AGE Cuisine Express (已搬遷) 新店位置

經過太古，去咗呢間收藏咗一般時間嘅餐廳食晚餐😙見到其他客人都食得津津有味，於是跟人哋order🤣🎈法國膏蟹肉扁意粉配蟹膏忌廉汁 $162Linguine Edible Crab Meat in Crab Brown Meat Cream🪄大推！每條意粉都掛滿蟹膏忌廉汁，纏住蟹肉🥰 好正！會忍唔住一啖接啖😋🎈德國酥脆咸豬手伴普羅旺斯式酸菜及薄荷蕃茄汁 $188Pork Knuckle in Germen style with Escabeche & Mint Tomato's Concasse🪄熱焫焫、香噴噴嘅咸豬手真係好吸引！而且切件上，方便食👍🏻 咸豬手嘅皮好香脆，咬落去仲係脆卜卜㗎～ 肉質幾嫩，唔柴又有嚼勁🤗🎈自家製意式芝士餅 $60Tiramisu🪄甜品好精緻，與傳統tiramisu 唔一樣，自家製更有創意與驚喜。

隱藏在工廠大廈的西式餐廳，主食質素高，店員的態度好友善，整體服務態度不錯特濃黑松露野菌忌廉湯真係好濃郁好足夠，入面蘊含着好多磨成細粒狀既黑松露同埋各類野菇，聞落一陣香濃菇香，飲落鹹鹹地，作為餐湯前菜係幾開胃。微熱的餐包硬度剛剛好，浸一浸湯，變得林林地，有口感🤩12吋千島海鮮Pizza足料海鮮， Pizza每啖都可以食到海鮮，煙肉同意大利瓜，超大個批，2個人食差啲食唔晒。仲有鋪起Pizza入邊嘅水牛芝士，當攞起Pizza時，水牛芝士仲可以拉絲2個人飲完湯同食哂Pizza都有7, 8成飽，但食甜品係第二個胃😁叫左兩款甜品意式奶凍配芒果甘露奶凍香滑，上面放有柚子肉同芒果醬，味道甘甘甜甜傅統意大利芝士蘋果撻果撻入面放左滿滿既蘋果粒同果醬，果醬混合左淡味既芝士，味道唔會太甜，香口。蘋果撻仲插着幾塊蘋果肉片，有心思嘅點綴😊

終於開返晚市堂食！急不及待約了很久不見的好友聚一聚😆好友在太古上班，推薦了這家特色西餐廳！AGE Cuisine Express!餐廳位於太古的一幢工廈裏，地方四正寬躺，工業風的裝修跟西餐廳很合襯！我們三個人連甜品共叫了六個菜😋🍤西班牙辣肉腸炒蝦這是店員推介的頭盤，味道非常驚喜辣肉腸的辣味和他的鮮味融合在一起，我們都讚不絕口👍🏻🥩慢煮半生M6和牛西冷配黑醋，蜜糖芥茉醬和牛配西冷及蜜糖芥茉醬非常出色，配上很多食用花，一送上來的時候非常精美，令人食慾大增🌸🦪費拿天奴菠菜焗生蠔及薯皮生蠔肥美大隻，加上醬汁，焗得剛剛好，不會太熟也不會太生，一客兩隻，有一位朋友不吃生蠔剛好我們一人一隻🍕傳統意大利Margherita傳統Pizza最能看得出一間餐廳的功架，芝士的陪襯非常好，焗得很美麗，餅邊很脆，一拉出嚟有芝士絲，一大個都給我們吃光了🍝黑松露蘑菇忌廉汁意粉黑松露蘑菇忌廉汁意粉是一定不會出錯的選擇，忌廉汁非常creamy，蘑菇和意粉都非常入味，加上黑松露的點綴，是非常美味的主菜🍮Tiramisu最後一定要吃甜品，Tiramisu 也不錯，分量十足，一件就夠三個人分，真是剛剛好的滿足😋這裏很適合三五知

餐廳：AGE Cuisine Express (鰂魚涌)地址：鰂魚涌英皇道1065號東達中心11樓1104B室刻意去到鰂魚涌嘅工業大廈東達中心搵美食，皆因之前疫情嚴重搵外賣同到會套餐嗰陣search過關於呢間AGE Cuisine Express @agecuisineexpress_taikoo 嘅資料，原來佢哋都開咗接近11年，見到佢哋除咗主打Casual dining experience之外，仲積極發展網上訂餐、外賣🥡、到會服務平時嘅晚上嚟到，一行入餐廳，佢嘅裝修就仿如帶咗我去意大利街頭嘅感覺🇮🇹，配上木製嘅枱櫈夠晒別樹一格🪵，加上親切店員嘅熱情款待，成餐飯確實食得幾舒服😌，店員仲介紹餐廳最近新出嘅嘅菜式，所以就叫咗幾款嚟食✝️蒲燒鰻魚Pizza $166呢個12吋嘅大pizza喺我最鍾意嘅脆薄pizza🍕，每啖咬落去都有香脆嘅餅皮滋味，餡料有鰻魚、水牛芝士、菲達芝士🧀、翠肉瓜、洋蔥🧅、玉子同紫薑絲，未食已經聞到濃郁嘅pizza香味🤤，一開八嘅pizza每件都見到有鰻魚粒，拎起一件pizza就有豐富嘅拉絲效果，即叫即整食落仲喺熱辣辣超香脆，鰻魚香確實引人入勝😋✝️黑椒和牛粒意大利飯

餐廳位於工廈 但位置方便 太古MTR行3分鐘到 餐廳環境舒適木系裝潢 好適合同朋友靜靜地傾計食飯 店員服務良好 食物水準高🦪費倫天拿式菠菜焗生蠔及薯皮$72想講 好好味 完全有驚喜釀左生蠔的薯皮 薯皮口感脆口 但同時生蠔口感係juicy 做到半生熟口感配合埋菠菜及香濃芝士 勁高質🦀法國膏蟹肉扁意粉配蟹膏忌廉汁$162一上枱意粉好大碟 蟹膏忌廉汁讓人印象深刻 食到有濃濃海鮮香 蟹肉真係好足料 啖啖都食到鮮甜嘅蟹肉絲同滿滿蟹膏 意粉軟硬度剛好 每一條都掛滿汁 🍛牛肝菌 蘑菇濃汁意大利飯$122意大利飯口感煙韌有咬口牛肝菌味道好出 每一啖飯都食到粒粒蘑菇片片芝士令到意大利飯味道層次更豐富 醬汁濃稠但食落完全唔油膩✅有時唔需要成日去鬧市 大品牌 連鎖品牌食飯 去惠顧樓上小店都係一個好好既選擇☺️AGE Cuisine Express📍鰂魚涌英皇道1065號東達中心11樓1104B室✅加一💰人均$200

AGE Cuisine Express地址: 鰂魚涌英皇道1065號東達中心11樓1104B室珍寶蟹餅 $82即叫即整 熱辣辣 $80有三粒都幾抵食😚入邊都食到一絲絲蟹肉幾甜 脆卜卜又香口！！😄黑椒牛肉粒意大利飯 $146牛肉粒軟硬適中 非常多肉汁 黑椒汁都濃郁😆 意大利飯個口感好好粒粒分明亦都充滿醬汁😍美國生蠔菠菜芝士意大利飯 $156雖然生蠔份量唔多～ 但係都幾清甜配埋飯非常一流😉 芝士汁都好多令到個飯好香口好好食🤍餐廳選擇都好多㗎！仲有Pizza意大利麵等等～仲有唔少抵食嘅小食非常唔錯 地方都算方便有機會想試埋食晏晝啊😍

聽聞工廈是臥虎藏龍的地方，今次去到隱藏係鰂魚涌工廈既意大利餐廳，係門口見到有個牌寫住廚師推介，我地簡左其中兩樣試下，果然真的無令人失望。海膽香煎帶子海鮮汁意大利粉伴香蔥蛋醬 帶子有三大粒，煎至剛剛熟，保持肉質鮮甜嫩滑，每粒帶子上面都放有海膽，海膽味道好濃郁，增加不少鮮味，香蒽蛋醬味道非常濃郁，意粉亦好掛汁。慢煮半生MG和牛西冷配黑醋蜜糖芥未醬呢道菜擺盤色彩鮮艷，睇得出廚師有花過心思，和牛西冷煮到半熟，肉身呈粉紅色，牛味都算濃郁，入口軟嫩。流漿芝士牛肉, 火腿漢堡伴法炸薯條漢堡味道適中，一切開芝士就流矖漿，還有拉絲效果，牛肉幾有牛肉味，但略嫌煮得熟左少少，巴馬火腿提升左味道層次，薯條炸得好脆，控制火喉剛好。

AGE Cuisine Express地址: 鰂魚涌英皇道1065號東達中心11樓1104B室好食又隱蔽嘅餐廳當然要開心Share啦😎～呢間位於鰂魚涌工廈內嘅西餐廳，雖然小店位置比較隱蔽，但裝潢一啲都唔馬虎，仲少少小清新感覺添☺️，而且CP值超高份量多大，絕對係推薦大家去食🥳！珍寶蟹脆蟹餅伴粟米莎莎🦀 $82 炸到金黃色嘅蟹餅，好香脆唔油膩，而且蟹味極度濃郁😛，啖啖都食到絲絲蟹肉，鮮味十足，正，超推薦🥳！法國膏蟹肉扁意粉配蟹膏忌廉汁 🦀🍝$162意粉一上場已經大為驚訝，因為啲蟹肉真係好足料好多🤩， 意粉麵質煮得啱啱好煙煙韌韌，條條意粉都掛滿淡黃色嘅蟹膏忌廉汁，香口滑溜，而且啖啖都食到鮮甜嘅蟹肉絲同蟹膏，超正！大滿足🥳🥳！唔掛得係餐廳必點熱門菜式啦，真係CP值超高👍。蘑菇風乾火腿薄餅 🍕$16412吋大Pizza，塊塊pizza都佈滿風乾火腿、蘑菇、火箭菜、芝士同黑松露🤩。最正係Pizza個皮邊都好脆口好似食緊餅乾咁，而且批底夠薄夠鬆脆😚。每一啖都有陣陣嘅黑松露味，而且風乾火腿同火箭菜食得出好新鮮，再加上厚厚嘅芝士令味道更濃口感更好豐富，正！大滿足🤪！#nicefoodie鰂魚涌

同朋友喺太古行完街, 諗起早前朋友推介鰂魚涌工廈有間隱世西餐廳，上網一搵之下就見到呢間叫「AGE Cuisine Express」嘅餐廳。都差不多六點 就試吓Walk in碰碰運氣, 剛剛好正開門營業。我地兩個人order左三樣嘢煙三文魚牛油果醬蘋果沙律伴腰果仁清新爽脆嘅蘋果和蔬菜, 好大片嘅三文魚燒法國帶子墨魚汁扁意粉一上檯已經聞到好香!!醬汁好好味，又唔會太重味每條意粉都沾滿墨魚汁!!德國酥脆咸豬手伴普羅旺斯式酸菜及薄荷蕃茄汁 即叫即製，上檯時已起骨切件，好貼心! 豬手外皮脆卜卜，肉質腍嫩細滑，肥瘦適中調味亦都唔會太重手，好好味！！伴碟有薯仔蔬菜，食完好飽肚！疫情冇晚市堂食, 難得回復正常 可以同朋友食餐飯暢所欲言, 呢度環境都算舒適, 食物都唔錯

依家開返糖食，梗係要大食特食啦😛 上網俾我搵到依間位於太古嘅隱世樓上西餐，價錢超平，環境都幾靚，裝修新淨而且環境浪漫，加上價錢好抵，於是同朋友過嚟食下新嘢✌🏻一嚟到，男職員嘅態度超級nice，而且always ready to serve，值得一讚，估唔到啲嘢食都好正🐿💗椰香辣醬燒春雞配炸薯條🍟雖然佢個名有辣醬，但係其實完全唔辣，但係又不失辣醬嘅香味，重點係個燒春雞外脆內軟，雞肉非常嫩滑， 10分推介👍🏻😚另外仲叫咗一個煙雞肉、蕃茄乾、意式芝士香草忌廉意粉🍝又係另一樣嘅必食推介，意粉超級多汁，而且食到好香濃嘅芝士味，再配煮蕃茄乾做點綴，令到成個意粉嘅味道即刻升華咗😛✌🏻我哋仲叫咗一個自家製意式芝士餅同埋fruit punch，都係高水準嘅發揮💓

今日一個人食，午餐叫左個燒牛肉牛油果醫潛艇。餐湯係蕃茄餐湯，過得去啦；炸薯條，都夠新鮮夠熱辣既；去到呢部分，暫時都尚算幾好。不過去到主食，就出事喇... 簡單講一句：完全唔得。麵包冇烘過，冇香味質感又差（霉霉地）；燒牛肉不但止分量少，其中一塊仲成舊都係筋呢既。味道方面，牛肉帶有強烈油燥味、牛油果醫淨係有牛油果口感但係冇牛油果味道... 成個潛艇最搶味既竟然係沙律醫😓咖啡，真係難飲到飲唔落。狠心放棄。

今日同朋友去鰂魚涌工廈食西餐， 去之前見到openrice有好多好評， 今餐果然冇令我地失望😎👍🏻一行2人嗌咗一份沙律一份pizza同埋一份主菜share食🤤煙三文魚蘋果沙律🥬超大碟😮煙三文魚嘅份量好generous, 鹹鹹地嘅煙三文魚，再配上清甜青蘋果， 呢個前菜非常之開胃👍🏻蒲燒鰻魚pizza🍕都係超大嘅portion, 有成8大塊😂眼闊肚窄🥺一上枱我地就知兩個人應該會食唔晒🤣 第一次食呢個combination嘅pizza， 鰻魚同埋芝士嘅味道出奇地夾， 而且仲有我最愛既玉子🤤 因為個pizza加咗青瓜，所以唔會有好滯嘅感覺👍🏻德國酥脆鹹豬手🐷廚師好貼心，將份豬手切好先上碟🥰豬手嘅皮真係好酥脆，而且有咬口，唔係好多肥膏個種，肥瘦適中👍🏻 肉質亦好又嫩滑，配上酸菜亦可以消滯🥰今餐真係超滿足🤣仲打包左pizza第2日焗番食都仲係超正🤤👍🏻

🐟不時在鰂魚涌吃飯，但這間在工廈的餐廳真的第一次知道，門面不太起眼，但算易找。🍕餐牌中薄餅款式很多很吸引，但只有十二吋的選擇，我們兩人就不敢貿然挑戰了，選了外面不常見的帶子及慢煮八爪魚伴薯仔和蟹肉扁意粉。🐙🥔海鮮擺盤挺漂亮的，慢煮八爪魚煙煙靭靭，帶子只輕輕煎過，鮮味很足，薯仔吸收了醬料，我們吃了個碗底朝天。🦀🍝蟹肉扁意粉的蟹肉都混在意粉中了，賣相一般，但醬料濃滑，味道很好。🎅🎁我們還看見有聖誕套餐，也是價錢合理，菜式算多，聖誕還未有著落的話可以碰碰運氣。▪️▫️▪️▫️▪️▫️▪️▫️▪️▫️▪️▫️▪️▫️▪️▫️📍AGE Cuisine Express太古英皇道1065號東達中心1104B室🥰環境清靜闊落🤗西餐種類算多，水準不錯@agecuisineexpress_taikoo帶子及慢煮八爪魚伴薯仔💲1️⃣8️⃣8️⃣蟹肉扁意粉💲1️⃣6️⃣

難得同朋友黎鰂魚涌，特登搵間cafe食又可以吹下水。呢間cafe睇落裝修都唔錯所以黎試吓。跟住就叫咗流漿芝士牛肉火腿漢堡伴薯條，秘汁和牛薄餅，自家製意式芝士餅同一杯fruit punch。首先流漿芝士牛肉火腿漢堡味道適中，佢冇乜特別嘅醬汁但加咗巴馬火腿提升左味道變化，但牛肉煮得老左少少所以口感冇咁好。秘汁和牛薄餅表面睇已經有好多醬汁，所以食落去一啲都唔乾，而且一塊塊焗嘅芝士片都滲左入去，每一啖都好Juicy。而且薄餅都好脆口，食到牛肉嘅味道，但覺得牛肉粒就太少，如果多啲會更加好。佢哋自家製嘅意式芝士餅加咗少少酒嘅味道，比較濃味。雖然比起出面嘅Tiramisu口感比較濕潤，但都唔會太影響本身嘅味道。整體來講，餐廳有唔同嘅西式食物嘅選擇，味道都算唔錯。

經過同事介紹得知依間位於鰂魚涌工廈既法國餐廳小店環境優雅簡潔 大概坐到5-6枱客價錢合理而且份量極大 CP價十分高海膽香煎帶子海鮮汁意大利粉伴香蔥蛋醬 $158依碟意粉非常之出色 帶子好大粒 有三粒每粒帶子上面放有海膽 海膽味道好濃郁意粉能夠掛到個醬汁 而醬汁味道亦十分香濃德國酥脆咸豬手伴普羅旺斯式酸菜及薄荷蕃茄汁 $188咸豬手外皮炸得好香脆 好似食緊乳豬咁😂豬手亦夠入味但唔會死咸 配菜方面有酸菜同薯仔整道菜我覺得水準中上 依個價錢十分抵食