alfafa (港運城)

营业中

休息中

意外發現呢度有一間Alfalfa ,門口見到佢兩個餐牌寫到好似好好睇，圖文並茂吸引到我，於是就行咗入去。好幸運地可以坐喺一個靠窗位。我選擇嘅係L4焗卡邦尼煙肉有機蘑菇亞麻籽飯。餐前可以選擇係沙律定係湯，咁我就選擇左羅宋湯，麵包就係餐廳送嘅。麵包焗到有少少脆硬，要用刀切開在塞牛油落去麵包。切落去嗰陣時成張枱都係麵包碎。羅宋湯入面係冇牛肉，冇辣味。入面嘅菜都幾豐富啖啖湯都一定有菜。因為係焗飯所以時間等得就比較耐嘅。芝士焗到非常溶爛舖喺煙肉嗰度。煙肉嘅肉碎係切得比較大粒。如果細粒少少嘅話會口感更加好。成個飯非常之油膩，食唔夠一半已經飽。飲品嗰方面我就飲咗一杯熱奶茶，唔知道點解飲品好似都係比其他人嚟得慢。希望下次有機會再食過啦。真係比較抵食，抵食到我可以食兩餐。但係要留意一樣嘢味道同個價錢唔係成正比。基本上所有嘢都係普普通通。好似去咗茶記食西餐咁。

呢間嘢以天然有機食材為主有super salad、焗飯、pizza、意粉等佢份沙律好好食，啲沙律菜好新鮮，而且脆口，配埋杏仁片，味道好夾；另外叫咗個 焗卡邦尼煙肉有機鮮蘑菇亞麻籽飯，有鹹香嘅芝士味，濃郁嘅卡邦尼醬汁，飯嘅硬度剛剛好，成個飯口味非常濃郁，有配洋蔥紅椒，雖然口味濃郁但唔會食到好滯。配埋杯有機紅樹茶，清清地

等放學時來一個下午茶，記得很久前吃過其他分店不錯。點了無激素雞翼配薯條及凍檸茶，即叫即做。來到賣相不錯，雞翼吃得出真的是無激素，和我平時買的相似，簡單地加了鹽和香草已很夠味， 想再惹味點可以點附上的燒烤醬。薯條應該是急凍再即炸，香脆可口，隨便落蕃汁，太多吃不完，服務員還拿來盒子讓我帶走👍🏻。凍檸茶少甜真的是少甜，茶味不太濃，冰略多，凍飲加$4略貴。環境燈光空間嘗可。不加一非常好，會再光顧下午茶。

於附近公司Training後，與同事們吃下午茶餐。店內環境寬敞，有7款下午茶套餐一律為$54。牛油果車打芝士流心蛋芝麻包配Alfafa超級沙律 - $54有兩件Egg Benedict，水波蛋好滑溜，切開流出濃濃蛋汁；牛油果很大片很綿密；鋪著整塊車打芝士充滿咸香；麵包有少少芝麻粒頗香，也能吸收蛋黃汁；沙律菜用上羽衣甘藍，沙律醬、杏仁片和藜麥掩蓋了苦澀味。蝴蝶酥椰子雪糕三文治 +$24椰子味的雪糕比較少見，加配就是為了它，雪糕球頗大又結實，充滿椰子香，夾著兩塊香脆的蝴蝶酥，底部墊著朱古力醬。錫蘭奶茶 +$4錫蘭紅茶本身的茶味較為重，故奶味感不會那麼重，口感較清爽。自家製曲奇 - $19內有多款口味，可以存放兩星期左右，好酥脆鬆化。

之前食過太古個間分店既早餐覺得唔錯，所以今次黎想試埋佢地既下午茶，點知非常失望，唔知係咪分店問題😕牛油果車打芝士流心蛋芝麻包配超級沙律｜$64超級沙律其實係羽衣甘藍，食落冇一般苦澀味👍🏻不過流心蛋煮耐左，偏熟唔太流心，芝麻包冇烘過，口感比較韌公司三文治配薯條｜$64公司治等左40分鐘先到，但入面餡料都係凍，包括烤雞肉、煙肉、炒蛋都係唔熱，旁邊配有薯條，腍身偏油，都唔明白點解要整咁耐😖法國杏仁香梨撻｜$24撻好似急凍完攞出黎咁😢完全切唔開，中間香梨係冰，有點似食緊冰菠蘿咁朱古力焦糖榛子撻｜$24呢個比香梨撻好少少，至少能切開，不過味道偏甜，撻邊都係腍身🥲餐廳衛生情況都欠佳，食到最後見到檯底有昆蟲，我同朋友都急急腳咁走，非常失望用餐體驗

今日去左北角港運城食個西式早餐！.環境：都幾舒服，唔會太逼！但係都full house! .📌煙三文魚鮮菠菜芝士奄列。配自選麵包$49 奄列有好多三文魚係入面，又唔會整得太熟👍🏻.📌煎雙蛋、烤煙肉、直布羅陀腸、火腿扒。配自選麵包 $54煙肉淨係煎左一面🤔.其他食物質素都合格，最中意個牛角酥，夠熱夠脆！.餐飲配左杯咖啡，咖啡質素一般，但係用熱奶👍🏻 加分！.Overall，可以一試！比起太古個間，呢間分店做得更有Heart👍🏻.=========================.食物：7/10環境：7/10抵食度：7/10回頭度：7.5/10.📌 alfafa (港運城) (北角)北角英皇道500號港運城1樓123-124號舖.

🌃 餐廳走西式輕cafe 路線， 環境舒適， 帶點田園風格。.👨‍👩‍👧‍👧以下為2人份參考（💲人均$9x) (晚餐).🥗 啖啖肉拼盤💲 208/ 份 ( 指定訂座平台半價 $ 104 )👉 燒香檸春雞半隻幾厚肉，肉質比較結實， 嫩滑度一般，燒醬燒豬肋骨 半份 燒得幾入味，烤雞翼3隻甜甜的、 燒直布羅陀腸三條燒得唔錯，炸薯條 幾香口 ，配上紅酒燒汁、燒烤醬蜜糖、芥末醬。.🦐 alfafa 超級沙律(大)💲 98 ( 指定訂座平台半價 $49 )👉 份量幾大份， 有牛油果、羽衣金蘭、 西蘭花、蘋果、車厘茄、奇亞籽、有機三色藜麥、 配上奇亞籽檸檬汁， 呢個組合健康到不得了， 不過又幾好食， 尤其是牛油果夠熟好creamy。 原本小編好少會咁健康叫個超級沙律， 但因為之前食咗個 啖啖肉拼盤， 叫番個超級沙律可以平衡返均衡飲食🤣， 除咗超級沙律之外， 仲有附上法包配沙律醬。.🤠 通粉 foodie 食評總結 :👉 如果以正價嚟食， 未必吸引到小編， 始終食物質素未達到正價嘅水準， 但如果用咗指定訂座平台半價的話，就會好吸引到小編， 質素係半價水準之上。 食物種類有啖啖肉， 海陸空海鮮，

我補習社在馬寶學林,我上電梯後便看到這餐廳,二話不說進去,侍應服務好,當天叫了雞翼,千層肉醬麵,餐湯+餐包 全都好吃服務好+美食好吃,我真的很推薦大家係北角食,尤其住係附近嘅alfafa迷

星期五晚上入座時見到得兩枱客都已經心感不妙。不過諗住快食一餐本著求其醫飽個肚就無謂再去搵其他野食。首先，嗌咗Beef lasagna佢哋竟然話冇芝士，問我介唔介意，我話Beef lasagna 冇芝士咁淨係得千層麵同埋肉醬？佢哋話只係上面冇芝士碎都仲食得，其實港運城入邊都有超級市場，有冇可能做星期五晚市可以冇芝士？anyway 仔仔想食咁照叫冇辨法。之後我嗌咗個沙律同埋薯條，佢哋話冇薯仔同埋薯條，所兩樣都冇，我就決定放棄，冇再嗌其他嘢食。個beef lasagna 上枱係超級熱，伴碟嘅薯蓉焗到亁晒又冇味，而因為冇碎芝士嘅關係個千層焗到好脆，完全唔知自己食緊啲乜嘢。近來劣食之最非alfafa 莫屬

今日同同事過黎北角食lunch, 今次黎呢間有買3送1 既special discount! 我地點左兩個天使麵，一個全日早餐，一個炸魚薯條，一齊share嚟食，set 餐包沙律或湯，主菜，同埋餐飲，個餐既份量好大，未食完已經好飽了～味道都唔錯既！

覆完診，想食個豐富又好D嘅早餐獎勵自己，嚟到附近醒起呢度有呢間，望一望有ALL DAY BREAKFAST，所以就入去....因為仲係早餐時段，所以都有好多早餐SET 選擇，不過我都係揀左ALL DAY BREAKFAST+熱奶茶，吾知係咪晏左，D 麵包得多士同麥包選擇，冇牛角酥，所以揀多士....整份早餐味道OK，沙律同黑松露炒蛋好味，芝麻包、雞肉腸都吾錯，好滿足，下次再配杯咖啡先得....雖然呢度在商場一角，我又坐近多人行過的位置，但感覺都自在舒服....

清年假，往年 90%年假都是去旅行，2020年例外！受 COVID--19疫情影響，所有外遊取消，剩了些年假，要在HR系統清零前休假。放假，約朋友到海洋公園，我們在北角匯合，先吃個豐富的早餐，地點選在港運城内的 alfafa，原來工作日早餐時段，生意很多，差不多客滿，只剩１張最裏面的２人枱。點了２份早餐：#炒魚柳黑松露炒蛋配牛角包，我吃這個，魚柳炸漿太厚，吸了很多油，不好吃！黑松露炒蛋和牛角包都好吃！#自選３併早餐，朋友選了雞扒、腸仔、炒蛋配牛角包，應該比我的炸魚柳好味！#Latte，要加12元，挺大１杯，味道好！#熱奶茶，朋友喝這個，不用加錢，她說不及茶餐廳的好喝！總體一般的早餐！

大約三年前喺太古食過一次 Alfafa ，經過見到有下午茶餐又去咗食😀由於喺就嚟轉晚市時先去食下午茶，所以可以選擇嘅餐唔多。點咗蜆肉磨菇意粉($62)，意粉軟硬適中，配以少少甜嘅照燒醬汁同清新嘅紅椒，係我鍾意嘅味道😋 跟餐配蘋果茶，下午茶嚟講都抵食茶餐可以半價加配甜品，要咗芒果熱情果蛋糕(+$29)，賣相漂亮，芒果層嘅味道甜咗啲，而且底層海綿蛋糕有啲乾，少少失望... 如果冇加到甜品，成餐飯嘅整體分數會高返好多

星期日去左食lunch屋企人叫左個all day breakfast本身因為有牛角包先叫 點知黎到變左2塊多士問返侍應先話牛角包無貨 落單個同事無同你講咩？個時無咩人，唔忙，如果餐點上供應唔到應該同食客講清楚

成日經過，見佢環境幾好，第一次食alfafa， 餐牌唔平，有啲期望。腸胃唔係幾舒服，想食清淡啲無咩選擇，$107 食個沙律:個牛油果🥑係發黑色，好硬，好難食，好唔新鮮;凍冰冰嘅程度係隻碗出晒倒汗水，食落凍到冰心，易肚痛唔食得生冷野就不宜吃！食完有啲頭痛水杯超污糟，黃咁咁，有污漬，有懷疑係咪拎左隔離枱用完未洗嘅黎。希望餐廳檢視一下，如果洗唔到，餐廳要換新杯啦，有成5間分店唔好咁求其。Alfafa 標磅健康優質食材，百幾蚊食個沙律估唔到係咁嘅質素，好失望隨餐的蘑菇湯，餐包微暖，熱茶，還可以，一百蚊的價錢水準。重點個沙律真係唔好食，環境ok 都補唔番