8 RECIPES (已結業)

裝修係靚 但係野食真係唔ok擺碟係靚 但食材唔得 我叫個set加甜品要$300幾 係會好少少期望 如果$150呢個質素 我唔會有期望但$300幾唔算平首先上個沙律又唔記得出湯牛扒質素唔ok 無牛味羊架好蘇 要用個薄荷醬先可以cover個蘇味最後叫左個side 薯條 我食完個main course先上 最神奇係同甜品一齊上最後我食完野再食個心太軟 重點 我食野好快 但已經凍晒 所以已經評論唔到個質素 因為已經凍左所以 係有好既外殼 但經營缺少心思

平時吃all day breakfast 一定唔夠飽啦！好似我咁大胃口，點都叫翻多款嘅菜餚-菠菜胡麻醬沙律+紅肉火龍果蟹肉意粉烤肉拉絲芝士薯條-加拿大安格斯雪花牛扒配薯菜+蕃茄濃雞湯 (跟套餐) 水果茶主要中意佢哋餐具，好特別，想收藏添。其實他們的菜品正常發揮，無話特別好食，就覺得有創意和好有心機去擺設菜品。服務方面就不多講，就改善改善下。

嚟到附近行街見到一間歐式風格嘅cafe ，見到佢有個門口好靚仔嘅走入去試吓嗰啲嘢食。一入到去睇到啲設計係歐式田園風叫咗個all day breakfast ，份量十足又適合打卡！呢個我哋all day breakfast cp值好之餘，打卡100%，還有叫咗個芝麻雞翼，炸到卜卜脆，好惹味。

12月10日晚，一行6人諗住試吓呢間西餐。7：30去到，立即就座，滿心歡喜叫套餐，點知鱈魚、三文魚、豬鞍都已經售完！迫於無奈我唯有叫醬燒豬肋骨，家人要了3客牛扒、1客燒春雞、1客紅火龍果意粉（這客餐不包沙律和餐湯）。食物質素真係嚇一跳黑松露菌忌廉湯：很淡黑松露味、好稀的湯，其中1碗只得2粒菇牛扒：要了2份7成、1份6成熟。7成熟的2份只是暖暖的，但肉卻是全熟的；6成熟的1份反而比較熱，但碟上伴菜又少了秋葵；（職員將牛扒上枱，見我哋切得好辛苦，先攞牛扒刀义比我哋）豬肋骨：以木板上枱；肋骨的肉是白白的，一D醬燒嘅感覺都無；肉只是暖暖的、乾乾的；薯條是白白軟軟的，都唔知有無炸到半分鐘；全碟最好食竟然係伴碟嘅火龍果燒春雞：一樣以木板上枱；肉又是暖暖的、很乾很乾的；薯條同樣是白白軟軟的；全碟最好食竟然係伴碟嘅燒菠蘿飲品：時間未到晚上9點，仍有新客人進入，店員竟然話因為夜了，熱奶茶會變差了！因為家人不能喝酸或咖啡等飲品，問店員可有其他選擇，店員竟然唔識答！ 依依哦哦一下，話專登整熱奶茶比我哋！又等咗一輪，奶茶卒之出現，但奶茶又澀又有茶渣這個晚餐我哋花咗15分鐘點菜（因為呢樣又無、個樣又無），上了湯

今日去食lunch , 聽到一位waitress同另一位帶鄉音waitress講“你發燒，唔得㗎“。鄉音waitress話“你驚，咁我去做快測“。  之後，我同個waitress講“你同事發燒，我懷孕，麻煩佢唔好serve我“。發燒waitress又行埋嚟，我再講“你發燒，我懷孕，你最好唔好serve我“。最後，我碟飯係由個位發燒waitress拎俾我，佢同我講："我無發燒㗎啦，我做咗快測都無事“    然後我話："你係食咗退燒藥先無發燒? 咁我頭先話你發燒2次，你地全部人都唔出聲？“   發燒員工話："我只係有d感冒，頭先又行得快先有燒“我話："咁我同咗你地講，我懷孕就唔想病緊嘅員工serve我，點解仲要由你拎碟飯俾我？“佢無出聲。完。希望佢地認真d對待社會責任同職業道德呢2樣野.    有病, 無論係唔係新冠都唔應該serve客下次發燒有病, 唔係唔俾個客知就ok, 係自己良心問題

喺東大街開咗一段時間但係都係第一次食，喺筲箕灣來講價位偏中上，下午茶餐60蚊。主要有沙律，意粉，同西多揀。下午茶餐唔使加錢可以飲咖啡，叫咗一杯Cappuccino，一杯焦糖咖啡，依度啲咖啡冇拉花的，上面係奶泡，咖啡味唔算香，冇話偏fruity/nutty，一般餐廳咖啡水準。叫咗一份肉醬意粉，港式煮法，意粉偏腍，醬汁冇收乾，無好香番茄味，下午茶來講份量算多。西多餐因為冇晒雞翼，所以轉咗條腸仔，西多新鮮炸，入邊好多花生醬，係煉奶唔係糖漿，仲有個沙律，不過唔係話特別好食。總括而言，裝修幾靚，座位寬闊，有打卡位，食物質素為港式西餐，唔算特別好食，價位偏高。

小店menu set dinner 唔太多選擇，扒類套餐3款、意粉套餐3款，另外都係焗飯、焗麵之類，仲有少量小吃、和少少甜品。店長推介紅肉火龍果蟹肉意粉，我哋就試吓啦😄意粉味道偏淡，亦食唔出有火龍果味，不過都正常嘅，因為火龍果味係淡😆不過撈埋意粉食，味道就啱啱好喇。如果想食得清淡啲健康啲，呢個選擇都唔錯芝麻雞翼：炸得脆卜卜，好好食豬鞍扒餐：絕對食完會滿足的扒餐，厚切豬扒嫩滑，份量足，配上的芥末醬汁味道更加特出。

𝟙𝟡.𝟘𝟟.𝟚𝟘𝟚𝟚📌 8 RECIPES (筲箕灣)筲箕灣筲箕灣東大街59-99號東威大廈地下11號舖🔎#hkfoodieat_筲箕灣 💸人均消費: $60-160🌿評分: 3.5/5🈚️加一服務費去石澳之前想食下西餐🍽 呢間餐廳其實bookmark咗好耐😋裝修好靚好有feel✨擺盤都好吸引👍🏻係難得東大街嘅打卡able餐廳👻今日就嚟試下好唔好食🌿估唔到今日係平日都差唔多滿座😮✰ 卡邦尼溫泉蛋意粉 ($158)呢個係set嚟~ 已包一個starter同drink☕️意粉擺盤都幾精緻✨配料有煙肉同雞肉🐔仲有啲洋蔥條🧅面且配料份量都好多😻意粉亦都幾creamy同埋食得岀有少少黑椒味👍🏻因為今日蠢咗唔記得咗落份芝士焗肉醬意粉🍝所以變咗兩個人share一份🥴但都幾夠飽👻喺沙灘玩到喪咗都唔覺好肚餓😈不過如果個醬可以再重芝士嘅鹹味會更好✨✰ 凱撒沙律 有驚喜💛冇諗過會有kale同埋小紅蘿蔔👻而且kale冇草青味🌿份量都好足💕同埋凱撒沙律汁都俾夠😻唔會食食下冇哂汁😗

星期六約左個就黎移民加拿大既朋友食餞別lunch。餐牌有好多唔同組合既選擇。凱撒沙律沙律份量頗多，有羽衣甘藍好高級。紅肉火龍果蟹肉意粉賣相好吸引，擺盤好靚，用左唔同既花裝飾，桃紅色既意粉好少女。意粉質感好滑身，蟹肉夠鮮甜，幾出色。芝士焗忌廉鮮蝦吉列魚柳意粉吉列魚柳唔會腍晒，意粉好creamy，加埋焗左既芝士，好邪惡。朱古力窩夫加左$18要朱古力窩夫，窩夫口感軟糯，甜味好出，加上朱古力醬，作為甜品唔錯。餐飲叫左凍咖啡、凍奶茶，可以自己揀冰量同甜度。

我已經有好一段時間無走到筲箕灣嘞！早前，得知筲箕灣東大街有間打卡藍色新餐廳 <8 RECIPES>！門外的裝潢佈置花心思！以藍色為主調，加入木元素，植物增添朝氣！ 另一邊放置兩張舊戲院椅！未走入去已有打卡位，令人期待室內裝潢佈置呢！ 室內最特色莫過於圓形座位！起初，女店員安排我們到最近門口的第一張枱，看 Menu 期間，有 3位食客走入來，然後，女店員安排我們轉另一張近 Counter 的 2 人枱。以 QR code 落單，恰巧！有兩款 off menu 的當日特色飯，要找店員幫手落單，索性直接找店員落單點我們的食物！Menu臨走收銀位要求埋單，發現一件古董，女店員告知是一部製麵機！設加一服務費 (星期六日)全日早餐 $108包括：黑松露炒蛋、豬肉腸、火腿片、煙三文魚、沙律菜、粟米、炒菇，還有窩夫或刈包！食材豐富！滑蛋有蛋漿，嫩滑香濃！黑松露份量已經交足貨！粟米雖然細粒，勝在清甜！窩夫幾甜！沙律菜淋上少許黑醋！蕃茄湯以杯盛載，方便飲用；加入蕃茄，酸香醒胃，口味不錯！ 令人開胃，卻是有點油！熱朱古力咖啡 +$20我見到網上相片賣相吸引！6成甜4成甘，甜中帶甘；香滑順喉！

鄰近筲箕灣站有很多食肆，其中這間新開的CAFÉ以花朵作為主題，充滿打卡味道。店內裝修以大自然為主題，連桌子也是花形的木枱，非常特別，也有貓貓咖啡豆出售。午餐套餐的選擇非常之多，價錢豐儉由人，介乎$48至$188也有。1 Starter 1 Pasta 1 Drink Set - $158凱撒沙律有大碗色彩繽紛的沙律，有營養豐富的羽衣甘藍和多汁的車厘茄，加上惹味的凱撒沙律汁，好開胃。煙三文魚、秘製醬汁 +$30另上的一碗小沙律，有數片煙三文魚，魚肉帶一層薄薄的煙香，味道份外濃烈。紅肉火龍果蟹肉意粉擺碟非常之精美，紅色的色澤取自天然的紅肉火龍果，味道細膩多汁帶少少甜，意粉份量頗多，加上滿佈的蟹肉絲鮮甜甘香。3 Course All Day Set - $158鹿兒島厚切黑豬柳薯菜著名的鹿兒島黑豬出名脂肪清爽不黏膩，厚切特別有口感，切開流出濃濃的肉汁，好甘甜鮮美；薯菜是健康的焗薯、秋葵和沙律。廚師餐湯是日為鮮蕃茄湯，充滿天然的酸甜味，更有一整片蕃茄。凍咖啡 & 凍奶茶套餐跟餐的基本飲品。

今日黎到東大街搵食竟然俾我地發現一間隱世鮮花嘅Café超驚喜！餐牌睇落好簡單正路普通焗飯焗意粉價錢都好合理所以我地揀左一個3 course all day set加一個肉醬意粉男朋友個肉醬意粉佢超滿意！芝士超拉絲肉醬香濃連意粉都煮得好好唔會過淋仲要用嘅餐具都非常好用😂男朋友一再向我解釋話支叉非常好轉食意粉一流！我嘅生煎鮮三文魚柳配藜麥紫薯同樣驚喜顏色非常靚配三文魚嘅沙律醬加入紅火龍汁打成粉紅色勁eye catching又好味！仲用上可食用花做裝飾平凡嘅三文魚柳瞬間變得非常特別藜麥紫薯又係另一驚喜唔係簡單堆砌一堆藜麥而係一個飯Burger咁紫薯蓉加藜麥做成饀紫薯蓉好甜好好味！日果茶仲以為打漏左個“是”字原來真係叫日果茶飲落去有少少酸果味浸耐啲就甜甜地幾特別加$18要左個朱古力窩夫我仲見到人地個紅肉火龍果蟹肉意粉都超級靚下次一定要試呀！

筲箕灣尋食遊，在人流不絕的東大街上見到一間 eyes catching 的 cafe @8recipes 打咭位由門外延伸到室內。看過餐牌原來不只是 Cafe 所提供的輕食，還有西式套餐、焗飯意粉、全日早餐、咖啡、奶茶等，價錢亦相當大衆化，還播著輕音樂，感覺不錯。滑蛋藜麥牛油果沙律窩夫$78擺盤有心思，睇吓個牛油果玖瑰花真心靚，而且系一大朵玫瑰，牛油果入口軟綿綿，炒蛋濃郁滑嫩，藜麥加埋沙律醬又幾夾吓，口感仲滑左吾少，翻焗後的窩夫硬左少少，整體飽肚又好味。檸檬水果茶$28喜歡這套餐具，凡其那個木系手柄茶壼，很有質感，檸檬配桃味茶包，茶味和酸度也是淡淡的，冇加糖飲落去好舒服。甜品是擺盤極美的「檸檬撻」以食用花點綴，秋意濃，賣相已經加分。檸檬吉士部份入口不太酸，牛油撻皮略硬有點可惜 。

朋友約左Lunch傾下計，佢家住港島東所以由他安排地點，剛開先知東大街有間新開西餐廳，佢話好啱我喎。就係咁先到先等，門口真係好靚仲有兩枱可以坐，不過落雨又熱最後入室內舒服些。整間店都好有特色，裝修有心思主打木製枱櫈。 假期休閒之選。因為我早到左揾位後，店員安排坐位後提供QR比我們自己落order, 真方便，讚店內都算多人，好快坐滿，我好想試佢地嘅All Day Breakfast $108 + 凍朱古力賣相好靚 味道唔算好濃郁 但甜度適中。有杯蕃茄清湯，湯底好清澈兼有新鮮蕃茄，好味嘅，黑松露炒蛋豬肉腸，火腿片，煙三文魚，salad菜，粟米同炒菇，仲可選窩夫或刈包添。我揀左窩夫竟然外脆內暖，食材豐富。份量足朋友算左個午餐~ 加拿大安格斯雪花牛扒配薯菜跟餐湯同飲品$188，蕃茄清湯，肉質夠淋滑牛脂分佈平均配埋個黑松露汁，不過黑松露幾濃會蓋過牛味，個人較喜歡原汁原味，配薯菜多款有薯仔還有新鮮甘筍仔，秋葵，車尼茄添。QR還可清楚睇清賬單記錄

今日放假嚟咗間靚靚嘅cafe食晏chill下。估唔到中午12點半已經咁多人，多人到坐滿晒，但好彩都俾我哋攞到位？有好吸引嘅蛋糕麵包放係度，我都忍唔住嗌咗個牛角包試下。仲有日式嘅咖啡包，下次可以買啲試下。套餐都幾掋食$68-$88就有個主菜喇。如果想要小食同飲品等等就可以以優惠價換取。芝士焗鮮茄黑豚肉意粉（$78）- 真係好多芝士，啲芝士仲多到可以拉埋絲。黑豚肉都幾濃滑，配埋意粉幾夾。鮮素菜忌廉三文魚芝士意粉（$78）- 個汁好creamy又唔會太膩，而煙三文魚份量都幾多。餐飲就嗌咗凍鮮奶咖啡同熱檸茶，個咖啡味都幾濃郁，仲可以走甜，唔錯。烤肉拉絲芝士薯條（$48）- 勁邪惡嘅小食，薯條上面仲有黑豚肉勁多芝士，真係估唔到份量咁大，就咁食呢個都會好飽。牛角包（$18）- 烘到熱辣辣嘅牛角包好鬆脆同有層次，牛油味仲好濃郁添。