影片
营业时间
今日营业
11:00 - 05:30
星期一至日
11:00 - 05:30
以上资料只供参考，请与餐厅确认详情
今日突然好想食土耳其烤肉卷，知道灣仔酒吧街有一間係食呢啲菜式既就起行去喇。呢間酒吧叫27 kebab house, 喺灣仔地鐵站C出口行出嚟，只係需要1分鐘，好方便。去到二話不說叫咗個土耳其轉轉烤牛肉卷同mango lassi. 朋友就叫咗個土耳其烤羊肉粒配薯條同埋masala coke.土耳其轉轉烤牛肉卷（$80）:呢個土耳其嘅經典菜式。軟熟嘅烤餅包裹住醃得好夠味既牛肉，清爽嘅沙律菜同野味嘅醬汁，大大啖咁咬落去真係好滿足。Mango lassi（$40）: 乳酪加上香甜嘅芒果味，飽肚又健康。土耳其烤羊肉粒配薯條（$115）：羊肉及薯條份量都好多。羊肉粒唔會切得太細，令到肉汁得以保留。羊肉經過香料醃製後冇乜so 味。呢個菜式有配埋沙律菜，中和返薯條及肉類嘅油膩感。Masala coke@（$25）：第一次飲呢個飲品。係可樂加埋啲香料粉。味道好似話梅加咸檸可樂咁。吞完之後會有少少辣味。唔錯，好特別。
继续阅读
呢條街一路都有好多🇹🇷土耳其食品店，這間比較新式，而且另外兩間Istanbul Express或是連鎖Ebeneezer's的那間在尖沙咀都吃過，因此這天試試這一間，亦都看到餐牌它一個午市卡巴套餐還贈送飲料，不算太過昂貴。這個牛肉卡巴，牛肉份量都算多，雖然它只是薄薄片，比較熟的牛肉，有點像薄切肥牛那款，不過咬落去你就知道質地有點不同，本身內裏都有點醬汁，但是通常都會漏到兩邊，然之後店員亦都會將三瓶調味料放到你的桌上，好讓你可以再自由添加，體積不算太大，不過外皮不算太薄，大約都可以食到七成飽，如果正常食量，很難吃到十成飽。不過這天剛好公司預了下午茶，這個卡巴便剛剛好，否則可能食飯轉轉肉配薯條，然之後係咁落三色汁，😏應該會更加飽滿。另外套餐贈送可樂雪碧或是其他汽水及支裝水，也不用特別加錢，🥤都算是比較實惠。店子裏邊還有播放英超⚽️，大家唔夠時間睇的話都可以過嚟呢邊睇精華，另外亦都會大聲播放外國強勁節拍的音樂🎼氣氛不錯，不過想清幽談話的話，未必適合。
继续阅读
灣仔駱克道出咗名多酒吧，有時想放工同朋友chill下，都幾適合試下呢度嘅餐廳！今次去27 Kebab House，裡面係典型嘅酒吧餐廳格局，微暗嘅光好適合同朋友一齊傾計談心～同朋友share咗一份butter chicken同埋naan🥳 啲雞幾嫩滑又大份，而且啲汁甜甜地好吸引，啲naan沾住啲醬汁咁食落口好滿足！😌我地都叫咗一份印度烤雞翼🤩 總共有6隻，我同朋友每人都可以分到3隻😋 呢度啲雞肉咬落口真係唔會覺得鞋，口感順滑舒服😜埋單每人大概$100左右，食得飽又可以chill住咁吹水，幾正！🥳
继续阅读
收工去咗灣仔食晚餐，呢間餐廳其實以前喺中環返工都成日食，不過通常都係外賣，因為中環店座位唔多。朋友告知灣仔店座位多好多，環境舒服好坐，所以就揀佢做我星期五晚餐嘅落腳點😙。.餐廳有透明玻璃嘅廚房，可以一路望住廚師整食物一路用餐，都係一種享受。.🐥Butter Chicken 印度烤雞番茄奶油咖喱：睇完餐牌之後，第一碟叫嘅就係呢一款咖喱，無骨嘅雞肉口感嫩滑，蕃茄奶油咖喱汁味道酸甜開胃，係出面冇食過嘅味道，幾特別，佢哋嘅咖喱仲有配搭埋飯，唔使額外叫，$108來說，價錢合理。.Lamb Doner Roll 土耳其轉轉烤羊肉卷：土耳其烤肉卷一直都係佢哋熱賣嘅款式，pita bread皮非常薄，裡面包住大量嘅生菜、🧅紫洋蔥、蕃茄等等，咬落好清新，加上少許辣醬，整體更顯惹味。基本上質素都好穩定，同其他分店一樣咁好食。.Hummus鷹嘴豆泥：一向都係鷹嘴豆泥嘅fans，呢度嘅鷹嘴豆泥口感滑而綿密，重點係40蚊only卻媲美好多高級貴價餐廳，性價比高。～～～27 KEBAB HOUSE 灣仔駱克道94-100號京都大廈地下D號舖
继续阅读
同一條街有幾間土耳其餐廳，對比黎講，午市套餐呢間比較平，一個主食配飲品(汽水或水) ，糧尾之選。但若果你想改其他飲品，我覺得價錢就相對其他貴。雖然呢度係土耳其餐廳，但今次點左印度餐。😂印度雞咖喱配白飯 $68份量一個人剛好，咖喱香料味濃，而且幾多香草，一邊食一邊覺得有好fresh嘅感覺。餐飲我揀左飲水，係土耳其支裝水黎，有去左旅行嘅感覺。😂呢度雖然店小，但付費方式就好多種類，我就用左Alipay，剛好可以用埋消費券，抵！📍27 KEBAB HOUSE灣仔駱克道94-100號京都大廈地下D號舖
继续阅读