龍島

营业中

休息中

龍島既朱古力歌劇蛋糕賣相很吸引，表面有好多粒藍莓。正方體既蛋糕一層層有好濃既朱古力味，黑朱古力味既濃厚程度如果有10分，要俾9.5分。成個歌劇蛋糕好grand 同elegant 。整體來講唔錯。

餅店：龍島地點：銅鑼灣崇光百貨菜式：蛋糕，朱古力雜莓拿破崙蛋糕 對角7.5寸 $498早兩日係龍島訂左個雜莓拿破崙蛋糕，因爲售貨員話對角5.5寸$348可能只夠3個人食，所以買個大，對角7.5寸感覺上大少少不過貴好多......呢個價錢竟然唔包自訂朱古力牌，要加$20，有d過分。拿破崙蛋糕得兩款口味，揀左呢款雜莓味道大衆化少少，可能另一款朱古力會好味d。雜莓拿破崙蛋糕主體係三層千層酥夾住吉士忌廉同新鮮雜莓，雜莓有3款，包括士多啤梨，紅桑子，藍莓。面頭都有吉士忌廉同新鮮雜莓，仲加上金箔裝飾。切開先知原來入面係有好多新鮮雜莓。主體千層酥係明顯由多層組成，好酥脆，唔算太油，吉士忌廉香滑邪惡，係好食！入面好多新鮮雜莓，酸酸地可以中和油膩感。呢款拿破侖質素係好嘅，因為生果多，所以我一個人食左3分1都唔覺滯，反而仲覺得可以再多少少吉士。不過以呢個分量黎講價錢就貴左啲，而且連自訂朱古力牌都唔包，7.5寸大概可以六個人分。

係Sogo行街時見到龍島啲蛋糕好精緻，於是買左一件朱古力味返屋企飯後甜品食😋72%純黑朱古力蛋糕 $52💮朱古力面灑左少量金箔💮內裡係比利時72%濃郁幼滑純黑朱古力慕絲💮再配朱古力海棉蛋糕💮底層用左杏仁海棉蛋糕同榛子朱古力脆脆💮有多重口感享受，味道又豐富

聖誕係公司抽到一百蚊cash voucher，今日經過所以諗住用咗去。而家店舖做緊兩個優惠，原個蛋糕九折，細蛋糕買三送一。不過店員話用cash voucher唔可以用店舖優惠。原來cash voucher都係優惠嘅一種，神之marketing。咁我唯有買少啲😂。買咗72%濃郁黑朱古力蛋糕（$52），同柚子軟芝士蛋糕（$50）。外層柚子味好清新，裏面芝士冇乜特別，唔算好濃味。朱古力蛋糕好食好多，朱古力味濃，鏡面外層加mousse加脆脆內層，好有層次感。不過50蚊個蛋糕比其他有啲貴。

行崇光見到龍島啲蛋糕都好精緻，於是買左4款做下午茶。每兩件就用一個盒裝好。兩個盒啱啱好用一個紙袋裝好。藍莓焗芝士蛋糕 $48佢另外仲有一款士多啤梨焗芝士蛋糕，不過第一次梗係食藍莓先。藍莓焗芝士蛋糕面頭新鮮藍莓有6粒，中間兩粒上面有少少金箔。蛋糕係厚餅底，中間芝士正常冇特別，上面一層藍莓醬。成件蛋糕質素正常，芝士唔夠濃厚或軟滑，冇特別。柚子軟芝士蛋糕 $48柚子軟芝士蛋糕係軟芝士慕絲，入面居然包住海綿蛋糕，上面有少少柚子皮，柚子醬同花形裝飾點綴。食落柚子味清新，不過芝士味欠奉，似柚子慕絲多啲。而且海綿蛋糕既分量多到令人覺得個蛋糕cheap左。玫瑰白桃忌廉芝士蛋糕 $48玫瑰白桃忌廉芝士蛋糕應該係玫瑰慕絲包住中間既白桃粒，最下底係海綿蛋糕底，面頭有少少紅莓粒同玫瑰花瓣，再加少少金箔。呢個蛋糕都係芝士味欠奉，好彩入面有白桃粒就帶黎少少驚喜。玫瑰味道都係唔多覺。72%濃郁黑朱古力蛋糕 $48呢個朱古力蛋糕就似樣啦。朱古力鏡面加上金箔，入面包住朱古力慕斯，中間有榛子脆脆，外面有朱古力薄片，食落脆脆地，味道係香濃朱古力帶榛子味，好後悔無揀多幾款朱古力蛋糕。試左4款蛋糕，朱古力實在係好食太多，芝士味

之前食過 Lucullus 龍島的朱古力覺得幾好吃 上網見到原來他有朱古力蛋糕系列就心思思想試。於是襯著有家人生日便去買一個回家！而且現在原個蛋糕有10%off！ 不知大家會不會追求可可濃度較高百分比的朱古力？平時我多數會選85%的排裝朱古力來吃，喜歡那苦味。所以在數款朱古力蛋糕中都是選了可可濃度高的！✦ DARK MAGIC - 72% DARK CHOCOLATE CAKE -原價$298，折扣後$268.2，白朱古力生日牌也不用加錢。我買這個是5吋，還有另一個尺寸是7吋的。蛋糕有四層，外層好甜 ... 變相吃多過1/8件會覺得膩。第二層才是比利時72%的純黑朱古力慕絲，甜度對比真的超強烈，口感則很幼滑。第三層是朱古力海綿蛋糕，再配上底層的杏仁海綿蛋糕和榛子朱古力脆脆，不論是口感還是味道都很豐富！如果不是外層太甜的話，整體來說其實不錯。

疫情關係冇得出去食飯,原本只係約三五知己係屋企打個邊爐,點知佢地好有心咁順個便買咗個蛋糕仔幫我個囡慶祝埋生日,因為今年阿囡大年初一生日,咁大家都應該唔得閒啦今日佢地買咗個龍島皇者盛世 - 60% 朱古力軟心蛋糕對於我嚟講係會好流,但對於小朋友嚟講就話好好味啦,我就覺得一般般啦,不過又唔太甜,可以接受嘅

老公生日, 想有個儀式食下蛋糕影下相📸, 但兩個人食一個大蛋糕又好飽又食唔晒😖 最好就買件小蛋糕😋經過龍島見到件柚子芝士蛋糕🧀 細細個又幾靚就買左一件, 俾錢嗰時仲見到有個壽桃造型既白朱古力, 啱哂生日影張相🥰柚子芝士蛋糕好清香, 完全唔膩, 仲有淡淡既柚子味, 啱哂夏天悶熱既天氣食, 好開胃好食🤩 最重要係唔太甜🥰 而白壽桃白朱古力就甜啲啲, 但都可以接受😋見到仲有同系列, 但唔同味道既蛋糕, 一定再再試下!

前兩日大食妹生日, 屋企人問大食妹想食咩蛋糕, 大食妹上網search左好多蛋糕店, 最後揀左龍島嘅蛋糕<皇者勝世 - 朱古力軟心蛋糕>咪睇呢個朱古力蛋糕外表好似一般嘅三重朱古力蛋糕但叫得皇者勝世, 當然有佢嘅原因皇者盛世就係特濃朱古力蛋糕嘅2.0夾住係蛋糕中間果啲唔係cream, 而係一層又一層嘅軟朱古力, 蛋糕外圍有好多嘅朱古力碎, 面頭就灑左一啲可可粉食落去口感會似松露朱古力, 朱古力味濃厚突出因為係滿滿嘅朱古力, 蛋糕口味偏甜, 但螞蟻人一定鍾意太大個食落去會太甜膩, 一般人可能覺得麻麻, 建議一大班人買一個細嘅就好啦

We needed a cake for celebration and decided to try out 龍島 as we hadn't tried it before!Amongst the many different choices of cakes, we chose 回味無窮 - 開心果黑莓蛋糕. The following was the description on its website: "以清新的黑莓果蓉點綴香濃的開心果慕絲，面層配上鮮士多啤梨及藍莓，展現多層次的味覺享受"There was a complimentary chocolate plate which looked very very pretty! Forgive me for the lack of picture because there was a personal message there.The 5 different layers of the cake were very distinct, with pistachio mousse on top, followed by

今日出開去銅鑼灣，想買幾件蛋糕做飯後甜品。食過好多次龍島，以為會品質穩定，點知居然中伏！Dropped by Lucullus today to pick up some dessert. Since I’ve bought their cakes, I thought they’d be a safe choice. However, my purchases today were super disappointing!今日買咗三個蛋糕 其中兩個係cupcakeI bought 3 cakes today, two of which were cupcakes.1️⃣柚子Yuzu cupcake / 紫薯sweet potato cupcake 今次買兩個杯子蛋糕原來都係朱古力蛋糕底😠其實以一個$39嘅cupcake來講，龍島絕對可以將餅底做一個更加適合嘅味道，而唔係就咁攞最基本嘅朱古力蛋糕，pipe啲唔同味道嘅buttercream上去就算👎味道好唔夾（食過其他店都唔會咁樣夾硬做呢啲配搭)而且朱古力蛋糕做得偏乾🤮龍島加咗塊額外嘅卡紙去裝飾蛋糕，令到蛋糕望落更加大。我覺得咁樣做冇問題

我真係好想介紹一下呢個龍島出品嘅榛子拿破崙蛋糕。上面全部都係一粒粒嘅榛子，第一層同最底一層係硬脆，充滿牛油香味嘅拿破崙。中間的一層係密度十分高嘅軟香蛋白蛋糕夾埋一層厚厚地又唔甜嘅，中間混住幾粒榛子嘅榛子cream。呢個蛋糕嘅口感真係超級豐富，成個蛋糕都好好味，好似三文治咁。另外，佢嘅朱古力牌都係十分好味。呢個蛋糕，剩係層次感次都夠哂滿分💯。

買咗一盒紅色（細- $108）同一盒綠色（大- $188）嘅茶餐廳曲奇，再得到一個買二送一嘅贈品，於是抽咗幾款嚟食。🍪紅豆冰味曲奇：側邊嘅曲奇係普通嘅牛油曲奇，中間白色嗰啲似白朱古力，都幾甜；紅豆就冇乜紅豆味但係好脆。🍪鮮蝦雲吞味曲奇：有驚喜，個味真係好似食緊一粒雲吞咁，但口感又係鬆脆嘅曲奇，幾特別。🍪香甜杏霜味曲奇：有少少似食緊杏仁餅咁，但係唔會好似平時啲杏仁餅咁有少少苦苦地或者好粉一咬就碎晒，保留返曲奇嘅口感。🍪沙嗲牛肉味曲奇：其實唔似沙嗲牛肉，但曲奇入面有啲乾牛肉粒，咬落有多一重口感，同埋辣辣哋都幾特別。🍪菠蘿油味曲奇：似食緊鳳梨酥，好香菠蘿味，甜甜地，好味！🍫奶茶味朱古力：食落覺得個朱古力個味唔係好似朱古力但又唔係好似奶茶。我本身唔係太中意飲奶茶，加上粒嘢都真係甜咗啲，所以覺得都係曲奇好食啲。

Lucullus紫薯粟子蛋糕 (精緻裝) 價錢: $150尺寸: 13cm 左右夜晚約左朋友係銅記食飯慶生，所以到SOGO地庫周圍行行，尋覓一個細細地嘅蛋糕。呢個蛋糕size 岩岩好，食完正餐之後再食都唔會太飽。【軟綿綿紫薯容】佢係個海綿蛋糕，上面有啲紫薯蓉，質地軟綿綿，食落少少甜。個人覺得😝，如果紫薯蓉可以實在啲，紫薯味再重返啲，就會好食啲啲！【有口感粟子碎】紫薯粟子蛋糕係指係蛋糕邊上嘅粟子粒粒。一啖咬落去，滿口軟綿綿嘅紫薯當中，夾雜住粟子脆脆，為蛋糕增添唔少口感， 呢個配搭一定無死錯人！哈哈🤣扣分位，蛋糕上嘅金色波波，開頭以為係朱古力整嘅，但原來唔係！口感食落好似發泡膠，好奇怪。👎🏻👎🏻蛋糕味道雖然唔係非常出色，但Size同價錢都適合買黎慶祝生日! 始終女仔生日，總需要拎住蛋糕影張相嘅! 🥰

說到蛋糕，我會立即諗起龍島餅店，因為比較有特式亦有唔同size選擇，比較適合輕食同鐘意新鮮感嘅朋友，而且分店愈開愈多，深入民心。講到新鮮感，一定唔少得龍島新產品: 港式茶餐廳風味餅乾，盒身包裝已經好有老香港味道，內裏嘅六款口味更是特別，例如避風塘炒蟹及楊洲炒飯味都好有意思，懷舊得黎甚俱創意，送禮得體又有玩味！若喜歡classic一點嘅可以選擇長興系列，我最鐘意就係蝴蝶酥，香脆得黎夠鬆化，茶點必備之選💕