便宜, 要 20 大元一個的大點價錢。大包果然是大, 直徑足有 5 吋, 包身又甜又鬆軟, 裡頭則有鹹蛋半隻 (有蛋白的!) 、雞肉、火腿和冬菇, 認真豐富 。另外拿了些釀節瓜、菜苗餃、蝦餃和鮮蝦粉果, 味道倒是一般過一般, 而且味精味重, 意思一下便算

見龍門就黎唔做所以同同事幫親買兩盒飯：多汁既叉燒飯同燒鵝飯，HK$ 23/盒。一人一款上到寫字樓分，因為雙拼要HK$26。嘩!!! 熱辣辣，好正呀。半肥瘦叉燒，肉身好嫩，味道好好，我好滿意，配上熱飯係一個好重要既因素。真係估唔到原來龍門既燒鵝係咁好食，可以話比得上香港名牌庸記。燒鵝最正既係佢肉身有汁所以咬落口一D都唔覺得乾，而且。雖然佢冇庸記既秘汁，但係我同同事都覺得個味道教得好好，唔需要加秘汁。有機會大家一定要係佢關門前試下!

上次龍門之旅死得太轟烈, 咩都冇. 好唔甘心 是日早上又同朋友黎灣仔飲早茶. 再戰龍門出去拎野食, 果然多左好多野食. 有腸粉又咸水角, 仲有久遺了既叉燒餐包, 好可惜都係冇粉卷要左蝦餃, 叉燒餐包同牛肉腸. 我朋友就揀左叉燒包同牛肉蝦餃比較細隻, 但蝦爽口. 尚算可以牛肉腸, 幾滑, 我好耐都冇食過d 腸粉上面有間. 以前細個食開d 腸粉有間就想食d 冇間. 依家食左咁多年冇間又想懷舊一下, 想不到哩度既腸粉仲係咁!牛肉腸同牛肉相信都係一樣, 因為兩味入面都有放西芹, 所以食起特別香.叉燒餐包係我既推介. 第一次見叉燒餐包上面有芝麻, 食起上黎有芝麻香, 真係好正另外一咬開, d 咸好豐富, 塞滿成個包. d 叉燒又筋以前o係第度食o個d 多數都係得一半同埋空心.茶... 非常之燙口.埋單每人$26, 多謝朋友請客次次黎親都係得兩丁友, 真係好想搵日可以3,5,7人黎食, 咁就可以食多d 野!

九月拾三日,天晴但低氣壓,大煙霞令維港對岸幾乎只剩下濛濛的線條,沉重的低氣壓令街上行人喘不過氣, 聽說這店只做到年尾將曲終人散,友人K相約到此茶聚順便用鏡頭留住這幾十年留金歲月,縱使幾十年在時代洪流中根本上就是渺小得可以,但對於人來說幾十年已經是煙花燒得最燦爛的時侯,無論終歸要面對“被消毀”的結局或是如何,由於太座小時候經常來這裡,她說跟她小時候來的時候沒有兩樣好像一切活動於微黃的70年代彩色菲林內,我們到達已經是下午三時有多,店內客人不多, 我們在地下很容易已經找到先到的友人C和她的兒子,未幾友人K和他太太亦已到場, 今天全部點心, 另加了一碟燒鵝下裝的例牌,點心比較有印象的如下数款:覓菜餃- 菜的分量豐富,充分的菜香同飽滿的菜饀,突出到主題蝦餃- 完全舊式的尺碼/做型連味道也完全一樣,筍絲的味道尤其顯出那種舊式蝦餃的氣味义燒飽- 比較不像樣的一款,首先外型似北方飽點的飽形,成個被壓扁了的,內餡只有簿簿的一層,所以吃不到什麼蠔油汁,鴨腳扎- 也是傳統的一隻鴨腳/芋頭條/肉餅之類的東西,餡料十足糯米包- 黃黃的外皮很是可愛,內部的糯米也很夠味,好味又飽肚的一款粉果- 用料夠傳統有花生/

寶來灣仔陪我食lunch :]天氣酷熱附近茶餐廳又多人, 有排等本來諗住簡單d食粥或者食碗粉就算不過寶就話帶我試龍門大酒樓其實同事講過不太推薦其他人去試的…所以初時我有點抗拒不過既然寶之前試過認為無問題那就去吧!!雖然這裡的裝修簡單，什至可以說是殘舊不過至少感覺不是很污糟仲有大大部古老既收銀機放係度好有歷史氣色!這裡午市都幾多人!要上到3樓先有位午市套餐$29送糖水至於燒味飯$35左右看見隔離台叫既套餐份量都幾多不過我地無叫到因為都係點心吸引d!這裡是要自己出去選+拿點心的說真的好耐無試過這樣既形式飲茶了!平時都是剔點心紙現在可以自己睇arm選arm先拎好玩d =D大中小點全部$11我們拿了: 叉燒餐包 --- 好好味! 餐包同餡料比例剛剛好~面層塗了簿簿的蜜糖，外層脆，餐包鬆軟! 叉燒餡足而且惹味! 如果餐包係熱辣辣就仲正!山竹牛肉 --- 大大粒，有牛肉味! 腊味卷 --- 第一次食! 餡多而且濃味~ 配埋鬆軟既包真係唔錯! 飽肚之選!鳳爪排骨飯 (頂點 $32 ---煲仔飯size) --- 真係好大份..米粒分明, 排骨入味, 可惜得幾舊..唔夠送飯 =P 寶想食糯米包~ 不

和十多個認識多年的朋友飯聚, 人多當然係中式酒樓成圍食先夠氣氛~~今次黎左呢間聽聞年尾就會以四億幾賣出之後改建成商場既<龍門大酒樓>食飯~~因為唔黎食可能遲D冇機會咯~~叫左一個12人套餐~~另加一碟叉燒例牌~~叉燒真係超級好食~~充滿”古早味”既叉燒! 必食!!另外有個蜜餞紫薑雞都唔錯~~我第一次食呢個懷舊菜~~D紫薑好大粒~~幾特別~~有朋友仲話覺得D雞有魚既味道TIM喎~~蕃薯糖水都幾懷舊, 味道唔會太甜~~好香蕃薯味~~正呀~~另外梗係唔少得一邊飲住冰凍既藍妹一邊吹水啦!

灣仔又一舊式酒樓要講再見!龍門講歷史當然不及已榮休的雙喜樓,但知道了年底將要結業都一樣感到可惜.這天中午和同事步行到灣仔午餐！一抬頭見到這裡,五隻餓鬼立即坐低開茶,出去掃場!鳳爪排骨飯及咸魚肉片蒸飯----兩款都飯粒分明唔會黏埋一舊,鳳爪及排骨更要每樣再叫一碟先夠喉!梅香咸魚+肥肉片,膽固醇爆燈!但當油香滲入飯粒內…怎能抗拒!燒賣、蝦餃、牛肉、义燒飽、煎釀三寶、牛肉腸粉----穩打穩紥!無投訴.春卷及煎腸粉----算是最差的兩款!春卷實到成碌棍咁硬掘掘!煎腸粉就唔熱兼只得甜醬一款,無麻醬無芝麻真係爭好遠.鮮竹卷及棉花雞----最出色!鮮竹卷內餡料迫爆,有肉的鮮味及西芹的香!棉花雞的魚肚非常滑無腥味,雞肉亦都一樣無雪味.舊式酒樓的風味在這區快要消失,未試過的可以不仿一試!

星期日同友人特登黎到灣仔試下龍門大酒樓. 下午茶平平地就o係哩段時間黎.入面冇乜人, 都坐唔滿, 侍應問完我地幾位就帶位, 而入一些仲有位.我地行到入面, 覺得還是出面比較熱鬧方便, 但轉個身就被其他人坐了.咁沒辦法... 坐低食食下野先發覺哩個位d 冷氣唔到... 食到好熱.自己拎咭出去拎點心. 我一心黎食粉卷. 但哩個時候冇晒. 蝦餃都冇了.只得好少點心. 雞扎, 排骨, 糯米包, 叉燒包... 所有野都係賣完哩轉就唔會再出. 唔知係咪因為星期日關係所以少人黎, 整少d 野.冇炸野食, 好唔開心. 真係好想食咸水角, 我向家人同友人講了2,3個禮拜...最後只拎左鳳爪, 燒賣, 牛肉, 哩d 比較可取同正常既食物.味道亦沒有特別. 燒賣d 肉同冬菇都好爽口. 牛肉夠林冇筋, 還好有山竹乙條.唯獨鳳爪與眾不同. 出面食既鳳爪辣椒只係裝飾, 但哩度o個d 食落去真係辣既.比多次機會你, 下次再特登過黎飲早茶啦.

今午十二時許與同事二人到那裏午膳，懷緬昔日的情懷。可能因時間尚早，我們很快便找到合適的座位。因時間緊逼，我們只要了兩盅份量十足的鳳爪排骨飯（是一般的兩倍份量）。老實說，味道只是一般，但多了一股濃濃的六七十年代氣色，感覺便有點不同了：那牆上有點發霉的掛畫、繡有「壽」字暗花的布、態度殷勤的待應…還有空氣中滲透出一陣舊鐵、舊木的氣味都令我仿如置身在六七十年代的光景。一壺普洱、二盅蒸飯…結賬卻並非昔日的價錢---八十六元，以懷舊景點來看，價格尚算合理吧！

Went there last nite and hope to enjoy a homey meal! NOTHING apart from Horrible experience! We ordered chicken abalone in hot pot, no abalone at all, we asked the captain, he checked and said, it should be abalone mushrooms, not abalone, BUT where on earth were those mushrooms??????? Then he checked with kitchen and deduct certain $. He then talked with everyone in the restaurant about it for 1/2 hours!!!!!!!The most freaking thing was one of the "retarded" waiter took the empty cup we had used

灣仔區近年急速發展，舊樓陸續被回收重建，繼「喜帖街」後，龍門大酒樓亦以四億二千萬元出售而將成為港人的集體回憶。今晚我們就來一登龍門，緬懷一下舊式酒樓的風味。龍門酒樓為舊式酒樓，共有三層，客滿可容下數百人。惟近月因食客不足已關閉閣樓，只剩地下和三樓作客，而三樓更設雀局。由於我們一行十六人不想分檯坐，所以只能坐在地下近門口位置。食物方面，這裡最著名為燒鵝及叉燒，我們當然不會錯過。除此之外，我們還點了冬瓜盅及其他十數個小菜。 馳名燒鵝：預先留了一隻燒鵝，分兩碟上。燒鵝燒得皮脆肉嫩，縱然豉汁頗濃，但仍蓋不了燒鵝本身的香味，讚！ 蜜汁叉燒：指明要半肥瘦叉燒，肉質嫩滑，蜜汁亦香甜，不像其他地方的叉燒燒得過火，肉質普遍較實。 最後加單再加單，共點了三碟例牌！ 冬瓜盅：又是經常售罄的菜式，所以預留了兩個。用上大冬瓜，瓜肉份量十足，其他配料亦豐富，味道一流。 我們十六人還可以添吃哩。 西芹炒素粒：材料除了西芹外，還有腰果、粟米芯、冬菇粒、磨菇粒等，較清淡的一道，味道較普通，但也不差。 佛地起明珠：又一特別名字，其實是西芹炒草菇，和之前一道很相似，味道亦一模一樣。 紅紛俏佳人：名字很美，但

話可能年底結業, 最初真係不敢相信.身為港島人, 都見證了此酒樓咁多年. 唔好話唔捨得, 但始終都係港人的回憶呢!媽馬上話黎食晏!今日叫了碗燒鵝飯;媽叫個湯飯, 另加幾個點心, 當然有雞絲粉卷!我的鵝, 今日唔知點解, 師傅俾了個 得好少肉的鵝我....到喉唔到肺!唯有用點心送飯, 叫了個....當然雞絲粉卷, 及一籠排骨.兩味都ok.雞絲粉卷d 雞好大舊; 但d 排骨略油; 預左.媽叫的 香茜魚片湯飯則有驚喜, 魚片正, 但d 湯仲正, 我和媽都飲了不少, 最後飲晒!38蚊幾抵呢.見到店內, 其他顧客都好像不知會結業咁, 晨早"對" 啤的大叔仍舊;姐姐仍好勤勞地工作.好像在店內係永遠keep住係唔受時間影響的咁~但願時光永遠都停留, 龍門永遠都唔執, 你話幾好呢...

一間很舊式的酒樓將要清拆, 0係清拆之前一定要黎食番餐。與爸爸在這午餐, 叫了點心及炒粉麵。點心有我最愛的糯米包, 另外燒賣蝦餃都好抵食, 0係灣仔午市黎講, 佢真係好平但係水準呢, 我還是喜歡富臨。

是日午餐, order 如下:蝦餃 - 皮唔算薄, 但裡面充滿住細細隻既蝦, 塞滿成隻餃!燒賣 - 唔係肥豬膏~ 好實在地充滿住豬肉!魚翅餃 - 淨係食到豬肉餡.節瓜甫 - 好喜歡呢 d 懷舊點心, 雖然冇咩特別, 就係鍾意那"舊"既味道.菜肉包 - 簡單既菜肉包, 冇特別, 就係鍾意佢簡單.鴨腳扎 - 比平時食既冇咁油膩. 裡面既肉又係塞到實實一大舊.overall,食物粗糙但大件.食唔到糯米包, 失望!我地俾左 $ 後伙計先發現計錯數, 亦好老實咁找番岩 amount 俾我地, good.員工十年如一日黑你面, 掟杯掟碟好平常, 鬼叫你唔係熟客!呢度既點心都係塞得滿滿一大舊肉, 好粗糙, 好 80 年代既味道. 就係賣點吧? 當然, 你想食精緻粵式點心既, 都唔會入來龍門; 正如你想食傳統西餐既, 都唔會去莎度娜 - 但唔代表呢 d "港式舊餐"唔好食呀! 入到來, 就要用細個時興奮既心情, 去懷念當時覺得"食大餐"既滋味.偶然來一下, 的確不錯!

這天是父親節正日,老公帶我到龍門大酒樓去飲茶.雖然,將近午市,但是找位仍很容易....由於我是首次來這裏,故覺得這裏充滿舊式酒樓的風味...我地兩人叫了义燒腸、燒賣、山竹牛肉、糯米包、义燒包及菜干肉絲粥。　　义腸腸皮薄及滑,比我想像好味。燒賣肉味濃郁,食落有點喜出望外...山竹牛肉,亦很有牛肉味,不錯。菜干肉絲粥,內有燒肉絲,配合埋菜干味道幾好。糯米包咬落去d糯米很軟熟,....只是糯米味道稍為平淡。义燒包給我倆感覺則不像廣東師傅做的,包型不同,內料是义燒肉碎做..食落味道不好..失敗之作。