龍門客棧 (We Go Mall)

营业中

休息中

如果唔系帮朋友搬屋，真系无机会人入黎恒安站😂朋友话佢住马鞍山，但唔系马鞍山站落车，再三强调系恒安站，哈哈。午饭去咗佢屋企附近有we go mall度食嘢，商场入面食店都几多，我哋就拣咗龙门客栈𠮶度食，佢话平日啲客饭好抵食㗎。坐低后店员就开咗壶茶，啲茶有桂花香又几好饮㖞，仲示意喺餐牌上圈低食咩，直接用marker写落大餐牌真系好神奇😂⭐土匪羊肉自己就嗌咗个客饭套餐要咗土匪羊肉，羊肉又嫩又香好好食，啲京葱食起上嚟仲有甜味添😍⭐川酱回锅肉朋友就拣咗要回锅肉，椰菜炒得爽脆甜，腩片咸香鲜味，微微辣好惹味，送饭一流🤤客饭套餐仲包餐汤同白饭一碗，是日例汤系粉葛猪骨汤，几鲜甜，而跟餐送嘅白饭亦都大大碗，一定饱肚。⭐川辣口水鸡再加多咗份小食口水鸡，酱汁调味唔错，鸡件入味，鸡翼部分好嫩滑，但鸡上脾都有少少鞋口了。⭐招牌小笼包一向劲钟意食小笼包，今日咁肚饿，叫够一人一笼唔使争先😋皮薄汤汁多，上枱时热辣辣好正呀🤤⭐胡椒生煎包表面看似平平无奇，其实个底好多芝麻亦煎得香脆，馅料系混咗胡椒嘅荠菜猪肉，又香又鲜味，仲有胡椒嘅辛辣，又系劲正🤤⭐煎鲜肉锅贴最后仲有锅贴，皮厚有咬口，一口咬落去爆汁，估唔到啲汤汁同小笼包一样