A-1 Bakery & Cafe (已結業)

A1近日新裝修,地方大過以前,而家仲附設餐廳,有機會都可以試試。鮮奶木頭包:上次食過das gute之後愛上呢款甜包,尋日既然黎到荃灣,當然要試埋A1木頭。外型唔太靚,糖粉都唔多見,可能做好有一段時間。可能珠玉在前同時間關係,呢件木頭無das gute香甜,麵包都較un,唔算太好,下次都係去番das gute好d。朱古力波波:都有好多朱古力粒粒,味道唔太甜;最特別係個種軟硬口感,波波外面脆脆地,入面又煙煙un un,呢個感覺至係令人食完再食主因,正!!英式scone:似餅乾多過似scone,成個scone好乾,脆卜卜咁,而且香味欠奉,呢款麻麻地。合桃/朱古力蛋糕:呢2款反而未試,不過知道係落足牛油所做,因為個蛋糕杯已經漏晒油,夠晒油分。服務方面,2位收銀公式化地講"歡迎光臨"、"多謝晒byebye",都算OK!但另一位係度執蛋糕既店員小妹就差d,見到幾個客企係蛋糕櫃後面,都唔會行開少少等客人揀蛋糕,呢樣店方要注意一下。

鮮奶木頭包is constantly supplied in the "Brackenheim" in Harbor City in Tsim Sha Tsui. If you have paid attention to the type of bread offered in Brackenheim, you will notice that it's in fact an "A-1 Bakery". Hopefully this information helps.

中同為我預祝生日,順道探訪同學新居,出發前係千色店A1買蛋糕。同學想食芝餅,2個大人1個細路係A1前面一路食麵包/雪糕,一路等新一批蛋糕送黎,真係經典!大家由幾個新鮮運到既芝餅揀到呢個朱古力意式芝士餅($120)。蛋糕入面同Tiramisu無大分別,裡面有好多軟芝士加一層朱古力蛋糕,可能新鮮關係,餅底真係脆既!!朱古力味唔算好重,食得提拉米蘇多,轉下口味都幾好。最特別一樣餅面個幾粒櫻桃,唔係甜既而係好重酒味!!真係唔駛開香檳已經醉,好酒!CHEERS!!!估唔到連A1都咁注重包裝,綁餅盒係用靚靚絲帶,望落去貴氣好多,讚!!

鮮奶木頭包~ 見佢五蚊, 個樣又幾靚, 就買黎食下啦!咬下去.....奇硬!!! 硬極都唔開咁。中間係沾滿甜蛋漿的軟包, 味道係幾好, 但超甜耶~~><"

<<提子合桃包多士>>size好似美心排包咁唔太厚,$3一塊其實都唔係好平,但係我覺得多士左好食d,外邊脆脆,中間又多提子干&合桃,包又煙un左,好好嚼呀d口感~但我去愉景新城間a-1又唔覺有喎,沙田1都好似無,但係都唔出奇既,因為鮮奶木頭包都唔係成日有,我去親都無...另外有隻好似丹麥包咁既包$8(圓圓地,中間有d壬生果,有2款,有藍莓/黃桃,有d好似吉士既圍住生果邊,都幾好食,唔會太甜,但食時就唔係太方便,好易整到黏泣泣!

我想講嘅係屯門海翠坊的麵飽店。呢一間係屯門區第一間A1，以前總係聽倒人話貴，但從來未試過，所以第一時間去幫趁。從網友的指示中買過合桃提子飽、蔴薯波波、鮮奶樹頭。自己仲揀咗黑麥合桃飽、咖喱雜菜飽、芝蔴肉鬆飽、南瓜酥同埋黑芝蔴飽。以上所講的都己經係不同顃型、不同款式和不同飽質的麵飽。除咗咖喱飽、肉崧飽和芝蔴飽比較一般外，上述其他的飽都各有特式和好好食，同埋真材實料，好似合桃飽就真係好多合桃，南瓜酥就真係成個酥都充滿南瓜蓉，而且唔太甜，樹頭飽就幾似麵飽布甸，不過就甜咗Ｄ，大至上都好滿意。我Ｄ朋友個個都話呢間麵飽好食，因為我好鍾意食麵飽，所以都有要求架！而且重覺得佢都好乾淨衛生，睇住Ｄ師傅將焗好咗嘅飽放係高架上面，稍涼之後Ｄ售貨員先放落貨架上任君選擇。Ｄ收銀員都好nice，我買一個肉崧飽叫佢切開佢都好樂意咁做，雖然價錢係貴咗Ｄ，但係都物有所值，呢度離我屋企比較遠咗Ｄ，但我都會繼續幫趁，要試昀每一款麵飽為止。嘻嘻！

A1的麵包款式多，口感好，因此雖然價錢比其他麵包店貴也常常幫襯。心水麵包包括:提子合桃包: 質地既軟且煙韌，口感滿有合桃香和提子乾的甜美，包面有燕麥碎，感覺健康。日式麻薯波波: 口感外脆內煙韌，推介。蕃薯包: 外型啡啡黑黑的十足煨蕃薯，內餡有連皮的蕃薯，吃罷感覺很充實。紅豆包: 內餡有大量紅豆蓉，是甜美之選。

芝士牛油軟包以前賣$9 , 唔知幾時加左價$10, 不過size冇變, 依然係大大麵包一個, 麵包面有脆既芝士條, 麵包入面又有溶溶地既芝士, 麵包仲暖暖地, 而且好軟, 所以好好味, 牛油味反而唔多覺, 咁仲好, 因為我唔鍾意牛油味(少少就ok ), 不過, 望一望個麵包袋, 原來個麵包都幾油, 雖然好味, 但都唔好成日食!

自從第一次o係上環o個間「Das Gute」買過鮮奶木頭包之後我就愛上o左呢個包啦, 鬼咩, 我o甘like 甜o野, 佢又鬼o甘甜wor, 開正我o個飯~o甘今日經開見呢度又有, 大大個先$5, 阿媽又係o甘話買過我食, 就買啦!7:30pm 買, 返到home 1:00 am 食, 嘩, 個邊硬到阿媽都唔認得!! 係要好大力咬sin 咬得開呀, 好失望呢!!不過個心就好d ,都無o甘硬o既, 而且d 甜味ok 啦, 係就係甜ga 喇,不過我自己ok lor都唔知係唔係因為唔fresh , 所以sin o甘硬, or 佢根本係o甘呢?都係「Das Gute」好味好好好多!p.s. 我買o個時有隻大烏蠅o係d bread 上...........

sesame cheese bread : had half sesame cheese bread ($10) for breakfast shared with my bf. many white sesame on the top and black sesame within the bread. many cheese cube and ham inside. very declicious ice-cream : rasin rum ice-cream: only one or two rasin. too little la....cookies ice-cream is ok

芝士包較硬身，當然例牌會係焗乾晒芝士，整體好一般。炸咖哩牛肉包，有麵包糠包住，食落有少少脆會增加口感同減低油膩感，唔錯丫。

朱古力蛋卷, 蛋糕幾軟鬆, 朱古力味道與其他餅店一樣, 唔係特別濃, 亦唔係特別淡, cream 係普通既白色cream, 而唔係朱古力cream, 份量都唔算好厚, 又係同其他餅店差不多啦!拿破崙蛋卷, 其實係原味既蛋卷, 不過蛋卷既頂部就加左d碎, 好似蛋糕碎, 但食落口有少少脆既感覺, 可能係拿破崙既碎, 不過冧左d, 所以就覺得少少脆, 而唔係十分脆, 蛋糕質感同朱古力蛋卷一樣軟鬆, cream 亦係白色既cream, 份量亦同朱古力蛋卷相約, 味道就完全唔特別, 係普通既原味!整體兩件蛋卷都ok, 但冇咩特別, 不過要$5一件, 睇黎最貴既蛋卷, 都非佢莫屬, 下次要食蛋卷都唔會揀佢!

pack好左兩種唔同味道既雪芳蛋糕, 我揀既package 係黑芝麻味同香蕉味!先拆開黑芝麻個件, 聞到有陣味, 但唔係黑芝麻味, 食落口都有陣味, 但都唔係黑芝麻味, 食左幾啖覺得好怪, 於是唔食! 輪到香蕉個件, 聞到有少少香蕉味, 食落口都有少少香蕉味, 但同我平時食其他出品既香蕉蛋糕好唔同, 平時食香蕉蛋糕係好香, 好似食緊條香蕉咁香, 但呢個雪芳蛋糕既香蕉味就好假, 又好怪, 於是又係食左幾啖就冇食!睇下佢既ingredients, 有一種成份叫mixo (唔知係咩, 查字典都冇), 仲有一種cooking oil, (生油??), 諗諗下, 個蛋糕d怪味好似係d生油味, 後來再聞下兩件蛋糕, 覺得陣味酸酸地, 好似變壞左咁, 但食用日期係4月27日, 我係4月26日食既, 不過我都冇食, 掉左喇!黑芝麻味原價係$10, 香蕉味原價係$9, 但佢pack住孖裝咁賣, 就只需$12, 不過咁難食, 無論單件裝或者孖裝, 就算再平我都唔會再買!

外面脆脆地, 裡面就煙煙韌韌, 夾有少少黑芝麻, 味道唔錯, 唔覺得油, 凍左都唔會出油, 係小食既好選擇, 食波波球我一定會揀A1, $10 有四個比其他人貴, 但我都會揀佢, 無他, 因為好味!

sesame ice-cream is tasty, creamy and cheap ($12)