8號冰室

营业中

休息中

上星期約咗人喺灣仔 ， 大家想食個下午茶餐先，一出灣仔地鐵站 C 出口， 對面就係 8號冰室 ， 就即管試下。 我哋兩個人， 嗌咗 雞髀配蒜蓉多士， 8號豬扒包。 個雞髀叫瑞士汁， 其實就似鹵水多啲。 唔理佢乜汁， 總之好入味， 係似鹵水鴨腎雞髀雞翼嗰種入味嘅程度， 好耐未食過 呢個味。 個8號豬扒包， 麵包外面香脆裡面鬆軟， 豬扒好香口但唔乾， 個蕃茄醬似乎係自家製有啲料到， 唔錯唔錯。 好彩同個friend夾食， 先有機會試齊兩個茶餐嘅美味。見到隔離枱個阿叔 嘆緊碗例湯， 唔知乜嘢湯， 望落去好足料， 好有興趣試下 。下次試吓午飯或晚飯嚟， 試吓佢哋嘅例湯同小菜。 我個人好鍾意飲例湯， 碗湯咩樣就代表間餐廳有冇誠意 呢間係8號冰室唔錯， 我會再幫襯 ，加油。

灣仔多美食是人所共知的事，最近友人介紹開了間新的冰室，於是襯着與朋友飯局，前去一試。餐廳的位置很近地鐵站，十分方便易找。餐廳原來仍在試業的階段，不過當日所見，食客甚多。 餐廳地方不算大，但枱之間也不會擠迫，裝修簡潔。看看餐牌，食物選擇也多。一般茶餐廳供應的食物都大致齊備，另外也有特色甜品可選。平時在粉麵的店子才見到的辣菜寶，這裡也有免費供應。入口爽脆，很易令人吃上癮。例湯又叫例水， 不少餐廳食店的例湯，都真是稀如水。 但這裡的雖然都是蓮藕綠豆湯，但卻是料多，煲出來也較杰身，味道自然也會好喝。川椒肥牛炒花菜肥牛頗嫩滑，但辣味不足; 椰菜花也炒得較腍。美極雜菇炒牛肉味道濃郁， 夠入味，伴飯一流，牛肉也嫩滑，但略為不夠鑊氣。豬膶炒河炒河的份量頗大碟，色澤不太深，賣相不俗。這個是用上了豬膶而不是常見的牛肉，更見特別。炒河是比較像濕炒的， 吃起來不會很乾身，更合個人口味。豬膶厚薄適中，口感軟滑，雖然不是黃沙膶，但味道不俗，意外驚喜。星州炒米色澤偏淡黃，米粉炒得乾身，但咖喱粉味偏輕， 如果咖喱粉下重手一點會更好吃。 食材如火腿絲，紅椒， 洋蔥等也份量充足。餐飲點了紅豆冰，紅豆雖然不算大粒，但也很飽

8號冰室！一試難忘，可以講從未如此難食過的午餐，話說我地一行3人12:30見無咩人又新開就想一試，點知我同同事都叫左個常餐就真係想哭，個麫又硬，沙嗲牛肉裏面既牛肉係咬唔到，碟煎蛋又極細，又無多士，食完自己覺得只食咗凈公仔麵。另一位同事就叫左碟雞飯，精彩，第一眼見到已經覺得搞鬼，雞肉似白烚再伴豉油撈飯，如果自己整都唔會咁俾客食，下次好肯定唔駛再食。灣仔之中最差其中一間。

朋友介紹話新店試業中，好食。星期六午餐應該少人流，坐得舒適d,試下啦!服務友善，餐牌睇落好 豐富，但唔多清晰🤔🤔🤔時間接近兩點，但餐牌又冇寫下午茶幾點開始。另一餐牌就有個整個月的每日午餐，同時服務員又有張手寫單介紹今日午餐係乜。好亂，唔知點叫好。終於見到有幾樣想試的：口水手撕雞腸粉，胡椒味菜肉片湯飯。。。侍應生話：無呀，今日得第一頁果d咋。（有點失望）求其叫左咖哩滑蛋菜飯同豬扒包。咖哩可接受，個人應為要重些香料味。雜菜新鮮亦量多。豬扒包就麻麻了。豬扒好腍但冇味亦煎得唔香口。麵包用熱狗包烤得唔香口脆，變得有點韌，醬汁只係一般沙律醬加片蕃茄生菜。(見到隔離枱叫煎肉餅又好似好吸睛喎😍)今次試食係失望的，不竟係新試業，希望老闆改善下。我會再光顧試下煎肉餅，腸粉同豬潤麵。

有時出街食得多唔知食勿好 今次就食呢間冰室啦 黎個時佢仲係試業緊 我地實在太肚餓 叫左勁多野食 香草白汁豬扒好正好入味而且唔靱 黑醋炆豬軟骨就整得剛剛好 日式雞扒飯呢個完全係超水準雞扒夠淋又大塊又juicy ！！！ 野飲就叫左凍啡凍奶茶呢到嘅奶茶都好正...

  今天食Lunch時，經過公司附近駱克道見到一間新張 的8號冰室茶餐廳，餐廳入邊都幾大，而且旁邊仲有啲卡位！坐得都幾舒服所以決定一試，Order 了一客瑞士汁雞脾腸仔飯，隻雞脾好好味、好足料，唔 錯選擇，值得推介。                                                

今日放左工同朋友去灣仔行街, 經過駱克道見到有間新開的茶餐廳, 一於同朋友入去試下. 我地叫在兩個餐一齊食(美極雜茹炒牛肉同香草蒸滑雞胸) 好似好健康咁....雞胸真係幾滑喎,牛肉又唔韌,值得一試. 真係幾好食.

經常在灣仔番工食晏都有難題,”午餐食乜好?”今日經過駱克道見到新開張既8號冰室就決心一試. 午飯時間好彩等左10分鐘就有位啦!可能新開張唔係咁多人知. 坐低叫左個”瑞士汁雞脾腸仔飯”隻雞脾好足料, 好入味. 今個星期午餐有著落啦!

今天跟幾個同事叫了一間新開的冰室。打電話落單時，嗰伙計好有禮貌，我們改了幾次都無發脾氣。飯盒款式都算多，已最緊要，最緊要是送餐準時和食物來到時還是熱的。食物的質數也相當不錯，最小不會食完下午要勁飲水 (因為好多茶餐廳的食品都好salty)。值得推薦，可以一試