龍鳳冰室 (蘇杭街) (已結業)

星期日上环真系好难揾野食，好多间食店都唔开，早午晚要揾食头痛到癫。揾早餐食揾到去苏杭街见到呢间龙凤冰室，咁就试吓啦，虽然食评好一般。望完餐牌，叫咗两份早餐外卖，一份系沙嗲牛肉面，另外一份叫咗餐蛋治。沙嗲牛肉面跟埋一片多士加炒蛋，多士同炒蛋味道真系好掂！至于个面，唔算有惊喜但唔可以叫做差，下次试吓转做出前一丁。唯一系个牛肉可唔可以切片唔好切一条条？口感冇咁好。餐蛋治好正，我觉得最正系炒蛋，呢间野嘅炒蛋冇得输。