Age.3

营业中

休息中

到旺角Moko Shopping,發現來自日本的超人氣炸三明治「Age.3」在這𥚃香港開設了分店！仲記得Age.3 炸三明治一開店就受到社群、電視等多種媒體的關注，每月銷售量超多。店內所使用的鮮奶油是獨自開發的「低糖鮮奶油」。這款鮮奶油不含糖，使用了零卡路里的天然甜味劑 「羅漢果」，其「赤藻糖醇」的甜度與砂糖相當。口感清爽輕盈，且不易吃膩！依家香港都有得買啦，買四個可免一個盒，所以我一共買了四種唔同嘅口味：～芝士咖喱肉醬～士多啤梨x 朱古力～日式半熟蛋拿玻里+芝士～杏仁豆腐芒果｛香港限定｝四款都好好味，特別係香港限定的杏仁豆腐芒果，食落去好似食炸雪糕咁，新鮮嘅芒果肉，好甜好滿足！

剛在moko逛街見到此店新開張賣炸多士cream三文治，20元揀左原味純北海道等左5分鐘，有得食，人少少，點員呼叫，拎得，包油膩，cream唔夠香，雖然滑，奶味不足，脫脂奶嗎？希望請改善多點宣傳，加油未有與店獲取任優惠

因為好想試三文治燒嘅關係當日一共買咗兩款三文治燒分別係蛋沙律三文治燒 同埋 焦糖布甸三文治燒一鹹一甜 配搭好好總括嚟講 布甸味 比起沙律味更出色一啲但係如果 本身性格急躁 或者對於服務人員態度有要求就盡量都唔好揀呢一間因為當日買嘅時候服務人員態度極差可能因為太火爆嘅關係 我等20分鐘嘅時候問佢係咪差唔多到我？ 反問返我咁叫到你未啊？ 未即係要等囉。 明白人多會燥。 但係如果你因為咁樣而唔開心就唔好食嘢啦不過如果你好得閒心情幾好 想食日本風味！其實佢真係幾好食嘅無收任何優惠！！

一直在網上看到的東京超有名的炸三明治終於在香港開幕了！而且是全香港僅此這一家！那本吃貨必定要立馬跑過去嘗嘗啊！結果！沒想到一過去剛好遇上開業優惠！3點前去有買一送一優惠3點後去有買三送一優惠（每人僅能享受一次｜送鮮奶油炸三明治）完全符合我這種一人吃 但有想嘗嘗多種口味的吃貨！嘻嘻嘻～-沒吃過炸三明治之前 一直都有點擔心會不會很油膩很肥畢竟是整塊吐司拿去炸然後再往裡面擠上鮮奶油再搭配各種配料總感覺吃一口就已經會被膩住 沒辦法再吃第二口！結果完全出乎我的意料！我直接連吃兩個都完全沒有感覺很飽很油的感覺 我這次點的是抹茶生巧然後附送鮮奶油口味炸三明治兩款吐司的外皮都被炸的超級香脆！每咬一口都感覺像是在吃薯片一樣！咔滋咔滋的口感！而且放久了也沒有變軟變油 依然還是非常乾爽香脆！雖然表皮和內陷都很扎實 但是完全不會覺得太油/犯惡心！在咬開吐司的那一刻 裡面的內餡就立馬爆出來！整塊吐司都被擠滿著厚厚的鮮奶油每一口都能吃到滿滿的內餡 完全不用擔心說吃著吃吃著只剩下吐司😂而且這裡的鮮奶油內餡還起到瞭解膩的作用！每一口扎實的吐司搭配上輕盈的鮮奶油 把整體的口感呈現的更豐富！簡直就是外脆里嫩的代表！（提醒

同友人係MOKO行下順便一試日本過江龍人氣即炸三文治-Age.3，Menu好吸引想試好耐，據聞忌廉採用Lakanto製作而成，賣點係天然甜味零卡路里比較輕盈，好似食左都冇咁大罪疚感ww。位置係OKO十分方便，以外賣店來計空間算係大，有兩張枱可以立食。係Openrice寫食評可獲即炸鮮奶油三文治1份。開業優惠買三送一。即睇Menu，即炸三文治口味上有鹹味、甜味，仲要有香港限定，同有水果三文治及飲品。即炸開心果三文治，$38。賣相吸引，見到開心果即吸引左試，面層佈滿開心果碎粒及莓果醬，有開心果味但唔算好濃郁，用上酸甜的莓果醬作調味，但個人覺得如果用朱古力醬會正點(雖然好甜)(同睇Menu誤會左係朱古力醬)，即炸三文治口感酥脆，內有澎湃的忌廉，份量十足，味道香甜軟滑，而甜度適中唔算太膩，但食晒成個果下真係有點滯。即炸香港限定-杏仁豆腐芒果三文治，$38，係香港限定就支持下，杏仁豆腐冇乜杏仁味..豆腐味都微，係有忌廉的香甜味，粒粒芒果口感有點實，唔夠甜同果香味，普通。唔知係味呢兩個口味問題，味道正常水準，以個位置來計價格尚算合理，服務態度幾好有禮貌，有興趣可一試呢。

旺角Moko, 對於新界東要搭火車人來說， 地點就腳。店舖裝修簡潔， 但沒有座位， 只有企位， 得2張枱仔。 如果加多幾張枱或有卡座更好。買3送1原味cream.1）件件都可 邪惡， 尢其原味， 全部是cream, 重量cream, 不輕身， 食完好膩， 真的要飲杯濃茶才可。 2）抹茶朱古力， 朱古力少， cream多3） 激辛芝士咖哩肉醬未算激辛， 偏少辣， 日式咖哩風味， 像食左咖哩飯， 特別的。4）咖喱肉醬沒有辣， 同樣日式咖哩風味， 口感特別。像甜品， 又飲下午茶， 但本人覺得試過食過就ok, 未至於會再回購。總評。太邪惡， 好多cream, 食完太膩， 會肥2-3磅。環境， 簡潔， 多幾張枱比人即食更好， 又沒有乾冰， 天氣熱， 取外賣回家， d cream溶左2-3成， 賣相已經沒好， 要改善。

MOKO開咗間炸三文治店鋪，係日本元祖炸三文治名店，香港仲要係海外第一分店，咁一定要試試啦。店鋪裝修得好INS風，可以立食都可以外賣。鋪頭提供數款炸三明治，仲要有香港限定芒果杏仁豆腐味道。每件三明治即叫即整，需要等耐少少。法式栗子奶油，三明治炸至金黃色，內裡充入大量鮮奶油，表面再鋪滿法式栗子蓉。食落三明治香脆酥鬆，鮮奶油中和咗油炸麵包嘅油膩，食落好似食shortcake咁，好味。士多啤梨X朱古力，睇到都知道好邪惡。滿滿鮮奶油加埋朱古力醬，食落唔會覺得好甜，只會覺得蓬鬆鬆軟，好似食棉花糖。焦糖燉蛋，餡料同前兩款略有唔同，奶油好似布丁咁。食落好幼滑，又有少少Q彈。表面焦糖係畫龍點睛之筆，香脆焦糖層豐富咗口感。激辛！芝士咖喱肉醬，食了3款甜品，都想試款鹹食。咖喱肉醬鹹香惹味，唔會好辣。芝士完全融入咖喱肉醬入面，食落微微拉絲口感好得意。

最近去MOKO見到有一間叫Age.3嘅舖頭，原來係嚟自日本嘅炸三文治，仲要係全港首間分店！而家仲做緊買三送一優惠～一定要試試啦！佢有賣甜同咸味嘅三文治，而今次我就買左4款都係甜味😋香港限定：芒果杏仁豆腐芒果舖晒喺面，非常足料，嗰忌廉唔會有好大浸杏仁味，主要芒果味較為突出。朱古力士多啤梨雖然士多啤梨唔算甜，但甜甜嘅忌廉同埋朱古力醬就中和返嗰口味，所以都唔錯蜜柑呢個鋪滿咗超多蜜柑，而啲柑都好juicy同埋甜抹茶朱古力呢個面頭痛痛埋忌廉都係抹茶味，呢個嘅茶味濃郁，唔太甜，配上生朱古力仲增添左啲口感四款口味配上甜甜地好脆嘅多士，建議即食，真係好好食，係會令人滿足嘅甜品。

偶然俾朋友叫咗過嚟之後打開眼界，幾好味好入口叫咗個拿破崙意粉三文治，唔算好大份啱啱好個炸三文治炸得好鬆脆❤️好抵食好抵排，芝士咖喱麵包好多汁好Juicy，啲汁滿到瀉晒出嚟咁滯要拖地

經過望到新開！ 好幾款都好吸引，最後揀咗cream brulee, 開頭諗住喺即係香港茶記西多士， 但炸得勁脆，個餡勁creamy!! 好味， 會再食！想試奶油，同埋抹茶生朱古力、生朱古力。

Age.3 Hong Kong 係福岡始祖人氣炸三文治專門店，終於登陸香港，依家做緊買三送一嘅優惠。所有麵包新鮮出爐，奶油即時製作，要耐心等候。香港限定的口味-芒果杏仁豆腐甜美多汁的芒果，加上原創的微甜杏仁豆腐奶油，比一般奶油多了杏仁的香氣，香港不常見到，夠晒special !焦糖燉蛋即炸三文治鋪上一層香濃焦糖脆片，底下好似布甸般，香甜滑溜，充滿蛋香。今次試咗兩款甜食，但其實仲有鹹食，款式眾多，而且每款爆晒餡料，打卡有澎湃嘅效果，難怪開業冇耐就成為人氣店～

日本人氣炸三文治，近三十款有鹹有甜，選擇困難症慎入🤣🤣選了19號的開心果，三文治炸得香脆不油。份量十足，厚厚滑滑的奶油，配上滿滿的開心果碎。唧了一些草莓醬，微酸的味道減低奶油的罪惡感（純心理作用😂😂）除了炸三文治，仲有水果三文治。價格好像調整了，更親民，值得試試開業優惠有買三送一，下次要試9號栗子鹹點的有意粉，做下午茶也很好夏天吃香港限定的杏仁豆腐x芒果🥭也不錯店面寛敞，但係立食地方少（只有兩張小圓枱），連垃圾桶也沒有，食完要拎去商場垃圾🗑️掉。

Age.3係間來自福岡嘅人氣炸三文治，最近係旺角開咗第一間海外分店，去趁下熱鬧先！店內有賣超過 20 種口味嘅炸三文治，除咗鮮奶油之後，其餘口味一律$48，全部都係即點即制，每件都包保酥脆！🥪芒果杏仁豆腐香港限定口味！面頭鋪滿杏仁豆腐同芒果醬，下面係滿滿嘅鮮奶油，外層麵包炸至金黄酥脆，口感豐富🥪鮮奶油份量超級澎湃，滿滿嘅鮮忌廉，超邪惡🥪芝士咖哩肉醬炸三文治試咗另一個咸版炸三文治，咖哩肉醬味濃厚，加埋半溶芝士係絕配，不過食時要小心肉醬會流出嚟呀

正野！終於登陸香港，等左好耐終於可以係香港食到😭唔使特登走去日本士多啤梨朱古力，抹茶朱古力，生朱古力都好食不過呢最鍾意都係焦糖燉蛋，真係推爆，本身作為甜品就咁食都好正

到moko新店試吓，有買3送一，便order了3件，不過未回家吃，已經感覺不良好！廚房水吧位置企左4個女仔，4個都未停過講嘢，大聲講大聲笑，重點雙手係整緊食物，嘻嘻哈哈都唔知口水有冇吐到落手上食物，又冇帶口罩😡然後其中一個離譜到一路搣橙，一路餵其餘三個邊食邊整😡其中一個橙被餵到咀後，唔小心從咀邊跌咗出嚟，佢就直接用整緊食物的手將橙放返入咀！🤬其實知唔知咩叫食物衛生？你哋仲要用open kitchen😡Order要等差不多15至20分鐘先至可以攞，原因係佢哋整好晒一張單，係唔會即刻包裝好給客人，係要完成晒手頭上四五張單，先逐份慢慢包俾客人，做嘢都完全冇系統，要客人白企喺度等唔關事嘅單完成，先可以攞走食物！原來品牌嘅吸引力，就是因為呢啲不負責任嘅員工破壞🤬