影片
营业时间
今日营业
11:45 - 21:00
星期一至日
11:45 - 21:00
以上资料只供参考，请与餐厅确认详情
2025.03.11 午餐我和朋友第一次去这间餐厅吃午餐，点了2款午餐，分别是焗猪扒饭和法式春鸡饭。试了红菜头汤，面包，ok，面包软，微暖，焗猪扒饭，也可以，猪扒已切开，不需自己切，有肉汁，吃时没有一层粉的感觉。但法式烧春鸡饭，真系差，烧鸡只得2只髀，份量少，焗出来的春鸡，肉质干，味道也不是很好味，吉xx的煎鸡比它好吃!，卖$132，实在太贵，若不是有现金卷优惠，也不考虑在这间餐厅吃! 告诉职员，她说可以换，但我们已吃了。职员送错牛脷饭，我们已告知她不是我们点的食物，明显落错单，但她们没有更改，到我们找数时才发现。
继续阅读
已有好多年无去食、以前旁边有bakery 面包好好食、咖啡好好饮、水bar内的马尾姐姐好亲切、正餐的味道就真系标准以下、CP值不高的。但喜欢它的咖啡、面包、水bar姐姐的亲切，所以以前成日去，最喜欢坐门口位、因为里面嘈到爆。今日经过开心见到佢仍然存在（其他同期存在的餐厅差不多完全消失晒），在入与不入餐厅之间，听到水bar 姐姐把声，好开心佢仍然在，所以马上入去，叫左$142 的鱼柳配白饭和$132的牛尾饭，味道一直保持10几年前的水准，感觉系碟头饭一样。最后的咖啡最出色，配餐汤的面包同样好吃（以前好似可以refill），服务方面就觉得水bar姐姐做得最好，唔知点解佢非常落力，会出来楼面帮手，值得一赞。其他职员就茶记水准。这次应该系最后一次去啦。
继续阅读
工作天中午想找个人少地方吃饭，以前假日来吃过下午茶，味道一般但人不多所以再来试一下。这一次人更加少，要了个午餐，什么鸡肉天使面，118元，价格不算平也没关系，但问题系真心难食，即使一向喜欢清淡的我都觉得没有味道，其实这种意面就算淡一些没关系，但总会放些香草、放些白汁或忌廉汁之类的，但它一律欠奉，而且佢啲鸡肉overcook到几乎咬唔到、超韧。其实好又一餐唔好又一餐，难食一啲都唔系至攞命，最离谱系，由于感觉有些饱，所以想将餐饮橙汁转为外卖攞走，心谂都预佢可能会收一元外卖包装费也没所谓吧，点知个侍应话佢哋嘅外卖杯系两元，与她再三确认她仍是坚持要收，与一般餐厅惯例一个外卖盒收一元贵左一倍，然后向佢查询如果成个餐外卖的话，又汤又意面又饮品仲有餐包，所有外卖包装费加起嚟不是不得了？不过佢竟然话成个餐外卖的话反而唔使收钱，而对我呢啲堂食已经畀咗加一服务费嘅，食唔晒想攞走杯嘢饮就要向我开刀，简直系难以理解，服务态度之差就驱使我这个平时唔写食评嘅人都觉得应该要写一下让其他人知道呢间餐厅有几差。呢啲餐厅都叫做老牌子不过就见佢越做越耷，原来背后总有原因，被市场淘汰应该系迟早嘅事。
继续阅读
呢间餐厅位于i square,其实虽然我系喺中环返工，但系中环真系冇乜嘢食，搭两个站去到呢个地方其实都方便快捷同埋价钱都会平啲大概30%，我同我个朋友叫咗一个焗猪扒饭同一个喇沙，焗猪扒饭不过不失，当然我认为最好食都系喺大家乐，但系佢个杯咖啡都几正，因为系𠮶啲放入圆形茶壶的咖啡，所以呢佢𠮶只味系比较龙同埋比较香，一个午餐大约130-150，有埋餐包同埋杂菜汤，如果喺中环食吓吓你要二百几，不过要比多$20过海费用
继续阅读
铁板西冷牛扒配黑椒汁($138)✅卖相唔差，好少见有原块牛油放喺面🧈✅黑椒汁俾得唔孤寒，每啖肉都有点到汁🫕👌🏻薯条，都算炸得香脆🍟👌🏻粟米有半条，味道正常🌽❌牛排几多筋，切唔断都咬唔烂😬❌7成熟啲肉淋异常地淋🫢📝 4/10香煎鸭胸露荀黑松露烩意大利饭 ($178)🐻❄️🔎配例汤/沙律&饮品 送是日甜品🍮✅鸭胸煎完释放咗油香，几香口🪿✅黑松露都几香，每啖饭都食到黑松露味🍄👌🏻罗宋汤同餐包正常🍞👌🏻甜品系冻焦糖芝士蛋糕，焦糖厚，蛋糕系实🍰❌饮品灯汁劲酸😖❌意大利饭偏向淋身，太重忌廉，有啲浆口🤐❌鸭胸得三旧有啲少🤏🏻❌芦笋有啲苦🤢❌食到后面好滞，有啲油腻🛢️📝 4/10~⭐️总括而言…嘢食偏贵💸，出品都系茶记质素，系港式西餐味道🍝。都明开喺尖沙咀Isquare里面，应该大量成本都去咗铺租到💰。值得讲一下哩度啲侍应全部都妈妈级🤶🏻，好好服务态度，但人手不足，叫好耐先过黎帮你😮💨。我就无下次了🙅🏻♂️
继续阅读