5
2
0
影片
电话号码
25592883
开饭介绍
日本超人氣燒肉店，分店遍布全球，搜羅高質日本和牛及世界各地食材，設有明火烤爐讓食客享受正宗日本燒肉體驗。
继续阅读
营业时间
今日营业
12:00 - 23:00
星期一至日
12:00 - 23:00
公众假期
12:00 - 23:00
*最後落單時間: 22:30
以上资料只供参考，请与餐厅确认详情
有关奖赏计划
相关文章
今天是個特別的日子520跟你的愛人或是愛你的人說一聲❤️我愛你❤️以上來自長輩早安圖😂今天我要跟我老公說一聲🎉生日快樂🎂🤣今晚我哋去咗牛角食燒肉原來某些分店星期一至四嘅套餐好抵食🐮 四人套餐 *$399 （另原價加一，約$499，只限部份分店*）❇️ 脆紫菜豆腐❇️ 胡麻椰菜❇️ 海蜇柚子醋沙律❇️ 塩味牛油帶子❇️ 燒肉盛盒：肩脊肉8pcs、秘傳醬汁牛腹肉16pcs、豚肉燒8pcs、豬頸肉8pcs、雞腿肉8pcs❇️ 四品野菌盛合：金菇、本菇、鮮冬菇、雞髀菇❇️ 五品野菜盛合：秋葵、粟米、雞髀菇、鮮冬菇、燒菠蘿❇️ 石鍋辛奇豆腐海鮮湯❇️ 牛角飯/珍珠飯套餐好多嘢食，肉嘅份量好多、肉嘅質素唔錯，沙律蔬菜份量亦好多，仲有湯同飯，碗牛角飯係超級大碗阿女唔係好食肉，但佢不知不覺食晒一大碗牛角飯‼️夕食特別割引（只限星期一至四）燒肉盛合7折，再加7折追加食品‼️🐮 日本和牛·國產牛燒肉盛$245 （7折價）❇️ 九州極上黑毛和牛牛肋肉❇️ 日本國產牛肩胛❇️ 上級牛頸脊❇️ 牛肋肉各4pcs生日就豪一豪，揀咗最貴嘅特價燒肉盛合有日本和牛 雪花分佈好靚🍹果之盛夏 $34 （7折價）紅莓藍莓檸檬紅茶，偏酸，阿仔唔鍾意飲🤣不過叫做幾抵飲特價再用原價加一，全部盛惠$8144大2小食到超飽服務：店員超nice，小朋友跌咗筷子，好快比過對我哋，又好耐性向客人介紹餐牌埋單有糖糖派，小朋友期待嘅環節🤣
继续阅读
爸爸生日所以決定去食燒肉幾年前銅鑼灣食過一次唔覺得太驚艷同稍貴今日再食覺得進步咗好多雖然唔平，但都坐滿曬可能因為紅日肉類拼盤200幾蚊其中有A4和牛有啲肉砌成花型都幾有心思架非常新鮮油脂充足雞亦無雪藏味肉質夠嫩口另外都叫左海鮮拼盤不過性價比就差得遠啦蠔比較細身無咩鮮味跟埋嚿牛油好似都唔太入到味無咩幫助蝦肉有啲啲霉有殼的帶子燒好耐都未熟後來追加咗多春魚品質都好好呀燒完內臟都無任何苦味燒起嚟都乾身唔易爛你比較細條啲啦
继续阅读
一起身好肚餓，叫咗個假日兩個午餐，特選燒肉六品燒肉盛合$169和牛二品＆三品燒肉盛合$229送鹽味牛油帶子（3粒）及 金菇沙律 + 湯 +溫泉蛋紫菜飯 + 乳酸先上沙律-正常麻醬蕃茄粟米 湯就好似滾水加咗蔥，有d胡椒味(唔好飲）跟住上咗溫泉蛋紫菜飯，賣相掂掂，因為我鍾意溫泉蛋，點知呢碗飯食落係凍嘅🙄可能溫泉蛋係雪左落雪櫃啦，我想食熱飯囉好啦到上肉肉啦，見到眼前嘅肉肉真係流晒口水架。點知試左肉嘅質素麻麻，甚至係和牛果碟都一般，基本上大部份嘅肉都比較韌，D肉唔點汁係冇味的🙄好耐之前食過尖沙咀牛角，當時印象中嘅牛角係okay 的。但自從今曰後，我唔會再食牛角🙄
继续阅读
牛角有很多分店遍佈全港九，今日來到小西灣，驚見牛角的影子，但立即攞飛吃個午飯。店舖採用QR code直接下單，說真的，有點難用且不user friendly, 幸好有侍應生幫手，值得一提，牛角的服務質素相當好，由門口接待姐姐以至每位侍應生都非常有禮貌同照顧週到，一讃！假日午餐有幾款可以選擇，我點了kimchi 海鮮煲加牛角飯。頭盤海蜇沙律，海蜇略鹹，牛角飯美味也是我點這個套餐的原因，kimchi海鮮煲一般，kimchi 份量也相當少，有下次的話，絕對冇encore。另外加叫了2只廣島蠔和四片鹽味牛肋骨肉，蠔非常細且腥，牛肋骨肉正常，埋單一人前HKD251，價錢可以但相對起用這個價錢去其他食肆，性價比一定高很多。
继续阅读
6點半前到場，時間尚早所以好多位。哩間分店全部都係卡位，環境乾淨企理，座位舒適同埋通道都夠寬敞，與隔離枱亦有適當距離。3個人去食飯，叫個4人餐又太多，最後叫咗會員限定2人套餐 $620 再加野食，套餐需要職員幫手落，其他食物就用QR code落單，5分鐘內食物就陸續上枱，效率都幾高👍🏻✨明太子櫻花蝦豆腐前菜係凍豆腐，明太子醬汁+櫻花配埋本身冇乜味嘅豆腐，食落帶點鹹香，又食到蝦仔嘅鮮味😋✨田圍鮭魚蛋沙律沙律以紫菜、生菜、洋蔥為底，再配鮭魚肉及蛋粒，洋蔥雖然生但唔辣，魚肉碎足料又香濃，全部材料一齊食層次好豐富😆✨飯⚀牛角飯：招牌牛角飯當然冇得輸，獨家醬汁撈飯，再加滿滿嘅脆口紫菜，啖啖都大滿足😄⚁珍珠飯：我鐘意食白飯嘅香甜，珍珠米粒粒分明，夠哂好咬口，係我最愛嘅質感😍✨燒肉盛盒⚀日本九州極上黑毛和牛牛肋肉：和牛油花分佈平均，肉味香濃，質感腍滑，入口即溶😋⚁美國SRF安格斯和牛牛板鍵：薄片美國和牛一樣出色，安格斯牛味比日本和牛肉味更濃郁👏🏻⚂美國上級牛頸脊：上級牛肉雖然唔係和牛，但質素都好好，肉味香濃而且唔韌。⚃牛舌：薄切牛舌快熟，燒一陣就ok，肉味香濃又爽口🤤雞腿肉：雞肉味香，肉質唔韌。✨四品野菌盛盒盛盒有金菇、雞脾菇、本菇同埋鮮冬菇，金菇配埋牛油一齊燒真係好正，雖然食落好邪惡😈 但牛油味真係好香濃好好味😝✨牛油廣島蠔 $69大大粒蠔肉鮮味十足🦪 用牛油燒就更香更美味🤤✨車海老(1隻) $32套餐原本有兩隻蝦，但3個人唔夠分，所以再叫多隻🦐 今次嘅蝦就普普通通啦，未夠鮮甜爽口🤔✨雞翼(鹽醬) $45雞翼醃製得夠入味，略嫌細隻咗啲，平均$15一隻可以大隻返啲😂✨鹽味北海道帆立貝(2隻) $62餐中本身有兩隻帆立貝，另外再叫多兩隻。大大粒塞滿碟，肉質腍甜又軟滑😋✨青瓜墨魚嘴 $35酸酸地又帶極少辣嘅味道，開胃又清爽，粒粒都好爽口，前菜一流👍🏻✨黑糖牛油蕃薯 $52哩個係每次必點嘅食物🤣 甜蕃薯帶黑糖味更香口，配埋牛油燒當然冇得彈😏 燒到焦糖化令外層更加香而脆，一定唔可以錯過！🔍整體感覺：餐廳環境乾淨舒適，今次仲坐喺窗邊位置，望住海景食正野☺️ 職員服務良好，落單時仲熱心介紹餐點內容，亦好有效率。餐點質素幾好，價錢亦合理，埋單$970左右，以哩個質素同環境嚟講，性價比唔錯🥳
继续阅读