龍寶酒家

营业中

休息中

未試過乳豬全體要自己用鉸剪剪，搵距切要加$100🙄。舉極手都無人理（距望我但唔理我）；叫咗三次都唔拎蛋糕過黎（當時唔係好多檯人）最奇怪係我翻轉頭check有無漏嘢，個職員自己係度清理蛋糕用嘅碟同叉，然後知道我係度嘅情況係距自言自語咁講：「下次唔拎叉過黎，又要洗一大輪」🫨有俾切餅費唔係就係代表提供碟同叉食外來食物咩？呢個生日飯食到R曬頭🫤，8個人距又俾張超細檯，一隻乳豬已經無咗4分3嘅位置讚嘅地方只有一個，就係都算平嘅，叫一圍檯嘅套餐$2088。

端午節晚上即興到龍寶酒家食晚餐，位於觀塘開源道68號觀塘廣場15樓。 店內裝修港式酒樓風格， 節日晚上未坐滿人， 四人點了孖寶$468( 上湯焗澳洲龍蝦伊麵 + 豉汁蒸白鱔) 、 原隻燒乳鴿$41.6、 椒絲腐乳炒通菜$75。 ▪️上湯焗澳洲龍蝦伊麵 ～ 龍蝦鮮甜肉厚，伊麵份量好多。 ▪️豉汁蒸白鱔 ～ 豆豉汁惹味， 白鱔肉質爽口。 ▪️原隻燒乳鴿 ～ 20蚊一隻燒乳鴿好抵食，見到差不多每台客人都點了，乳鴿原隻上，熱辣辣的。 ▪️椒絲腐乳炒通菜 ～ 腐乳汁味唔算濃。整體價錢合理， 菜式種類多。 🏷️溫馨提示～ 整個用餐體驗均屬個人分享意見， 只作參考😊。    

團年飯，乳豬餐，肥到咁，點食？經理話，特價野，係咁架！邊有豬唔肥架！無得換！$1888乳豬套餐，有幾平先？唔係好明囉！未剪隻豬邊知道只豬肥唔起。仲話我哋剪開咗冇得換喎！好奇怪囉!第一次食到咁唔LIKE KEY!

晚上想試一下推廣，食花膠雞煲和燒鵝，份量足，材料屬家庭品質，食物夠熱。唯追求五星級食材就無需考慮。晚市套餐相對經濟，因為8-10人餐是包茶介。雙拼都有10幾款。花膠當然不是特厚果種，似鱈魚花膠扒。燒鵝就味道不錯，比8.5分。早前見到負評也嚇一跳，侍應有禮貌，回應算快，只是客人多人手不足。

早幾日同屋企人、親戚去呢間酒樓做冬，本來已經冇任何期望，只係想一家人圍埋食餐飯。而家咩都貴，$2688一圍嘅價錢其實算係平，不過就好多嘢都要自助，包括切乳豬🤡 雖然佢有寫明，酒樓亦會提供鉸剪同手套，同埋可以加$100叫佢剪埋。我哋都係第一次體驗剪乳豬，不過個阿姐聽到啲親戚話下次唔嚟，就同我哋講話「大把人嚟」，但當時食飯時間係坐唔滿嘅👻其實有啲嘢係唔差，釀蟹鉗同隻芝麻雞係唔錯，壽包算係正常，啲橙都算幾靚，不過都好似冇其他了。平時用嚟煮糖水嘅桃膠配白菜、味精勁過碗仔翅嘅唔知咩翅、另外叫嘅又硬又唔熱嘅糯米飯⋯⋯總之就係唔好食啦😹

我今日去左觀塘，在開源道的龍寶酒家飲茶，我點了優惠點心拼盤$26.8及鮮蝦叉燒腸粉$18.8。鮮蝦叉燒腸粉：大大隻蝦及腸粉幼滑，好食。優惠點心拼盤有蝦餃、燒賣、菜苗餃、馬拉糕、粉果及叉燒包，好食又抵食。

又到飯聚時間，朋友介紹這酒樓，18/10/2023（星期三）齊腳，又嚟聚一聚，吹吓水。閒日這酒樓都有六七成客，侍應在七至八點尚算足夠，九點後埋單時，就要等，成場只有2個侍應。今日點了個$1688“友誼樂聚全包宴”鴻運乳豬全體，8位及12位用都係乳豬全體，要自己剪，便慢慢剪，都幾脆口，份量好似多咗D，食唔晒。上湯珍寶蝦球伊麵，蝦好大隻富貴帶子海中寶紅燒花膠雞絲生翅，今晚所有餸菜還可以，唯獨這菜真係十分難食，成碗都係漿粉水。清蒸游水大海石班瑶柱香妃雞，好滑蛋黃蓮蓉大蟠桃環球鮮時果是橙，都幾大個及多汁另見好多枱都食喱個花膠雞煲，下次可試下

侍應態度極差，完全唔 helpful，一味只係用差態度指責食客，一副厭世嘅樣，唔想做咁，令食客感受奇差。環境經常都有好大陣煙味，而且非常污糟，地氈污糟、廁所更是恐怖

龍寶已非第一次黎，以前還好，今次反而比我印象麻麻地，一黎店員少，二黎壞冷氣都無出聲或改善方法首先叫啲前菜小食餸下酒：滷水豬仔腳有約八隻，浸得唔夠入味唔夠濃，不過好淋身好滑川味口水雞應該係例牌份量，比出面仲多一隻皮蛋伴碟，非常認真同豐富跟住係酥炸日本生蠔外層用上中式炸漿，真係非常酥脆，蠔肉即使全熟都冇渣，而且鮮甜蠔味濃上湯波士頓龍蝦伊麵 ２ 隻份量足，龍蝦實肉彈牙，不過龍蝦鉗冇幫手夾裂佢，要靠自己剪龍蝦鉗。薑蔥斑頭腩煲熱辣辣，香噴噴，斑頭腩上咗粉炸過，非常香口黏汁碧綠炒斑球例牌西蘭花斑片，西蘭花清爽好味，斑球大大片，睇得出魚皮好厚、好黏、好膠，相信一定係大條嘅斑，魚肉有實肉咬口，唔會鬆散奇味鮑魚雞煲鮑魚有四隻，唔細架！另外雞件都唔少，非常抵食，汁料香濃食物非常有質素保證，只係服務需要改善。一係人數不足但收加１３％服務費；二係即使著恤衫嘅伙記都毫無表情無反應；三係壞冷氣都無改善辦法，好多枱客人都熱到自己搵方法取涼如果唔係食物搭救，相信我唔會再黎幫襯！

6月28 日一行六人去觀塘龍寶，當晚坐無虛席，我哋叫咗個食「友誼萬歲全包宴」，八人分量售價$1388包加一及茶芥小吃，都算合理低食。第一度菜是乳豬全體，很熱、很脆、有份量，是酒樓賣點之－，其後上每度菜都頗大碟，但味道偏咸，帶子細粒較靭，班球不夠新鮮，所為生果只係每人－個橙，呢個套餐最𠵇呢就係只包二支啤酒或四罐汔水，八人套餐，難度每人半罐，為我地健康著想🤪🤪，既然做到$1388，為何不大方D，二支啤酒及四罐汽水呢？

朋友路過相約吹水，冇準備，冇心水嘅情況下就近上咗嚟，皆因觀塘廣場就喺地鐵站口。十二點上到嚟都幾多人。公公婆婆居多，街坊酒樓格局。好彩有枱，唔洗等。人手明顯唔夠，我哋兩個人，"樣"咗手一輪先有人嚟開咭開茶。朋友要香片，不是茶包，傳統茶葉冲水。但好老實，D茶唔得。得浸苦味，唔香唔甘，差。中午有幾張特價紙，算多野揀，嗌咗個迷你福建炒飯，蘿蔔絲春捲，煎釀双寶，點心拼盤。傾計為主，食嘢反而次要。啲嘢出得好快，兩嘢就上曬嚟。食味就ok，不過不失啦！不過全單要加13%服務費，值唔值，就見仁見智啦！

1）啊叔收餐將湯倒到周圍都係，連張凳都有湯渣，仲要唔道歉！冇禮貌又態度極差！！！2）野食係平但係細份量又難食服務費仲要收13%，完全冇服務可言，絕對冇下次！！！

晚上同父母到官塘龍寶晚飯。服務態度勁差，錯漏百出，仲要夠膽收人13%服務費°1）叫2位翅泥1位2)叫2碗白飯仍然係泥1碗，追問修正並等候多時才來第二碗，但餸已吃完3）剛來第一碟餸，部長無端端拿來一碟橙，原來係要上隔離枱 但客人吾要 我地才剛開始吃 就攞嚟我哋枱＇話係送嘅＇但其中一個橙是巳經黑皮的4)飯後叫伙記攞個盒 當時酒樓伙記問要吾要袋 我回覆吾駛 等左好耐 都冇人攞泥 其間多次想搵人問都搵吾到 全部聾耳陳咁直行直過 ＇最後要自行到櫃枱追問 才把飯盒拿來 但强迫性地附帶膠袋一個＇顯然已忘記我話吾要袋的5)出去埋單 收銀員態度奇差，客人check單又吾高興冷言冷語，當時係覺得奇怪點解服務費咁多錢＇最後發現收13%服務費在咁差的服務質素下 竟然收服務費 13%！！！絕無下次！！！

特價嘢只可揀一樣，咁我地兩個人，就揀5蚊半隻雞，正價乳鴿，仲有正價一煲翅，一個正價鮑魚煲。先黎煲翅，一打開，大大條頭髮🤮。再黎一碟雞，我地話，唔係半隻咩，阿姐話『一隻都係十蚊姐，照要啦』，咁我地照食。因為二人只可叫半隻，點知個經理行埋黎，好似我地食左佢副身家咁，『點解係一隻』，我地咪講佢知，你地黎錯，個阿姐叫我地照要。點知食食下，佢捧走我地碟雞，去隔離張吉枱到，倒走一半再俾返我地，我地都o晒咀，肉酸到呢。。。又唔係我地錯，係你地落錯單，你員工話咁平，照食，咁我地先食姐。如果你覺得蝕底，雞收正價，乳鴿特價，都得架，我哋又唔係貪你小便宜，只係想食雞姐，史無前例未見過，倒減個客一半雞走，真心勁肉酸，永遠丫，唔會再黎，大癲！carzy!

雖然我不是經常來，但偶爾都會上來。原因有三：1. 這裡的侍應姐姐都很積極、主動、盡責、親切和友善，特別對我與長者都好好，好細心。2. 這裡的選擇多得很，多到不知怎樣選擇，但點心的款式可算是觀塘區最多的其中一間。單點或孖寶，有平有貴，任君選擇。3. 不僅點心款式甚多，收費不貴，價錢大眾化，一個人來飲早茶的話，大概只需三十至四十元，加上鄰近觀塘地鐵站，又有升降機，坐得都頗輕鬆舒服自在，枱與枱之間都頗闊落。唯一要留意的是，出升降機後，要行上一層，大概二十級樓梯，行動不便的人要小心慢慢。