影片
港铁湾仔站 A1 出口, 步行约4分钟
继续阅读
营业时间
星期一至五
07:45 - 18:00
星期六至日
全日休息
公众假期
全日休息
以上资料只供参考，请与餐厅确认详情
2020.7.21(二) 0745落左車, 要搵地方坐坐食個早餐先返工, 行左入厘間粥店<身處灣仔但竟然叫做九龍粉麵>。 當然睇左早餐先, 其後發現午餐有飯有麵(價格是可以接受的)遲d再幫襯。 叫左一個菜干粥+炒麵($30) 另加奶茶($9) 賣相唔錯菜干粥: 有菜干豬骨花生眉豆粥既質感好棉, 豬骨新鮮, 花生眉豆都好淋。炒麵: 有椰菜絲/紅蘿蔔絲, 有埋芽菜就perfect啦。 奶茶: 估唔到中式食店可以有水準既熱奶茶。雖然食炒麵+奶茶= 唔係好夾, 但各有各好味
继续阅读
入到去坐低就送上一杯「疫境自強」嘅紅棗檸檬薏米水💛 好足料，有紅棗、檸檬、薏米、甘草和麥米，健康又好飲😋。之後看見店家推出了新食品，就係泡飯系列。多款選擇，今日就點海皇泡飯食啦。海皇泡飯 (HK$55)係灣仔，想食泡飯/湯的話，我只知道有3間供應，這是其中之一。這碗有齊蝦仁、帶子、蟹柳和炸魚條，鮮味十足，飯是一粒粒的口感，軟腍度啱啱好，炸魚條就好酥脆，豐富了泡飯的口感。食完整碗都幾飽㗎。哎呀，飯氣攻心𠻹🥱
继续阅读
今日本身無諗食麵既，但呢排無錢，而且門口個姐姐以2餸麵33蚊，吸引我再次光臨，咁又即管再食。今次佢誠意推介我食流心蛋同雞亦，但我唔食雞亦，所以叫左:黑松露水餃上之食過知道好食架啦~ 今次再叫， 繼續好食，黑松露加上肉汁同薄薄既餃皮，好食。但覺得黑松露少左。老水流心蛋呢個係姐姐介紹既，都唔流心既，但係都好食既，因為佢整到好入味，而且都滑。米線唔知做咩今日啲麵好硬，唔似唔熟，似放左好耐風乾硬左。中麻辣好正，食到嘴仔麻晒
继续阅读
🍜黑松露鮮蝦水餃米$37🍜店員姐姐推介的黑松露鮮蝦水餃果然不錯🥟黑松露香味突出，餡料份量不少，鮮蝦爽甜新鮮❤️米線質地滑順，不會過硬過淋，都幾好食👍🏻加一兩滴辣油已經好夠辣，係充滿港式風味嘅一餐😋.食物質素: 🌕🌕🌕🌗🌑食物顏值: 🌕🌕🌕🌕🌑性價比: 🌕🌕🌕🌕🌑回頭率: 🌕🌕🌕🌗🌑
继续阅读
作為一名中意食辣，同稍微食得小小辣的人來講，周不時都會留意周圍的食店有無專門食辣或者主打食辣。僅此一番偶遇見到一間唔單止是辣，而家麻辣，當中麻的比重占得多，作為一名獨食者，優勢就是在於食野等位唔使等甘耐，坐底睇左下餐牌，果斷要個牛四寶麻辣米粉，店員推薦下試試個中辣，靠想象的時候，口腔已經開始分泌唾液。幾分鐘就上左，紅彤彤的湯，面上的麻辣醬，已經散出陣陣椒香，第一感覺十分不錯。先試試個湯底，是自己可以接受的辣度，搭上米粉加小許麻辣醬，麻的感覺即刻體驗出來，加上香與辣，三者配合根本就停唔到口。然後有一件蘿蔔，無浸到入味，不過有本事的甜味可以中和一下，無渣！至於牛四寶，牛肚，牛筋，（有兩樣唔記得左），都浸到入味，總的來講，期待並沒有落空，中意食辣的人都值得來試試。
继续阅读