81手工餃子

营业中

休息中

見到呢間新開餃子店就試一試！有煎餃同湯餃兩款👍🏼湯餃係用花膠老火湯😍真係有花膠❗️仲有得揀要6隻/8隻✅ 今次叫左8隻雙拼湯餃🥟粟米冬菇豬肉餃同白菜豬肉😋粟米餃好鮮甜但冬菇味較淡🤔餃子皮厚度適中而且都好足料‼️隻隻都漲卜卜😋 白菜豬肉就同平時個D差唔多 下次會試D特式餃例如冬陰功/沙葛豬肉餃🥟感覺幾特別‼️其實除左餃子🥟佢仲可以加配上海麵同米線🍜加$8就有❗️不過個日可能太夜米線賣哂☹️下次再試👍🏼

之前食左間唔好食嘅餃子，我嘅習慣一向都係用好回憶抹走舊回憶，所以短時間內要搵間好味餃子黎食呢間新開左幾個月嘅餃子店，上網一睇個湯我就知同荃灣人氣爆燈餃子屋有啲關係，再睇埋個餐牌就更加肯定韮菜湯餃＋紫菜湯餃＋上海麵，花膠豬骨湯，落足料，好清甜，食到准山花膠紅蘿蔔粟米，內心暗爽以後唔洗去荃灣排長龍食餃子屋，啲餃子皮薄餡靚兼大隻，韮菜鮮爽，肉餡係滑同彈牙，仲要有肉汁流出黎，呢啲先係好食嘅餃子嘛，正常人食6隻餃基本上都飽左八九成，加埋上海麵真係捧住個肚，不過記得要飲埋啲湯，仲有千祈唔好錯過佢地嘅辣菜舖，爽脆唔過辣，同埋啲麵一齊食係唔錯，我埋單時都買左一杯菜舖返屋企，一杯係豆漿杯size $30

落雨唔想行得遠，就係樓下揾野食，見到新開餃子即刻試！一次過試哂湯餃同煎餃，睇相都見到🥟隻隻飽滿，皮厚薄適中，餡料都多。韮菜餃煎左係香口 d另一款係芝士豬肉，佢唔會爆汁，不過食得出有芝士味，滿足👍🏻湯餃方面先講湯，係有花膠既老火湯😍 好好飲，係住家湯既味道，我飲哂成碗😋佢有 3 個 set，我地要左粟米香菇豬肉、沙葛豬肉、香菇木耳雞肉各三果款。我最愛沙葛，梁記一向深得我心，呢間可以同佢互不相讓❗️雖然唔夠梁記爆餡，但呢度既沙葛切粒，比較容易咀嚼❤️ 粟米香菇好好𡁻頭香菇木耳雞肉個菇味就濃 d 💁🏻‍♀️食得辣既記得問姐姐要辣菜甫，正😍總括黎講樣樣都好出色，又係時候再去試其他味🤤

朋友帶我去食呢間餃子鋪嗌左酸辣土豆絲 份量多又好味同埋白菜豬肉湯餃拼冬陰功豬肉餃 餃子大大粒 湯又好鮮甜 餃子可以揀湯or煎聽講芝士豬肉煎餃同羊肉餃都好好味 下次會再試非常值得推介！

夜晚做完gym好餓就去左雞地個邊睇下有咩食 好多都幾heavy 經過呢間自己又鐘意食餃子就試下啦叫左一個香菇雞肉餃配豬骨湯底另一個係白菜豬肉餃配重慶湯底 再加一個小食 酸辣薯仔絲落完單之後 就比左啲辣菜甫我地因為即叫即煮 所以都等左一陣大約10分鐘呢個係香菇雞肉配豬骨湯底 個湯底飲得出係無味精 飲完都唔洗飲水 岩晒平時無咩湯飲嘅都市人！餃子隻隻都好足料 8隻$38 好抵食！呢個就係白菜豬肉餃配重慶湯底小辣 辣度都剛剛好 可以飲到嘅 餃子都足料 不過呢個湯就比豬骨湯濃味 鐘意食辣可以試下仲叫左個薯仔絲 好爽口 味道都幾開胃 雖然係第一次食 但都覺得唔錯 可以再黎 夜貓都可以黎食宵夜！

餃子款式多，價錢相宜，味道十分之不錯。尤其是芝士餃子，超喜歡👍有非常濃郁嘅芝士味，極度推薦。還有非常清甜花膠紅蘿蔔粟米淮山湯底簡直可以將餃子提昇到另外一個層次，美味

依類型嘅餃子舖頭其實都開過唔少，而咁啱係元朗又見到新開咗一間，鍾意食煎餃嘅我就入咗去試下啦。今次食咗紫菜豬肉煎餃加個花膠湯上海麵。紫菜餃隻隻都好大隻，材料豐富，食落相當滿足至於食餃子同麵最重要嘅靈魂——辣菜圃。味道帶微辣，口感爽脆。食得辣嘅就可以配餃子一齊食，勁好味如果唔食得太辣，落湯配麵食都唔錯㗎。至於湯麵，我覺得可以濃味多少少，咁嘅話就會更加完美以上嘅組合都係$44乍，如果作為午餐，或者2個人黎食再加個小食作為晚餐，都係相當平價，有興趣可以一試！

元朗出名多野食，餐廳轉換仲快過天氣轉見新開左間餃子，打正招牌手工餃入去試試手工有幾多料子款式都幾多，九菜白菜粉葛三素海鮮乜都有揀左款粉葛豬肉餃6隻38蚊，8隻44蚊，加麵底再加8蚊44蚊係元朗黎講算正常可以食飽嘅價錢佢份量算大份一隻大湯匙都只係放得落一隻餃抵食指數係高至於餡就一般豬肉唔算新鮮，明顯整定好耐，葛都放到有少少淋，醃料蓋晒肉味同葛嘅甜味菜甫原來係主角本身啲餃子除左醃料味都無乜味，但加左呢啲菜甫就好正，少少麻，香辣，口感爽脆，賣點之一湯底清甜幾好飲，未食餃都差唔多飲晒比起太子個間真係有嘅距離，但可以填肚嘅

星期日，去元朗行街街，見呢間餃子店新開張冇耐，就入去試下啦。一入到店内，見到一個熟口面嘅阿姐… 如果係荃灣餃子屋嘅捧場客， 一定記得門口招呼人客嗰位笑容滿面嘅阿姐，已經喺餃子屋冇見佢一排，原來佢自己喺元朗開店。 呢度嘅餃子一樣咁足料，猪骨湯一樣咁好味，香辣菜脯一樣咁鹹香帶辣。叫咗八隻煎餃12+5，冬陰功猪肉餃+粟米香菇猪肉餃，阿姐仲認得我，加送一大嚿魚膠俾我。希望佢生意興隆，做到元朗嘅餃子人龍店👍👍👍👍👍

這間店舖細細，座位不而久坐，餃子款式選擇有十多款，今次試了雙拼，香菇雞肉餃子和紫菜豬肉餃子，湯底是花膠栗米蘿蔔，較清而美味，你可選辣湯底，也有些餃子可選煎的，我太貪心，點了大碗八隻湯餃子，一來到的時候，發現餃子超大隻，餡多皮薄，幸好沒有加麵，否則必會吃不完，餃子味道符合名字，餡是切醉或攪碎，兩種餡料混在一起，我較喜歡紫菜豬肉餃，紫菜味濃，你不會覺吃了很多肉，因為餡料混在到起，不會讓你感到滿口豬肉，雞肉餃餃子味道一般，同行友人在湯底還有一大片花膠，真材實料！

我一直都係荃灣餃子屋捧場客，有日行過呢間餃子店望入去，竟然見到廚房煮餃子個阿姨就係荃灣果個阿姨，於是即刻入去試下。由於此店冇我最愛既咖喱餃，所以就揀左8隻芝士煎餃，會送一碗老火湯，仲有菜脯，同荃灣果間一式一樣。芝士餃即叫即煎，試左一啖係完全一樣味呀即刻忍唔住同阿姨講認得佢係荃灣店，阿姨話呢間店係佢同親戚開。雖然阿姨冇講係咪分店，但我追求既都只係呢種獨特的餃子味道，加上荃灣店長期排長龍，而家元朗都食到又足料又好味既餃子實在太好。

有日行過見到有新鋪開張，係專門食餃子的小店，今晚得一個人食飯，決定去試下，店裡十分細，如果一個人食應該要搭枱，所以決定外賣自取回家慢慢食。只點了8隻白菜豬肉餃！嘩！餃子粒粒都好大隻，皮的厚度正常，稱不上十分薄，又不是好厚。餡非常多，多菜少肉，菜係爽口，咬落有口感，味道亦好味，啱我口味😋最驚喜的係湯底，花膠淮山煲豬骨湯，好甜好夠味，好飲的老火湯啊，仲有一粒紅蘿蔔食下。外賣會附送辣椒油及辣菜脯。