影片
开饭介绍
新香园是位于深水埗区的传统冰室，即叫即煎的蛋牛治是镇店之宝，再配一杯红豆冰，一班街坊熟客日日食都不觉厌。
继续阅读
营业时间
今日营业
06:30 - 18:00
星期一至日
06:30 - 18:00
以上资料只供参考，请与餐厅确认详情
相关文章
上网睇影片分享平台 d人黎食讲到好好味咁，咁啱经过就打算试下，蛋牛治几好食，红豆冰淡味，西多士不过不失，但系最难顶系一张细圆枱，一面靠墙佢仲要搭台坐6个人，个个膊头痴膊头坐，两张枱距离又近，完全冇留出入通道，食野其间有人出入我要食食下起身让位比人出入，大佬你铺位细要坐多d人要赚钱都唔系咁下，我完全都冇心情食你d野，跟本就系出左名做游客生意，就算几好食都好我真系唔会有下次，唔怪得啲人唔留港消费返晒大陆
继续阅读
今日约左人喺深水埗，朝早10点路过，见无乜人排队，买左份蛋牛治烘底，$24，啲馅劲小劲细份，其实最近几次都系咖，越嚟越细份，仲好咸添，之前每次食完都谂：系咪咁啱今日失准咋，然后每次经过又食，但次次都系失望而回，今次我忍唔住同佢位收银反映，希望佢哋正视呢个问题，佢竟然好轻佻咁同我讲：下次啦，下次加咗价就大份啲。佢好似应付自如唔休做咁（我谂都唔少人反映过）。你加你嘅事，我理得你啊，态度差，又细份，唔舍得俾人食咁，但系一啲都唔平，仲要好咸兼难食，唔会再有下次。
继续阅读
其实咁旧式的店铺我已经好少会入去食野，但因为机缘巧合，有一次晏昼喺深水埗拜完神，我觉得好头痛好热，咁啱经过门口有人大嗌冻奶茶外卖我系奶茶爱好者，所以我就入去坐坐试咗，我叫咗冻奶茶同埋奶油多！我觉得2样都好好味！奶油多虽然等得耐左少少🤏但脆卜卜几好味 奶油🧈足够 ！奶茶亦是旧时细个的奶茶味！我很喜欢💕所以这次我拜神后又再次光顾也是第二次光顾时拍摄的今次店面比较少人，所以上菜速度很快味道依然系我理想中的味道👅题外话： 呢度有个水吧偏黑皮肤的男生，好似系以前闪电传真机一个男主持
继续阅读
其实这处已经系经常去食，食物质素是一般，佢嘅蛋牛治系最出名嘅，不过其实都系普普通通。我自己最钟意嘅系佢嘅啡走，味道相当浓郁很有回甘。不过呢类街坊地踎餐厅有一个最大的问题，就系卫生。我在这里食见，过很多曱甴，餐具污糟。有一次叫咗碗沙嗲牛通，上到枱以为正正常常，点知食咗几啖先至发现个碗系烧到个底溶晒，而且起晒渍，衰过乞儿兜。佢个水吧都唔好得去边，用嚟装住啲冰嘅冰桶污糟到唔使恨，个师傅攞出攞入去攞冰，都唔发觉个手柄起晒老泥渍，𠮶啲泥厚度一块块挛起咗，随时跌落个筒里面。不过佢系唔会理嘅。可以咁样讲，你呢度食嘢系食过风味，污糟邋遢系一定嘅，所以如果你想食呢种风味就要抵得佢。其实佢点解咁多人帮衬，其中一个好重要嘅原因，就系佢啲食物算系OK，价钱就好平，算系街坊价，符合深水埗嘅人均消费。
继续阅读
平日早上11点多一个人光顾，搭枱，不用等位。Keep住有客人，有街坊也有游客，但turn over快。员工态度好，落单快。没有set的，只有单点。点了烘底蛋牛治$24，和冻柠茶$18。最低消费$25。蛋牛治烘底够脆，鸡蛋和牛肉正常，不算特别香浓，份量正常，简简单单做早餐是不错的选择。另外，建议提供多点牛油会更好味。冻柠茶点了少甜少冰，价钱略贵，比一般茶餐厅细杯，不值$18。味道好喝，少甜真的不太甜。
继续阅读