菓之店 (美芳街) (已結業)

2022年5月18日晚上9點，食完隔離嘅超級咸嘅打冷店舖，原本都想晚上食少啲甜食但因為打冷店食嘅嘢實在太鹹就過咗嚟買碗糖水，老實說住九龍嘅因為太方便糖水店太多真係唔會太誇區去食糖水，大圍沙田嘅糖水店都有食過，呢間店係大圍都有嘅，喺葵芳幾年我都冇幫襯過，今日買咗一碗有驚喜，價錢好似58左右，名稱係（芋圓滑嘟嘟）點解有驚喜呢，因為香港芋圓店近呢五六年都開得好犀利，咁我自己食芋圓，我淨係要求唔硬要有煙韌嘅口感，芋圓要食到芋頭味，地瓜圓要食到地瓜味，就係咁簡單咁我買嘅時候有問到佢係唔係果凍底，咁我就咁多款椰皇揀咗呢一隻，可以食幾粒芋圓之餘亦都有少椰奶，唔使咁乾，值得一讚嘅係我買外賣返到屋企，芋圓係凍嘅說過好多時雪過會硬，咁我攞出嚟攤凍咗15分鐘先食，一片片嘅透明果凍應該係用番原本嘅椰皇水去做，椰汁果凍好正常滑嘅啫喱口感，汁底唔算太甜都飲到夜奶嘅香味唔會太重花奶搶咗，而最好食嘅係芋圓，口感煙韌，裏面係有好微細嘅芋頭碎粒，亦都食到芋頭嘅味道，比起喺我家附近太子深水埗兩間比較出名嘅我覺得更好吃要keep住呀唔好退步

菓之店地址: 葵芳美芳街2-14號地下5號舖甜品永遠都係第二個胃，食極都唔會夠，今日又去食了菓之店啦～芒果奶皇（凍）🥭 $61甜品有濃郁嘅椰奶味道，唔會太甜。自家奶凍超級誇張的振動感，口感滑溜，入口即化，奶味香醇，再配上粒粒芒果濃濃香甜，涼透心之選，正。芒果涼粉 （凍）🥭 $33 濃郁嘅椰奶味道，唔會太甜，奶味香醇，再配上粒粒芒果濃濃香甜，令口感更上一層樓，正。芝麻糊+合桃糊（凍）🥣 $35芝麻糊+合桃糊好香濃口感好滑，但較為甜了少少。紅棗蓮子燉海底椰（凍）🧉 $33望落去都好足料非常滋補養顏，但紅棗味較為少咗少少。香蕉船 🍨🍌$47懷舊香蕉船係最簡單的味道，香蕉夾著3球唔同味道雪球，味道正正常常，無咩太大特別。#nicefoodie葵芳

菓之店地址: 葵芳美芳街2-14號地下5號舖想試下商場以外嘅高質甜品小店？呢間 @fruityland.dessert 係一間不錯嘅選擇。芒果奶皇（凍）🥭 $61甜品有濃郁嘅椰奶味道，唔會太甜。自家奶凍口感滑溜，入口即化，奶味香醇，再配上粒粒芒果濃濃香甜，涼透心之選，正。杏汁雪燕燉椰皇 🧉（凍）$65 甜品有濃郁嘅椰奶味道，唔會太甜，奶味香醇，再配上雪燕，令口感更上一層樓，真係非常滋補養顏。正。榴槤窩夫 🧇 $52 窩夫即叫即製所以需要等十五分鐘左右，窩夫烘焗得外脆內軟，配上榴槤和雪糕伴食，不錯。#nicefoodie葵芳

楊枝甘露小丸子：完全唔係楊枝甘露味，無乜芒果味同西柚味，得個甜字，稀lung lung咁，似糖加水多啲😥啲芒果有啲好酸，西柚又得幾粒，成碗最多係啲透明珠珠(唔知叫咩，係咪加大版西米露)，雖然呢啲珠係有口感啲，但係就淋左小小，我會想要番啲細細粒既西米露，卜卜脆啲😌仲有小丸子，唯一可以讚既係啲小丸子整得唔硬，都幾煙靭，不過味道就粉左啲，似就咁咬緊湯圓果層皮🤔成碗野食得唔係幾開心，無左食甜品既果種幸福感，走先啦係咁先啦…

食完飯打算食碗糖水，係門口都見到無人食，不過諗住時間仲早，所以都試下啦，點知就中左伏了。叫咗芝麻糊同合桃糊各一碗，冇諗過連啲咁基本嘅中式糖水都可以煮得咁難食🤢合桃糊完全冇合桃味，明顯係米漿溝糖水做出嚟，稀過水。芝麻糊無芝麻味，都係米漿溝出嚟，我同朋友食咗兩啖就冇食，完全係貼錢買難受🤮喺超級市場買即沖糖水仲好食過佢！奉勸各位唔好嘥錢嚟幫襯。窩夫叫做可以擺得入口 伴碟既香蕉係最好食，呢間野真犀利，難怪無人幫襯🌚

其實你地有冇試過自己整既甜品？係嘛成包沙糖甘倒，就當整左甜品呢？一碗楊枝甘露，可以甜到甘，無辦法食，柚肉係苦既，啲小丸子勁重粉味，成碗野清到水甘，一味得個甜字，真係不敢恭維，未食過甘難食既野仲叫左兩碗芝麻糊，又係好似清水甘，好似人地用一包包芝麻糊粉沖出黎既甘，毫無糊獎，更無芝麻香味，又係得個甜字，五明點解，煮成甘，都可以羅出黎賣，3碗甜品，125蚊，最後全部食左兩三啖，無辦法接受，全部去曬垃圾桶。

喺附近食完壽司，仲有時間想食個糖水，見佢門面乾淨企理，而且冇乜人，入去試吓，點知中伏叫咗招牌太極，即係合桃糊同芝麻糊兩溝，上桌的時候完全聞唔到芝麻/合桃香味，心知不妙碗野好稀，應該溝咗好多水，完全食唔出芝麻或者合桃的味道，我甚至懷疑佢係用現成嘅沖劑，再開大量水而成為咗搭救，佢就落咗好多糖，成碗嘢似係白砂糖開水嘅味道，非常難食細心睇，可以見到佢水同粉狀被稱為芝麻同合桃糊嘅物體係分離，要溝幾多水先做到？

唔知點解世界上有咁難食嘅糖水鋪係真係送俾我都唔食嗌左個$52嘅楊枝甘露入面得5粒酸過檸檬嘅芒果🙂仲要係一粒西柚都冇啲小丸子係一啲都唔煙韌好似食緊粉咁個腐竹糖水好似洗毛巾水咁點解仲會有人去食點解仲未執笠俾大家睇吓冇腐竹嘅腐竹糖水啲糖水好似洗毛巾水咁啲湯圓又難食 點解湯圓都會可以難食?!早知自己去超級市場買一包返嚟煮好過冇西柚嘅楊枝甘露 (本身係有西柚嘅)連加都唔記得加俾我🙂明明而家芒果咁當做$52剩係得五粒 酸到痴咗線

呢晚約到小學雞同學仔出黎食個甜品傾下計！佢帶左我去葵芳一間叫菓之店既甜品店。呢間野裝修都幾靚，Menu既選擇都算多！由於我收工有D肚餓既關係我要左個麵同埋奶凍先滿足=3=同學仔食咩我唔記得左喇香滑雞扒芝士撈麵$39好味喎！雞扒雖然薄，但好滑！芝士加上營多撈麵，正！香辣雞翼尖$25味道係好好既，但炆到太林，炆到差不多係溶晒咁... 呢句要改進喇！抹茶奶凍$43又有驚喜！奶凍香滑！旁邊既黑糖jelly好味，口感少少彈牙！整體黎講唔錯既一間甜品+小食店

夜媽媽口淡淡，揸車去食番個甜品先未食過就試呢間～打開menu左一頁窩夫，右一頁椰皇，有新派有傳統嘅甜品，仲有小食撈麵。不過就小貴，要四十至六十幾一個甜品....其實我記得自己唔係好接受到椰皇個陣味，但張圖好吸引今日好想試下，於是叫咗芒果奶凍椰皇盅，朋友點了奶凍窩夫，仲叫咗個辣雞翼尖。諗住雞尖係元朗個隻味，點知有驚喜，係泡椒味，淡淡既辣味，唔會死辣死鹹，成碟我食哂奶凍窩夫個奶凍好動L左右左右咁郁好吸晴，咁都係正常貨仔姐！反而椰皇真心好味，開頭我怕佢有青味，但食落芒果加埋椰皇奶味甜度嘅配搭好調和，成件事好夾好襯，入面嘅小丸子唔會因凍食變硬，仲好煙韌又唔會粉，食到最後刮埋殼入面d肉食，食清光！正下次試下其他口味先～

夜晚喺葵芳想食碗糖水 吹下水先走既選擇芝麻糊$27 個人覺得幾重米香味 幾傑身幾好食 唔會太甜 都食得出芝麻香味 不過係咪即磨就唔知啦不過都幾好食既朋友叫嗰個芒果涼粉就唔太推薦了 椰奶底好淡 唔甜 好似齋食緊涼粉咁 但芒果係唔錯既！

我今日就落開黎葵芳睇衫，一路睇一路等朋友，約左朋友係無印良品到等，見到面之後，又唔覺得太肚餓，咁我地就去左葵芳美芳街到食菓之店甜品甜品鋪裏面唔算太大，但座位坐得舒服，我見除左有甜品或者飲品外，都有一些好吸引既芝士撈麵，雞翼，司華力腸小食，款式選擇多元化我叫左點指冰冰每款生果(如：荔枝，士多啤梨)，每款加$10，或者配料(如：涼粉)，再加上花奶，消暑之選大極小丸子芝麻同合桃露都又香又滑，加上粒粒有咬口小丸子，非常絕配

話說早排同屋企人去食甜品。本身食完飯錦上添花想食個甜品，點知呢間甜品鋪中晒伏出晒事！先講合桃糊。叫咗芝麻湯圓黎咗花生，都算！合桃糊仲要一啲味都無，稀到一個點。唔係講笑，真係好難食好難食！收人37蚊俾呢個水準，真係嚇親人！楊枝甘露。完全無驚喜。芒果果肉搵唔到，又唔夠甜。未試過一個咁難食既楊枝甘露... 好彩海底椰都叫做不過不失...呢間舖真心令人好失望。唔會再幫襯！！p.s.去新都會嗰間甜品鋪食好過～

晚飯後想再多跟朋友聊聊，找了附近一家甜品店坐下，餐牌看起來有模有樣，該有的都有，款式不會太沉悶，初見好感甚好，然而吃過後肯定不回頭。這款甜品命名為紫醉金迷，材料用上芒果、黑糯米、水晶珠及椰奶。我看它以椰殼盛載，預計能嘗到新鮮椰子的清甜，但實情全是罐頭椰奶的死甜味道，加上毫無嚼頭的軟乎乎水晶珠，只有黑糯米及芒果粒屬正常。然而，花上$55吃泡在死甜椰汁裡的黑糯米及芒果粒又有什麼意思? 永別。太極小丸子把芝麻糊及合桃糊合拼，配上一小份迷你湯丸粒粒。湯丸挺有嚼頭，這個不錯，但是芝麻糊及合桃糊的原材料味道太淡，意思是甜度雖足，但芝麻香及合桃香薄弱，又是反手一個永別👋

平時係葵芳 都係掃街多少d搵到可以坐低食野嘅甜品店見呢間菓之店新開 就去試下😂唔知點解 呢日好想食窩夫😂叫咗個香蕉窩夫 轉朱古力雪糕😛👦🏽九唔搭八叫咗個雞扒芝士撈麵🙄好啦 咁難得甜品店有埋鹹食 我都試2啖啦雞扒芝士撈麵雞扒超大塊!!!!都幾油 皮幾厚🙈肉都算嫩 幾多肉汁撈麵係印尼撈麵😂但d調味粉唔夠有d淡 靠雞肉同芝士味芝士雖然大pat 但芝味唔濃 整體嚟講正常 只係覺得肥同油咗d 😢香蕉窩夫配朱古力雪糕窩夫焗得幾脆但唔硬有濕潤感唔會好乾幾好食😆😆朱古力雪糕唔太甜 味唔濃 食得岀唔係貴價雪糕😂不過窩夫同雪糕幾match 😛個人覺得窩夫幾高質如果多2舊就perfect la ☺️小店嚟講 算唔錯👌🏻我會覺得甜品值得試d 😄