龍鳳祥餃子館 (裝修中)

龍鳳祥餃子館 (佐敦)佐敦白加士街53號地下====================今日行過佐敦搵嘢食，見到呢間舖頭入面裝修幾中式化，就入去試吓啦！反正我都幾鍾意食餃子🥟🥟估唔到佢係可以叫一個主食再加少少錢升級做套餐！咁就可以有餐飲同小食，真係超級抵同滿足！我同朋友一人叫咗一個套餐😍第一個餐叫咗三鮮煎餃加豬扒同豆漿，而另一個餐係牛犇麵加口水雞翼同豆漿！另外再加左五個水餃！加埋兩個人都係一百幾蚊，但食到勁飽😋😋😋牛犇麵湯底好濃牛肉味，仲要勁多牛肉！份量又大！真係好正！肉三鮮煎餃子🥟每粒餃子都有蝦仁，非常彈牙，入面仲有韭菜，配搭非常好，層次非常豐富！雖然佢係煎餃，但咬落去會爆汁，好Juicy!😍至於豆漿，個人覺得味道啱啱好，唔會太甜又有豆味😳！小食方面，豬扒醃得非常入味，值得一試！另外，口水雞翼不會太辣，亦都唔錯😋兩個人食都真係好飽，價錢咁平，非常建議大家去試😆

假期想去佐敦覓食，知道白加士街有幾間知名餐廳長期多人排，本人唔想排隊，突然見到呢家有位，而又中意食餃子🥟🥟就揀左呢間試吓！🥸🥸第一次緊係叫左佢款招牌肉三鮮$52🥟+另加秘製牛犇湯底$8+套餐優惠$18酒香醉雞翼🐥配有糖凍豆漿🥛+細份千層醬豬耳$29🥟肉三鮮餃子好豐富，每粒餃子都有細細粒蝦仁🦐，食落去爽口彈牙，再配埋韭菜一齊食，層次感更為豐富！餃子真係做得好出色！而湯底，一開始以為得牛嘅味道，估唔到真係牛腩食添呀！小驚喜😍 仲落左少少芫茜調味，另成個湯底都充滿牛香味！湯底落足料加分！🐥醉雞翼2隻：酒味唔會太濃，而雞翼大大舊，亦都浸滿左酒嘅香味，食落去好滿足啖啖肉！🐷千層醬豬耳：豬耳份量好充足，亦都好大舊，食落去都好爽脆，仲有麻辣嘅香味，食唔到辣嘅朋友要稍為注意一下啦～另外用左青瓜絲墊底，可以吸豬耳嘅肥膩感，出色！豆漿亦都中上水平，飲得出係即磨豆漿黎So far, 呢間餃子店質素幾好，有機會可以試吓佢地啲煎餃，或者有大碗飯可以試吓架！

佐敦美食多就一向係人都知，今次黎左呢間餃子店食lunch，佢地啲餃子都係即包即煮的，一於入去試吓佢地啲餃子！芝士牛肉$55（淨餃：10隻）+ 開胃蕃茄湯底$8+套餐優惠$18: 爽口醋木耳+ 凍無糖豆漿餃子餡非常足料，好飽滿，餃子皮亦都唔會太厚。而牛肉份量亦好足，食得出係手打牛肉，芝士味輕輕淡出，味道唔太濃郁，但食落去亦唔會覺得好漏。而湯底亦都有粒粒蕃茄，飲落去好清好fresh，好似飲緊煮家湯咁！木耳：好爽脆，醋味微酸，食落去好開胃好好食，作為前菜一流！豆漿：由於無糖，所以飲落去好有純豆嘅味道，飲得出係即磨豆漿黎另外，呢間餐廳仲有煎餃+飯/麵類可以一試！有興趣嘅朋友不妨試吓呢間！係佐敦地鐵站行5-10分鐘就到啦！

龍鳳祥餃子館呢間小店專門食上海野🤔見下午茶價錢合理😆配小食和飲品都係$40內，所以就入左去試一試🤭😋#冬甩仔女_佐敦#冬甩仔女_上海野🍩冬甩仔👦🏻🍩食評👅👦🏻Set B 擔擔麵🥜🍜(6.8/10) $39湯底算稠身，有好香濃既花生味，有微微既辣味😛不錯👍🏼幼麵淋到適中😆🍩冬甩女👧🏻🍩食評👅👧🏻Set A2 白菜豬肉水餃粗麵🥟🍜(6.5/10) $37人手包水餃豬肉餡有醃好👍🏼大小適中，仲可以點豆瓣醬加豉油🤣吾想咁清的話。湯甜甜地、清清地🤭配粗麵👍🏼食一碗已好飽，配小食😆🍩冬甩仔女👦🏻👧🏻🍩食評👅👦🏻👧🏻口水雞翼(跟餐)(6.5/10)唔太辣，醃得入味，普普通通🤔👦🏻👧🏻酒香醉雞翼(跟餐)(5/10)有酒香味重，但吾夠味，得酒味🤔👦🏻👧🏻凍豆漿(跟餐x2)(8/10)正常味道，少甜，算大杯🥰🍩冬甩小資訊🍩1️⃣下午茶餐，星期一至五:1430-17:30🤭2️⃣加一✖️💲抵食:6.8/10👅好味:6.5/10🍩推薦:6.4/10📍龍鳳祥餃子館 (佐敦)佐敦白加士街53號地下

龍鳳祥餃子館 (佐敦)📇地址：佐敦白加士街53號地下🕐營業時間：11:00-22:00💸人均消費：～$100/人👏🏻抵讚位：叫左牛犇麵($56)、排骨擔擔麵($54)，兩碗麵勁大碗，食完其實已經好飽。擔擔麵超級好食，湯底好濃嘅花生醬香。牛犇面第一次聽同第一次試，啲牛肉粒鋪滿哂成隻碗咁濟，起碼有十幾舊，食落個感覺似台灣嘅牛肉麵🤣 小食有分大細，我地叫左個細嘅雞絲粉皮($25)，啲花生醬又係好濃好香，但唔會過杰同好咸，喺我食過最好食嘅雞絲粉皮之一😋 另外叫左十隻芝士牛肉煎餃($63)，每隻都煎到金黃色，雖然細細隻，但一咬勁多汁，同好多牛肉餡。加左$18轉個煎餃做套餐，有多個酒香雞翼同豆漿，呢兩樣正常發揮。😯有待改善位：鋪位細，得5-6張枱，坐得都有少少逼。芝士牛肉煎餃雖然好好食但冇乜芝士味食到。😼私心回應區：搵佐教區有咩好食，咁啱碌到呢間食上海野同東北野嘅小店，又好耐無食上海野，就黎左試。果然！比我平時好鍾意食喺大窩口個間街坊地道上海野仲要好食😋 但價錢就無大窩口個間咁親民，不過值得一試！喺舖頭嘅一個角落頭見到姐姐即場包餃子，就估到呢間舖頭嘅餃子有幾咁新鮮🤤

食過幾次外賣都好好味，有個星期六去玩劇本殺之前就特登早啲去堂食～ 中式古風裝修嘅小店，門面好普通但入面係幾乾淨企理，牆上面掛住一塊塊刻咗菜式嘅竹簡🎋👨🏻‍🍳🤳🏻 秘製牛犇湯底 💛個湯底味濃郁，甜甜地得嚟有好淡嘅藥材味😳，係會好想連續飲幾啖嘅味道😋牛肉好嫩又入味，講緊係食過幾次都做到一貫水準🤩 價錢就取決於湯底配麵、飯定係餃子 話說每次講起呢間都會話「不如食嗰間牛牛牛牛」😹 ，個「犇」讀音係「奔」，係牛腩嘅部位🕵🏻‍♀️（呢個字古意真係解眾牛奔走，好有畫面lolll）👨🏻‍🍳🤳🏻 四川擔擔麵 $38 💛最鍾意食到好濃花生味嘅擔擔麵o(≧v≦)o 呢到嘅擔擔麵湯底算濃稠，多肉碎，就咁飲都幾重花生香，加埋小小辣感好惹味😚個麵係彈牙，唔算好索湯所以我通常一啖麵配一啖湯咁樣食😛👨🏻‍🍳🤳🏻 肉三鮮餃子 $53 💛 由蝦仁、韭菜、豬肉組成嘅餃子，每一次食每隻都會煎到金黃色啱啱好✨每隻餃子都足料，蝦同埋豬肉都新鮮～ 龍鳳祥餃子館嘅餃子講明係每日手工製作，無記錯堂食嗰日我地後面就有伙記係到包餃哈哈總括而言係間高質家常便飯小店!!

肉三鮮煎餃(韭菜，豬肉，蝦仁）餃子外皮煎得香脆，一咬落去爆晒肉汁，韭菜味道唔會太濃，好易接受，每一隻都有原隻蝦仁。餐廳提供豉油，黑醋同豆瓣醬點餃子四川擔擔麵擔擔麵湯底有好香花生味，又唔會太膩，湯嘅濃稠程度剛剛好，帶微辣，麵質有咬口，掛湯。配料有肉碎，炸菜粒，肉碎醃得好入味！豆漿正常發揮

心血來潮想食餃子想起呢間店好一段日子無黎今晚再黎外賣先點左~肉三鮮餃子幼麵(轉酸辣湯)肉三鮮餃比較特別(蝦仁,豬肉,九菜)咬落去口感幾豐富而且餃子SIZE比一般食的大DD加埋佢個麵底好大個真係食唔晒個麵酸辣湯雖然未至於勁濃但都叫可接受呀唔會係好稀果隻都有肉絲....本耳絲....筍絲食完麵飲多幾啖湯真係爆肚呀

他们的生意不错，几次经过都看到有客人在店外等候或买外卖。排队后，在店外等了5分钟才可以入内。店外放了餐牌，除了饺子和面食，还有饭类提供。饺子也有几种不同馅料，价格算是合理。被安排了一个单人座，用几块塑胶隔着，坐得有点局促。加了15元要了一份煎猪扒和合装饮料，猪扒没有骨头，调味不错，而且煎得很香，只是肉身有点薄，有点意猶未尽。主食要了一份芝士牛肉粗面，因价钱有点贵，没有要特色汤底，但个人觉得清汤也不错。主角的饺子有5隻，吃到牛肉和洋葱味，但芝士味有点淡，整体口感一般。

孜然羊肉、香煎豬扒、熱豆漿羊肉餃有點穌、有點鹹，但都叫有點Juice，不會乾爭爭。$53十只餃但如要配湯加$6，只能說。。不過不失。件豬扒只因為想叫豆漿，而單點豆漿是$6；如惠顧任何餃子/麵/飯+$15可配小食及飲品，所以就試埋。但這件香煎豬扒有點油，好一般不吃也罷。不值的價格，試一次便夠

第一次食到咁厚嘅豬扒。。。可以將塊豬扒切成咁，個廚師真係好刀工👍，佢可能喺中國廚藝訓練學院畢業。幫襯咗你哋咁多次，今次真係好失望，等左成20分鐘俾啲咁嘅嘢我。

以前0係佐敦番工無意中發現左呢間食餃子既小店店面雖然唔大但食物質素幾好架我就大愛芹菜豬肉餃佢有好多款式的總有一款揀到比較特別的有蕃茄雞旦餃子(不過我就未試過呢款)今次如常的揀芹菜餃子(配幼麵)加左錢轉酸辣湯底幾鍾意佢個酸辣湯底有點似上海菜的酸辣湯不過可能加左麵就無咁濃味今次係下午茶時間有TEA SET好抵好抵有涼菜 ~我揀左蒜容拍黃瓜有麵啦仲有野飲 ~我揀左豆漿 (有凍同熱,仲有有糖同無糖)唔鍾意豆漿仲可以揀紙包檸檬茶呀成個餐轉埋湯底好似係$4XCP值好高佢個黃瓜都好味蒜容好入味唔係好HEA果D我見隔離檯揀左小食雞翼怕唔夠飽的人可以參考下

疫情嚴重，出街食又驚🥺，叫外賣又食厭左😣，在家煮食來來去去都係魚蛋，腸仔，急凍餃子😓😓，但其實仲有個更好選擇😻😻想足不出戶都有好嘢食? 😎😎其實好簡單，☝️whatsapp落單📲，即時轉數💱，第二日收貨，餃子，冷盤，肉食材料一一送到....🚚🚛🥳🥳今次order左4款手工餃子🥟🥟，粒粒飽滿，餡料新鮮，肉汁豐富，皮薄餡靚仲有口水雞翼🐔🐔，一包8隻，每隻都好大隻，而且麻辣醬分開包，鐘意食幾辣就落幾多😋😋不過包麻辣醬真係冇得輸👍👍，麻中帶辣，香氣十足，配餃子必選韮菜豬肉餃，白菜豬肉餃，芹菜豬肉餃...芝士牛肉餅， 醃制豬扒，滋味羊肉.....麻辣豬手，口水雞翼，千層豬耳.....仲有秘制麻辣醬，真係冇得輸

而家疫情日日都留喺屋企食，有時真係唔知食咩好，朋友send 咗張外賣單比我，係自家製餃子館！仲好出名架添！原來而家仲有得買冷凍包，而且仲包運費，好多款又有餃子又有餸，立即叫來試試！秘製牛犇同家鄉紅燒肉味道都好唔錯！份量又夠！用來煮麵超方便又好味，跟住秘製豬扒夜晚加餸一流！屋企人話餃子都好食又夠多肉，同埋真係好多款揀，最緊要又無味精！成日叫來食都安心啲！放定啲喺雪櫃以避不時之需！下次再試下其他菜式先！

晚上10點半達陣佐敦呢間餃子麵店，last order叫左兩樣野，白菜豬肉湯餃同埋雙醬牛展冷麵。白菜豬肉餃一份有十隻，餡料都算足，咬開見到白菜同豬肉，可以話係值得一試，而另外既雙醬牛展冷麵，雙醬就係麻醬同埋辣醬，食客可以因應個人喜好自己加入去冷麵入面，而冷麵本身可以揀雞絲 / 牛展，我地就揀左牛展，佢將牛展切絲加入冷麵，再配埋青瓜、紅蘿蔔、蛋，自己大兜亂黎食。雙醬冷麵味道唔錯，加入紅蘿蔔青瓜令到個麵更加清新。