105冰室

营业中

休息中

呢間餐廳食物冇問題，但老闆（某退役歌手）同埋一位疑似老闆娘嘅人，態度差到一個點，而且塊面仲黑過墨汁，我嚟食飯，仲慘過爭你錢。1. 落單好惡，逐個叫，大家選擇同一款食物，佢就好 惡咁話，咁你哋究竟要幾多個？2. 食物都嚟咗，仲要已經食緊，因為有7個客人入嚟，就要求我哋食緊都要轉枱，但7個人都係分開兩張枱。3. 廁所都唔比排隊，我哋食完野，已經被佢趕住走，只是剛剛離開張枱，企喺廁所隔離排隊，佢又鬧我哋企喺度阻住佢哋做嘢！

太和火車站經太和邨，行過林村河行人橋就到，在錦石村附近，隱世餐廳，環境舒適，又不算太偏僻，踏單車去梅樹坑公園，可順道去chill下，鳥語花香氣氛很不錯，食物亦有心思及美味，收費與一般冰室一樣，值得推薦

食一種情懷吧！黃翊，也是我來支持餐廳原因!呢到我已帶過不同的朋友來，每次都俾到朋友正面的評語「真的沒有介紹錯」食物都比一般茶餐廳好食，今日仲食了宮保雞丁飯，熱辣辣的濃味道，茶走非常滑!下午茶的話，我會揀西多、炸雞髀、紅豆冰…望向外面的四周環境都令人可以透透氣的感覺，呢到係可以慢食及慢慢細看出面的小動物:有雀仔、松鼠仔…，讓排山倒海的工作上帶來揭息的機會今日朋友用好chill的感覺來形容相信我地會繼續支持大埔小店的

用餐時間 （9:16am breaky） 呢度個沙嗲牛麵$37 有一浸好輕微好輕微焦燶味，個人覺得好特別幾有風味。沙嗲味夠香濃，帶些花生醬味 🥜🧈 ，但略嫌牛肉比較嚡。火腿奄列裏面嘅蛋漿有啲水汪汪，好怕佢煮得唔熟，呢度我還得都可以，差少少就唔合格。茶水☕杯熱奶茶好飲，茶味濃香，杯茶夠熱又滑，見佢都係用黑白花奶。🥛餐廳氛圍喺太和錦石新村裏邊，感覺成個餐廳都俾公園包圍，望出去見到綠油油，好多樹同埋小動物（松鼠🐿️、各種雀仔）。係度早餐/ 下午茶，坐卡位睇吓書，chill到震。星期日老闆好心急，想做多幾轉生意，態度差劣，又話呢枱就快走，又將我調嚟調去。咁做生意得唔得㗎？

星期六午飯時間，有乜人，叫左碟厦門炒米粉+熱飲，食物味道ok，但份量太少，簡直係下午茶份量，我只係一位著S碼衫嘅女性都食唔飽⋯其實賣貴幾蚊畀多少少令客人食得飽咪幾好，份量太少會導致客人唔再幫襯。

同兩位長者剛剛去完梅樹坑公園，大家好有興致去飲下午茶。呢間餐廳正在回家的路途中。坐落於村屋區鄰近紅橋。下午時候近門口又有位，冷氣又剛好，不用擔心兩位镸者又怕熱又怕凍，位置又夠輪椅出入，又夠晒位置泊輪椅。侍應姐姐重好細心提醒我們下午茶時間，落單時重有15分鐘未夠，一夠時，新鮮美味的食物飲品準時送到。我們点了西多士，火腿蛋治，又香又正！飲品點了熱華田，熱杏雙，重有紅豆冰，剛剛$100。好抵食！全程又chill,慢活的享受著。

用外賣平台嗌咗個手撕雞明明叫左一隻雞（$166）個盒都大 滿心歡喜點知送過嚟嘅肉連一份例牌都冇成盒都係雞骨仲好意思收呢個價錢🥲即係用啲洋蔥同埋芫荽塞滿個盒玩嘢咩啊？超級差

泊架BB車喺佢門口附近，諗住入去食個LUNCH，點知收銀個男人勁惡，話我哋泊錯，叫我哋泊去另一度。咁我哋好聲好氣講對唔住，泊番好，佢都仲要不停鬧。我哋唔知佢受過咩委屈，咁大聲夾惡，但我哋都無理由要做人哋個情緒垃圾桶。既然佢嫌錢腥，我哋都費事迫佢做我哋生意了。係咁先，LIST已BLACK。

今日星期五，無無聊又未搵到工開，就托架單車去到太和落，搵間可以側邊擺到單車既小店食個早餐。之前search過知道呢頭有間105餐室，跟住就去試下。開頭都唔知邊個開，入到去見到一個熟悉嘅面孔，（男性歌手）原來係三小姐班底開既。坐低跟住就叫咗一份早餐，沙嗲牛肉米粉火腿腸仔加多士，連埋熱飲都係$36 ，都算唔錯啦。沙嗲牛肉味正常，係牛肉有少少鞋，不過都還可以。食飽飽就精神飽滿，迎着毛毛雨，踩返個單車返上水啦。

好耐冇食過，今天特意打咗個電話去叫個清蒸鯇魚飯外賣，一杯熱阿華田，俾我婆婆食。原本以為有送貨上門，點知話好多人，要我過去拿，去到發現，根本都不算多，位都冇坐滿。拿個飯返屋企，一打開，簡直嚇親人，成個盒得半個魚頭，食咁多次都冇咁差，清蒸鯇魚飯變清蒸鯇魚頭飯，一個飯收我59元，差唔多60元，11點40下單，午市11點半開始，10分鐘就賣到要賣魚頭俾個客，有冇咁離譜，個魚頭肉都冇乜，叫人點食，越來越不知所謂，收人咁貴，賣D咁嘅嘢，垃圾

想不到原來細蚊仔那麼怕熱，下次如果天氣接近20多30度的話，好像都不要帶細蚊仔走到那麼遠的位置了。因此，第一次來到這間105冰室，分分鐘可能就會是最後一次光臨。看到餐牌，午餐都不算貴很多，妻子點了個炒麵，肉絲炒麵質素也不錯，麵條可以清楚看到脆麵，夠脆夠乾身，上邊的汁醬也熱燙，中間的肉是也不錯。單點了一個西多士，雖然西多士中間的花生醬份量不多，但是多士夠厚身，上下的麵包夠厚，塗了些蛋漿，即炸，西多士夠香，油溫夠高，再點些糖漿來吃相當可口。這兒的炸雞髀沙律，沙律普普通通，因為只有罐頭的粒狀沙律，但炸髀，外皮以及醃料做得不錯，雖然內裏不算肉汁很多，而且炸脾的色水比較深色，但是醃製過的味道相當之香。近日吃過大埔區內茶餐廳的炸脾，綠州的炸脾肉汁最多、這間的炸脾醃得最香、而華立就炸出來最熱燙。不時見到老闆與其他食客在聊天，相當之閑逸，如果不是環境這麼遠，其實都可能間中想來嚐嚐的。

疫情關係，各界皆郊遊，本人😷亦從屯門出大埔來個大郊遊，先去大埔海濱公園，再去火車博物館，最後以太和車站回程，故尾聲特以此店食個下午茶飽餐一頓。此店跟車站很近，很容易找到，附近環境優美，周圍都乾淨衞生。由於到店已是四時多，急選兩個下午茶餐，價錢確是比快餐集團貴些少，但環境氛圍搭夠，店內多是街坊及單車友，感覺悠閑，舒適寫意。食物質素OK, 椰汁紅豆冰特飲的紅豆蠻多且軟腍，又夠濃甜，讓我此甜品愛好者愛死了😋，但那雪菜肉絲面味道一點都不輕盈，很重口味，可能雪菜未浸透😅；而囝囝點的西多士給獨霸清光，恕未能分享食評，但論外觀應仍可以，因顏色金黃沒被炸燶。此店有幾個驚喜位，大家不妨留意下 :1. 卡位的特式烏絲酒樽燈2. 店外樹木會有松鼠踪影3. 店主兩隻好靚的鸚鵡4. 黃老闆的出現我很慶幸能遇上以上兩項☺️，故真的推介給大家如順道必要到此一遊👍🏻👍🏻👍🏻

之前因爲晚飯食過「三小姐」，覺得很不錯，所以一知道附近開左間冰室，所以一心去捧場，星期日午餐時間，行到橋已見好多花牌祝賀好熱鬧，店內都坐滿7、8成人，氣氛裝修不錯，我分別點了個常餐及午餐，先講常餐，沙嗲牛通味道正常，係咸左小小，分量唔多，奇怪的是餐飲若要普通咖啡係需要加2蚊，心唸正常其他食店係唔需要加錢的，唔通佢杯咖啡好出色？可惜侍應送上的是一杯茶餐廳過茶餐廳得個苦字嘅啡色水，杯邊還沾滿咖啡粉還是渣。食到呢度都幾失望因爲個午餐焗豬扒飯仲未上，明白焗野係要等時間，所以一直都冇催單，餐飲要了杯凍檸茶走甜，但上左杯有糖嘅比我，咁都算，最後焗豬扒飯終於出現，遠遠望見我個鐵焗兜，但上枱變成碟頭飯，散收收的一碟，眼見其他枱客的都是鐵兜或錫紙類的盛器上的果小小芝士和飯也不見得有點焗過，豬扒是一小薄片的，汁是類似小學派飯嘅蕃茄汁，其實大家樂嘅焗豬扒飯好過佢好多另外室內通風很差，勁油煙，而且地上好多垃圾，眼見員工抺枱方式是把枱上垃圾掃落地上難道員工是由街市熟食市場轉過來的嗎？街市情況了解，但這裡真的難以明白寫到呢度，點解我會仲希望佢會有改進呢？因為話曬我都住過呢條村，好多時都見到佢地一家人，雖然唔相識，