616牛肉火鍋專門店 (西菁街)

营业中

休息中

之前喺荃灣同太子分店都食過616今次喺元朗食都一樣咁高質💛證明質素穩定得嚟又高質！👅通常出去打邊爐，來來去去都係食下肥牛呀，豬雞羊海鮮嗰啲啦如果鍾意食牛肉嘅話，616真係天堂嚟因為佢有勁多個唔同部位嘅牛肉仼君選擇！🥺超過成20個部位！有啲都幾冷門，出面應該較少機會食🤤仲要每一碟嘅份量都唔少，啱晒幾個人一齊happy share🤤每一碟牛淥嘅時間都有指引，跟住嚟淥真係唔會驚太老！其實去碟碟牛都有張單比你知食緊咩部位，但影相時唔記得影埋，所以依家都唔知邊個打邊個😢但真係碟碟都咁出色！😹除咗牛肉都仲有其他食物選擇，都幾好食另外值得一提嘅係，服務質素都幾好，上菜上得好快，收碟都係，員工又會同你傾吓計😂有次想再order某部位，但唔記得叫咩名，show張相比嗰員工，佢又真係噏得出嚟😹咁多種類都辨認到每一種都幾犀利！😂仲有佢招牌嘅手工啤除翻開大概每人$300幾，但服務同食物質素都好高咋，都幾值回票價🤪💛

服務差到爆炸 以後都唔會再去食1) 最基本嘅䜴油配料冇人refill. 蒜頭芫荽都冇哂。叫員工refill 佢同我講咪仲有蔥囉。哇。我真係多謝你仲有葱俾我喎。食平價任食都多料過佢2）限時食100分鐘。食到第七十分鐘，佢同我走黎講話：你地嘅用餐時間已經夠。唔該埋左張單。全枱呆作，問佢下？夠鐘？跟住又突然叫另一個人黎答我地嘅問題。個個就話唔好意思，我地人手唔夠，所以要埋單先，驚到時唔得閒埋。淨係宜家打番岀黎都覺得荒謬。成左千幾蚊嘢，食左一個鐘多啲就俾人用咁嘅理由趕岀黎。先唔講佢一開波話我用餐時間完，之後佢都完全冇問我淨低個啲時間仲叫唔叫嘢，衰過食牛一。3) 埋完單走人，一句多謝都冇都算，仲要加句唔該岀去個時幫手關番對門。即其實岀去關門係義務，但你憑乜去order 個客去幫你做你有責任去做嘅嘢？成個用餐經驗極差。就算黃店都係咁話。再講，成間店我見唔到任何文宣。

香港食牛肉打邊爐一定食616，有好多款揀，牛肉的類別好多，我次次黎都係為左食牛，鴨血係最愛，又快上菜，完全唔洗追，員工的態度又好，比錢食得開心，心情唔靚都變靚！而且食客的教育水平高，係自助bar次次遇到的食客大家都好禮讓，令我食得舒服好減壓，唔需要同人逼，亦都次次夠時間食，可能係快上菜的關係，其他限時打邊爐次次未食完就話夠鐘，趕頭趕命，想好好食一餐快都唔得，呢度就可以，放心慢慢食，就算夠鐘如果無人排隊都會比我哋食埋餘下的食物，唔洗浪費，我已經食過好多次，質素都穩定

疫症期間 以為街頭人都無隻 但元朗卻係人强馬壯 尋日奶綠男收工天色已暗 屯門過元朗最快 就黎到呢間幾出名既616牛肉火鍋專門店 一入到店員即刻帶我地埋位仲提供信封同酒精搓手液俾我地消毒 服務一流💛開頭我仲以為呢輪應該無咩人打邊爐 因為前一輪新聞一出好多火煱店都推行支持外賣打折 好似好多人都唔出街食飯更加唔敢邊爐咁 但我地坐低睇直播無耐 出自助醬料區起身先覺原來已經全場滿座🤯其實人人都做足個人衛生既話 真係無咁驚 所以依輪識食一定係揀一啲相對會有衛生意識既餐廳黎食飯🤨落單方面依度係會俾部平板電腦你落單 有好清楚簡單既介面 呢間店真係好適合鐘意食牛既人黎 叫得牛肉火鍋專門店 所以佢既菜單主要款式都係以牛為主 其他火鍋配料上會比較小選擇 海鮮蔬菜好似得幾款揀〰️點餐過程都好方便 仲有個20分鐘既漏斗計時 好似話如果超過20分鐘仲未到齊嘢食就唔收錢 好有效率 就黎餓扁起鋪頭附近既話黎食牛岩曬😌唔多記得佢地湯底料 但印象中都有好似六七款揀 店員有推介個幾吸引既花雕花甲湯底 可以食完再滾牛 但奶綠男鐘意食酸菜 所以最後我地要左酸菜湯底 唔驚艷但夠味幾開胃😛碟碟牛肉48-68不等 每款小

宜家呢啲時勢見佢做緊優惠就試吓外賣返屋企打邊爐，睇價錢都預咗會比較少份量，但係真心估唔到會少到咁可憐個湯底得一兜食麵嘅外賣碗，我打開之後開始懷疑人生，究竟呢個係火鍋湯底，定係普通清湯牛腩？不過我想講，去第二度買碗淨清湯腩都多過呢兜野倒咗落個煲之後唔好諗住真係可以打邊爐，如果店主真係主打一人一爐唔該你就寫清楚個量，等人哋order嗰陣可以叫多幾兜啦肉類少到我都唔識形容，是但影一盒就算喇我都灰到世界盡頭，自己睇相...有冇人可以話我知呢盒係乜嘢，好後悔無叫多幾份，今晚打邊爐唯有自己加公仔麵，真係陰功

叫左鴛鴦湯底 辣嗰邊個味道好特別唔似川味又唔似台味又唔似港味 都幾好味用ipad點餐 嗌幾轉可以睇返自己嗌左咩牛肉各個部位各有特色 喜歡滑牛既可以一試窩蛋牛肉 真係好滑橫隔肌肥膏均勻好有牛味 吊龍就有口感啲我就喜歡鞋口啲哈哈 肩胛同匙丙就超正啦黃喉爽爽的 香港唔係好多地方有 溫馨提示唔好煮太耐 會咬唔開哈哈牛胸油係好有趣既口感 先係少少爽 趙趙下就滑滑的 再湧出好香濃既牛油 所以鐘意食肥膏既人會好鐘意呢個都係好少會有 可以一試最好味我覺得係風琴豆卜 用辣湯煮到爛曬超入味超級正

有好多不同款式牛肉，四個人食都試唔曬，雖然每碟分量少但價錢不高冇加一，可以試多幾款各有特色，味道不錯，湯底揀了牛骨清湯，味道清甜，枱面有紙提供灼牛肉時間，很貼心

聽朋友講這火鍋店好食，結果一行十人到來，我地乜牛都叫左黎試，但唔覺得有特別，牛無牛味，而且細碟量小，麻辣魚皮完全唔爽脆，一入口林嘅，炸魚皮得面果幾舊係大舊，底果啲全部碎濕濕。坐位係卡位，中間D枱就會同另一枱背對背，每張枱都好細，由於我地人多要拍埋幾張二人枱先夠坐，個個坐到腳頂腳，坐得超唔舒服超迫。由於店舖太細人又多，故店內嘈到好似街巿敢，自助醤料吉左無人REFILL，諗住揾店員加，望晒成個樓面都揾唔倒店員，另外我地食到成枱碟無人收，因伙計太小，門口放左D舊式遊戲機比人玩都無用，舖頭嘈加迫都無人留係度玩啦，結論係這店唔適合一大班人或有較細嘅小朋友黎食，因太迫連手袋都要放地下，所以唔會再有下次。

元朗最近進駐了一間專門吃牛肉火鍋小店， 牛的部位分的十分細緻，大部分名字都未有所聞，絕對能令你好好上一課。加了雞蛋的滑尾龍，嫩滑非常匙柄，油花分明，爽口嫩滑胸口膀，爽爽脆脆，油分非常，值得一試加了大量白蘿蔔，令清湯變得更加甜美。店舖呈上的都是一小碟一小碟，能讓你多試不同款式之餘，也適合人數少的組合來品嚐。為確保服務質素，當你下單後店員會放個小沙漏，如沙子全部倒下而食物還未準備好，店主會多送你食物，良心小店心選

當日同先生兩位預約左2115，去到既時候侍應溫馨提示我地2130後入座有88折🤩問我地會唔會等多15分鐘後先入座，咁我哋當然唔反對啦😆等候既時候發覺門口設有小遊戲俾等候既客人消磨一下時間，我地玩左一鋪懷舊過3關之後就入座，坐底後侍應細心講解餐牌，介紹我地必試既食物！餐廳係用ipad落單，價錢唔算太貴，我地點左沙嗲湯底，湯底略嫌太濃，濃到有點杰，但沙嗲味係重既，叫左4款牛肉，一個牛滑，一碟魚皮，一份生菜，之後再加左一份烏冬，兩枝汽水白色個碟叫胸口膀，食落爽口，個人推介👍其餘3款紅肉都比較一般，無特別驚喜埋單折埋$422，以牛肉火鍋黍講，抵食👍

火鍋同埋牛肉都係我最愛了，所以就係網上睇到咗呢間專門食牛肉的店，店鋪裝修風格就係老香港懷舊風格了，很有感覺。好多牛的部位可以選擇，每一個部位熟的時間都唔一樣，加上自己調的醬料，真係太好吃了。

今日男朋友生日，所以就前幾日喺呢度book咗位！帶男朋友嚟食呢個嘅牛肉火鍋！因為呢一間嘅牛肉火鍋實在太搞笑啦啲部位，所以呢我哋一開始就唔知叫咩好嘅。由於係睇YouTube見到有人介紹先嚟呢間食，所以就跟返嗰個人介紹啲乜去食啲乜嘢啦！湯底我哋就叫咗個鴛鴦嘅一邊就係牛雜湯底一邊就係沙嗲湯底。而牛雜湯底就清清地食到牛肉嘅鮮味，而沙嗲湯底就不得了喇！極度濃郁嘅沙嗲味，喺出面唔會食得到！食落就勁似用緊醬直接打邊爐！如果你哋叫呢個沙嗲湯底嘅話。記得叫個烏冬嚟食！勁襯勁好食勁入味！沙嗲湯底極度推薦！肉方面我哋好似叫咗封門柳、安格斯、吊龍伴、橫隔膜、牛肉餃同唔記得仲有咩啦⋯⋯但係全部肉都好好食嘅，而印象最深刻嘅就係安格斯，因為係我最鍾意！牛味極濃！入口溶溶地！另外牛肉餃都好好食，內餡勁Juice多汁重牛味！肉質同口感都非常之舒服，同埋獨特！呢個極度推薦啊！

經常經過，都沒有進去，因為門口太小，實在不太吸引。於是上網看了很多好評後，決定去試試。老闆很熱情，詳細地介紹每款牛肉的質感。最後我們挑了5款試試，全都沒有失望。橫膈肌最好食，我地前後叫左2碟。還有他們的酸菜湯底，小辣，很特別，最適合我這種喜歡有一點辣又不太能吃辣的。說實話，香港很少能在火鍋店吃到這麼多款牛肉的，這家⋯⋯很推薦

平時聽人講得多返大陸食八合里牛肉火鍋。其實香港都有好多高質牛肉火鍋可以選擇 ，呢間已經食過四五次啦。佢主打有好多牛嘅部位選擇 例如係 牛朴肉 牛駝峰 吊龍伴等等。我地嗌左牛骨清湯加沙嗲湯底，佢個沙嗲湯底真係好出色 。本身冇乜期望以為佢係普通大排檔淡味個啲沙嗲湯底🤢但超級有驚喜 🤪湯底好濃郁之餘仲有幾香嘅花生味 👍🏻👍🏻牛肉選擇左三款美國天然 肩胛翼板$68 牛胸肉$68 同牛駝峰$48 推薦 ！牛駝峰 一入口已經好濃郁牛味 牛胸肉既就油脂分佈比較多 一食已經滿口牛油而其他配料方面我就揀咗 麻辣牛肉餃$48 響鈴 $27 手打蝦滑$48鍾意食辣嘅你可以試吓麻辣牛肉餃 係牛肉混合左辣椒去餣 好入味 手打蝦滑就有少少失色 冇乜蝦味 有少少雪藏味道另外飲品叫咗洛神花茶 $12 好健康而且味道清新好飲佢9:30後會有八八折 都幾抵食

牛肉，絶對是食火鍋愛好者，最愛的食物之一。我和我女朋友，當然都是牛肉愛好者。616牛肉火鍋專門店，故名思義以牛為主題，有數間分店，今晚我就選了元朗店。預先在網上預訂，準時到達，當晚的食客不多，被安排坐在一張四人桌，很舒適。店環境簡潔，同時不停播放香港的經典金曲，周圍亦放置了一些舊式玩具，別有一番風味。利用平板電腦下單，材料當然以牛為主，包括不同刁鑽部位，牛內臟，牛舌，以及澳洲產的和牛。牛肉每一個部位，都有不同的名稱，餐桌面有一幅圖，簡單介紹，不用擔心食錯部位。醬料亦相當齊全，亦有牛肉專用的醬油，用牛蘸來食，真的不錯。下完單，被店員吿知，只要透過網絡回答問卷，即送邊炙牛，味道相當不錯，牛味很香。湯底先上，是鴛鴦酸菜牛骨鍋，一邊是牛骨湯，另一邊是酸菜湯。材料亦很快上齊，有四種牛，其中一種是冰麻牛，可即食，麻香十足，但不死辣。另三種牛，分別是澳洲產的和牛-內裙肉、本地黃牛的吊龍拌及挽手腩。吊龍拌根比較多，其餘兩者則比較嫩，三者牛肉味都勁重。牛肉餃，有辣有唔辣，不過不失。飲品則品嚐了自家製造的手工啤，充滿花香，入口帶蜜香，值得推介。綜合而言，價錢不平，但真的有很多不同刁鑽部位的牛肉，牛肉愛好者