影片
港铁黄埔站 C1 出口, 步行约1分钟
继续阅读
营业时间
星期一至四
12:00 - 16:00
17:30 - 21:30
星期五至六
12:00 - 22:00
星期日
12:00 - 21:30
公众假期
12:00 - 22:00
公众假期前夕
12:00 - 22:00
以上资料只供参考，请与餐厅确认详情
食家推介
招牌菜
咁贵既鳗鱼饭仲未食到啦平价既就叫做试过下好似之前比alfred劣评过既过江龙名代宇奈好多年前杜如风都系节目有介绍过不过果间系日本店当时见到几百yen可以食到咁L大条鳗鱼真系惊为天人不过人大左睇既野都唔同晒平野无好呢个定律都刻左系脑入面咁都有过下口瘾去左呢间鳗鱼饭既专门店而家名代宇奈系香港都有四间由和心集团经营我就去左黄埔果间次次行经aeon其实都有望过呢间野但永远都无人既餐厅名都有写系备长炭烧鳗鱼饭专门店门口就已经可以望到入面厨师烧鳗鱼既画面咁我估都唔会呃人唔系用备长炭挂餐厅格调都算平实始终都算系连锁餐厅人流少坐到四人位都几唔错餐牌就好多野拣对照番日本官网餐牌价钱其实大约都系十算以内日本餐厅黎到香港贵左都系意料中事就唔算话系贵到离晒谱而且呢间餐厅而家唔洗加一都算系咁所有饭类食物都有味噌汤跟加15蚊可以转鳗鱼肝汤呢个普通味噌汤就完全无特别温泉蛋鳗鱼饭食鳗鱼饭最惊就见到呢种碗感觉好似好渣咁其实温泉蛋饭就点都好食加埋碎鳗平平地七八十蚊其实都叫做可以一战既咁呢度都有盒上既鳗鱼饭原条太贵普通鳗鱼重又好似唔够过瘾就拣左特上份量都算多唔算肥美咁呢个价位都无咩可能系活鳗亦都唔知系边度产地只可以话系一分钱一分货但起码用明火炭烧过个画面效果都算系咁味道比起街边食到既叮叮货色算系好少少既但系就食到有少少骨呢餐食左两个鳗鱼饭埋单236无加一其实我觉得性价比算系咁可以过下口瘾又可以舒舒服服咁食服务不过不失可能睇过L佛劣评都算符合番自己既预想
继续阅读
放工到店，不用等位黄埔分店也是采用电子落单1）双层鳗鱼丼$108配赤味噌汤及渍物，另追加泡菜$12、溏心蛋$12比较钟意肥美位置，所以选了双层丼，2片都系鳗鱼腩位置。烧过的确够焦，但鳗鱼油分较小，即使已选鱼腩位置，食落颇干身，外层也没有太多鱼皮胶质感。而酱汁味道适中不会过浓，没有抢过鱼味。2）温玉牛肉丼$78配赤味噌汤及渍物，另追加溏心蛋$12牛丼味道唔错比鳗鱼好吃，牛肉也有厚度。采用日本米，口感佳。原本想叫鳗鱼玉子烧，但当天售完。
继续阅读
今日帮朋友送佢个仔上兴趣班，见佢话好肚饿，就带左佢去食正野！之前听朋友讲依间几好食，睇睇下实力！因为呢一间系鳗鱼专门店而佢个炸天妇罗套餐系有一件炸鳗鱼，第一次食炸鳗鱼好特别炸左之后好似冇咁多碎骨，都几大条！因为个天妇罗系即叫即整，所以要等15分钟左右炸虾天妇罗有炸虾一件炸番薯两件炸鳗鱼一件炸冬菇一件炸茄子两件炸南瓜两件都系80蚊，性价比upupup！炸天妇罗，好好食，炸粉好薄，好热，新鲜炸出嚟！乌冬，非常弹牙，份量非常多，加埋啲昆布系侧边好好食朋友个仔都食到好满足，话下次都要食！唯有同佢爸爸讲喇！
继续阅读
失望的鳗鱼饭呢间野基本上就系一个以鳗鱼饭做最大卖点嘅铺但系佢啲鳗鱼个汁又唔够浓厚唔够地道条鳗鱼唔可以叫难食但系真系好瘦削同我食过嘅好食嘅鳗鱼𠮶肥美𠮶种鲜味𠮶个香气根本就冇得比得罪讲句板长个鳗鱼寿司都好食过佢呢个鳗鱼主打唔系话入唔到口但系性价比嚟讲真系争咁啲啰🙂其实已经客气左一间鳗鱼饭专门店嘅鳗鱼仲要系连锁都仲可以揾到啲咁瘦嘅货返嚟我喺一间非专门店食嘅鳗鱼个味仲正宗仲传统条鳗鱼仲肥美过一间以鳗鱼饭自居嘅专门店唉自己谂🙂
继续阅读
日式鳗鱼专门店！黄埔Aeon有好多餐厅，因为烧鳗鱼嘅香气，我比呢间鳗鱼专门店吸引咗。鳗鱼质素果然冇令到我失望。平时我唔系特别爱好鳗鱼，都觉得呢度啲菜式唔错，不过定价稍高。鳗鱼野菜天妇罗乌冬$72- 第一次食鳗鱼天妇罗，粉浆薄脆，新鲜炸起，味道较比普通嘅蒲烧鳗鱼淡。其他天妇罗配料都唔错。鳗鱼重$98 - 鳗鱼份量几大，油脂丰富，外层烧得微微香脆焦香，内层热辣辣好软熟，烧汁味浓，送饭一流！仲可以免费添饭！推介！+鳗鱼肝汤及渍物$15- 鳗鱼肝味甘，未食过嘅朋友仔可以试吓。不过我麻麻地呢种味道，所以下次未必再叫。
继续阅读