81手工餃子

营业中

休息中

元朗81手工餃子🥟超好吃！！已經是第二次回訪！暫時是在香港吃過最好吃的餃子🤤這次是外帶的，但還是很好吃！先說說湯底，他們的湯底是無味精的，這次試的是花膠淮山煲豬骨，湯底很鮮甜，還真的有花膠，一不小心全都喝光了🤣💫粟米冬菇豬肉餃（煎）$56/8隻因為是外帶的關係，回到家時外皮已經軟掉了，所以把它再放進焗爐焗了一下，又變回脆脆的～粟米甜甜的配餃子很好吃，不會太油膩，整體來說都很好。💫紫菜豬肉餃（湯）$52/8隻這個我真的超推薦！調味很好，配上鮮甜的湯底真的很好吃～之前也有吃過很多人推薦的甜記餃子，同一款水餃來比較，這個真的完勝！💫芫荽豬肉餃（湯）$52/8隻 +$10上海麵這個相對其他兩款餃子來說比較普通，但還是比其他餃子店好吃🤣只能夠說無論是湯底、餃子的大小、調味真的都很出色👍🏻額外加了上海麵，很普通，沒有什麼味道，不想吃太多餃子的話，可以叫這個來填飽肚子😂推薦：🌟🌟🌟🌟🌟地址：元朗鳳翔路45-67號金馬大廈地下13號舖

我心中最愛的元朗餃子店 亦都是光顧得最多次數的小店👍🏻.我的例牌order 是2/3 8隻湯 即是雲耳椰菜豬肉配白菜豬肉餃 八隻 湯是花膠淮山煲豬骨湯 沒有味精 每次我都會喝光光🤤.他的餃子很大粒飽滿 每粒餡料都很豐富 配合埋湯底很舒服 可以選擇六隻或八隻 亦可選擇煎餃 煎餃加$2.除了傳統口味外 其實都有其他如芝士 羊肉 芫荽餃等等.另外重點是他的菜譜 好好食！ 每次堂食都會食好多😅 可惜外賣的話只會比很少的一小瓶 店舖很小 晚上通常要等一陣 外賣單都好多 如果叫外賣建議可先致電落order 咁就唔使等咁耐

冇錯呀，大家冇估錯，今日我又係嗌咗外送，今晚想食啲滋潤啲嘅嘢，所以嗌咗湯餃，所以叫咗（81手工餃子），其實我之前都食過佢嘅煎餃，我覺得10分出色，所以今次特登試吓佢嘅湯餃。我用咗唔同嘅角度去分析一下今次嘅餐飲體驗。沙葛豬肉湯餃$58份量：有六隻大餃子，尚算夠食。味道：沙角相當甜，切成的形狀大小啱啱好，豬肉有豬肉味冇豬臊味。唔算太鹹，亦唔係好油。另外佢搭配的菜脯亦非常之好食，我估係自家製嘅。另外啊，佢嘅湯係花膠淮山煲豬骨湯，唔會話好有味精嘅味道，相當有誠意。人均消費：真金白銀$58！改善方案：因為今次叫完外賣唔係即刻食，所以因為佢冇分湯隻湯餃會有啲腍，所以如果下次分湯嘅話，我諗個口感會更加好。下次希望試吓雲耳椰菜豬肉煎餃。

住左元朗都兩年，放工成日見門口等滿人，所以一直無食過。今日有機會真係想試下。叫左湯韭菜餃外賣。個湯真心好甜，難怪見有人叫淨湯。啲餃又夠大粒，我無分湯，返到屋企餃子皮都依然比我想像中有口感。真係好彩有買嚟食👍🏻

落單已經由客人自己手寫寫得清清楚楚 邊隻餃雙拼 邊隻餃煎餃 邊隻餃湯餃 照抄居然都可以寫錯 算數 照食🤬🤬🤬🤬點知上菜嘅時候 諗住好心幫佢拎碟餃子 死都唔肯俾我地 第二碟寧願兜路都唔肯親手俾我地問佢攞三隻碗仔又唔肯俾 話有兩碗湯已經有兩個碗 但係明明都爭我一隻碗🤬🤬🤬🤬卒之拎走幾隻煎餃諗住外賣 叫佢俾個膠袋 竟然收我一蚊 一蚊都收咗盒都唔肯俾個我 最後仲屈我地要俾兩蚊 明明外賣寫住只係加一蚊🤬🤬🤬🤬🤬太過分 老細同員工態度太差 當客係咩？

元朗餃子鋪眾多，呢間81手工餃子值得推介。店面小小，坐位得十零個，廚房開放式，睇到班姐姐包餃子同煮餃子。餃子款式有14種，今次揀左元祖韭菜豬肉餃，湯底係花膠淮山煲豬骨，加配左上海麵。餃子大大隻，餡料豐富，外包又唔會太厚，真係做到皮簿餡靚。湯底都算足料，唔係普通味精湯，食完唔會口渴。平時同老婆來食會叫埋煎餃，煎得好脆好好口感，加埋香辣菜脯仲好食。一邊食一邊見到好多人買外賣，仲會有人買生餃子返屋企自己煮，相當好生意。

今午外賣，湯餃好味，煎餃比較多油。外賣加＄1，湯餃用膠碗，收＄1合理。但煎餃衹用紙袋盛載，要收＄1，就不合理，攪到油淋淋，煎餃已經比湯餃加多＄2。生餃＄50/12隻，自己烚，抵好多。

💬 叫咗6隻京蔥羊肉湯餃 $50 ，湯底係清甜嘅豬骨粟米湯，皮薄又滑，羊肉有騷味，京蔥好香，仲配搭咗啲蘿蔔、洋蔥，所以味道係偏甜，不過夾埋辣菜譜食就啱啱好。仲有涼拌萵筍絲 $26，帶點酸酸辣辣好開胃～ 咁樣嗌2樣其實我都好飽，啲餃子都幾大隻。略嫌貴咗少少，不過佢真係手工包餃，都可以接受。

講到手工餃 元朗的81手工餃其實都唔輸蝕由開店食到而家都食左幾年 佢都keep到水準大大粒 每次我都叫雙併餃食 「冬陰公豬肉餃同埋木耳雞肉餃」 各四隻 叫完真係後悔因為真好大隻 一個女仔食8隻實在太多喇 同時好欣賞佢有個豬骨湯, 我真係可以成碗隊 而店入面仲有可以煎餃, 煎餃同樣惹味脆卜卜 配上自家制辣菜甫 成粒餃子即刻昇華 如果叫煎餃 店家都照樣有一碗豬骨湯俾你飲, 好貼心架整體來講餃子係大件夾抵食 下次可以考慮買生餃子返去 

鋪頭細細，但等緊嗰陣都有唔少街坊買啲生餃翻去。煎餃整體好好食!!!!好大隻超多餡，餃子皮薄香脆，放耐左食到後面都唔會變淋，隻隻都食到脆口好開心🤣——  雙拼餃 (韭菜/冬陰功豬肉餃) $44韮菜嘅味道好香，顏色翠綠，佔餡料唔少比例；冬陰功餃神奇地真係保留翻本身味道嘅精髓😂一食啲酸辣味出哂黎，辣辣地幾開胃——  雙拼餃 (芫荽豬肉/京蔥羊肉餃) $48芫荽我就仲未征服到，朋友食完表示芫荽味可以再重啲；羊肉餃京蔥味比較重，就唔算好勁羶味，怕羶嘅都可以試下🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️📍 #81手工餃子 (#元朗)元朗鳳翔路45-67號金馬大廈地下13號舖

因為節目推介關係，專登去元朗搵呢間餃子店試食。唔知佢份量咁大隻！我叫左9隻雜錦拼盤，食到第6隻已經好飽！但當然要食埋佢，唔可以嘥野😤！清清地，叫左粟米冬菇、香菇木耳&沙葛。沙葛係預期味道，爽甜的。本身好喜歡香菇嘅食物，佢嘅餃的確好香，不過係咪太香呢？有啲膩🤔，之後食返平時無乜興趣嘅粟米冬菇，反而又覺得粟米冬菇好好味，又香又甜喎！其實呢個清清地嘅配搭係咪諗過呢😜都幾夾。而個湯呢，係正常吧。諗返佢啲餃咁大隻，價錢又唔貴，其實幾抵食。如果我住係元朗，買啲返屋企看門口都幾好！等我搵日試埋煎餃同其他味先😋

在元朗工作時 ，經常去食，佢係咁多間我食過最好餃子店，今日特登去食，又唔洗等位質素還好過荃灣千味，白菜芹菜各3粒加米線，因餃子太大粒 米線吃唔晒花膠湯太好飲，每一次都飲晒，再飲埋可樂更加正！

今日餃子癮起，係元朗搵下有咩餃子店，見佢既食評好壞參半，膽粗粗入去一試。本身食開觀塘既滾餃，如果用滾餃嚟做benchmark，咁呢間就被比下去既。但係作為街坊小店，我覺得收貨有餘。今日叫左煎餃雙併- 韮菜豬肉餃併京蔥羊肉餃，另外加上海麵。餃子有足料，煎得亦都好香，麵係普通貨，配老火湯底。湯底偏淡同埋唔夠熱，所以成碗麵都唔熱。其間好多人嚟買生餃，可見街坊都幾鐘意佢d餃子。之於講到服務，基本上同茶餐廳一樣冇分別，不過幫襯呢啲小店除咗食物，服務冇乜要求可言吧。

用心的手工餃子🥟一入鋪頭就睇到姐姐係到包緊每隻餃子，今次揀左芝士餃同冬陰公餃各3隻，可以選湯餃或煎餃，我鍾意食香口野，一定揀煎餃每隻餃子肥嘟嘟，煎到金黃色，芝士餃味香濃、冬陰公餃帶微微酸辣，仲送粟米老火湯

平時成日經過雞地，都見到呢間81手工餃子，其實門面同入邊嘅裝修都唔多討好，所以一直咁多年來都冇試過。咁啱我尋日經過又好想食餃子，就決定俾啲勇氣去試吓啦！我嗌咗個雜錦拼盤A餐，入邊有白菜、椰菜、韭菜同埋芹菜，我揀咗湯餃子。另外再配多個小食係酸辣土豆絲。雜錦餃子A餐：湯底有嚿淮山，好入味都幾甜，跟住就試吓啲餃子，啲餃子非常大粒，韭菜味道正常發揮，不得不提嘅係佢嘅椰菜白菜同芹菜，香甜又多餡，非常出色，我覺得佢哋嘅餃子比起其他嘅餃子店都好味道。而小食嘅酸辣土豆絲味道就正常，冇話特別難食，又特別好食。下次試埋煎餃先。