105冰室

营业中

休息中

用餐时间 （9:16am breaky） 呢度个沙嗲牛面$37 有一浸好轻微好轻微焦㶶味，个人觉得好特别几有风味。沙嗲味够香浓，带些花生酱味 🥜🧈 ，但略嫌牛肉比较嚡。火腿奄列里面嘅蛋浆有啲水汪汪，好怕佢煮得唔熟，呢度我还得都可以，差少少就唔合格。茶水☕杯热奶茶好饮，茶味浓香，杯茶够热又滑，见佢都系用黑白花奶。🥛餐厅氛围喺太和锦石新村里边，感觉成个餐厅都俾公园包围，望出去见到绿油油，好多树同埋小动物（松鼠🐿️、各种雀仔）。系度早餐/ 下午茶，坐卡位睇吓书，chill到震。星期日老板好心急，想做多几转生意，态度差劣，又话呢枱就快走，又将我调嚟调去。咁做生意得唔得㗎？