Achacha Food & Beverage Boutique (已結業)

呢間餐廳認真痴線，三個人叫三個set，20分鐘都未有嘢食。夠膽死隔離嗰枱嗰一個人遲坐低叫嘢食，佢套餐入面嘅湯同麵包仲早到過我哋。我哋追咗，個侍應先至由出菜枱將一早整好咗嘅麵包，以及湯同沙律攞過嚟，嗰時距離落單已經20分鐘。我哋即刻再追飲品同埋主菜，點知兩碟意粉仲要過多20分鐘先至到，份量又少，得手掌心咁大，一隻手指公咁多!我哋其中一個人因為公司距離較遠，三扒兩撥就走咗，佢走嘅時候杯嘢飲都仲未到。我哋賣單成200幾蚊，佢碌卡時竟然話碌唔到，叫我哋畀現金，我哋話冇現金，佢再碌又"唔知點解"碌到，擺明玩嘢想慳手續費!呢間垃圾餐廳，真係不可一不可再！

Mags box 隱蔽餐廳。 一直以來搵野食都會直上10幾樓，原來5樓都有一間西餐廳🍴，今晚決定同朋友來試一試小食拼盤好豐富，有煙三文魚，煙肉，肉腸，炸雞翼，薯條，成個配搭望落去好開心，而且味道都幾好食，如果小朋友見到一定仲開心。美國Prime安格斯肉眼扒叫左5成熟，味道唔錯，肉質鮮嫩，咬落有口感，配上芥茉醬，可以一試三文魚扒三文魚略為乾身，不過都算厚身，但有小小骨，所以食個陣要小心d, 整體三文魚扒味道一般。

離哂大譜，1:45落左單，到3:00都無野食落單時無問要湯定沙律遲入黎嘅都尚有湯同包食住先，追問女侍應就話廚房未出，叫我地等原本每枱有一枝水，隔離枱問要水就攞左我地果枝比人等成粒幾鐘都完全冇嘢上枱，唯有起身走人🤬

這家餐廳，我以為系網上見到評語不錯，但去到嘅時候，已經是下午一點了，竟然餐廳內一位客人都沒有。坐下看餐牌時，店員說現在只有一個廚師，大廚還未到，所以只有一些午餐set 可以點，其他要等大廚到了才可以點🙀，難怪我們是第一枱食客啦。我們都坐下了，就點餐吧。白松露法式薄餅 (HK$66)等了這一份45分鐘，好幸運有麵包和南瓜湯，可以食住等。原本餅餡有白松露、雜菌、菠菜和洋蔥，但第一份沒松露的香味，沒有雜菌，有菠菜和奇怪地有焗豆😓！我們問了店員為什麼會這樣時，店員收回薄餅，之後等了15分鐘，終於出返一份正確餅餡的薄餅。全日早餐法式薄餅 (HK$88)這一份，我們是等了1小時，還好薄餅皮煎得很脆口，餅餡有香草腸、太陽蛋、焗豆、煙肉和愛蒙塔芝士，真幸運沒有放錯食材。勃艮第風紅酒焞精選牛肉配意粉 (HK$79)這碟是最後上枱，因為我等太久了，也我忘記了影相。表弟話牛肉都OK腍，意粉很細份。*飲料，自家制檸檬特飲和2杯熱水果茶，其實是最後上枱，可能這些也是要等廚師來做的😓這個午餐，就這樣，食了2小時。

餐廳的食物及服務不可理喻，客人不多，但上菜時間長，兒童餐是最後才上。另外，餐廳竟然提供過期怪味芝士粉給客人，我小朋友食了感覺味道奇怪，然後我試了也覺似過期，但職員試後説沒問題，及後又說是怪味可能是芝士粉瓶的味道即時倒了，毀屍滅跡，絕對有問題！及後叫的凍檸茶內有茶葉渣! 大家唔需要嘥錢去幫襯，這間絕對有問題

本身見到餐牌好似幾吸引，眼見樓面兩位職員，男職員幾好禮貌，幾勤力，只見女職員伏左係吧枱同吹水。岀餐時間太耐，沙律食完有成45分鐘都未上到主菜，真係等到恰著左，唯有叫個位仲係吧枱吹緊水嘅女職員追下，幾經辛苦叫到佢埋黎，佢做呢個動作💁🏻‍♀，我地呆左一下，叫佢幫我地追下d野，佢話我唔知你地叫左d咩喎。叫佢check下電腦，佢就邊走邊反駁話唔係我落我唔知架喎。到最後足足一個鐘先上到主菜總結:食物方面普普通通，沙律落行太多醋，成碟酸到食唔落。飯係生米。女職員態度都幾惡劣，埋單嘅時候，$199，我話唔洗找，女職員話:唔洗啦，我俾番你，然後推番個$1俾我！

年輕女店員服務差 Take order個時又無問要湯or沙拉全程唔出聲 我要問返其他店員先知同埋連餐包都無黎出餐次序非常混亂！遲take order反而出餐先？！店內人手分配非常不均, 男職員身兼多職

沙律賣相不錯，但味道普通飲品都是不要新奇的好。牛扒放大片，不是很厚，但肉質不錯又有肉汁！睇到都飽曬！羊架肉質鮮嫩，煎得剛剛好骨肉分離。這個汁也不錯！有少少水果，帶有酸味！上甜味既時候就有少少犯錯啦！當剛剛上咗主菜嘅時候，他就上了甜品，可是我告訴他現在我不需要甜品，還請你一會兒再上吧！不知是否因為這樣甜品嘅味道也有差別。不是太好味，但香蕉配朱古力也是無懈可擊的。我覺得這間餐廳環境也不差，可是今天是平日沒有什麼人。但我發現了胡椒粉和鹽樽蓋上的污漬，很像很多天沒有清洗。

一間完全無管理嘅餐廳首先，無人帶位，餐牌要自己拎幾個侍應掛住傾計問侍應係咪有兒童餐，點解無餐牌佢話夜晚無做……落完單見到隔離枱上兒童餐，問返侍應，佢話佢其實唔清楚大佬，你唔清楚咪話唔清楚，又可以問同事作個理由hea 我就真係嬲野食次序錯晒，又上錯晒枱半個鐘都未上湯，直到我話不如上左個湯先，反正都係煮好，佢先上畀我一個意粉，一個意大利飯，隔開多過半個鐘上隔離餐具污糟隔離枱無叫牛扒又出牛扒，我枱意粉又出兩份野飲又係要問先出畀我，要我講先出，咁就唔好落單就問我飲咩使唔使照上答左都唔係照上，咁問黎做乜總結，不知所謂，性價比低

三個朋友去到Mega box 見呢間食評都唔錯，諗住可以一試，點知瀨野收場，叫三個晚餐加一個side dish 拼盤，南瓜湯味道ok不過得兩啖，重點係果塊所謂肉眼扒5成，塊野仲衰過快餐鐵板，收成3舊水，舊垃圾無味又薄又鞋，比咩人食？煮又煮得難食，野食又唔熱，收呢個價錢，有無良心架老細，半價都唔會再黎，做得一次生意唔會有返頭客，係自己做成嘅，真係越食越火，忍唔住一路食一路寫，無諗過咁多好評嘅原因，係咪要求真係咁低？

今次無影到太多相，因為好快就食完走左🙈我同朋友經openrice卜左夜晚8:30，去到時餐廳只係商場既一個角落位😂座位唔算太多，不過當時亦唔算有好多客人。夜晚時間去食，waitress比左份dinner menu我地。再問侍應有冇其他Menu，原來只有呢一份。同朋友睇完個Menu，覺得好似唔係好啱食，又有啲貴，所以我哋最後決定淨係叫個crepe試下。我地叫左個banana chocolate crepe。我以為成塊皮都係軟，點知佢啲皮邊又有少少脆幾好食😛香蕉同朱古力呢個組合都無得輸，不過佢朱古力唔算好多，反而入面係cream。呢間試crepe我覺得okay, 其他食物就好似唔係太吸引🤣

同朋友食lunch落單時滿心歡喜叫晒野食同飲品點知叫兩杯紅白酒無得飲，佢話得返少少斟唔到一杯，仲問我介唔介意唔夠一杯，乜無支新架咩之後同我講尋晚d酒俾人飲晒無存貨？作為一間西餐廳，今日星期日，竟然一支酒都無？好野👍🏻算，咁揀佢跟餐野飲，叫左lemonade 點知轉頭又同我講無仲有明明係叫黑松露「扁」意粉，黎到又無喇喇變左普通意粉唔知係咪又係尋晚俾人食晒呢？D食物又黎得慢，blacklist

朋友們今晚想食西餐，就尼左mega box到搵，見到尼間嘅裝修有格調，亦都比較靜，岩哂我地傾計，就揀左尼到喇！我地6點就到左，落完單一陣，個waiter就過尼道歉話廚師未返到，所以俾左啲包我地食住先🤪，因為我地都係單叫，無跟餐。嘩！啲包極好味！！！完全係開左我個胃，令我更餓🤪不過後尾好快廚師都返左尼，我叫左個係豬鞍配士多啤梨醬，佢個薯蓉係超級真材實料，個醬同豬亦都好match，豬亦都燒得好好，岩岩好，值得推介！

今日食lunch同同事去咗MegaBox，我哋一行七人，比較難攞位，又無訂位，見到呢間餐廳唔使等有位，就已經行咗入去啦佢個餐牌有幾款lunch set，價位由六十幾到百幾都有👌🏻👌🏻👌🏻lunch set包一個主菜、沙律或餐湯同埋一杯嘢飲南瓜湯、沙律同埋餐包都好快上左有個同事遲少少黎，加單要左個薄餅　南瓜湯冇咩特別，有啲稀但有南瓜味嘅😂跟住同事點嘅黑松露野菌意大利粉就已經上咗啦，但係到佢哋食完成個面，我同另外三位同事點嘅卡邦尼意粉都仲未見到影💩💩連加單嘅薄餅都到咗，我哋嘅意都未到，已經係等左超過20分鐘🤦🏻‍♀️🤦🏻‍♀️終於個意粉到咗，5分鐘已經食完，份量比較少！最慘係有個同事點左個豬肋骨，最後竟然等左九個字先有得食！其實我哋觀察到侍應上嘅只有沙律同湯，推測應該廚房冧咗檔！而且侍應成間餐廳只有一個🤦🏻‍♀️其實食物質素普通，價錢喺呢區黎講唔算平亦都唔算貴😛侍應態度亦ok👍🏻👍🏻👍🏻，但真係等得太耐啦！🤯🤯無下次！😓😓

琴日食lunch，我同事點左個豬扒餐，個侍應話個餐要等半個鐘，咁我地都叫有時間就等下，到我同個同事等左半個鐘催一催果陣，佢話好快有，催第2下又話黎緊，到佢上菜嗰陣佢話第2台都有叫，上哂去第2台，我問：我地果個呢，佢話後面仲有出緊黎，點知最後話無哂，應該上多左俾之前果台。最後等左成個鐘搞到無得食。我問佢我同事白白等左一個鐘無野落肚，諗住點處理，佢話無得處理，一係叫多個餐，仲要收返錢，我地已經就黎過lunch hour，就算叫多個都唔知你會唔會加料，而且服務態度度極差。