影片
港铁中环站 D1 出口, 步行约3分钟
继续阅读
电话号码
98358606
开饭介绍
店名「1111」这数字组合，代表新开始、前进的动力和成功的未来。主厨经验丰富，更曾跟随米芝莲三星餐厅名厨学艺，出品有一定水准。你可在以美国亚利桑那州羚羊谷为灵感的装潢下，品尝精致且高质的西式料理。
继续阅读
营业时间
今日营业
12:00 - 15:30
18:00 - 23:30
星期一至六
12:00 - 15:30
18:00 - 23:30
星期日
全日休息
以上资料只供参考，请与餐厅确认详情
-
网上订座服务暂停
餐厅面积唔大，装修风格简约，以木系为主调。门口有一个拱门可以for打卡影相。食左个tasting menu $1,288 per head，晚餐服务体验几好。Welcome drink 用一个波波装住，咬开个波波会爆开个welcome drink，味道系少少酒味酸酸甜甜，几开胃。波波本身有啲咬口，有少少胶味。不过整体味道都几清新开心。跟住餐厅会为你展示一盘好靓嘅材料盒，话今晚嘅𩠌都系用呢啲材料组成，组合得好靓，系视觉嘅享受。👌🏼面包：有好靓嘅橄榄油做选择，面包就正常冇乜特别。前菜 👌🏼Local BITES, street food卖相好靓。有一个带有少少烟熏味嘅鹌鹑蛋 ；一个餐厅介绍话系紫薯味嘅泡芙，但系食唔到紫薯味，质感烟烟韧韧；一个炸鸡皮薄脆，上面有少少芋头栗子酱汁，介绍话灵感来自街头小食。概念几得意，味道唔算非常惊喜。👌🏼TORO, sea urchin, tomato, bergamot拖罗他他mix 埋海胆，下面有d 蕃茄清汤嘅Jelly。觉得mix 埋嘅口感唔算非常有火花，海胆嘅味道唔系最靓𠮶种。🤔TRUFFLE, asparagus, spinach, house-made ricotta芦笋菜上边现磨咗好多黑松露。芦笋味道几鲜甜，但系黑松露虽然现磨咗好多，但系又冇咩黑松露味。普通。💯Market fish of the day, clam chowder, house cured ham跟住嚟一碗周打鱼汤。鱼汤好creamy有奶味，好饮！汤内有一块鱼，鱼肉嫩滑，再有啲滑滑嘅小米粉。口感几丰富，又好味。👌🏼Morel, cuttlefish, house farmed mushroom, veal jus墨鱼滑酿牛肚菌，下便再有啲炒杂菌。羊肚菌酿墨鱼滑嘅味道冇咩好惊喜，反而啲炒菇有浓郁嘅菌味同酱油味，几香口。主菜：👌🏼PIGEON Wellington, Lau Fau Shan golden oyster, truffle （+$380）似乎喺呢度嘅招牌菜，威灵顿酿乳鸽。外层面包好脆，包住乳鸽，菇、同埋一只好细小嘅迷你金蚝。乳鸽肉整得好嫩滑，但几样嘢夹埋又唔系好有火花，觉得整体味道又未算好惊喜。💯HIDA-GYU, chenpi, 飞驒牛肉牛扒呢个飞驒牛肉牛扒整得好出色。食落去先有脆脆嘅口感，肉质非常柔嫩有油香，但又唔会太肥太油腻。外脆内软，有油甘香味，又有牛味。好味！💯CARABINERO grande, N.T.vegetables 西班牙红虾通常西班牙红虾整熟咗就唔系几好味，因为个肉质会变得软腍腍。但系呢度整得好出色。虾肉非常鲜甜，而且难得系肉质依然可以保持到爽弹。可能系我食过最好味嘅熟左嘅红虾，个虾肉好爽甜好好味！甜品：👌🏼Blood BIRD'S NEST, Yuen Long honeycomb, lemon mousse, osmanthus柠檬味，味道正常。总结：感觉餐厅好有诚意，摆盘靓，亦都希望通过融合本地特色做一d 创意fusion 菜。但觉得部份前菜融合出来嘅效果又未系特别出色。反而周打鱼汤，牛扒，红虾就好出色。但整体都系一间好有诚意做好菜式嘅餐厅，整体用餐体验愉快。
继续阅读
位于中环嘅高级法国餐厅，名字「1111 」一组被认为强大力量的宇宙数字命名，室内设计以亚利桑那沙漠羚羊峡谷为主题，温暖锈色的色调，波浪条纹好有现代元素，一出电梯就会见到个靓靓暖铜色嘅大拱门，用嚟打卡一流吖🥰更于2024年荣获TATLER DINING AWARD及DEZEEN AWARD 室内设计奖项🏆由曾于米芝莲二星餐厅担任主厨嘅Chris Chan主理 拥有超过20年嘅经验，好欣赏佢将意法菜加入中式、港式元素，每道菜式嘅配搭既优雅又令人非常之有惊喜🥰今晚我哋就点咗由行政总厨创作嘅Tasting Menu$1288首先用餐之前餐厅会将当晚新鲜嘅食材放入木盒之内为客人呈上，且细心地逐一介绍，挑选Local BITES street food开胃头盘先来了一个精致宝盒内的三款以本地特色做主题街头小食，有款我觉得最特别嘅系来自港式街头小食盐焗鹌鹑蛋嘅灵感，《拔丝鹌鹑蛋》做得完美嘅拔丝包著用苹果木烟熏处理嘅鹌鹑蛋，系糖心架。第二款《XO酱泡芙》，小泡芙内包住咸香微辣嘅XO酱和紫薯蓉，实在惊喜。第三款《烤焗三黄鸡皮脆片》鸡皮去除内里的脂肪后，烤得超薄松脆，没有多余油分，配上青咖喱酱和椰子酱，口感极佳🥰💫 Oscietre CAVIAR(15g)Zhenjiang Crystal ham 1 +$420我最爱鱼子酱，呢个必定要加配❤️呢度嘅配搭真系令我好惊喜，鱼子酱下层竟然藏着水晶肴肉，两者配合一齐享用，原来味道系咁夹嘅🥰💫TORO sea urchin ,tomato,bergamot 西班牙蓝鲸吞拿鱼，配上北海道海胆，蕃茄啫喱食嘅时候再喷上佛手甘油，香气好refreshing立即带出toro和海胆嘅鲜味，蕃茄清汤啫喱亦都非常醒胃💫 TRUFFLE asparagus,spinach ,house made ricotta 松露配法国白芦笋，爽嫩法国初春当做白芦笋与本地芦笋，再配以自家制乳清芝士、菠菜，再即埸在面头刨满慷慨份量嘅松露😍黑松露幽香令味道更加有层次感💫 market FISH of the day是日嘅鱼系东星斑，用上鱼肉和蚬熬制成周打鱼汤，奶白鱼汤真系好鲜浓好好饮😋石斑鱼肉好滑溜，面头再配有超薄脆咸香嘅西班牙黑毛猪片，每食一啖都系享受💫 MOREL cuttlefish,house farmed mushroom,veal jus非常之欣赏呢个酿羊肚菌❤️灵感来自煎酿三宝法国野生羊肚菌内酿入新鲜打造墨鱼胶，注入慢煮羊肚菌牛仔汁，再配餐厅自家种植嘅山芋菇羊肚菌汁非常之浓香，墨鱼胶爽弹可口，实在滋味无穷🥰💫 PIGEON Wellington 1+$380主菜，呢个威灵顿乳鸽真系唔可以错过，实在系一个令我惊艳嘅菜式🥰 采用法国Bresse产乳鸽胸，烤至金黄嘅酥皮内包著椰菜、松露酱、流浮山金蚝，想讲个鸽胸肉真系做得非常嫩，真系好好好食呀❤️睇住威灵顿鸽切开冒烟一刹那非常有疗愈感，酱汁由鸽肝鸽壳熬制而成，味道绝对浓厚可口再讲多一次，嚟呢度呢个威灵顿鸽不可不试😋记得提前两天预订啊💫 CARABINERO grande,N.T.vegetable 超大只西班牙红虾，好特别配搭中式陈村粉、虾头油，本地蔬菜，红虾肉鲜甜弹牙，虾头油实在非常之香👍🏻Blood Bird’s Nest 金丝血燕伴以柠檬mousse、蜂巢、桂花，清甜滋养Petit Four以花花盘承载著，好靓靓💕有达摩造型利宾纳果冻、红莓蛋糕砖、迷你合桃酥
继续阅读
一顿完美的Fine Dining，环境气氛与食物质素同样重要。这晚跟好友来到位于中环的1111ones，餐厅门面及室内设计都好有特色，温暖的色调，让人倍感放松。从食材、搭配、烹调、摆盘、服务等，都感受到大厨们的创意与用心，每道菜都令人著迷。先来一粒酒，清新一下口腔，原粒放入口中才咬开，爆开的瞬间，口腔里尽是梨汁、梅酒、青柠汁的清新气味。自家制无花果包配橄榄油及黑醋，橄榄油带有蕃茄香草味，特别美味！先来个开胃小食，宝盒内收藏3款精致美食啊。有爆汁的烟熏鹌鹑蛋拔丝、泡芙(自家炒xo酱及紫薯蓉)、烤焗三黄鸡鸡皮，鸡皮去除脂肪层，薄脆可口得像薯片一样，加上炒栗子蓉等，令人回味。松露伴法国白露笋，平日吃的都是片片松露，今次第一次品尝以刨丝状态的松露，意想不到的美味。口感绵密的松露，味道比片片松露更为突出，而且更容易与清甜爽嫩的法国初春当造白露笋、本地露笋、自家制乳清芝士菠菜融合起来，搭配著一起享用，味道更有层次。接著来个变奏版的老少平安，在嫩滑的豆腐鸡蛋上，放上当天市场最新鲜的老虎斑，口感扎实又鲜甜，在食用前才注入日式昆布高汤加茉莉花茶，香气逼人。套餐以外，加配品尝Oscietre 鱼子酱，用专属冰冻贝壳匙一匙到底有惊喜，下层是胶原满满的镇江肴肉；鱼子酱口感浓稠细腻，既有海洋风味和咸味，也带点坚果味，搭配著镇江肴肉一并享用，双重咸香滋味。另外也加配了女士们至爱的南非花胶扒，口感软滑带少许黏口，浇上砂爆鱼肚龙虾浓汤汁，超美味的呢！以红豆沙炼奶雪糕作间场，加入芳香陈皮粉，微甜清凉，预备稍后享用主菜啰。主菜有日本歧阜县飞驒牛配新会陈皮红酒汁，伴碟有红菜头薄片及煎炸芹菜头。B4西冷部位用备长炭炭烧，四边烧得香口，入口尽是那油香与肉香，细嚼下还有陈皮阵阵甘香，口感柔软，好想再停留在口里多一会儿呢！另一主菜是威灵顿法国鸽胸，这个需要至少2天前预订的啊！以皱叶椰菜包著流浮山金蚝、松露酱及鸽胸肉，外面再包上酥皮后烤焗至金黄。切开一刻，瞬间散发出诱人香气，鸽脾诱人惹味，嫩滑鸽胸与甘香的金蚝，再沾上由鸽肝鸽壳熬制的酱汁，令人再三回味。搭配白羽干白葡萄酒，其水果与柑橘混合的香气，易入口，酒体余满，回味绵长，与主菜蛮搭配。最后，还有血燕炖柠檬做甜品。集合了血燕、柠檬慕丝、元朗大棠蜂胶、桂花橙皮蛋白脆脆，在上碟时浇上黑糖桂花茶，甜度刚好，清润顺喉又养颜。套餐还有Petit fours啊！有山楂啫喱冻、开心果糖、红莓蛋糕砖，让整顿fine dining 变得更圆满。
继续阅读
今日去食咗间好正嘅Fine dining，提前预约咗有啲咩唔食，所以每款都好合我口味，仲好适合女士，我最爱龙虾浓汤花胶扒、金丝血燕桂圆茶。最有惊喜嘅招牌菜式「威灵顿乳鸽」真系第一次食到，平时因为我唔食牛，所以唔会试到呢样菜式，用慢煮乳鸽，加上流浮山金蚝、黑松露制成。 前菜与主菜之间，亦送上好特别嘅香港人地道小食( 以冬天路边小食为题：苹果木烟熏鹌鹑蛋拔丝、XO酱番薯鸡蛋仔、栗子蓉脆鸡皮）。再用雪糕配上糖葱饼，好好味，真系要试吓。 [ DINNER MENU ] Amuse bouche✧ TORO, sea urchin, tomato, bergamot✧ TRUFFLE, confit yolk. creamy potato✧ Market FISH of the day, cam chowder✧ PIGEON Wellington, Lau Fau Shan golden oyster, truffle +$380( pre-order is required for at least 48 hours in advance )✧ BLOOD BIRD'S NEST, ginger mousse, osmanthus Petit fours$1,088 per guest✧ Binchotan grilled FISH MAW, lobster bisque +$620
继续阅读
It’s been a while since I last visited this mini “Antelope Canyon”. Have always appreciated the creativity of blending local ingredients with French cooking techniques, while amazed by the elevation of the dishes after all this while.My favourite dish for the night is daily market fresh fish with clams, cured ham and chowder soup. I am not a fan of fish but it’s so tasty! The Wellington pigeon is one of the chef’s proud creations. I am surprised how well the local gold oyster from Lau Fau Shan complement so nicely with the pastry. Didn’t try the wine pairing, picked a burgundy Chardonnay and a Chianti Sangiovese, shifted at Morel stuffed with cuttlefish as suggested while I personally think the Chardonnay good well with the cuttlefish too. An enjoyable night! ❤️
继续阅读