Ali 爸爸餐廳

营业中

休息中

喺屋邨商場有間印巴咖喱餐廳實屬罕見、一直都唔夠膽試因為資料唔太多、完全冇主menu 資料、大多數都係lunch啲普通咖喱睇相令人卻步。但原來午餐都有一系列advanced curry, 其中有Chicken Biryani 算係一款適合做第一次試嘅菜。結果比想像中好！原來呢度係有主menu、正宗印度咖喱款色絕唔欠奉、從此就開始encore 。呢條邨位置頗隔涉、都係街坊多、店夠寬敞、人流氣氛感覺良好。巴基斯坦老闆（？）100% 廣東話OK！【 Chicken Biryani 】睇老闆廚師心情、竟然會玩下變樣、隻蛋可能會用蛋包飯形式登場。【 Saagwala Chicken 】菠菜雞咖喱絕唔遜色、同出面好多印度餐廳不相伯仲、算有啲估唔到。Naan 就弱啲、又唔係好夠喉咁、但午餐價係包埋naan所以係冇得投訴嘅。呢間其一賣點可能係啲甜品、註明「爸爸自制」話係巴基斯坦雪糕。亦有【熱情孖寶】etc.【 Masala Ice-cream 】原來係雪糕加咗Masala香料味、第一次食。入面仲加咗果仁。原味清淡恰當、另有一款係用玫瑰花蜜款做topping。

看了食評，抱著希望嘗試正宗印度餐，坐了半小時綠色小巴到這個商場餐廳點了個咖喱雞餐，結果期望與實際落差甚大，個人觀感，就連附近的大快活差不多價錢的咖喱雞都要比佢好，先不說咖喱雞分量有幾少，味道與重慶大廈的印度餐廳相比，相差甚遠，俾人的感覺就是將貨就價，唯一可取的是，燒餅的分量夠多，亦夠熱，服務態度亦算良好，這種體驗一次就足夠了。

今日心血來潮，決定嚟一場味覺探險🧭。点了份瑪莎拉燒雞同咖哩薯仔燴蝦，可以講得上係味道駕馭得宜，唔係普通嘅水準。話說佢個瑪莎拉雞，肉質滑嫩，有種香噴噴嘅炭香味，每一啖咬落去既有咬口又唔會太乾，啖啖肉的感覺真係過癮到爆！而嗰個咖哩薯仔呢，講真，係我食過最惹味嘅一次，香滑嘅薯仔爛到出神入化，湊埋啖啖咖哩汁嘅蝦仁，卡滋卡滋，真係夠晒彈牙！當然，點可以少得佢個招牌Naan啦，腍到化，熱辣辣嘅蒜味輕輕一撲鼻，沾上那醇厚嘅咖哩，完美！至於芒果乳酪呢，就有啲驚喜，一點點酸酸甜甜，清新完結這場南亞美食之旅，喺這種炎炎夏日中，真係解渴又解膩🍮。實話實講，小店雖然不起眼，但佢個“物超所值”嘅平民美食，絕對係隱藏嘅美食寶藏！落區要留意吓，搵食寶兜住轉，支持下地道小店，仲可以捧個肚回家！🍴✨🏠

【葵青區】【Ali 爸爸餐廳】之前走咗上嚟葵盛東搵嘢食，咁我自己就食咗碗麵先走，其實我仲買咗啲零食走。不過我想講嘅唔係物質上有啲咩拎走咗，而係想講我喺度發現咗一間巴基斯坦菜嘅餐廳，佢好似印度菜咁，都係食嗰啲差唔多嘅嘢。發現新大陸第一時間就梗係話畀朋友知，佢都大感興趣，於是過幾日就真係走咗去食。首先一人叫一個「優惠套餐」share 食，一個係 $90 嘅「咖喱羊燴薯仔」配「白飯」，一個係 $75 嘅「腰果醬燴雞」配「芝士烤餅」。前者略嫌平庸，白飯亦都唔係印度飯。後者幾有驚喜，腰果醬香濃之餘，雞亦都整得幾好。加上烤餅都好厚實，加入芝士之後口感更綿密，而且仲做到港女至愛嘅「拉絲」效果。如果有下次，我估我會再叫返呢個烤餅嚟食。之後見到啲「廚師秋冬推介」都幾抵食，幾方便我哋呢啲乜都想試吓嘅顧客。我哋要兩件「鐵板燒烤龍脷魚柳」，今次加「洋葱烤餅」，價錢 $55。個魚柳燒到外面少少脆，裡面就好嫩滑，功架十足，係真係得喎。反而個烤餅配洋葱就略嫌爭咁啲味，洋葱係夠，只係之前嗰塊芝士太邪惡，冇計。另外又叫咗份都係兩件嘅「鐵板串燒烤雞柳」，今次唔加嘢就 $35，佢哋整嘅雞我覺得都係幾好食，唔同我哋平時食開咁

咖喱鷄燜薯仔 $44Chicken Curry With Potato咖喱羊肉燜薯仔 $55Lamb Curry With Potato印度薄餅Naan 🫓烤得唔錯，好煙韌！雜菜咖喱角係咪指要自己蘸咖喱汁🤣？因為入面得雜菜。咖喱唔算好香，雞肉一般、羊肉夠嫩而且唔羶。飲品Drinks: 芒果乳酸Mango Lassi +$15 乳酸味足夠，芒果味就….Masala Tea +$8唔算好香，比較淡！無糖百事可樂Pepsi +$0

午飯時間喺葵盛東商場搵食，路過見到呢間Ali爸爸好似好正宗😂好耐冇食過印度咖哩，又見到有媽媽帶住個女食緊，估計係街坊，老細又好招呼識講流利廣東話，咁就入去試試佢啦。我哋兩個人叫咗個咖哩牛腩燜薯仔同一個咖喱雞燜薯仔，兩份都可以免費揀烤餅唔要白飯。個餐仲包左兩隻咖喱角同一罐汽水，學生價好抵。怕辣嘅仲可以同老細講唔要辣。個烤餅好軟熟熱辣辣，好香。我點晒所有咖喱，成盤清晒。比較起上嚟，我鍾意雞多過牛腩👍

第一次叫外賣，打開盒拎起kebab 係凍嘅，諗住可能係外面凍咗jie…一口咬落去，都係凍嘅，食咗半條，都係凍的。。。Chicken roll kebab由內到外都係凍嘅。。。No next time

無諗過用到咁抵嘅價錢可以食到咁平有質素嘅午餐，有咖哩雞，仲要冇味精嘅精華飲曬都唔會頸渴，有咖哩角，仲有包飲品物超所值，仲可以加錢加小食我就加咗十蚊有四隻嘅咖哩角本身跟餐都有兩隻，喺呢個唔開心嘅疫情可以增加一点喜悅，除咗咖哩雞佢個午餐仲有咖哩魚、咖哩羊、咖哩牛，仲有炸雞髀添，最令我開心嘅仲可以加十蚊有其他小食啱曬我呢啲大胃王，如果你唔想食飯，佢仲可以轉印度薄餅，個薄餅口感係出面係脆入面係軟，真係好少地方可以食

近日天氣開始轉涼, 又係時間食啲暖肚嘢嘅時候喇。今次我去咗間少數族裔開嘅店舖食午餐, 我叫咗個咖哩牛腩套餐, 套餐包括咖哩牛腩配白飯或原味烤餅、咖喱角及飲品。沾上啲咖哩汁飲送飯一絕。咖哩汁同坊間啲咖哩完全唔同, 咖哩汁比較偏紅, 我原本仲以為佢好辣添, 但食落原來尚算可以接受, 應該係小小辣嘅啫咖哩角上碟仲好脆口, 一口咬落去索索聲,味道唔錯😊而係價錢方面, 咁多樣嘢加埋一齊都只係50蚊, 十分超值實惠ps 店內嘅職員相當好客, 仲會主動介紹餐牌上嘅食物畀我知

瑪莎拉燒雞(小辣)配薄餅咖喱薯仔雞(小辣)配薄餅 咖哩可選大,中,小辣瑪莎拉比普通咖喱加多左蕃茄, 味道特別, 好好食，非常推介！所以有對比之下就顯得咖喱薯仔雞較為普通。2款咖喱都主要食個醬，雞就普通有少少鞋薄餅分量好多，每個咖喱配一大塊（分2件）

這間好多人讚，但係唔知地點嘅食肆，終於去尋找到了。之前睇人介紹過，話好鬼死正，一試之下，嘩嘩嘩，真係好好好正喎。試在三樣嘢食，咖喱牛燴薯仔，鐵板烤羊架配原味薄餅。驚太辣得滯，所以叫少辣，嚟到一聞就好香嘅香料加辣味，但食落又唔太辣，真係好合適我唔食得太辣，但又想食少少嘅人。至於羊架呢，又係好味到死嘅，肉質冧軟，配薄餅食一流。值得一提，係佢哋價錢大衆化，水準一流。

These foods are so good and delicious, it really fit the HongKongers tummy.平時同屋企人都會叫2人套餐，因為4個人食都焯焯有餘。我最鐘意食佢嘅炸雜菜，因為真係好好食😂通常街邊得炸洋蔥（食完有少少口臭就唔洗講），佢依到嘅都好新鮮，好好食。羊架都好好食架，好冧又唔so~芒果乳酪都好好飲，唔係死甜。So far 個師傅整嘅嘢食都好好味，雖然屋村嚟講大家都想食平靚正嘅茶餐廳，但係ali爸爸提供另類嘅食物俾街坊，希望佢可以長做長有！

我係中午後一個人專程到來光顧, 簡單叫個咖哩雞炆薯仔午餐, 跟白飯, 飲品選芒果汁(紙包裝). 咖哩正宗好味開胃, 我叫大辣但都唔算好辣.  雞肉無骨, 不算滑但我反而喜歡有口感. 份量超足夠, 食到好飽. 個巴藉女仔服務態度很有禮貌, 有笑容.屋邨小店, 用心經營, 值得支持.一定再來.

第一次食佢個瑪莎拉燒雞。就已經覺得好好食！有驚喜！食到想加白飯😂雖然係屋村商場。但完全唔係hea你。用心制作。值得一試。再試😋😋同埋員工都好nice 呀！！！

經上次食過之後，今日雖然無得去餐廳食，但我老公叫了外賣回家比我食，簡直開心到呢😍今日叫左咖喱羊肉、瑪莎拉燒雞，水準依然ok首先講咖喱羊肉，咖喱香料好香，羊肉炆得夠林，當然我係愛食羊肉之人，羊肉有香酥味一流瑪莎拉燒雞竟然有意外驚喜。係整得好嫩滑，再加洋蔥絲同“秘製”醬料一齊食，竟然超好味啊！個醬既味係似淡檸檬加少少cream cheese，呢個菜值得介紹今日總結黎講相當滿意，唔食得太咸味既我，呢間巴基斯坦菜唔咸，佢地應該係無用味精，食完會有香料既aftertaste而且唔太口渴