龍閣極上火鍋料理 (已結業)

之前已說過龍閣的早午茶市的cp值很高。今次第一次吃套餐，就再說一次。※招牌石醬烤猪。。皮脆肉嫩，香氣四溢※開邊龍蝦配烏東。。龍蝦肉多味鲜，烏東滑※鮑魚。。入味肉不硬，剛好※黑豚肉。。有點辣，如果是怕辣的可能会受不了，如果是喜歡的，你会很愛这菜。很香，菜爽脆肉也嫩※海皇翅。。一般水準※蒸魚。。鱼不大但是新鮮的，蒸的火候也佳※炒飯不油膩，桂花糕清甜※壽包蓮蓉不太甜配咸蛋黃油香，包皮鬆軟，極佳!一個餐總有些缺點吧!※雞。。欠肉香也不滑，唯一好處是不太油※菜。。不是每人喜歡創意的。菜苖配蕃茄土豆湯味極怪。。換回上湯菜苖其實已很正!整體水準80分以上，还是那句，I will be back!

去到黃埔區食火鍋，火鍋食材優惠都幾多，所以就算食海鮮，點多啲都唔怕。挑選左牛骨湯底後，湯底真材實料，有好多連肉帶骨嘅豬骨慢慢滾出味。同時，都叫左兩隻燒乳鴿醫醫肚，肉汁好豐富，而且脆卜卜，好好食。首先有牛肉拚盤，手切肥牛肉入口即溶、牛粒選料夠優質，牛肉香味甚濃; 而牛脷口感爽勁，而且三者價錢好優惠，真係抵食。而鱔片爽脆，都食到海鮮嘅鮮味。蟶子無雜質，潔淨又口感爽口，火鍋食呢類新鮮材料就最啱。花枝片色澤白析，係湯中滾大約一分鐘，亦食到新鮮花枝薄而爽口嘅口感。

十號風球意外咁有一日假，落波即同朋友ABC去食飯！ 上次朋友AB試過呢度邊爐，話抵食又好食，要再黎。落單，侍應阿姐話廚房得4個人返，好海鮮食材都無。原本想試下朋友推介嘅餃，都食唔到。鍋底選左蕃茄薯仔牛腩，唔特別，似用茄膏開湯。我地重點叫特價牛，兩折，無限叫，抵食。先試個尚級 · 牛盛併盤，唔知係岩岩開鋪定少人叫，啲牛𦟌同牛脷好冰。都係招牌手切肥牛好食，我地叫左兩碟成日喺屋企無點食野，好肚餓，我地仲叫左大元貝、花膠、沙爆魚肚、原味滑三弄（蝦、墨魚、鯪魚）、貢丸、白菜苗、勝瓜、秋葵，魚皮仲有龍蝦，叫左蒜蓉開邊蒸龍蝦同生龍蝦淥火鍋，兩者比較，蒜蓉開邊蒸好食啲。最後，仲食埋焦糖燉蛋添。埋單每人成四舊水，睇返張單，又真係食左好多野。

鄰近旺角地鐵站銀行中心出口的上樓酒樓龍閣。 因為朋友極力推介 所以近日 去了 試他的 午市,下午茶及晚市. 整體感覺良好! 尤其是他的下午茶, 價錢非常合理兼食品水平高， 非常值得推薦. 他在二及三樓 的大窗邊卡位 尤其舒適. 首先說一下他的點心 早午茶市的點心 類型相若。 誠意推介他的水餃菜 和 叉燒餐包， 非常美味! 下午茶點心也是即叫即蒸。順勢提一下 在下午茶時段 48元就可以點一個炒飯。我們點了菠蘿 雞粒炒飯，水準極高一點也不油膩。吃不完打包回家飯涼了 但還是一樣很香也很好味， 可見本身水準已高。 晚飯部分他的貴妃雞 和芥菜煲均 不錯。只是秋葵炒肉絲有點太油.。這是一家值得 多加發掘的店， 點心尤其好味.

八號風球 原定行程改曬 加插了 打邊爐 環節 於晚飯 特價餐單,生蠔好抵食 !龍蝦100蚊有找,邊度搵 ,重要腳也也 ,新鮮嗰隻叫咗個湯底係有蟹跟的, 嗰隻蟹一樣係新鮮活蟹, 服務員的態度都非常友善, 雖然忙到隻螞蟻咁, 但係個個都冇做到面燶口燶。 母親大人都話佢朝頭早茶時段,飲茶都好抵飲又好食

由於我們較早前喺旺角西洋菜南街行過見到「龍閣極上火鍋料理」擺放喺地面嘅廣告牌寫著喺夜晚9點後宵夜火鍋時段嘅招牌手切肥牛做特價優惠$1碟，所以我們今晚特意去食宵夜火鍋！湯底我們就叫咗最傳統「打邊爐」必食嘅芫茜馬蹄皮蛋湯，因湯底嘅味道非常清甜，可以食到所有食材嘅原汁原味，唔會太過濃郁，而掩蓋咗食材原有嘅鮮味！我們叫咗原條沙巴龍躉「兩斤」係新鮮即叫即劏，所以肉質極之嫩滑彈牙，味道超級鮮甜！招牌手切肥牛$1係全晚嘅主角當然必叫啦，雖然係賣$1碟，但出嚟嘅質素絕對唔錯，肉質非常鮮嫩，牛肉味超濃郁，色澤好紅潤，而且脂肪分佈相當平均，唔會因$1碟而影響質素，真係好抵食呀！BB象拔蚌我們揀咗三隻係刺身嘅食法，味道比大條嘅更加鮮甜，質感極之爽滑，所以我們再叫多三隻嚟食，真係超正呀！鮮魚鰾嘅質感好爽口脆身，而且份量十足！野人爆籃「尚盛蔬菜籃」清洗得好乾淨衛生，味道好清甜！抹茶忌廉香芒卷嘅外層係煙韌香濃嘅抹茶皮，包著香甜冰凍嘅香芒糕，口感相當豐富！

龍閣，主打刺身同埋高檔火鍋。剛開業的時候試過打兩次邊爐，材料真係幾新鮮。亦都試過中午飲茶，點心精緻，有水準。難得放假再來，隔左一段時間，食物品質下降了很多。馬拉糕差不多是我飲茶必點。說好的籠仔馬拉糕原來只係用錫紙兜裝住嘅一小球，十分取巧。如果味道好那還算說得過，可惜馬拉糕質地硬，又乾，一點都不鬆軟。忍不住說句「十分差」。早茶點心紙，價錢比正價便宜得多，還算合理，可是質素已不復當年。香煎芋絲餅。味道不錯，偏濃味，可惜煎得太燶，火候不平均。最錯的是只有4片這大小。點了其他點心,沒有什麼特別,已經不像以前有優質的感覺。裝修也開始變舊，早茶要搭枱。龍閣已經變成一般公公婆婆飲早茶嘅茶樓了。

食物水準都可以，但服務態度太差，尤其一啲所謂部長，女嘅，一句唔知架，飛張點心紙埋黎，如果冇嗰款點心係咪可以通知聲，而唔係冇通知，仲要求其加個你冇點嘅點心當補數，再答你唔知架，咁嘅態度不可接受！

今早大姨媽同表姐一家話好耐都無同我們一齊飲下午茶，所以我們約咗去旺角嘅「龍閣極上火鍋料理」飲下午茶！我們叫咗黑松露蘑菇包嘅造型賣相好似一隻真嘅菇咁，撕開一半見到入面嘅餡料係切碎咗嘅菇粒，食落感覺都幾清香！龍閣皇牌拼盤：紫薯煎堆仔、五香芋絲春卷、金獅脆蛋散、脆炸芹香野菌腐皮卷，當中最好味嘅係紫薯煎堆仔，因外層炸得好金黃香脆，入面嘅紫薯餡料好香甜軟滑！鹵水掌翼嘅色澤好似比較淡色，但鹵得都幾入味，質感都幾爽滑！皇蒜香鳳爪燜得好腍好入味，味道唔會好鹹！翡翠鮮蝦腸嘅腸粉質感好煙韌軟滑，蝦肉好爽甜彈牙！煎釀尖椒煎得非常香口，彈牙嘅魚肉夾埋香辣嘅尖椒一齊食，真係好正呀！懷舊臘腸卷嘅臘腸味道相當甘香，包質亦好軟熟！孖寶：豉油皇炒麵炒得好乾身！海鮮湯泡飯嘅材料都幾豐富，湯底嘅味道都幾清甜！午市燒味孖寶：馳名豉油鷄半隻嘅肉質好鬆軟嫩滑，而且好入味，上湯米線一窩嘅麵質好軟滑彈牙！

不過不失, 不過都幾貴埋單要成6百幾蚊, 2個人, 只係叫咗個晚飯3寶C, 其中包括清蒸龍躉仔, 薑葱野菌桶蠔煲, 龍閣一品煲, 但係份量其實又唔算係好大, 但係又食唔曬, 因為食落其實都幾咸, 送飯就好D, 煲仔上枱的時候重係好熱, 個煲好大個, 賣相唔錯, 不過食落中間D餸就只係得一半滿, 薑葱野菌桶蠔煲好食過龍閣一品煲, 個龍閣一品煲未夠入味, 清蒸龍躉仔都好味, 不過唔知點解上菜的時候隻碟同匙羹有D白色的粉末係上面!

今日三姨媽同表妹提早同爹哋慶祝生日，所以我們下午去咗旺角嘅「龍閣極上火鍋料理」飲下午茶！我們叫咗田園叉燒腸粉嘅腸粉好煙韌軟滑，包著香甜嘅叉燒同蔬菜，食落感覺好清新，唔會有膩嘅感覺！香煎蘿蔔糕嘅外層煎得都幾香口，質感都幾鬆軟，唔會因為粉多過蘿蔔，而變到好硬實！鮮味豬手嘅燜得好軟滑腍身，而且好入味，醬汁有好濃郁嘅沙薑味！蜜汁叉燒包嘅包質好香滑軟熟，蜜汁嘅味道超香甜！原隻鮮蝦餃嘅餃皮相當晶瑩煙韌，蝦肉好爽甜彈牙！皇蒜香鳳爪燜得好腍好入味，醬汁有好香濃嘅蒜香味，令到味道更加惹味！蟹籽燒賣皇嘅肉質好爽滑彈牙，而且有好多肉汁！白玉棉花鷄嘅鷄肉好鬆軟嫩滑，魚肚好爽滑軟綿，唔會有腥嘅味道！花膠瑤柱灌湯餃嘅湯底味道好清甜鮮味，餡料相豐富！鮮蝦豆苗水晶餃嘅餃皮真係好似粒水晶一樣，咁超晶瑩剔透，豆苗相當鮮嫩！豉椒排骨炒河嘅河粉好煙煙韌韌，排骨嘅肉質好爽滑，豉汁嘅味道唔會好鹹！

之前見朋友喺Facebook度post相食呢隻阿拉斯加蟹其實都好想去試吓，撞啱有朋友生日，一於打去book位順便問埋阿拉斯加蟹幾多錢一斤，一問之不得了，我以為自己聽錯😵竟然＄188/一斤！Omg...仲諗咩!!😋😋😋除咗食蟹我哋仲食火鍋，不過啲配料一般般，墨魚滑及蝦滑麻麻地，唔夠彈牙，反而最好食一定要介紹呢個炸午餐肉！好香口，可以放落火鍋，亦都可以就咁食，個人口味喜歡就咁食😍😍😍最尾埋單$1600， 個人覺得海鮮係抵食及好新鮮，因為餐廳入面自設大魚缸，反而火鍋就偏貴，質素一般😉

My friend tried their Alaska crabs before so she suggested this restaurant for our gathering. It's always good to have a foodie friend who recommends good restaurants! We got a table on the second floor of the restaurant and the seats were spacious. I though we would have hotpot before but my friend's plan was to order the Alaska crabs and other dishes. As she said, the restaurant does not provide Alaska crabs all the time so she called the restaurant to ensure the crabs were available. We had 9

兩個人飲茶。諗住有少少飯落肚。就叫切雞飯加啲點心。一黎碟切雞，完冇曬胃口食。叫職員埋黎睇，我問佢：係咪碟碟都係咁。佢：係，有咩問題？我：你係咪覺得冇問題？比你食唔食？佢：.....啊係我斬，我叫經理黎同你換過。一分鐘後經：先生，碟雞有咩問題？我：你係咁全部雞都係咁？經：我地啲雞好新鮮，10:30浸掛係度，你係咪想揀？雞脾要加錢！我：咁你換隻脾黎睇睇！換左其實冇分別，一隻都係乾身，連骨都乾。好明顯不但只放左好耐，而且係都定。而條伴碟菜都似食淨。大家自己睇想。之後換碟脾既菜都係咁。老實說，街邊燒味鋪都靚過佢。條菜都好樣過佢。呢個飯4x蚊。實在極度不值。重點係，經理以為我想食脾，係咪咁天真呀！公道講，佢海洋果啲都好好既。但佢呢個飯，已經係翠亨村既一半價錢。實在不能是這個貨色。我仲叫左兩個點心一個椒鹽豆腐粒。豆腐粒好食👍🏻，其他都冇特別。

見到呢間唔使等位又坐得舒服，二話不說入去食！蒜蓉蒜開邊龍蝦，龍蝦肉爽，一吃便知道是新鮮既，不足之處係上面既蒜有一粒粒硬的物體，影響左口感！另外有花膠煲，$98已經有好多花膠，好黏！但偏甜，如果鹹少少應該會好好味！第一次食係鐵板上晚义燒，有d汁同楊蔥，令义燒更惹味，但都有d鹹...之後有蒜蓉菜心，全是菜遠，冇咩特別。