龍門客棧 (We Go Mall)

营业中

休息中

之前經常都會係呢間鋪門口經過，就無入來食過，以為佢哋啲野食會好貴😄😄到佢哋有位同事係門口宣傳「佢哋有午市客飯，好抵食」，我先知原來唔係想像中咁貴裝修大方，幹凈企理卡位座位非常舒服今日中午約同事一起來食lunch酸菜魚客飯走辣，魚片夠滑嫩，又無骨，對於怕魚骨嘅我就啱曬仲送咗兩個燉湯，唔記得影相😆😆最後仲做埋會員，有九折優惠，其實都算係好抵食，希望大家多啲來幫襯，願佢哋長做長有，我又多個飯堂

去男朋友屋企食飯佢爹哋媽咪帶我落屋企附近商場食上海菜間鋪入到去俾我整體感覺好乾凈舒適整潔樓面同事都好nice，會好仔細同我哋介紹menu本想食片鴨，因為見到有兩枱食緊片鴨但男朋友話天氣凍凍哋想食烤魚我哋選咗烤魚餐，好正，好多野食食完成個人暖笠笠唔知係咪因為平日，呢度唔係特別旺所以好適宜我哋食下飯傾下計又可以坐耐啲到埋單時仲有會員優惠tim下次會再來👍👍👍

真心講，我好少去贊某間食肆尋日下午去馬鞍山探朋友時(我唔係住馬鞍山)，經過呢間鋪嘅時候，佢哋有位同事好有禮貌咁企係鋪頭門口宣傳佢哋餐牌，被佢哋烤魚餐和片鴨餐吸引咗。咁啱尋日係婆婆生日，於是夜晚帶埋全家七個人過來試食，最終我哋選咗佢哋片皮鴨四位套餐，講真呢隻鴨真係好大隻，好肥美呢個松子魚，最啱小朋友食，食到兩個小朋友舔舔嘴👍👍👍因為我哋多人，驚四位餐唔夠食，額外又叫多個雲吞雞唔知係咪我哋幾個細食，七個人叫咗片鴨四位餐外加雲吞雞，竟然好飽😹😹😹最後仲有我中意嘅酒釀小圓子送，真係好窩心

最近同朋友去食咗四人餐，真係好滿意。個服務員態度幾好，服務員會主動過嚟問我哋嘅需要，俾人感覺幾舒服。至於份量，四人餐真係夠食，大家都食到好飽，根本唔使擔心唔夠。每樣菜嘅份量都好多，食唔晒都可以打包當宵夜，真係好抵食。最近同朋友去了四人餐，真的很滿意。服務員態度幾好，有服務員問我們的需求，讓人感覺幾舒服。至於份量，四人餐真的夠吃，大家都食到好飽，根本不用擔心不夠。每道菜的量都很多，食唔晒可以打包當宵夜當真係好抵食。

因為喺屋企附近，成日都經過，但一路都冇試到，點知一試簡直係難忘一入去，門口啲阿姐態度已經好一般， 滿口唔知咩話，聽得好辛苦，好難聽得明， 叫咗我哋去某張枱度坐， 一坐低啲餐牌，劈喺你前面， 完全唔知發生咩事， 唔知以為我爭佢錢， 點菜嘅時候已經唔係咁容易溝通， 因為第一次食所以叫咗少少菜水煮牛， 牛肉鞋嘅， 又小， 仲要油多個牛酸菜魚，魚肉有腥味， 酸菜魚個湯底完全唔得另外嗌咗幾個小食，都係普通嘢其實啲水準真係好差，好後悔入咗去

其實唔想做可以執左佢，好少出街食飯會比自己煮更難食。從來冇一間餐廳做到，真係冇一樣野女食。 先講排骨面 湯冇味 睇落似豉油溝水 食落冇味 真係一啲味都冇 而排骨一擺落口係苦嘅 有簡水味 似係炸肉片好簿 好少食到真係會食唔落肚。 炸魚似係咕嚕魚 皮厚魚細。 小籠包入口好大陣油溢味。 連杯茶似係啲茶膽 姐係好似飲緊 茶餐廳俾人洗餐具個杯茶咁。 得個個嫩雞餵面擺得入口 但係絕對唔係好食 咪普通上海幼面。。。

早幾日喺馬鞍山we go mall同小朋友玩完就搵咗間正宗上海菜的「龍門客棧」食飯，店裡有間裝飾充滿東方色彩，古色古香環境很好👍🏻，餐牌選擇多，味道都好啱一家大細🐟酸菜魚酸辣度適中湯底超濃厚，最重要係啲魚超級滑🥘砂鍋雲吞雞個湯底超清甜鮮味，大大粒足料雲吞仲有半隻雞都超級滑🥟小籠包皮薄超多肉超多湯汁🫔豆沙窩餅，熱辣辣脆卜卜，配綿密豆沙甜而不膩🥟鍋貼個底煎得夠脆，而且肉餡好豐富下次要試埋佢嘅片皮鴨

我地搵咗間正宗上海菜的「龍門客棧」店裡有間裝飾充滿東方色彩，古色古香環境很好👍🏻整體成餐飯所有餸都好出食，味道好啱一家大細個個都話好好食😋已經約定屋企人，下次試埋個片皮鴨🐟酸菜魚酸辣度適中湯底超濃厚，最重要係啲魚超級滑，的確有啲驚艷到我🥟小籠包就更加出色，皮薄超多肉超多湯汁，小朋友勁鍾意搶住食🥘砂鍋雲吞雞個湯底超清甜鮮味，大大粒足料雲吞仲有半隻雞都超級滑🫔豆沙窩餅，熱辣辣脆卜卜，配綿密豆沙甜而不膩

嚟到馬鞍山。朋友介紹有間上海嘢🤤環境舒服開陽。套餐都好抵食👍🏻但係我哋又想試吓其他🤭、最後叫在砂鍋錕飩雞半隻（ 大大粒足料錕飩😋半隻雞都好大隻,香濃湯底)回鍋肉非常惹味，餸飯一流🤭上海粗炒不油膩、味道唔會太濃👍🏻好夠鑊氣👏糖醋排骨、酸味味好開胃🤤鬆脆排骨。最後再嗌多一個甜品砂鍋餅、趁熱食脆卜卜、滿滿豆沙🤤 仲送咗兩杯豆漿飲添😛廚師👨🏻‍🍳出餸好快👍🏻可以一齊食，唔使食完一樣等一樣👍🏻👍🏻👍🏻諗住想嗌片皮鴨，但😅兩個人拍食唔晒。下次叫埋朋友一齊再嚟食😘

麗豪酒店裡有間充滿東方色彩，古色古香，屢獲殊榮，主打正宗上海菜的龍門客棧，原來在馬鞍山We go mall商場亦有分店。馬鞍山區要找一間食正宗上海美饌的餐廳不多，而且知道這裡有我最愛吃的中菜之一「片皮鴨」，立即要去試下。點完菜後，侍應送上桂花茶一壺，花香撲鼻，清澈而且帶有桂花醇甜，茶芥$10一位。片皮鴨$368片皮鴨切得大小均一，盡現精細刀功，鴨皮將脂肪完全去除，呈現透明脆片。鴨皮燒至赤紅色，閃亮發光，肉質鬆軟多汁。餅皮軟綿煙韌，包著味濃肉嫩的鴨肉、青瓜、京蔥和甜麵醬等配料，一口咬下唇齒留香。特別一讚是餅皮上枱後仍有蒸籠和熱水蒸暖，保持温度和柔軟度，非常細心。香脆的鴨皮配上特色佐料及薄餅皮就是人間美食。一人客飯糖醋魚柳$70配絲苗白飯及是日老火湯或豆漿糖醋魚柳外層粉漿不會過厚，魚塊炸得外脆內嫩，伴以色澤艷麗的糖醋汁，酸甜開胃，不會過酸或過甜，濃稠得宜，送飯非常開胃。胡椒生煎包$48生煎包將鋪滿芝麻的包底煎得焦香酥脆，包身軟綿不黏口，內裡肉餡保持濕潤多汁。豆沙鍋餅$38吃上海菜也少不了飯後甜點，餅皮和豆沙份量的比例掌握得剛剛好，外面薄脆內裡柔軟，富有雙重口感，綿密的豆沙內餡甜而不膩。

今日去左馬鞍山探朋友，走嘅時候順便食埋晚飯。呢個商場都幾多嘢食喎，地下行到最尾尾見到呢間餐廳幾大，食上海嘢，老公話不如食呢間。內裡環境好大，空間感十足。無論一家人或者朋友食飯，都會坐得幾舒服，氣氛幾好。餐牌都幾多嘢食，老公唔想諗，叫左個二人餐，有涼菜、湯羹、小炒、酸菜魚同飯，都幾多嘢食。水晶餚及脆皮素鵝：水晶餚肉幾靚，層次分明，味道鹹鹹地夠味道；脆皮素鵝外皮輕脆，裡面有冬菇同蘿蔔絲等，咬落好香，幾好食。酸辣湯：味道酸酸唔太辣，幾開胃。最驚喜就有裡面有蝦，有種升級左嘅感覺。糖醋排骨：排骨炸到剛好熟，口感比較軟熟，炸粉又唔會好厚，甜甜酸酸，都係一個開胃餸。特色酸菜魚：酸菜魚唔會話煮到爛晒，味道帶點麻，小辣，裡面有雲耳、芽菜同酸菜等配菜，吸晒D湯汁又幾好味。崧子菜粒炒飯：份量多，炒飯粒粒分明，唔太油。配料除左有崧子同菜粒外，仲有火腿同雞蛋，加埋一齊炒就晒香。酒釀丸子：送嘅糖水，桂花味好香，丸子細細粒煙煙韌韌，清清淡淡夠香甜。上海小籠包 (單點)：夠熱多汁，肉夠鮮味，唔錯。

今日黎馬鞍山探BB之後朋友介紹黎呢度食飯小籠包 4件 $48皮薄多汁，肉汁鮮味，推薦！四喜烤麩 $78是小編喜歡的味道，有雲耳，小冬菇，筍絲，也是推薦的前菜砂鍋雲吞雞半隻 $138湯頭好好飲，鮮味十足，雲吞大大隻是白菜豬肉餡配上咸肉、紹菜、小棠菜，還有半年隻雞，飽肚感十足如果雞肉嫩少少就更加完美蜜桃黑醋骨 $138醬汁出色，排骨有一層薄脆漿，加上醬汁係好好食非常開胃，蜜桃也有不少呢！豆沙鍋餅 $38抵食甜品一碟八件，皮薄夠脆豆沙餡不少，有水準最後餐廳送上酒釀丸子不過我和朋友太飽所以只要了一碗味道好好，特別是丸子入口即溶非常出色可惜今天沒有供應片皮鴨下次再來試試

如果唔係幫朋友搬屋，真係無機會人入黎恒安站😂朋友話佢住馬鞍山，但唔係馬鞍山站落車，再三強調係恆安站，哈哈。午飯去咗佢屋企附近有we go mall度食嘢，商場入面食店都幾多，我哋就揀咗龍門客棧嗰度食，佢話平日啲客飯好抵食㗎。坐低後店員就開咗壺茶，啲茶有桂花香又幾好飲喎，仲示意喺餐牌上圈低食咩，直接用marker寫落大餐牌真係好神奇😂⭐土匪羊肉自己就嗌咗個客飯套餐要咗土匪羊肉，羊肉又嫩又香好好食，啲京蔥食起上嚟仲有甜味添😍⭐川醬回鍋肉朋友就揀咗要回鍋肉，椰菜炒得爽脆甜，腩片鹹香鮮味，微微辣好惹味，送飯一流🤤客飯套餐仲包餐湯同白飯一碗，是日例湯係粉葛豬骨湯，幾鮮甜，而跟餐送嘅白飯亦都大大碗，一定飽肚。⭐川辣口水雞再加多咗份小食口水雞，醬汁調味唔錯，雞件入味，雞翼部分好嫩滑，但雞上脾都有少少鞋口了。⭐招牌小籠包一向勁鐘意食小籠包，今日咁肚餓，叫夠一人一籠唔使爭先😋皮薄湯汁多，上枱時熱辣辣好正呀🤤⭐胡椒生煎包表面看似平平無奇，其實個底好多芝麻亦煎得香脆，餡料係混咗胡椒嘅薺菜豬肉，又香又鮮味，仲有胡椒嘅辛辣，又係勁正🤤⭐煎鮮肉鍋貼最後仲有鍋貼，皮厚有咬口，一口咬落去爆汁，估唔到啲湯汁同小籠包一樣

馬鞍山呢間餐廳主打上海菜，小籠包、酸辣湯、黑醋骨都好有風味，價錢經濟實惠。裝修幾雅致，座位闊落舒適！🌟蜜桃黑醋骨 $138黑醋骨酸甜開胃，顏色啡啡黑黑，加上黃色嘅鮮甜水蜜桃🍑，令黑醋骨生色不少，整體味道不錯！🌟京蔥爆牛肉 $138牛肉份量多，入口軟腍，仲有京蔥、野菌，爆香後香氣十足！用薄餅包住牛肉食就唔會覺得太咸。🌟酸辣湯麵 $68見到一人份本來以為會唔係太大碗，點知上枱覺得根本係兩人份量！仲要足料，有爽口嘅蝦仁、豆腐、竹筍、木耳，酸酸辣辣胃口大開，麵條嘅口感軟腍。🌟四川肉醬擔擔麵 $68擔擔麵的湯底是香濃的花生醬，飲落香濃而不膩，麵的質感亦剛剛好，不會太淋。🌟小籠包 $48皮薄餡靚，入口肉汁溢出，好鮮甜美味，必點嘅上海菜！🌟豆沙鍋餅 $38餅底烤到薄而脆，豆沙餡料多，作為甜品不錯！

在馬鞍山嘅同事請食嘢😄今日打卡中餐廳🥢餐廳裝修環境很好，燈飾復古特別朋友聚餐好去處🥢北京片皮鴨店員端上來給我們看一整只烤鴨🦆現烤現片，鴨肉新鮮肥嫩鴨皮香脆，肥而不膩配了面餅、黃瓜絲、蔥絲、甜面醬面餅放在蒸籠里加熱超薄的餅皮裹著香脆的鴨肉，好滿足🥢蜜桃黑醋骨這道菜酸甜開胃，用了少量黑醋口感甜而不膩，蜜桃酸酸甜甜喜歡吃甜食的必點餐后有贈送糖水👍👍📍 龍門客棧 (We Go Mall) 馬鞍山保泰街16號We Go Mall地下G06號舖