1968 Bistro (TKO Spot) (已結業)

呢間位於將軍澳尚德商場一樓，睇似好有格調，店舖不太大，有室外和室內座位，室內仲有卡位選擇，佈置方面，有啲地方用上馬賽克裝飾都幾特別。平時食開早餐就一般般，午餐就正正常常，百零蚊（兩位）就可以食到都算抵食。雖然地方細細但又唔會坐得好擠迫，座位亦不多，係香港寸金尺土嘅地方都算唔錯，食物質素算可以，每樣份量都幾大碟，又無加一，性價比合理。整體來說……環境、清潔、價錢、食物質素、工作人員態度都可以的，值得再來試試其他款式。

第一次到1968食下午茶1968於將軍澳地鐵 商場內經過行人天橋直達 尚德廣場。下午茶2：30開始，星期六，日都有。二人叫了一份野菌煙肉牛角包$42一個份熱狗牛角包配薯條沙律菜$32本沒有任何期待點知食物一到，嚇一跳，份量及味道都值其一倍價錢。賣相美美高級感 ，牛角包香脆內軟，野菌佈滿整個包熱狗牛角汁調得剛好。埋單只系74 包飲品無加一物超所值 100個讚茶餐廳價錢 酒店級食物將軍澳難得的餐廳 希望長做長有 造褔市民

1968 Bistro位於尚德廣場TKO Spot一樓，座位闊落，主打平價西餐、小食同埋西式甜品。🔅蕃茄汁蝦仁意粉蕃茄汁唔會好似出面其他鋪頭整嗰啲咁甜，佢仲帶有蕃茄嘅酸味，入口開胃，意粉彈牙，再配上幾隻大蝦仁，上面仲鋪左少少芝士碎，真係幾出色。🔅凍檸茶特別要講講呢度杯檸茶，佢糖水係另外上，唔洗喺落單嗰時講少甜或走甜。我就鍾意唔落糖水試佢個茶底，同茶餐廳有啲分別，似係用西式嘅伯爵茶底，唔會好澀，檸檬酸好夾。

極低劣的服務態度，連茶餐廳的服務都不如。一家人食飯只給一個餐牌睇。食物質素還算可以，但員工的服務態度就真係差到貼地。食完的碗碟又不清理只留在客人枱上。餐廳遲早被員工敗了。如果要揀最差員工，一定揀短頭髮方形黑色四眼的女侍應。本以為這是一間有質素的餐廳，奈何員工服務真的敗壞了整間餐廳。食物方面，它的薄餅還可以，可是服務員沒有遞上到差碟子等的餐具，把整件事情破壞了。希望日後可以得以改善，否則一定不會再幫襯，因為服務的態度和下一個極之差的回憶。

是日又上完跑步堂，好肚餓，見一粥麵個啲好多人，睇到呢間店幾好坐，又未食過，就試下，佢有下午茶，包埋嘢飲，又唔收加一，抵食！冇諗過牛角包配埋沙律同薯條，又大份，好滿足下次試埋其他先🥰

老公放假，係屋企附近商場食返個午餐🤗一人揀咗一款✨每款都包飲品/餐湯🥣ღ白菌忌廉汁雞扒焗飯 $52焗飯炒飯底，連雞蛋炒再焗飯份量十足！但個汁吾夠多🥲雞扒肉質都夠嫩👍🏻ღ豬柳漢堡煎蛋飯 $48呢個隻碟好大隻😂😂有兩粒太陽蛋、豬柳漢堡煎得夠香飯同樣份量十足😅⋯⋯⋯⋯⋯⋯⋯⋯⋯⋯⋯⋯⋯⋯⋯吾使加一ღ(♫ ♪ ♫ ¢яєαмfυи ♫ ♪ ♫ (¯`◕‿◕´¯)ღ 見到有到會可以叫，下次屋企搞party可以試吓🤗

之前去咗將軍澳尚德邨隔離嘅TKO Spot，平時lunch、tea time都勁多人嘅1968 Bistro🍴今次就食dinner，晚市主菜、小食都幾抵食💯質素都唔錯，下次如果嚟開呢邊想食西式嘢都可以揀呢間！今餐最推薦嘅一定係T骨牛扒，一上枱已經呆咗，超大塊🥩大塊過塊面🤣我哋要咗五成熟，切開中間仲有少少粉嫩，煎得好香，唔係醃腍晒嗰種，食落好有咬口👍🏻加埋啲蒜蓉汁好惹味，旁邊仲有配菜薯條。呢個價錢去超市買自己煎都買唔到🤣加$18可以配餐湯、飲品，價錢相當實惠。千島海鮮薄餅餅都好足料🤩有魷魚、蝦、蜆等🦑鍾意個餅底好薄，餅邊亦都好脆，食落唔會好漏，千島汁都好均勻，味道令人好開胃😍小食方面都幾推薦白酒牛油汁炒蜆，份量好多，最基本冇沙都做到，個牛油汁好開胃，用鐵板上熱辣辣好好食😋呢度仲有啲日式小食，例如係日式和風蜜糖雞翼，加咗啲木魚碎、紫菜，外皮脆脆哋都幾好食👍🏻🔸千島海鮮薄餅$98🔸白酒牛油汁炒蜆$58🔸和風蜜糖雞翼$45🔸T骨牛扒$138加配餐湯及餐飲$18📍#1968Bistro (#TKOSpot) (#將軍澳美食)#將軍澳 唐明街2號TKO Spot 1樓102號舖

呢日嚟咗將軍澳睇大型戶外運動店，喺呢個商場搵啲嘢食，就嚟咗呢間西餐廳🍴煙三文魚溫泉蛋凱撒沙律呢一份沙律勁足料，仲要排得好靚。有六片大大片嘅煙三文魚，同埋有芝士碎、煙肉碎、香脆麵包粒、同埋我最鍾意嘅溫泉蛋🍳 特別鍾意佢嘅沙律，唔會太多沙律醬，感覺比較健康🥗黃金蟹肉忌廉汁通心粉呢一個係邪惡之選，一個人食晒可能會太飽，所以今次同兩位友人分享就啱晒😎 忌廉汁通心粉超級掛汁，用匙羹𢳂起見到佢有芝士拉絲，口感好Rich🧀 面頭仲有一絲絲嘅蟹肉，我哋將佢撈勻落啲通心粉度，更加鮮味🦀肉眼牛扒呢個牛扒都算幾抵食，呢個價錢有咁大塊，我哋嗌咗七成熟配黑椒汁😗 一份牛扒會配埋蔬菜同埋薯條，真係夠晒豐富呀🍟小食♦️汁燒牛脷呢個牛脷真係整得好出色，咬落口好軟腍👅 每一啖都係幸福嘅感覺，側邊仲有個胡麻醬沙律🥗♦️和風蜜糖雞翼雞翼係老少咸宜，大人細路都鍾意嘅小食。呢一份雞翼有四隻，上面塗滿咗類似照燒汁鹹鹹甜甜嘅醬汁，食落口都幾惹味，同樣有個胡麻醬沙律喺側邊🐥是日餐湯及餐飲餐湯係南瓜忌廉湯，雖然忌廉湯嘅顏色只係淺橙黃色，但係南瓜嘅味道都好香㗎🎃 餐飲方面，我哋嗌咗港人最愛嘅凍檸檬茶，茶味唔算好澀🍋 另外一杯加咗$4升級做即

那個店鋪的薄餅割八份能一塊塊拿起。2024年9月8日晚餐好聲問女待應拿兩把刀。一句撕殺般回Pizza已切開。我問她真係切開切得清拿得起。即板面回，那給你一把刀。(附圖看看半個薄餅是否巳如太后級店員說已切開？？？ 那一把刀只用切餅，二個人一把刀吃不到用不了。)請問在亞洲，意式薄餅是否規定用手食。別說港人去那，這是古天樂所講做多步，還是故意份內事不做。謝謝，深水埗店的了解及協助，否則請列明什麼情況下西餐可用刀吃，問問該國領事吧!下次只去深水埗店，讓將軍澳極品服務及太后級店員愛怎也行？!

.#foodie #hk #hkfoodie#HTB美食推介【將軍澳平民西餐｜假日午餐親民價$72起】上次去咗深水埗試過晚餐，覺得好吸引！黎到將軍澳發現有分店，當然要試埋個晏晝同甜品啦🤤😛.🐨香煎三文魚 $138推薦度：⭐️⭐️⭐️⭐成日去西餐廳都會揀食牛或豬，但哩到更有三文魚、羊排、鴨髀任君選擇，認真多元化～三文魚香煎外皮，唔會好乾... 嗰個醬汁creamy有奶香，配埋時菜食非常健康！！.🐨美國安格斯牛肉芝士菠蘿漢堡 $88推薦度：⭐️⭐️⭐️⭐⭐淨係睇名都知道佢一層層好豐富，除咗安格斯牛肉、芝士、燒菠蘿之外，當然唔少得蕃茄同埋生菜～經典漢堡嘅組合，牛肉煎得好香保持到肉汁，芝士輕輕加熱溶化喺牛肉上面，蕃茄生菜都好新鮮，最重要就係燒菠蘿甜甜地又juicy，可以去除牛肉嘅油膩感添！！.🐨草莓拿破崙 $34推薦度：⭐️⭐️⭐️⭐拿破崙酥皮做到好鬆化、好脆，少少甜唔會好搶味，淨係口感已經令到成個甜品加晒分！！士多啤梨偏酸，中間嘅奶油霜就少少甜，兩者互相配合味道好夾～——☼——☼——☼——☼——☼——1968 Bistro📍地址：將軍澳唐明街2號TKO Spot 1樓102號舖🐨推薦度：😋😋😋😋/5 🪸環境：

我叫咗香煎魚柳配燒汁+蒜香炒雜菜，送到嚟個汁又唔見咗，個蒜香炒雜菜又唔見咗，個魚柳係炸嘅，又乾又酸，好難食，真係千祈唔好食，呢間餐廳極度冇誠意，非常難食。世界末日寧願食麥當勞

同裝修得靚靚嘅人氣cafe相比，我都係比較鐘意平民屋村cafe。先唔講而家嘅新式cafe枱凳都好細 (一排過嗰隻已經係主流？)，坐得好逼，跟住一杯普通咖啡50起跳就係為咗影兩張相，有啲再收加一。今次行過將軍澳尚德商場食lunch，”1968 Bistro”。之前食過98蚊嘅油封鴨髀，已經好誇張。今次就試佢嘅意粉同牛扒。68蚊carbonara set，還有100蚊的牛扒set，我以為返咗幾年前。餐廳有啲位係open area，可以慢慢坐。當然啲裝修同嘢食都幾rustic，連Odelice!都比唔上。但有時所謂嘅chill，係心靈感受而唔係裝修。

間嘢開咗年紀兩年，一直都見到冇咩生意。話說今日星期日見間餐廳冇坐滿亦冇人等外賣，諗住lunch hour快手買個外賣焗通粉返公司食。點知等咗35分鐘先有….完全明白焗野要耐啲，但前提佢冇同我講過要等咁耐。中途都無話我知仲有幾耐出餐！Details:途中等第20分鐘時有問過店員，佢話包緊。到等第30分鐘時，我認真同佢講我趕時間，請佢幫我跟。佢睇睇我張單跟住同廚房講：「通粉」，廚房答「好。」之後都係冇話我知要等幾耐，食物質素一般，但體驗真係超差，不會有下次。

呢間餐廳已食扒為主要推介，但係度完order完全冇問過要幾多成熟，過咗一陣間我再問佢佢就話標準，跟住我問佢嘅標準即係幾多成熟，難道佢嘅標準同我個標準係一樣嘅？佢覺得！真心唔會再嚟！我食大家樂同大快活都好過佢！

本身住開將軍澳，今日咁啱要去尚德邨買野，見商場一樓有間未試過嘅餐廳，睇過餐牌都唔錯，環境都可以，坐得都幾舒服，商場內作為西餐廳都幾特別。這間餐廳感覺比較開揚，裝修有些懷舊，感覺去了一間懷舊的餐廳。尚德商場一向平民化，早餐set包野飲不用加一，是一間不錯的西餐廳，食物質素佳，分量足，價錢合理，座位都舒適，服務員好有禮貌，經理態度也不錯。