AIRSIDE Cafe

营业中

休息中

今日下午得閒無事約了好朋友去 Airside 行街, 這個商場有好多高質嘅餐廳, 今次去 3/F.,  AIRSIDE Cafe, 環境好, 部份位置可以望到商場地面,  無侷促感. 餐廳 下午有 High-Tea , 可以舒舒服服的談天飲茶食餅.二人餐 “Afternoon-Tea” , 兩位 $348 -  侍應送來特式的三層架, 奶茶, 咖啡. 第一層 是甜點, 經典馬卡龍,  手工賣相,  頗見心思. 第二層,   甜點:  迷你糕點, 香橙千層酥, 大溪地雲尼拿可麗露,   看來並不細緻, 也不吸引.  欠驚喜. 迷你蛋糕,  口感偏鬆軟.  大溪地雲尼拿可麗露,  入口軟滑, 甜度適中.英式鬆餅配檸檬忌廉果醬,   屬於至愛必食甜品.   口感扎實之餘又不失鬆化 .第三層, 咸點: 龍蝦包,  淡淡的龍蝦肉, 餐包厚厚, 有份量, 包食飽. 蟹肉甜粟米撻,  蟹肉的份量較少, 甜粟米好稔, 撻皮正常脆口. 雞肉松露芝士三文治, 正常好食,  但比較單調. 咖啡或茶.  + $28-  升級至無限量添飲咖啡.  手工咖啡香而不俗. 那麼又過了一個悠閒又舒適的下午. 

今日同同事第一次試Airside Cafe。之前已經經OpenRice訂位。餐廳的環境不錯，在商場3樓中庭，能看到商場中央地下位置的活動。餐廳服務員很有禮貌，座位也十分舒適。食物方面，餐牌有兩個或三個course的set lunch選擇，三個course的set lunch比兩個course多一個甜品。我選擇咗個兩個course set lunch，頭盤加錢選擇咗青口酸種麵包，味道不錯。第二個course選擇咗炸蠔linguine，賣相幾好，麵條都好彈牙。美中不足係個set冇包飲品要另外加錢。價錢方面，每人平均270到300左右，在商場內屬於高價菜，而商場內有更抵食嘅選擇。總體嚟講餐廳適合商務午餐或聚會聚會慢慢食，慢慢傾，因為環境冇得彈。

Set Lunch可以選擇嘅組合都幾多，而且都OK特別，前菜order咗個羊奶芝士薄餅，個羊奶芝士超有驚喜，好Creamy好香濃，配埋個外脆內軟嘅薄餅一齊食，到而家都好回味😋.主菜order咗個慢煮三文魚，真係好嫩口同埋入口即溶，啲汁都好夾，配料都唔係Hea，就算冇配飯或者意粉都岩岩好夠飽！.環境都唔錯，木系設計坐得好舒服，服務亦都OK周到，侍應時不時都嚟斟水。所以整體感覺都Ok，不過佢Set Lunch Menu最平都$268，加埋一就$3XX，係晚餐價錢，都真係有啲貴，而且冇咁平嘅選擇，欠缺彈性，所以同枱同事都反映我揀餐廳揀得太貴，搞到有啲唔好意思，加上佢個環境格局又未至於呢個收費，不過都值得一試嘅。

🍴鮮藍青口第一次見青口配辣肉腸😂 青口正正常常新鮮嘅酸種麵包十分驚喜 加埋配菜同個醬汁簡直無敵😋值得encore🍴燒白羊羊嗌咗七成熟 非常嫩 醬汁味道啱啱好 唔會太濃搶咗羊味其中一款綠色配菜好酸 但解膩🍴蟹肉手捲意麵手工意粉有咬口蟹肉份量都唔少係稍微有啲鹹 應該係烏魚子

最近去多了啟德發掘到這間高質西餐廳！餐廳主打西式海陸美饌和fusion菜，個人認為他們的海鮮尤其出色✨ 必點原隻龍蝦扁義麵，大大隻龍蝦充滿炭烤風味、肉質彈牙，配上濃郁鮮甜的Lobster Bisque，整個味道再推高一個層次🦞✨ 而淺漬帶子和松葉蟹肉他他都很足料，帶子配上香橙柚子醬非常清新，松葉蟹肉混合藜麥、杏仁片充滿口感！必須一讚大廚在醬汁運用方面非常多元化！以主菜為例，千歲豬的伴碟奇異果泡菜意外地配襯又惹味，而和牛後腰肉配上瑞士甜菜及紅桑子紅菜頭蓉亦非常特別！除了美食，餐廳亦供應多款創新雞尾酒，非常滿意我的Smokey Negroni呢🧡

今次去食high tea，真係好正！三層架一上枱，已經覺得好靚，影相打卡一流。最上層嘅甜點有英式鬆餅，外皮脆脆哋，入面好鬆軟，搽埋奶油同果醬，食落去真係好滿足；仲有馬卡龍，外脆內軟，甜度啱啱好，顏色又靚，食完心情都靚晒。中層嘅鹹點都好出色，煙三文魚三明治嘅麵包好軟熟，三文魚好新鮮，加埋酸豆同奶油芝士，味道好豐富；迷你鹹派嘅酥皮好脆，入面係蘑菇同芝士，香噴噴；仲有酥皮蝦多士，蝦肉彈牙，酥皮脆卜卜，食完想再encore！最下層嘅司康餅係經典，熱辣辣上枱，外皮微脆，入面好鬆軟，搽埋奶油同果醬，簡單但好好味。配埋一壺香濃嘅英式紅茶，茶味好醇厚，同點心嘅甜鹹味好夾，食得好舒服。成個high tea體驗好悠閒，坐喺度慢慢食，真係唔捨得走！

諗住入去飲兩杯咖啡休息一陣，個呀姐唔知係咪見我地冇幫襯，眼神態度有少少差！！！！！！！！5點左右埋單，爭一蚊先夠泊車優惠，唔肯比我買個外賣杯，完全冇諗住幫手解決問題，勁快paywave scan完我女朋友張卡就走左去。雖說泊車唔係好貴。。。但好唔開心佢咁既態度。

今日係airside附近做完嘢，諗住happy hour，見到呢間airside cafe，係商場正中間露天嘅位置，十分開陽，所以試試佢。呢度既菜式好多，今次叫左份薯條，雖然賣相普通，但都炸得幾香同脆，仲加左啲飯素同蛋黃醬，係食happy hour 既一個好選擇。咁啱果日嚟到佢地做緊House prosecco買一送一既優惠，好抵飲，佢呢杯有細膩的氣泡，帶有少少既甜味，容易入口。無論係開胃酒定搭配一啲輕盈既菜餚，都係一個好選擇！見佢menu既菜式都幾吸引，種類又多，餐廳既環境舒服好坐，見到午市同晚市都會有套餐可以選擇，下次如果再係附近都會再嚟試下佢其他既菜品。

這次已經不是第一次到airside cafe 吃飯了。這次是年初四夜晚到訪的。當晚可能是因為年初四的關係，吃飯的顧客不多。點了餐牌第一道的二人海鮮拼盤沙律以及羊扒。朋友還點了杯白酒送海鮮。海鮮拼盤的質素不錯，食材也很差其中我覺得龍蝦及在橙汁中的帶子是最好吃的。另外血橙的沙律蝦也是不錯的選擇。很新鮮的食材。另外最後的重頭戲，就是羊扒了。三成熟的肉，總算是很嫩，不過相比上次吃過的牛面頰肉，就稍為遜色了。下次再到訪的時候，或許會再見可口的面頰肉來吃。另外我們還點了燒過的西蘭花，上面灑滿了杏仁片及蒜蓉，很惹味很可口。值得推介的餐廳。

Airside嘅餐廳都好吸引，真係想逐間都試晒Airside Cafe景觀比較開陽，可以望到商場景菜式都好多選擇，前菜全部都好吸引，簡直係花多眼亂和牛他他 $188非常之鍾意食他他既我，通常餐廳有得嗌都唔會放過非常新鮮！平時多數他他都會配多士，呢間餐廳配豆腐脆片，非常之香口，夾埋生牛肉他他同埋其他配菜非常之好食脆炸忌廉蠔餅 $168有五件，好似忌廉薯餅嘅外貌，入面竟然係滿滿嘅蠔肉，夾埋下面嘅lemon cream，真係好好味另外加咗一個薯條$68上面加咗蛋黃醬同埋飯素，好味！千歲豬 $238真係煎得好嫩，帶點微微嘅粉紅色，真係可以算係食過最好食嘅豬三甲之一 ，配埋好好食嘅番薯蓉，掂三黃雞 $218雞反而冇豬咁出色，不過都烤得香，皮亦脆，最特別嘅係佢用咗薏米同菇煮到好似risotto錦，好得意蟹肉手捲麵 $198本身睇佢個賣相唔算好特別，點知一撥開發現係有海量蟹肉！個手捲麵質地亦都好好食，唔錯唔錯整體而言，呢間餐廳都真係好高質，推介推介

尋晚2024年12月31日我諗住同個仔慶祝新年元旦，去咗呢間位於啟德Airside 3樓Airside Cafe, 晚上8:45左右order咗佢哋牛面頰同埋藍青口加埋一杯芒果Mocktail, 食完回家唔夠一至兩小時後，仔仔全晚不停上吐下瀉，我個仔依家屙到脫晒水面青口唇白，攪到今朝2025年1月1日上午11:00左右終於俾佢埋到床瞓一陣，期間仲要一直話俾我聽腹部及胃部好痛兼頭好暈，我好彩冇食牛肉，食咗少量藍青口都覺得腸痛同腹痛，呢間Airside 廚師烹調手法好有問題，衞生情況令人擔憂！！！等埋今日下午如果情況再冇改善，唯有去政府急症室😭😭😭，食物中毒真係可大可小，我係大人都覺得辛苦，何況小朋友，希望餐廳正視呢個問題，食物嘅衛生情況好重要，海鮮不潔應該要立即處理，烹調牛肉一定要處理得好恰當，廚師經驗好重要‼️如果唔係食到肚痛食物中毒，其實單從食物嘅賣相係OK嘅，可惜食物味道欠佳，藍青口唔新鮮，牛面頰肉質差，真係唔明白點解可以收人均消費$500， 呢啲價錢可以在其他餐廳食得好好！

做冬係咗中餐,咁今日食西餐吧！ 行街見呢間餐廳都幾多人,今日行開見有卡位,咁入去試吓啦😉門口個男知客,笑容滿面,態度好好,我估佢係餐廳經理. 帶我坐咗個靚位,我睇吓menu, 見到意大利汽酒買一送一,咁叫嚟解吓喝先😁.食物點咗烤八爪魚,主食就點千歲豬同集菌意粉.烤八爪魚份量好少,擺盤靚仔,味道不俗. 之後意粉,有三種菇,冬菇,舞茸菇同蘑菇,牛油忌廉汁,意粉係q彈☺️之後到千歲豬, 一般係玉薯蓉伴碟,但係呢度呢就用南瓜蓉,個南瓜肉甜甜地有咬口但係都滑嘅.仲配上咗幾舊嘅長柄西蘭花同埋香脆嘅hazelnut. 個豬肉應該係先慢煮之後再燒,保留咗啲肉汁唔會鞋幾好食😋之後酒店咗甜品,椰子雪葩配鮮百合糖蔥餅. 真係好地到㗎香港風味,所以即刻要點一個嚟試下😁 個配搭都唔錯幾好味！整體上用餐經驗係愉快嘅食物合乎水準加錢大約一個人需要400蚊！

晚餐與老婆叫了兩個晚餐Set再加生蠔。基本上所有食物都有驚喜，特別是每樣食物都有不同的汁去搭配。能夠刺激食慾。而且上菜速度不會太快，可以慢慢享受😋不過最後的甜品非常失望，極之甜之外，雪糕雪得太硬，等了10分鐘仍然未可以食。扣了分。

一心找一過好的地方慶祝結婚周年。Book 位時已經詢問在甜品上加結婚周年牌還寫在碟上，沒有回覆所以一起到order 食物後,就問侍應，在甜品上寫字或加牌可以嗎？他一口回覆没有，完全沒有嘗試去幫我尋求答案。食物點樣好，也破壞了我請問的心情。這個服務需要改善，令人失望。最後我再發現朋友去過同樣時慶祝結婚周年是可以寫牌的🥵

呢排成日去airside行街，呢個商場有好多高質嘅餐廳，今次就試咗呢間係商場中央嘅餐廳，佢嘅環境非常好，有啲位置可以望到成個商場，唔會有侷促嘅感覺。我哋今次唔係好肚餓，淨係食咗三樣嘢。前菜係淺漬紅蝦，紅蝦加入咗鮭魚子、溫川蛋同花椰菜泡沫，層次豐富，而且味道refreshing。主菜方面，點左千歲豬，佢嘅調味用上柚子味增同埋昆布油，幾創新，配搭千歲豬同埋椰菜，非常夾。最後仲點左卡邦尼寛面，意粉上面有好Creamy嘅芝士醬汁，勁惹味。