1986地道越南餐廳 (東寶大樓)

营业中

休息中

唔知係咪因為Mill Milk阿京介紹，近排呢間餐廳午餐時間特別多人排隊，今日經過決定試下。黎到先入門口攞飛，我地係平日大概12:45到餐廳，6個人大概等到1點就可以入座。餐廳入面大概30人座位，見其他人排隊都唔算耐，店員安排搭枱坐，但座位未算太逼。我今日叫左香茅豬扒撈檬，上菜時真係嚇親，塊豬扒係極大塊，炸完仲有足足1cm厚，同埋size比正常餐廳既豬扒大一半，一切開見到豬肉脂肪量好高，d紋理直頭好似豬頸肉咁，食落口好香又容易咬，成塊扒連骨頭位都完全唔韌。下面既撈檬不過不失，個汁冇乜辣味，附送兩粒仔牛丸。冇跟餐飲品，外加飲品多數都係比較貴、要30-40蚊杯既特飲，我飲免費茶水都夠啦，有少少青檸味好解膩。$74免加一既價錢真係一流，男士們都一定食到飽。我見有其他食評講到店員態度問題，我今次黎食就覺得店員都有禮貌既，不過見到d食客不停流轉，同埋店員見到你食完就執枱好快手，又比濕紙巾大家抹手，都會感受到食完快d走既無形壓力。食完出黎都見到成10個人等緊堂食或外賣，認真犀利！

見到YouTube頻道介紹，第二日馬上來試食，果然冇中伏全部嘢都真材實料仲要唔係預製菜的味道，好似喺屋企食到嘅口味，海鮮湯濃厚，生牛肉粉個牛肉同出面唔同，好滑身不肥，牛油果沙冰雖然甜咗少少，不過勁足料重點是店員（短頭髮扎辮姐姐)的態度極好，食春卷隻手污糟直接比濕紙巾我地，客人1袋2袋入店會offer keep bag, 又問我哋咁多嘢，使唔使調張大啲嘅枱？香港小店食肆如此的高水準食品及服務，大家一定要保住佢！食多啲！

土瓜灣真係好多好野食，如果食越南菜，我就一定黎呢間。星期六 lunch time，等2張檯就入每次帶新朋友黎食呢間，我都會推介呢個豬排撈檬每次都唔會失望，因為有一大塊連骨豬排，入味得黎質地又好，唔會比鬆肉粉整到稔哂，檬粉量充足又爽口，個汁仲跟咗兩粒肉丸。呢一大碟每次都令我吃得很滿足第一次試呢個烤豬肉法包，好有驚喜，法包熱烘烘夠香脆，入面既餸都好足料，配埋酸蘿蔔絲，唔會食到乾爭爭越式春卷又係好足料，皮脆又唔會過厚，味道調教得剛剛好食咁多油膩野，襯番個牛油果沙律平衡一下，呢個沙律份量唔少，瓜菜都新鮮，配埋蝦片食都好唔錯唯一要挑剔既係店舖地方唔大，每枱都坐得背貼背，出入要小心，而且人流好多，唔可以慢慢坐低傾計慢慢食。呢度都有好多特式飲品，但大部份都係凍飲，所以冬天就唔試啦！遲d暖番d再黎食，一定要飲番杯野襯下d美食總結，呢間一定有下次

明明係仲未夠鐘，三個人分別行過嚟提你，話你已經夠鐘啦，我哋仲有客人等緊。機單都有時間可以睇啦吓？仲係你隔離大聲講佢哋就快食完啦，得架啦！啲員工係唔係唔識睇時間，要再上下培訓呢？同埋真係一分一秒都咁緊張，不如每台俾個鬧鐘啦。同埋咁樣嘅服務態度，我真係唔會再去食🙏🏻🙏🏻人請都唔食。何況自己俾錢又唔係平，食材又唔新鮮又唔係好食好差嘅體驗，十分差。唔會再去啦，大家唔怕受氣可以去食下，睇下佢哋為咗R生意點趕走啲客！

大部分越南餐廳係香港都係做南越菜式 偏少簡單北越口味 有好幾款菜式都無係其他餐廳食過！中午時段真係估唔到連土瓜灣都咁多人排隊😧 但係食完我完全明白 就算要排隊 都值得😍🧡份量好大 肉又夠多 價錢合理 員工態度非常友善 真係無咩可以挑剔👍🏻 河内奥巴馬拌檬粉（$69）呢個檬粉好似同我食開個款 我覺得個汁偏甜d裡面係加左烤豬肉 同埋豬肉丸 烤豬肉脆脆地 好重香茅味 仲帶有少少檸檬汁 同個汁好夾 每一舊肉都好juicy!👅招牌生牛肉湯河粉（$80）牛河就同平時個d無好大分別 但係我覺得呢到d牛肉偏厚切 更加有好感 唔係肥牛 比較正宗👀仲要配埋溫泉蛋 應該係打隻生雞蛋落去再淋熱湯🥚♨️ 幾特別 珍惜第一次見！北越雞蛋咖啡☕️（$32）雞蛋咖啡一直都想試 覺得去到越南一定要試試！暫時香港只係見到呢間有得飲<3我完全想像唔到如何將雞蛋煉奶 代替牛奶🥛 點知出乎意料地好飲 咖啡好香 雞蛋打成泡真係好似奶咁creamy 仲有淡淡既蛋香味 配埋煉奶甜甜地💖味道：🤎🤎🤎🤎.75/5 📍1986地道越南餐廳 (東寶大樓) (土瓜灣)地址：土瓜灣北帝街60號東寶大樓地下A號舖

最愛越南餐廳！雞絲沙拉吃不停口，好好食，個汁配得好好，開胃而且不膩 ，配料都搭 。🤤 豬肉包個法包勁脆，入面配左扎肉外仲有肝醬我鐘意，好香，同埋最緊要個包係熱 , 豬肉都煎左香口 好食！牛河同埋雞串都推薦！雞串燒得唔錯，又夠大舊，個汁都好味 。

我雖然住土瓜灣，但從未可以入到店內堂食。皆因次次來到都排晒大隊。今晚有個朋友仔早咗半小時來幫我們排隊，終於可以試到。入到店內，職員態度有禮，還幫我們妥善放好我們帶來的羽毛球柏於收銀處。我們四位點了三個主食、兩個小食和四杯飲品。豬扒檬塊豬扒又厚又大，一定大個塊面，肉質嫩且juicy. 牛肉湯河牛肉新鮮有牛味，雞亦食得出是有醃過，要讚。總括而言，食物有質數，服務員工作態度非常好。值得推介。

這家越南餐廳的炸豬扒飯外脆內嫩，搭配香米和特製醬汁，令人垂涎。雞絲沙律清爽可口，搭配香菜和花生，增添了層次感。豬頸肉撈檬的豬肉鮮嫩多汁，與檬條的Q彈口感完美結合，配上酸辣醬，風味獨特。每道菜都展現了越南料理的精髓，讓人回味無窮！

其實呢間嘢都算唔錯環境光猛，衛生企理同埋有充足嘅人手今日路過可以試吓叫咗個招牌牛肉河越式法包配烤豬肉一個薄荷青檸梳打先講個牛肉粉個湯夠熱👍牛肉份量普通👌如果加多一兩塊就非常之好😆湯個味道都算係咁未去到正宗越南嗰隻，但係都幾好，絕對交到功課由於其他青菜嘅嘢乜都放晒入去所以如果唔鍾意芽菜嘅朋友落單嘅時候要叫佢哋飛走個法包就真係好普通最主要係啲配料唔夠同埋嗰個烤肉係好少有啲好似煙肉嗰啲咁這個我唔建議食整體我覺得呢間餐廳價錢合理中規中矩

之前朋友推薦來食過，覺得幾好食。今次帶埋家人來試，結果仲驚喜。四個人點了三個餐，每一份嘅份量都超多超滿足。香茅豬扒餐，豬扒好入味而且煮到口感剛剛好，鬆軟易咬，連小朋友都食到，更食5停。蟹膏湯飯，豐富海鮮熬出來的湯底，濃濃蟹膏，讓家人清了盤蟹膏湯檬粉，一樣出色！特飲我們點了百香果（略甜），海鹽可樂（讚），桃味咸柑橘（估5到好夾）。每次我們出去食飯，其實除了食物品質，我更注重服務質素。響尼度，你會真正感受到咩叫賓至如歸最後，有一點小建議，就係牛油果或者百香果果類juice 如果可以走甜就好了

呢間餐廳咁多人推介，特登同朋友過嚟試下，咁岩今日有d雨，去到唔駛等位就直接入座，埋到兩人高檯位置後，女侍應特意拎圓椅比我地擺袋，很貼心。兩個人各自都叫左海防蟹膏湯檬粉及金邊粉試試，配料有番茄、2隻蝦2粒肉丸3片札肉、少少蟹膏，個湯色水幾靚以為會濃味，但食落冇咩特別，唔覺得鮮，亦冇番茄味。反而最好味係嗰兩粒豬肉丸，食得出係手打丸，味道都好香👍🏻 飲品叫左椰汁冰咖啡同越式奶咖啡，椰汁冰咖啡椰香好出，好味👍🏻 越式奶咖啡叫左正常甜，嚟到係少甜既程度，對我地嚟講岩岩好。整體嚟講，海防蟹膏湯作為招牌，我地都抱有期待嚟，但食落普普通通略有失望，有機會下次再試試其他菜式。

家鄉炒粉絲有扎肉、炒蛋、紅蘿蔔、木耳絲，加埋羅勒葉味道豐富，餡料同粉絲嘅份量，幾乎係1:1，食完好開心，不過可以大碟啲就好啦🤣青檸乳酪沙冰清新少甜，飲落有啲似益力多沙冰！大蝦米紙卷係我食過最多餡嘅米紙卷！有成隻大蝦、扎肉、炒蛋、紅蘿蔔、生菜、檬粉、炸蒜，就算唔落醬汁都好食！燒豬肉越式法包個包包勁大個，一個女仔應該會食飽！$52我覺得抵過好多餐廳！

琴日同娘親食生日飯時，大豬家姐講呢間嘢唔錯，所以小豬話要試吓，我就當然係無問題啦（我真係一個好老公😂）。到嘅時候差唔多1:00 ，等咗5分鐘之後就入到去。我就要咗個香茅豬扒撈檬，小豬就要咗海防蟹糕湯檬。我嗰個豬扒超級大塊，好腍同埋入味，個魚露汁唔會過分鹹，搣咗啲薄荷同埋芫荽落去撈埋都幾好食。小豬個湯都唔錯，我哋就鍾意油麻地某間越南餐廳嘅蟹餅蕃茄湯檬，湯係味道比較濃，啱晒我哋兩隻豬豬。食完之後叫咗個越南甜品（要做「越南冰蝦」）。口感好似涼粉一樣，都係椰汁同椰糖嘅朋友。好彩佢冇太甜。作為夏天嘅飯後甜品都唔錯。整體分數：B++

朋友話想食越南嘢 嚟咗土瓜環食呢間地道越南菜入面裝修簡潔乾淨企理店員會一直幫手fill水啲水係detox water有橙有檸檬有薄荷葉嘅～我哋叫咗越式烤豬肉法包上到嚟我哋發現有芫茜但我朋友唔食嘅所以如果唔食嘅朋友記得早啲叫走芫茜啦上到枱法包係暖笠笠嘅會配埋是拉差辣醬比你點入面烤豬肉係烤豬頸肉份量都唔少 食到麵包最後都係啖啖料入面有醃蘿蔔 洋蔥 扎肉 芫茜 同埋烤豬頸肉法包唔會好硬 好脆口但唔怕戒口外脆內軟整體嚟講個配搭好夾會返嚟再encore

招牌生牛肉湯河粉 配 高湯半熟蛋河粉出色，質感口感跟港式河粉不一樣，薄身順滑有米香，湯頭清甜順喉舒服，牛肉腍滑鮮嫰；跟配高湯半熟蛋有驚喜，與高湯攪拌後直接飲，蛋香濃郁，跟高湯完美結合 越式烤豬肉法包1開3，方便食用，法包烘得脆身鬆軟，相對較我之前食過嘅越式法包軟，我地都好喜歡這個軟剛硬度，唔會界口；豬肉爽口，調味夠，香茅味突出，餡料有酸蘿蔔，青瓜，肝醬，略嫌酸蘿蔔唔夠酸 海防肝醬小法包屬硬身法包，內含肝醬，再沾辣椒醬吃，非常過癮，這辣醬味道似泰式辣醬嘅濃縮版，酸味辣味再出d 越式滴咖啡一杯好治癒嘅越南特色飲品，底有甜煉乳，再有滴滴苦咖啡越式家鄉粉卷粉卷似皺紋腸粉，透薄油潤，有6條，包有木耳，肉碎，粉絲，另有魚露肉丸同扎肉配上，係一款清新嘅粉卷