影片
港铁葵芳站 D 出口, 步行约6分钟
继续阅读
营业时间
星期一至日
15:00 - 00:00
公众假期
15:00 - 00:00
公众假期前夕
15:00 - 00:00
以上资料只供参考，请与餐厅确认详情
2022年5月18日晚上9点，食完隔离嘅超级咸嘅打冷店舖，原本都想晚上食少啲甜食但因为打冷店食嘅嘢实在太咸就过咗嚟买碗糖水，老实说住九龙嘅因为太方便糖水店太多真系唔会太夸区去食糖水，大围沙田嘅糖水店都有食过，呢间店系大围都有嘅，喺葵芳几年我都冇帮衬过，今日买咗一碗有惊喜，价钱好似58左右，名称系（芋圆滑嘟嘟）点解有惊喜呢，因为香港芋圆店近呢五六年都开得好犀利，咁我自己食芋圆，我净系要求唔硬要有烟韧嘅口感，芋圆要食到芋头味，地瓜圆要食到地瓜味，就系咁简单咁我买嘅时候有问到佢系唔系果冻底，咁我就咁多款椰皇拣咗呢一只，可以食几粒芋圆之余亦都有少椰奶，唔使咁干，值得一赞嘅系我买外卖返到屋企，芋圆系冻嘅说过好多时雪过会硬，咁我攞出嚟摊冻咗15分钟先食，一片片嘅透明果冻应该系用番原本嘅椰皇水去做，椰汁果冻好正常滑嘅啫喱口感，汁底唔算太甜都饮到夜奶嘅香味唔会太重花奶抢咗，而最好食嘅系芋圆，口感烟韧，里面系有好微细嘅芋头碎粒，亦都食到芋头嘅味道，比起喺我家附近太子深水埗两间比较出名嘅我觉得更好吃要keep住呀唔好退步
继续阅读
菓之店地址: 葵芳美芳街2-14号地下5号舖甜品永远都系第二个胃，食极都唔会够，今日又去食了菓之店啦～芒果奶皇（冻）🥭 $61甜品有浓郁嘅椰奶味道，唔会太甜。自家奶冻超级夸张的振动感，口感滑溜，入口即化，奶味香醇，再配上粒粒芒果浓浓香甜，凉透心之选，正。芒果凉粉 （冻）🥭 $33 浓郁嘅椰奶味道，唔会太甜，奶味香醇，再配上粒粒芒果浓浓香甜，令口感更上一层楼，正。芝麻糊+合桃糊（冻）🥣 $35芝麻糊+合桃糊好香浓口感好滑，但较为甜了少少。红枣莲子炖海底椰（冻）🧉 $33望落去都好足料非常滋补养颜，但红枣味较为少咗少少。香蕉船 🍨🍌$47怀旧香蕉船系最简单的味道，香蕉夹著3球唔同味道雪球，味道正正常常，无咩太大特别。#nicefoodie葵芳
继续阅读
杨枝甘露小丸子：完全唔系杨枝甘露味，无乜芒果味同西柚味，得个甜字，稀lung lung咁，似糖加水多啲😥啲芒果有啲好酸，西柚又得几粒，成碗最多系啲透明珠珠(唔知叫咩，系咪加大版西米露)，虽然呢啲珠系有口感啲，但系就淋左小小，我会想要番啲细细粒既西米露，卜卜脆啲😌仲有小丸子，唯一可以赞既系啲小丸子整得唔硬，都几烟靭，不过味道就粉左啲，似就咁咬紧汤圆果层皮🤔成碗野食得唔系几开心，无左食甜品既果种幸福感，走先啦系咁先啦…
继续阅读
食完饭打算食碗糖水，系门口都见到无人食，不过谂住时间仲早，所以都试下啦，点知就中左伏了。叫咗芝麻糊同合桃糊各一碗，冇谂过连啲咁基本嘅中式糖水都可以煮得咁难食🤢合桃糊完全冇合桃味，明显系米浆沟糖水做出嚟，稀过水。芝麻糊无芝麻味，都系米浆沟出嚟，我同朋友食咗两啖就冇食，完全系贴钱买难受🤮喺超级市场买即冲糖水仲好食过佢！奉劝各位唔好嘥钱嚟帮衬。窝夫叫做可以摆得入口 伴碟既香蕉系最好食，呢间野真犀利，难怪无人帮衬🌚
继续阅读
其实你地有冇试过自己整既甜品？系嘛成包沙糖甘倒，就当整左甜品呢？一碗杨枝甘露，可以甜到甘，无办法食，柚肉系苦既，啲小丸子劲重粉味，成碗野清到水甘，一味得个甜字，真系不敢恭维，未食过甘难食既野仲叫左两碗芝麻糊，又系好似清水甘，好似人地用一包包芝麻糊粉冲出黎既甘，毫无糊奖，更无芝麻香味，又系得个甜字，五明点解，煮成甘，都可以罗出黎卖，3碗甜品，125蚊，最后全部食左两三啖，无办法接受，全部去晒垃圾桶。
继续阅读