alfafa (樂富廣場)

营业中

休息中

今日約左雞仔去行山，行山前在樂富揾食補充下體力先在這麼多餐廳之下選擇了這間，貪佢午餐選擇多，價錢合理及坐得舒適我們午餐揀了：(有加一收費)烤雞(半隻) $120~ 有餐湯+包+餐飲。烤雞雖然等得比較耐，但勝在熱辣辣，雞肉多汁嫰滑好味。三文魚魷魚芝士黃彊飯$124 ~ 包餐飲。三文魚焗得有點乾身，魷魚欠缺口感，味道中規中矩。值得讚賞是服務態度好好，侍應對客都好有禮貌。我們在餐廳門口拎了優惠券，但不知道可否用，女侍應看到很主動幫我們揀了一張適合這天用的優惠券，還親切解釋其他優惠券怎樣用。埋單後又主動比多份優惠券

今日嚟樂富係為左影獅子山+黃花風玲.由於昨晚通了頂所以吃了個早餐就回家睡，直到現在還未吃東西，在openrice 看到漢堡意粉價錢都在50-60之間而食評又不錯就選了這間.入門口時朋友說這間是delifrance的分身.食物唔錯，尤其公司三文治，麵包燙得剛剛好，入面食材爽脆不會淋淋軟軟的那種，而且有酸瓜著實提升了味道層次.即磨咖啡ok, 就朋友愛喝茶餐廳的熱檸茶但這裡是茶包的那種，但我就很滿意這餐和這間餐廳.

如果你正在尋找一家提供健康和美味餐點的餐廳，那麼alfafa就是你的不二之選。這家餐廳的裝潢簡約時尚，氣氛非常舒適，非常適合和家人或朋友一起享用美食。alfafa的菜單非常豐富，提供多種健康輕食、沙拉、漢堡、三文治和炸物等西式料理。他們的招牌菜包括焗烤燴鮮蝦飯、香草慢煮牛肉、炸魚薯條等，都是非常受歡迎的選擇。此外，alfafa還提供各種口味的沙拉和沙律卷，絕對讓你驚喜不斷。如果你是一個甜點愛好者，你一定不能錯過alfafa的甜點。他們的藍莓千層蛋糕和起司蛋糕是必試的，美味又健康。總的來說，alfafa是一家結合了健康和美味的餐廳，是一個非常值得一試的地方。如果你還沒嘗試過，那麼不要再猶豫了，趕快去試試吧！

相約好友扮靚靚，之前先去食個brunch😊朋友話呢間都算幾抵食，空間又夠大，而且地點方便！果然呢間Alfafa 有不同Breakfast set提供，仲可以另外配搭加小食。食物質素都唔錯，隻蛋有幾好味，加多十幾蚊就有杯嘢飲，坐得都算舒服！- egg Benedict (add king oyster mushrooms )- morning glory and sesame bun- Matcha latte- hot coffee

入面地方夠大, 下午茶人流唔多, 餐廳環境裝修簡潔, 坐得舒服, 不過出餐嘅速度都幾慢我哋叫咗兩份下午茶, 每份都係$58🍽️韓式辣醬炒蜆肉意粉醬汁幾濃味, 有啲辣, 除咗蜆肉之外仲有小豆苗, 洋蔥及車厘茄做配料, 意粉質地及份量正正常常🍽️公司三文治配薯條有四舊三文治(食左兩舊先記得影相😉), 餡料有烤雞肉, 煙肉, 炒蛋, 蕃茄, 生菜等…, 雞肉冇雪味, 煙肉好瘦, 幾好趙頭及鹹香, 裏面唔覺得有沙律醬或好重牛油味, 屬於比較健康嘅公司三文治; 粗身薯條炸得唔算油膩, 好有薯仔味☕熱檸茶茶包茶味唔濃, 而且得兩片檸檬☕熱情果鮮果伯爵茶(+$18升級飲品)聞落好濃嘅甜味, 但係飲落只係少少甜並且帶有少少酸, 清新好飲下午茶星期一至五14:00-18:00星期六日15:00-17:00只限星期一至五, 下午茶有兩個優惠👇優惠1: 免加一 優惠2: 第二份下午茶半價以上優惠任選一個, 當然如果你食兩份下午茶嘅話, 梗係優惠2抵啲啦不過好奇怪, 既然有啲咁抵嘅優惠, 唔知點解冇寫响下午茶menu或者大門口, 埋單嗰陣時先知有呢啲優惠, 都幾有驚喜, 不過呢啲優惠唔知做到幾時, 去之前都係打電

到埗時早上11:45，未到午市繁忙時間，內裏約十張4人吉枱，但都係堅持唔俾我一大一細二人攞住一袋二袋坐，都係要塞我哋坐張二人枱，加上餐枱邊又放盒大大盒餐具籃，愈發顯得張枱細。手機落單，侍應走嚟，係sell中秋曲奇，稱可試食。回覆唔駛客氣。可免，反正冇打算買。餓極之下揀咗個「L3烤雞腿蕃茄天使麵」，既言餓極，會好影響味蕾分析，所以覺得幾好吃，雞髀近下肢皮都算幾脆。跟餐「熱雜莓茶」係用茶包。話佢份屬「有營食肆」，就係因為見佢沙律用羽衣甘藍、紅莓乾、藜麥、蘋果，少量白汁，無疑對比常見沙律有新鮮感。碌手機見細路有兒童餐揀，螺絲粉份量確然比一般午餐少一半，一樣又少三分一嘅沙律，味道可以，但反而咁樣大幅削減食物份量而收$82似乎仲貴咗。出去收銀機埋單，侍應再度sell曲奇⋯⋯話買盒曲奇湊夠幾多錢又送coupon好抵云云⋯⋯冇諗到唔係中秋前去酒樓都會俾人sell買餅⋯⋯😑同場加映：下午茶相對午餐係cp值高好多，份量又冇特別少，擺盤賣相亦冇求其，比較推介下午茶先去。例如：👇🏻

前幾日做嘢落咗去咗樂富商場，發現商場入面既餐廳好多都裝修得好靚，就是但入咗一間西餐廳試一試🌝前菜套餐跟前菜，可以選擇沙律或者餐湯。沙律入面有羽衣甘藍、果乾、亞麻籽 等配料而湯選擇左蘑菇湯，食落去有啖啖蘑菇粒，充滿香濃蘑菇味，我覺得揀湯好過揀沙律🤣🌝烤雞腿香草蕃茄天使麵 $98雞腿大隻得嚟肉質都幾鮮嫩，配上香濃蕃茄醬天使麵，唔錯🌝烤肉醬千層麵配薯蓉 $98食到肉醬充滿牛肉味，而薯蓉用唧花嘅方法呈現，睇落視覺效果更佳，而薯蓉帶有香濃牛油香味，但略為唔夠creamy , 質感較為乾身跟餐奉送一杯嘢飲我揀咗凍錫蘭奶茶，茶味充足👍總結：餐廳行健康風格為主，所以見到menu 菜式選材有Superfood及素食，店內以QR code落單，店員服務態度都唔錯，價錢亦都係唔貴，可以一試

餐廳配色柔和，座位非常多，提供多款西式餐點，dinner亦有set供應。平日晚市7點左右，已經有唔少客人食緊。焗肉醬千層麵配薯蓉($92)，肉醬量多，麵層唔會焗得過淋/硬，切既時候，仲見到層層狀態。旁邊2側既薯蓉幼滑，但唔會覺得膩。個人覺得味道清淡ok，唔會好重味，如果覺得唔夠味，可以加入肉醬稍作調味，效果亦唔錯。即焗關係，食個陣要小心。烤雞腿番茄香草天使麵($92)，雞腿超大隻，個皮已燒焦脆，雞肉嫩唔‘鞋’，好易就撕得開。而天使麵份量超多，男仔食一定夠飽甚至太多。麵身偏硬，有番茄、洋蔥粒等一齊炒香。不過略微油左dd。每個dinner set都附有是日餐湯或沙律，及飲品一杯。餐湯係有機蘑菇湯，蘑菇打成碎粒，超濃郁及香。原來仲人有埋餐包附送，麵包微微烘過，浸湯食就冇咁硬身。唔知係味唔同set既麵包會唔一樣，見有d食客係類似蒜蓉多士樣。餐飲選擇眾多，除左常見檸茶檸水咖啡，仲有公平交易既蘋果茶、雜莓茶等，味道聞落香，飲落味道就淡。整體，環境大及舒服，適合聚會，無論係情侶、朋友，又或係家庭聚會都好岩。食物份量多，價錢正常。

in Lok FuCafeFood: 💛💛💛🤍🤍Décor: 💛💛💛🤍🤍Service:💛💛💛💛🤍Price Value: 💛💛💛💛💛Price Range:💰 $80-150Favourite: 💖 Egg benedict with avocado and cheddar cheese ------------------------------- It's good value with friendly and attentive staff - Good option for a quick meal- Fresh and premium ingredients - Nice coffee - The food was excellent and so was the service

拍完車見到樂富廣場送咗$50 coupon夠$150就可以用就諗住試吓呢間lunch set見到一個意粉都要成舊水已經覺得唔太抵最後叫咗海鮮意大利飯 + 燒雞午餐附送餐湯及飲品先嚟咗兩個蕃茄雜菜湯完全係茄膏加水 好酸好難飲之後上飲品凍檸蜜同凍啡杯凍檸蜜係糖漿加水 （連最平嘅百花蜜都唔係）飲咗一啖乸喉已經在飲唔到老公個杯凍啡仲難飲過普通茶餐廳感覺好似雀巢咖啡粉開水 極度難飲最後我哋兩個 兩杯野完全冇飲過寧願飲清水講返主菜 個意大利粉完全冇味真係一啲味都冇 隻蝦非常之霉青口啲肉仲細過一毫子個燒雞好鞋冇味 街市買$30燒春雞都好食過佢最勁係連薯仔都係一浸酸味啲薯仔一咬係完全散開 西蘭花非常唔新鮮減完$50 Coupon 埋單都要二百幾寧願去7-Eleven買叮叮飯仲好食過佢永冇下次 超級失望加上咁樣嘅價錢性價比真係超低

Dinner Set for 2 $318🍲Mixed Veg Bouillon🥗alfafa Salad🥩Grain-Fed Tenderloin🥘Seafood Sizzlelini🍫Baked Chocolate Lava / Coconut Ice Cream🍨Sweet Garden (brownie) / Coconut Ice Cream.Delicious food with reasonable price!Will definitely come again!#Alfafa #alfafahk

用QR CODE落單好方便，不過時代變遷，又係代表佢可以請少啲侍應。燒春雞＄118有D生，配菜OK.海鮮飯＄128，有青口，魷魚，急凍蝦……份量都算多，餐包竟然係凍。女仔食完個餐都好飽。繁忙時間都坐唔滿，係A區地庫。埸內放左幾部空氣清新機。扒餐至少都要二百以上。仲有cookie賣。門口就能搞free parking手續好方便。Service就好好，有好細心提你嗰啲盤好熱。上菜又會幫你分去邊一邊。我個人比較著重呢啲服務。

因為工作，星期六係呢到快快食咗個全日早餐，個lunch set 有沙律或者湯，我要咗沙津，有少量沙津醬，幼切萍果，整體淸淡。可能多人叫外賣，食完沙律都等咗兩個字先上個全日早餐，煎鱈魚，超級好食，係啱啱煎好，金黃色，外脆內邊魚肉厚身而且一瓣一瓣，係新鮮貨。炒蛋夠嫩，蛋上有黑從露，蛋下面有牛油果醬和多士，除咗蛋，個多士我冇食⋯。唔係因為佢差，係我偏食啫🙈。沙津，煙肉同火腿，正常水準。可能疫情，堂食人好少，待應服務好好，因為我趕住返工，我一吹單，佢哋即刻同我跟。埋單大約120，抵！

今日太多野做，到3:30 先叫食到個Lunch ... 其實即係下午茶.. 🥲見佢唔駛等就快快脆入去坐低，話哂係下午茶時間，唔多選擇都正常既，我地叫咗蕃茄蜆肉意粉同燒汁雞肉天使麵，分別都係$56包杯飲品,係好抵食既✅✅燒汁雞肉天使麵味道都濃，不過雞肉有少少雪藏味，只要你加多𝓓辣椒仔就問題不大既可接受🤭但蕃茄蜆肉意粉🍝就差了，沒有蕃茄味，個汁好淡口，要自己加茄汁及芝士粉先至可以叫做有味.. 😵‍💫

我點了烤雞天使麵，醬汁味道不錯，麵身還是濕潤的，是用心的美食。價格平民，服務很不錯，以下午茶來說份量可以。我們5時左右抵達，雖說疫情下6時禁堂食，吃完後也沒有催迫感，很樂意再去光顧。☺️