Amica

营业中

休息中

約左朋友，自己又早大一出門口決定搵間鋪坐底飲下野。結果攪到趕頭趕命，完全冇諗過要等一杯野飲要等成個鐘，唔話cut單唔到。當日唔多人場內只要四枱客。除左叫熱飲其他人都係吹凍飲未上。店員解釋「凍飲係要等下，唔會咁快有」但絕對冇諗過要等一個鐘。叫我梳打冇氣唔凍都算。店員徒手拎住支飲管頭係我面前插落禁飲........食物方面係好食，美觀。上菜都好快。特別係香蕉拖肥批，真係好好味。但如果要咁等飲品，同趕住收工式執枱。其實都ok。

見呢間餐廳咁多好評就同家姐過嚟撐吓枱腳啦。呢度空間感十足坐得係相當舒服，我哋叫咗個Parma ham pizza味道唔錯，醬汁芝士都算多，不過餅底就唔夠脆。另外set dinner有青汁大蝦意粉、餐包同南瓜湯加杯柚子蜜，意粉幾好食大蝦夠彈牙，其他正正常常啦！最後甜品朱古力香蕉waffle，欣賞佢個香蕉係用焦糖燒過，窩夫質感ok小小脆啦！整體而言佢價錢算係抵食嘅，份量亦算多，但係食物質素就一般般，可能期望太大啦！

去開始創，想舒舒服服食個西餐，自自然然行上去Amica。這間餐廳已經食過幾次，基本上每次都滿意，諗吾到今次就有d失望啦。望住個午餐餐牌，見到有些新菜式，當然要試下新野啦。擇左個豬肉絲枕頭包（只是大概名字，吾多記得餐牌點寫）。之前試過午餐係度食三文治，份量好大，所以前菜吾敢要湯，怕飲完湯已飽，要左個沙律。沙律係正常，幾種生菜配olive oil。等左一陣，個包出現。一如所料，份量係吾細，仲好薯角做配菜。為方便食，將個包一分為二，用手直接攞起食。本以為個包會有些脆口，點知無，而且豬肉絲有些醬，整到個包下面個層濕左軟晒。最弊係d肉，好鞋，興地有d似煲完湯的豬肉。佢同d醬煮過，但幫吾到好多。努力食左半份包，剩低半份只食包吾食肉。第日再來一定吾再包。

試過一次下午茶餐發現有難得見到嘅酸種麵包，所以坐低試吓，果然好正，價錢好實惠！ 今日再試午餐，發現材料好特別，意粉不用一般的白汁或茄汁而是昆布麵豉醬汁，三文魚大大塊都只是$88，另一款鴨肉飯是酸酸甜甜的味道好好味！餐具放置地方好衞生，服務態度好殷勤，坐位好舒服可輕鬆慢慢嘆上一杯香濃咖啡，不會有趕人快點完餐的感覺，整體餐廳水準是超出一般商場中的連鎖餐廳表現，下次可再試他們的甜品，感覺有酒店餅廚的水準！

平時都唔想去太多人好迫嘅食肆，何況宜家呢。呢間店有空間感，坐位舒服環境乾淨，價錢合理我個人去西餐廳都係只會叫牛扒，呢個西冷煎旦配醋汁沙律只需百幾蚊，賣相真係幾好，肉汁一般視乎生熟程度，我食開七成只要佢唔係多血我都ok，雖然七成熟，但唔鞋唔韌。對於怕旦腥味嘅我，呢個太陽旦絕無腥味，可以完全食到如果唔太肚餓，呢個軟殼蟹沙律真推介，佢嘅蟹真係真係真係好大隻又好味，又唔會太油，加上沙律菜又新鮮，真心推介！午餐只包一般餐飲，但轉飲咖啡要加十幾蚊，可能佢係咖啡機沖，所以貴啲，但朋友話ok好飲約朋友短聚食飯傾偈黎呢度真不錯

今天是我的生日，跟朋友吃了午飯，Honey就接我吃生日甜品。我記得經過始創中心三樓，有一間佈置得雅緻的西餐廳，所以，特意今天來試試。沒有下午茶餐，甜品是A LaCarte，但價錢不太貴。Honey替我點了兩款甜品：香蕉窩夫配雪糕和拿破崙蛋糕香蕉窩夫配雪糕 $68賣相雖然一般，但是窩夫好鬆軟。而且上面是軟軟的忌廉，暖暖的，還有一層泡泡，好creamy。拿破崙蛋糕 $42還以為真的是蛋糕……但其實是三層pastry。薄薄的酥皮，中間夾著忌廉、士多啤梨和吉士醬，賣相好靚！而且，好好味！忌廉和吉士不太甜，士多啤梨非常新鮮，細細粒，但甜。另外，我們又散叫了兩杯咖啡：Flat White $34 和薄荷咖啡 $36薄荷咖啡是餐牌上没有，侍應生說可以特別製的。這裏環境雅緻，連客人都非常安靜，細細聲的談天。環境好舒服，而且服務員態度好好，殷勤服務，有禮！Very Good Experience....我一定會再來的！ I have a wonderful Birthday Teatime

今日送埋堂細佬最後一程，諗住求其搵啲嘢食吓，老婆叫咗個燒鷄聖誕大餐，我冇咩祈望，是但叫咗個西冷。平均每人唔使$200 ，但竟然有驚喜！地方幽靜，侍應又多。祇是大部份枱都訂曬，但坐到1:00 都仲有位。

Weekdays 下午去太子行街行到攰，就入咗呢間cafe 食個tea，順便休息下。Tea set價錢唔算貴，可惜質素一般，食物亦冇乜驚喜，不過經過入去試吓都ok嘅。.兩杯餐飲都點咗蘋果汁，不過份量真係非常少，唔太推薦.雪糕西多士$68西多士ok好食，唔會好油之餘，都冇整到冧曬，暖暖哋嘅西多士配冰凍雪糕，口感豐富，整體略甜～.吉列魚柳配薯角 $58呢個麻麻哋，吉列魚柳炸得太乾，炸粉有d厚硬，而薯角就正正常常。

到旺角辦事選擇餐廳好挑剔，又想好坐，又想服務親切，最緊要係環境整潔，疫情下希望食得安心，希望呢啲有❤️嘅餐廳能在艱難時期中站穩住腳。好喜歡呢度嘅咖啡，記得開張不久第一次來係飲佢哋嘅piccolo，就係噉而對佢哋杯啡念念不忘，當時覺得食物方面係有好大嘅進步空間。越來越感覺到佢哋嘅進步，員工之間相處氣氛好有喜樂，讓坐席的客人亦同時受這氣氛感染。下午茶時段的T7相當吸引，吉列豬扒炸得剛好，外脆內有肉汁，肉身仍然保持鮮嫩淋身同時有質感。午餐餐牌比較喜歡呑拿魚牛油果🥑扒三文治🥪三文治同時有脆，暖，軟的口感。餡料除呑拿魚牛油果🥑還配厚切蕃茄🍅和青菜🥬，清新又健康。咖啡☕️ 今日妹妹拉了一個天鵝🦢，小心翼翼的送來，謙虛有禮，勤奮的工作態度，值得讚許。

出到旺角揀枕頭，揀完就上商場3樓食個西餐。餐廳分內外兩邊，唔係正餐時間入席，人唔算太多。我同朋友兩個叫左個意粉同漢堡佢個餐包唔係一般餐廳既軟包，略硬，用佢配個醬搽麵包幾好食😂其次上既湯，南瓜湯，正正常常，份量岩岩好👍🏻首先黎既係香煎盲曹配香草茄汁意粉，一般餐廳可能都係用三交魚/ 魚柳整意粉，好少見餐廳用盲曹黎整，又幾得意幾新鮮！茄汁意粉酸酸甜甜，幾開胃！無幾耐就上左炭燒菠蘿配美國穀飼肉眼配竹炭漢堡包，呢個包既等候時間較長，肉眼唔錯，多肉汁！另一個幾特別既點係，佢既漢堡係無醬，可能食慣有少少醬既漢堡，今次試到無醬汁，但多肉汁既漢堡好特別！味道唔錯！

This day, I went to the Prince's Western Restaurant Amica with my friends, which is famous for afternoon tea, but the dinner is also goodThere were also many customers after I arrived. Maybe it was Friday. We ordered the charcoal grilled Australian sirloin steak, M8 Australian Wagyu cheese and bacon burger. I heard that they are all cooked by hotel-level chefs. Carnivores must loveThe charcoal grilled Australian sirloin grilled meat is fragrant and well cooked. It tastes really good and the port

太子西餐抵食之選喺始創中心行街睇傢俬，先發現原來3樓都有好多唔同嘅食肆，見到呢間西餐廳裝修雅致，價錢大眾化，一於食完野再行。三道菜晚餐由$78起，加埋甜品都只係加$20，高性價比。頭盤餐飽大眾化，但佢嘅牛油唔係普通牛油，係香草牛油，特別濃特別香，即刻將個包水平提升左。蟹肉南瓜意大利飯，蟹肉同意大利飯同一個顏色，差啲以為唔係好多蟹肉，一路食一路食到啲蟹肉同飯一齊，先發現蟹肉份量都唔少，佢哋嘅意大利飯唔算好硬，比較啱香港人口味。蘆筍大蝦配蕃茄汁意粉，有四隻大蝦，蝦肉又結實又彈牙，Size好大隻，蕃茄意粉唔會太酸。佢哋兩個煮食份量都好多，食到有啲飽，所以最終冇加錢買甜品，啲服務好好，好有高級餐廳水平。

週末約咗閨蜜一早去旺角shopping，行吓行吓嚟咗呢個商場，原來已經差唔多一點，有啲肚餓，見到呢間餐廳都幾吸引，閨蜜同我就決定入去試吓。佢有Set Brunch, 我哋叫咗兩個share嚟食。 $98嘅Spaghetti alla Norma with spinach菠菜諾馬斯意粉，同埋$138嘅seafood risotto with crab meat basil tomato sauce 海鮮意大利飯配蟹肉羅勒番茄汁。加$18可配Soup of the day，今日係番茄湯。蕃茄湯同餐包先上，熱辣辣，湯裡面有很多蕃茄及蔬菜，蕃茄香味濃。海鮮意大利飯裏面有青口、大蝦及以海鮮湯烹煮，唔錯。菠菜意大利粉係用蕃茄醬煮，意粉煮得岩岩好，都有幾多茄子，感覺健康。仲免費包一個餐飲，可以揀檸檬水、熱檸茶、柚子蜜，咖啡就要另外加多$18。

鬧市中CP值高的西餐🍽小清新的裝潢、牛肉羊扒都很出色，菜式成功突出了肉類的風味。▸ 南瓜湯🎃秋風起南瓜當造，香濃幼滑▸ 紅酒燜牛頰肉意大利粉一上菜以為係牛展，其實係牛頰肉，每片肉上都有透明的筋絡，超重牛味之餘口感亦非常軟稔，伴有好多菇菇同車厘茄既意大利麵，一個濃郁一個清新的配搭令整個意粉很平衡🥰▸ 炭燒羊西冷扒配薯角時蔬其實我們兩個女生吃完意粉已經有點小飽，想不到這份羊西冷的份量也很多！羊西冷下伴有奶香重的薯蓉，口感棉密🥰羊西冷我們點了7成熟，外表上色靚，內裏肉質嫩，吃羊有時很怕羶味，但這塊沒有，只留了羊肉的香氣 🥰埋單$370 環境安靜舒適，枱同枱之間有足夠空間，係一個可以同朋友靜靜傾計，享受美食的好地方

因為工作關係去左始創，發現左有間西餐廳，不過午餐時間勁多人！於是約埋同事放工食，味道都幾驚喜！💖🎃南瓜湯夠晒杰身，唔會稀，南瓜味好濃💖餐包就一般，但個牛油勁香！🍝燘牛頰肉意粉好驚喜！一定要叫，好好食，意粉汁好惹味😋牛頰肉嫩滑，牛肉味好出好濃🤩個樣勁似牛𦟌，但超滑。炭燒羊西冷配薯蓉薯蓉係我鐘意果隻，有奶味。羊有少少騷，不過正常可接受，唔會煮到過火侯😎七成熟，幾正！叫埋杯檸茶，又飽又滿足，埋單$370，超抵，性比價高！💖服務又好，環境又舒服😃推薦！