24 道 (已結業)

尋晚又係無飯開既日子，上次嚟過食lunch，啲食物都ok，所以再次光臨。原來dinner仲抵食過lunch，湯+頭盤(4選1)+主菜(飯/意粉/薯菜)+咖啡/茶都係大約50元。尋晚叫左,,,羅宋湯跟蒜蓉多士(湯夠味道，片多士仲熱)芝士焗西蘭花(一般啦~~~)蘆筍配龍利魚卷跟薯菜(上到枱時先知係配燒汁，如果係白汁就好啲，個魚卷味道好清淡，中間卷左條蟹柳，個人認為卷蔬菜會仲好味)食物對於我呢個有點要求既人都叫可接受，但佢地真係要好好諗下d服務囉！首先，毫無邏輯，隔離枱個湯差不多飲完先上多士；我地就上左多士一陣先上湯；跟住，上頭盤時就咁擺低，壓住隻羮都唔理；上主菜時張枱位置所限，唔夠位擺，揸住碟望下我(喂，我無責任幫你移位架！)；埋單時仲衰，我以為個侍應係啞架，唔講幾錢、唔講多謝，你估我好好眼力睇你張單咩！哎，點解唔可以提升下d服務質素，怪不知硬係唔係咁多人幫襯啦！

很久之前食過午餐，好像唔係西餐，記得當時食咗個東蔭公湯麵，都幾好味．睇咗其他食評先知道原來佢轉咗做西餐，Honey之前食過，佢話好抵食，又其推介燒豬肋骨．上個星期六去咗食晚餐，大約7點半都唔駛等位．叫咗一個２人套餐和兩個set dinner．嗰２人套餐有２個湯，兩個小食，一個pizza和兩杯嘢飲．嗰小食叫咗個豬脾仔，有４件都燒得幾香，不過較為咸咗d．嗰pizza都有成６件，都算大個．另外叫咗一個羊脾排和一個燒菠蘿牛排，嗰set都幾抵食，有湯、小食、主菜和飲品，平均$50-$60，最抵係個小食，叫咗燒豬肋骨，都幾大件和幾入味．最初以為嗰羊脾係一隻上，點知原來係切到一片片，雖然多不過唔係幾有羊味，如果唔係自己叫，都唔知道係食緊羊。質素一般般，但服務都好好，以這個價錢當然不能有太高嘅期望。

之前做泰越菜的，味道不錯想再幫襯時，已做西菜。那天是星期日下午，那種價錢不如去美心或大家樂吃好了。其實將軍澳很少泰越菜館，佢轉了之後有D可惜，我很難再幫襯下去了

年28,決定自己一家去食團年飯,唔食中式,去到坑口,見此店,環境OK,晚餐價錢$50至60,叫了兩個排餐(牛及雜(雞及豬))及一個天使面,有燒物,湯,飲品及雪榚甜品,伙記問牛排多少成熟,但來到係全熟,味道都OK, 亦見每款食物有心思擺好,唔係一堆野咁,覺得有誠意。2個大人,2個小朋友都食唔晒,埋單唔駛$180.00

最近o係度食過2次dinner...頭一次同bf去食,佢叫o左個羊扒,而我就叫o左個T骨扒...我覺得bf點ge羊扒好味d~~可能因為比較少食羊扒o卦,我ge T骨扒都唔錯...個set dinner仲有小食,我o地要o左雞翼(3隻)同埋豬肋骨(2件)...另外有餐飲,餐包,餐湯,埋單$123我覺得抵過扒王...另一次係聖誕夜晚,選擇變得少o左...而且價錢差唔多係平日ge 2倍...跟餐ge龍蝦湯好咸,聖誕特飲係士多啤梨汁,幾特別...呢次試o左羊架同豬肋骨...個豬肋骨雖然睇落好大件,但係唔抵食...因為大部份都係骨o黎...其他都ok la...埋單$210,算la!聖誕搵笨餐ar ma...哈~

總體來說，係一間幾抵食餐廳，昨日試咗佢哋嘅 Dinner Sets, 平均$58 蚊(i) 牛扒，(ii) 燒豬肋骨，有前菜(雞亦)，有湯(幾濃吓)，有餐飲，非常抵食。質素方面比一般餐廳好些少，但見到食品有誠意，的確比椰林閣好食，但當然不能有太高嘅期望，始終是幾十蚊貨仔。服務方面就不錯，食品上菜稍慢，但不致於好久。服務態度就不錯，誠懇及落力。最後，找錢方面我好impress，要找十二蚊俾我時沒有刻意打散個十蚊銀，強迫你俾多Ｄ貼士。住將軍澳嘅朋友，應一試。

轉左做西餐之后, 多左好多人幫趁, 我亦成為佢既客仔. 每個星期日我一定黎食早餐,上兩個星期開始仲減到$18,有多士,蛋,火腿,加肉丁/回鍋肉/叉燒/沙爹牛,米/面, 有飲品, 凍飲唔知有冇加$2, 因為我次次都飲熱咖啡,好好飲, 好正.食過一次dinner, 都唔錯,呢個價錢,抵.起碼好食過棷林閣,不過人手唔多夠,已經好快手,但都等好耐,不論等位和上菜.有待改善

24道......還記得一年前是食越南菜......好難食!!今年轉左做西餐,有多種焗飯'意粉'扒類.都好既.食個午餐3X蚊,OK La.晚餐4X蚊,都有餐湯,餐包,飲品.今日食左個早餐22蚊,不過等左好久,真係好生意,見Ｄ侍應都好忙,我唔好意思'吹'佢地,請多Ｄ人啦!