影片
港铁上环站 A2 出口, 步行约3分钟
继续阅读
开饭介绍
由演员林子善开设的冰室，以滑蛋为招牌菜，推介龙凤特餐，及使用新鲜菠萝制作的黄金波萝冰。
继续阅读
营业时间
星期一至日
08:00 - 21:00
公众假期
08:00 - 21:00
以上资料只供参考，请与餐厅确认详情
想食常餐，叫网上外卖平台外卖，见到龙凤order 下。叫左一个沙嗲牛肉面早餐（$41）， 沙嗲牛肉汤意粉常餐(跟多士同火腿蛋)（$70), 菠萝包餐 （$43)一到左。。哗吓死我。。首先，网上外卖平台mark up 左都算，明知外卖，唔分汤？今时今日deliver 外卖基本嘢啦。已经mark up 左十几蚊一个餐，多个碗分汤都无？啲面淋晒常餐只可拣意粉都算（公仔面要加$12🤑🤑）. 70蚊餐个粉, 肉同汁少过41蚊餐个面？两个碗sizes 都争好远。70蚊餐个沙嗲牛完全无沙嗲味，同普通牛肉清汤无分别，仲要少牛肉过早餐d肉。原来多劣评系有原因。念住常餐唔会差得去边。收呢个价唔该做好啲呀。如果半价都仲值嘅。早知order 返平时叫开个间。无下次。
继续阅读
好少有机会去上环开工，做完野已经过左午餐时间，用开饭望下附近有咩食，见到呢间出名炒蛋既茶记，即管叫左个猪扒炒蛋菠萝包试下。出餐时间比app预定早，唔使去到等。门口有少量人等紧位／外卖，下午茶时间黎讲以佢既舖位位置都算系旺。个炒蛋唔系滑蛋黎，但又唔会太老，系啱啱好熟，猪扒煎得几香，系个包无平时食菠萝包果阵香酥味，失色左，但够大份，一个大男人无食午餐都够饱，值得试。饮品叫左茶走，茶底就系一般茶记饮开果只味，甜落得太多，以为搅匀左饮到底都仲系好甜。
继续阅读
星期日上环真系好难揾野食，好多间食店都唔开，早午晚要揾食头痛到癫。揾早餐食揾到去苏杭街见到呢间龙凤冰室，咁就试吓啦，虽然食评好一般。望完餐牌，叫咗两份早餐外卖，一份系沙嗲牛肉面，另外一份叫咗餐蛋治。沙嗲牛肉面跟埋一片多士加炒蛋，多士同炒蛋味道真系好掂！至于个面，唔算有惊喜但唔可以叫做差，下次试吓转做出前一丁。唯一系个牛肉可唔可以切片唔好切一条条？口感冇咁好。餐蛋治好正，我觉得最正系炒蛋，呢间野嘅炒蛋冇得输。
继续阅读
_____好味指数：🌟🌟🌟抵食指数：🤑🤑🤑呢间餐厅比我嘅印象就系招牌好有特色。第一次食佢系喺湾仔，而家经过上环又见返就决定再试下✅珍宝法兰西多士一上碟就觉得份量十足，西多士用两块厚切方包做成，外层炸到金黄香脆，质感相当松软，中间就搽满咗香甜软滑嘅粒粒花生酱，再配埋香甜嘅糖浆同芳香嘅牛油一齐食，不错✅鸳鸯扒配炒蛋意粉有鸡扒同猪扒，两种扒两种做法，鸡扒炸完几酥脆，猪扒煎完几香口，炒蛋几滑同有口感，加埋意粉够晒饱肚
继续阅读
有好被揾笨的感觉，神级系点定？可一不可再😩.见人少少有位谂住试下，夜晚要OT，下午茶当埋晚饭。.餐牌同店内外特点系好多抢眼嘅食物相，啲相的确好吸引，而且光猛同主打龙凤呈祥嘅红颜色，好精神嘅感觉，糖包又用怀旧兼印有餐厅名字嘅漱口盅装，好有feel，加上有名人效应，心情上都有啲期望。.先睇餐牌👇有香港特色嘅菠萝包餐、焗饭等。.👇下午茶餐同早餐都分别有两页.👇仲有其他选择.👇下午茶餐 神级XO牛坑腩捞面 $50⭐️⭐️无睇错，系两星，想再俾低啲。捞面叫神级XO，神级不知系点嚟定，XO唔知系讲紧等级上还是系XO酱，两者都唔系，碗面无乜汁，似豉油捞面，无乜味，除左咸。我要自己狂加辣椒油去调味。.👇牛坑腩同样无乜味，有少少煲完汤嘅汤渣无晒味咁。.👇奶茶⭐️⭐️⭐️💫 (3.5分)总体而言，都系几失望，真系唔好食得来有好求奇嘅感觉。照计有名气都要顾下形象吧，应该短期内唔会再去，起码唔会再去呢间。
继续阅读